31978L0317

Id-Direttiva tal-Kunsill

tal-21 ta’ Diċembru 1977

dwar l-approssimazzjoni tal-liġijiet ta’ l-Istati Membri dwar is-sistemi li jneħħu s-silġ u ċ-ċpar ta’ uċuh bil-ħġieġ ta’ vetturi bil-mutur

(78/317/KEE)

IL-KUMMISSJONI TAL-KOMUNITAJIET EWROPEJ,

Wara li ikkunsidrat it-Trattat li jistabbilixxi il-Komunità Ekomomika Ewropea, u partikolarment l-Artikolu 100 tiegħu,

Wara li ikkunsidrat il-proposta mill-Kummissjoni

Wara li ikkunsidrat l-opinjoni tal-Parlament Ewropew [1],

Wara li ikkunsidrat l-opinjoni tal-Kumitat Ekonomiku u Soċjali [2],

Billi l-ħtiġiet tekniċi li l-vetturi bil-mutur għandhom jissoddisfaw taħt liġijiet nazzjonali jirrelataw inter alia mas-sistemi li jneħħu s-silġ u ċ-ċpar mill- l-uċuh bil-ħġieġ tal-vetturi bil-mutur

Billi dawn il-ħtiġiet huma differenti minn Stat Membru għall-ieħor; billi għalhekk huwa neċessarju illi l-Istati Membri kollha jadottaw l-istess ħtiġiet, jew flimkien ma’ jew minflok ir-regoli eżistenti biex, partikolarment, jippermettu li l-proċedura ta’ l-approvazzjoni tat-tip tal-KEE, li kien is-suġġett tad-Direttiva tal-Kunsill 70/156/KEE tas-6 ta’ frar 1970 dwar l-approssimazzjoni tal-liġijiet ta’ l-Istati Membri dwar l-approvazzjoni tat-tip tal-vetturi bil-mutur u l-karrijiet tagħhom [3] kif emendata mid-Direttiva 78/315/KEE [4] tiġi introdotta għal kull tip ta’ vettura;

Billi huwa rikmandabbli li jiġu abbozzati l-ħtiġiet tekniċi sabiex ikollhom l-istess skop bħax-xogħol li qed isir dwar is-suġġett fil-Kummissjoni Ekonomika għall-Ewropa tan-NU;

Billi dawn il-ħtiġiet japplikaw għall-vetturi bil-mutur fil-kategorija M1 (il-klassifikazzjoni internazzjonali tal-vetturi bil-mutur tinsab fl-Anness I tad-Direttiva 70/156/KEE);

Billi l-approssimazzjoni tal-liġijiet nazzjonali dwar il-vetturi bil-mutur titlob ir-rikonoxximent reċiproku mill-Istati Membri tal-verifiki li jsiru minn kull wieħed minnhom fuq bażi tal-ħtiġiet komuni.

ADOTTA DIN ID-DIRETTIVA:

Artikolu 1

Għall-iskopijiet ta' din id-Direttiva, "vettura" tfisser kull vettura bil-mutur fil-kategorija M1 (kif definit fl-Anness I tad-Direttiva 70/156/KEE) maħsuba għall-użu fit-triq, li għandha għall-inqas erba' roti u veloċità massima ddisinjata ta' aktar minn 25 km fis-siegħa.

Artikolu 2

L-ebda Stat Membru ma jista' jirrifjuta li jagħti approvazzjoni tat-tip tal-KEE jew approvazzjoni tat-tip nazzjonali ta' vettura għal raġunijiet relatati mas-sistemi li jneħħu s-silġ u ċ-ċpar mill-uċuh bil-ħġieġ tagħha jekk dawn jissoddisfaw il-ħtiġiet stipulati fl-Annessi I, II, III, IV u V.

Artikolu 3

L-ebda Stat Membru ma jista' jirrifjuta jew jipprojbixxi l-bejgħ,ir-reġistrazzjoni, id-dħul fis-servizz jew l-użu ta' xi vettura għal raġunijiet relatati mas-sistemi li jneħħu s-silġ u ċ-ċpar mill-uċuh bil-ħġieġ i tagħha jekk dawn jissoddisfaw il-ħtiġiet fl-Annessi I, II, III, IV u V.

Artikolu 4

L-Istat Membru li jkun ta l-approvazzjoni tat- tip għandu jieħu l-miżuri neċessarji sabiex jiżgura li jiġi nfurmat dwar kull modifika ta’ parti jew karatteristika msemmija f’2.2 ta’l-Anness I. l-awtoritajiet kompetenti ta' dak l-Istat għandhom jiddeterminaw jekk huwiex neċessarju li jsiru testijiet oħra fuq it-tip ta' vettura mmodifikata u li jippreparaw rapport ġdid. Jekk dawn it-testijiet juru li l-ħtiġiet ta' din id-Direttiva ma ġewx soddisfatti, il-modifika ma għandhiex tiġi awtorizzata.

Artikolu 5

Kull emenda neċessarja biex jiġu adattati l-ħtiġiet fl-Annessi I, II, III, IV, V u V għall-progress tekniku għandha tiġi adottata skond il-proċedura stabbilita fl-Artikolu 13 tad-Direttiva 70/156/KEE.

Madankollu, din il-proċedura ma għandhiex tapplika għal emendi li jintroduċu ħtiġiet għal sistemi li jneħħu s-silġ u ċ-ċpar mill-uċuh bil-ħġieġ i ħlief dawk tal-windscreens.

Artikolu 6

1. L-Istati Membri għandhom iġibu fis-seħħ id-disposizzjonijiet neċessarji sabiex jikkonformaw ma' din id-Direttiva fi żmien 18-il xahar min-notifika tagħha u għandhom jinfurmaw lill-Kummissjoni minnufih b'dan.

2. L-Istati Membri għandhom jiżguraw li t-testi tad-disposizzjonijiet ewlenin tal-liġi nazzjonali li jaddottaw fil-qasam kopert minn din id-Direttiva jiġu kkomunikati lill-Kummissjoni.

Artikolu 7

Din id-Direttiva hija indirizzata lill-Istati Membri.

Magħmula fi Brussel, il-21 ta’ Diċembru 1977.

Għall-Kunsill

Il-President

J. Chabert

[1] ĠU N L 118, 16. 5. 1977, P. 33.

[2] ĠU N L 114, 11. 5. 1977, P. 9.

[3] ĠU N L 42, 23. 2. 1970, P. 1.

[4] ara paġna 1 ta’ dan il-Ġurnal Uffiċjali

--------------------------------------------------

LISTA TA’ ANNESSI

Anness I | Kamp ta' applikazjini, definizzjonijiet, applikazzjoni għal approvazzjoni tat-tip tal-KEE, approvazzjoni tat- tip tal-KEE, ħtiġiet speċifiċi, proċedura tat-test |

Anness II: | Proċedura biex jiġi determinat il-punt H u l-angolu attwali tad-dahar tas-sedil u biex jiġu verifikati l-posizzjonijiet relativi tal-punti R u H u r-relazzjoni bejn l-angolu tad-dahar tas-sedil fid-disinn u l-angolu attwali tad-dahar tas-sedil |

Anness III: | Metodu biex tiġi determinata r-relazzjoni dimensjonali bejn il-marki ta' riferenza primarji tal-vettura u l-grid ta' riferenza tri-dimensjonali |

Anness IV: | Proċedura biex jiġu determinati żoni tal-vista fil-windscreens tal-vetturi fil-kategorija M1 vetturi b'rapport mal-punti V |

Anness V: | Ġeneratur ta’l-istim |

Annex VI: | Anness għaċ-ċertifikat ta' l-approvazzjoni tat-tip ta' vettura fir-rigward tas-sistemi li jneħħu s-silġ u ċ-ċpar |

--------------------------------------------------