This document is an excerpt from the EUR-Lex website
Document 31977D0585
77/585/EEC: Council Decision of 25 July 1977 concluding the Convention for the protection of the Mediterranean Sea against pollution and the Protocol for the prevention of the pollution of the Mediterranean Sea by dumping from ships and aircraft
Id-Deċiżjoni tal-Kunsill tal-25 ta’ Lulju 1977 li tikkonkludi l-Konvenzjoni għall-protezzjoni tal-Baħar Mediterran mit-tniġġiż u l-Protokoll għall-prevenzjoni tat-tniġġiż tal-Baħar Mediterran bir-rimi ta’ l-iskart minn bastimenti u vetturi ta’ l-ajru
Id-Deċiżjoni tal-Kunsill tal-25 ta’ Lulju 1977 li tikkonkludi l-Konvenzjoni għall-protezzjoni tal-Baħar Mediterran mit-tniġġiż u l-Protokoll għall-prevenzjoni tat-tniġġiż tal-Baħar Mediterran bir-rimi ta’ l-iskart minn bastimenti u vetturi ta’ l-ajru
ĠU L 240, 19.9.1977, p. 1–34
(DA, DE, IT, NL) Dan id-dokument ġie ppubblikat f’edizzjoni(jiet) speċjali
(ES, PT, FI, SV, CS, ET, LV, LT, HU, MT, PL, SK, SL, BG, RO, HR)
ĠU L 240, 19.9.1977, p. 1–2
(EN, FR)
In force
ELI: http://data.europa.eu/eli/dec/1977/585/oj
Official Journal L 240 , 19/09/1977 P. 0001 - 0002
Finnish special edition: Chapter 11 Volume 3 P. 0176
Spanish special edition: Chapter 15 Volume 2 P. 0003
Swedish special edition: Chapter 11 Volume 3 P. 0176
Portuguese special edition Chapter 15 Volume 2 P. 0003
Id-Deċiżjoni tal-Kunsill tal-25 ta’ Lulju 1977 li tikkonkludi l-Konvenzjoni għall-protezzjoni tal-Baħar Mediterran mit-tniġġiż u l-Protokoll għall-prevenzjoni tat-tniġġiż tal-Baħar Mediterran bir-rimi ta’ l-iskart minn bastimenti u vetturi ta’ l-ajru (77/585/KEE) IL-KUNSILL TAL-KOMUNITAJIET EWROPEJ, Wara li kunsidra t-Trattat li jistabbilixxi l-Komunità Ekonomika Ewropea, u b’mod partikolari l-Artikolu 235 tiegħu, Wara li kunsidra l-proposta mill-Kummissjoni, Wara li kunsidra l-opinjoni tal-Parlament Ewropew [1] Billi l-Artikolu 24 tal-Konvenzjoni dwar il-protezzjoni tal-Baħar Mediterran mit-tniġġiż jipprovdi illi l-Konvenzjoni u l-Protokolli li għandhom x’jaqsmu magħha għandhom ikunu miftuħa għall-firma mill-Komunità Ekonomika Ewropea; Wara li kunsidra d-dikjarazzjoni tal-Kunsill tal-Komunitajiet Ewropej u tar-rappreżentanti tal-Gvernijiet ta’ l-Istati Membri mlaqqgħin fil-Kunsill fit-22 ta’ Novembru 1973 dwar il-programm ta’ azzjoni tal-Komunitajiet Ewropej dwar l-ambjent [2]; Billi dak il-programm jenfasizza fost ħwejjeġ oħra l-fatt illi t-tniġġiż tal-baħar jaffettwa l-Komunità kollha, kemm minħabba r-rwol essenzjali li l-baħar għandu fil-preservazzjoni u l-iżvilupp ta’ l-ispeċji u minħabba l-importanza tat-trasport bil-baħar għall-iżvilupp ekonomiku armonjuż tal-Komunità. Billi, barra minn hekk, il-programm ta’ azzjoni riferit hawn fuq u d-Direttiva tal-Kunsill 76/464/KEE ta’ l-4 ta’ Mejju 1976 dwar it-tniġġiż ikkawżat minn ċerti sustanzi perikolużi skarigati fl-ambjent marin tal-Komunità [3] jipprovdu illi jridu jiġu implimentati ċerti miżuri mill-Komunità sabiex jitnaqqsu t-tipi varji ta’ tniġġiż tal-baħar. Billi l-Konvenzjoni dwar il-protezzjoni tal-Baħar Mediterran mit-tniġġiż tipprovdi b’mod partikolari illi jiġu adottati miżuri xierqa sabiex jipprevenu u jnaqqsu t-tniġġiż ikkawżat mir-rimi ta’ l-iskart mill-bastimenti u l-vetturi ta’ l-ajru, t-tniġġiż li jirriżulta mill-esplorazzjoni u l-isfruttament tal-blata kontinentali, mill-qiegħ tal-baħar u t-tniġġiż minn sorsi bażati fuq l-art; Billi l-Artikolu 23 tal-Konvenzjoni jipprovdi illi l-ebda parti ma tista’ ssir Parti Kontraenti tagħha għajr jekk fl-istess ħin issir Parti Kontraenti ta’ mill-inqas wieħed mill-Protokolli u illi l-ebda parti ma tista’ ssir Parti Kontraenti ta’ Protokoll għajr jekk tkun, jew issir fl-istess ħin, Parti Kontraenti tal-Konvenzjoni; Billi jidher meħtieġ għall-Komunità li tikkonkludi din il-Konvenzjoni u l-Protokoll dwar il-prevenzjoni tat-tniġġiż tal-Baħar Mediterran dwar ir-rimi ta’ l-iskart mill-bastimenti u mill-vetturi ta’ l-ajru sabiex jinkiseb, fil-kors tal-ħidma tas-suq komuni, wieħed mill-għanijiet tal-Komunità fil-qasam tal-protezzjoni ta’ l-ambjent u tal-kwalità tal-ħajja; billi, barra minn hekk ma hemm l-ebda dispożizzjoni fit-Trattat għall-poteri meħtieġa għal dan il-fini; Billi l-Konvenzjoni u l-Protokoll imsemmi kienu firmati f’isem il-Komunità fit-13 ta’ Settembru 1976, IDDEĊIEDA KIF ĠEJ: Artikolu 1 Huma hawnhekk konklużi f’isem il-Komunità Ewropea l-Kovenzjoni dwar il-protezzjoni tal-Baħar Mediterran mit-tniġġiż u l-Protokoll dwar il-prevenzjoni tat-tniġġiż tal-Baħar Mediterran kagun ta‘ rimi ta’ skart minn bastimenti u vetturi ta’ l-ajru. It-testi tal-Konvenzjoni u tal-Protokoll huma annessi ma’ din id-Deċiżjoni. Artikolu 2 Il-President tal-Kunsill tal-Komunitajiet Ewropej għandu f’isem il-Komunità Ekonomika Ewropea jiddepożita l-att li jikkonkludi l-Konvenzjoni provdut fl-Artikolu 25 tiegħu [4]. Magħmula fi Brussell, fil-25 ta’ Lulju 1977. Għall-Kunsill Il-President H. Simonet [1] ĠU Nru C 259, ta’ l-4.11.1976, p. 42. [2] GU Nru C 112, 20.12.1973, p. 1. [3] GU Nru L 129, 18.5.1976, p. 23. [4] Id-data tad-dhul fis-sehh tal-Konvenzjoni u l-Protokoll ghandha tkun pubblikata mis-Segretarjat Generali tal-Kunsill fil-Gurnal Ufficjali tal-Komunitajiet Ewropej --------------------------------------------------