31972L0430

Id-Direttiva Tal-Kunsill

li tad-19 ta’ Diċembru 1972

temenda d-Direttiva tal-Kunsill 72/166/KEE ta’ l-24 ta’ April 1972 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ assigurazzjoni kontra responsabbiltà ċivili fir-rigward l-użu ta’ vetturi bil-mutur u l-infurzar ta’ l-obbligu ta’ assigurazzjoni kontra din ir-responsabbiltà

(72/430/KEE)

IL-KUNSILL TAL-KOMUNITAJIET EWROPEJ,

Wara li kkunsidra t-Trattat ta’ l-Adeżjoni ta’ Stati Membri ġodda fil-Komunità Ekonomika Ewropea u mal-Komunità Atomika Ewropea [1], iffirmat fi Brussel, nhar it-22 ta’ Jannar 1972, u partikolarment l-Artikolu 153 ta’ l-Att anness miegħu,

Wara li kkunsidra l-proposta mill-Kummissjoni,

Billi wara t-tkabbir tal-Komunità n-numru ta’ bureaux nazzjonali kkunsidrati fid-Direttiva tal-Kunsill 72/166 [2] ta’ l-24 ta’ April 1972 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ assigurazzjoni kontra responsabbiltà ċivili fir-rigward ta’ l-użu ta’ vetturi bil-mutur, u l-infurzar ta’ l-obbligu ta’ assigurazzjoni kontra din ir-responsabbilità żdiedu minn sitta għal disgħa, u jeħtieġ aġġustament għal dik id-Direttiva;

ADOTTA DIN ID-DIRETTIVA:

L-Artikolu 1

Id-Direttiva tal-Kunsill 72/166 għandha tkun emendata kif ġej: Dan li ġej għandu jkun issostitwit għall-kliem ta’ l-Artikolu 2, [3] l-ewwel inċiż: "Wara li ftehim ikun ġie konkluż bejn id-disa’ bureaux nazzjonali ta’ assiguraturi permezz tal-kondizzjonijiet li dwarhom kull bureau nazzjonali jiggarantixxi t-twettiq, bi qbil mad-dispożizzjonijiet ta’ liġi nazzjonali dwar l-assigurazzjoni obbligatorja, ta’ talbiet fir-rigward ta’ inċidenti li jseħħu fit-territorju tiegħu, ikkaġunati minn vetturi normalment ibbażati fit-territorju ta’ Stat Membru ieħor, kemm jekk dawk il-vetturi jkunux assigurati jew le;."

L-Artikolu 2

Din id-Direttiva għandha tidħol fis-seħħ ma’ l-Adeżjoni ta’ l-Istati Membri ġodda mal-Komunitajiet Ewropej.

Din id-Direttiva hija indirizzata lill-Istati Membri.

Magħmula fi Brussel, fid-19 ta’ Diċembru 1972.

Għall-Kunsill

Il-President

T. Westerterp

[1] ĠU L 73, tas-27.3.1972, p. 1.

[2] ĠU L 103, tat-2.5.1972, p. 1.

[3] ĠU L 103, tat-2.5.1972, p. 1.

--------------------------------------------------