This document is an excerpt from the EUR-Lex website
Document 22024D3032
Decision of the EEA Joint Committee No 228/2024 of 23 September 2024 amending Protocol 47 to the EEA Agreement, on the abolition of technical barriers to trade in wine [2024/3032]
Deċiżjoni tal-Kumitat Konġunt taż-ŻEE Nru 228/2024 tat-23 ta’ Settembru 2024 li temenda l-Protokoll 47 tal-Ftehim ŻEE, dwar l-abolizzjoni ta’ ostakoli tekniċi għall-kummerċ fl-inbid [2024/3032]
Deċiżjoni tal-Kumitat Konġunt taż-ŻEE Nru 228/2024 tat-23 ta’ Settembru 2024 li temenda l-Protokoll 47 tal-Ftehim ŻEE, dwar l-abolizzjoni ta’ ostakoli tekniċi għall-kummerċ fl-inbid [2024/3032]
ĠU L, 2024/3032, 19.12.2024, ELI: http://data.europa.eu/eli/dec/2024/3032/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Il-Ġurnal Uffiċjali |
MT Is-serje L |
|
2024/3032 |
19.12.2024 |
DEĊIŻJONI TAL-KUMITAT KONĠUNT TAŻ-ŻEE Nru 228/2024
tat-23 ta’ Settembru 2024
li temenda l-Protokoll 47 tal-Ftehim ŻEE, dwar l-abolizzjoni ta’ ostakoli tekniċi għall-kummerċ fl-inbid [2024/3032]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,
Billi:
|
(1) |
Ir-Regolament ta’ Implimentazzjoni tal-Kummissjoni (UE) 2024/1216 tat-22 ta’ April 2024 li jikkonferixxi l-protezzjoni fuq l-isem “Wiener Gemischter Satz” (PDO) skont l-Artikolu 99 tar-Regolament (UE) Nru 1308/2013 tal-Parlament Ewropew u tal-Kunsill (1) irid jiġi inkorporat fil-Ftehim ŻEE. |
|
(2) |
Ir-Regolament ta’ Implimentazzjoni tal-Kummissjoni (UE) 2024/1228 tat-23 ta’ April 2024 li jikkonferixxi l-protezzjoni skont l-Artikolu 99 tar-Regolament (UE) Nru 1308/2013 tal-Parlament Ewropew u tal-Kunsill fuq l-isem “Ruster Ausbruch” (DOP) (2) irid jiġi inkorporat fil-Ftehim ŻEE. |
|
(3) |
Din id-Deċiżjoni tikkonċerna l-leġiżlazzjoni dwar l-inbid. Il-leġiżlazzjoni dwar l-inbid ma għandhiex tapplika għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar kummerċ fil-prodotti agrikoli tibqa’ estiża għal-Liechtenstein, kif speċifikat fis-seba’ paragrafu tal-introduzzjoni tal-Protokoll 47 tal-Ftehim ŻEE. Għaldaqstant, din id-Deċiżjoni ma tridx tapplika għal-Liechtenstein. |
|
(4) |
Jenħtieġ għalhekk li l-Protokoll 47 tal-Ftehim ŻEE jiġi emendat kif xieraq, |
ADOTTA DIN ID-DEĊIŻJONI:
Artikolu 1
Il-punti li ġejjin jiżdiedu wara l-punt 8zj (ir-Regolament ta’ Implimentazzjoni tal-Kummissjoni (UE) 2024/698) tal-Appendiċi 1 tal-Protokoll 47 tal-Ftehim ŻEE:
|
“8zk. |
32024 R 1216: Ir-Regolament ta’ Implimentazzjoni tal-Kummissjoni (UE) 2024/1216 tat-22 ta’ April 2024 li jikkonferixxi l-protezzjoni fuq l-isem “Wiener Gemischter Satz” (DOP) skont l-Artikolu 99 tar-Regolament (UE) Nru 1308/2013 tal-Parlament Ewropew u tal-Kunsill (ĠU L, 2024/1216, 29.4.2024). |
|
8zl. |
32024 R 1228: Ir-Regolament ta’ Implimentazzjoni tal-Kummissjoni (UE) 2024/1228 tat-23 ta’ April 2024 li jikkonferixxi l-protezzjoni skont l-Artikolu 99 tar-Regolament (UE) Nru 1308/2013 tal-Parlament Ewropew u tal-Kunsill fuq l-isem “Ruster Ausbruch” (PDO) (ĠU L, 2024/1228, 30.4.2024).” |
Artikolu 2
It-testi tar-Regolamenti ta’ Implimentazzjoni (UE) 2024/1216 u (UE) 2024/1228 bil-lingwa Iżlandiża u b’dik Norveġiża, li se jiġu ppubblikati fis-Suppliment dwar iż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fl-24 ta’ Settembru 2024, dment li jkunu saru n-notifiki kollha skont l-Artikolu 103(1) tal-Ftehim ŻEE (*1).
Artikolu 4
Din id-Deċiżjoni għandha tiġi ppubblikata fit-Taqsima dwar iż-ŻEE ta’ Il-Ġurnal Uffiċjali tal-Unjoni Ewropea u fis-Suppliment tiegħu dwar iż-ŻEE.
Magħmul fi Brussell, it-23 ta’ Settembru 2024.
Għall-Kumitat Konġunt taż-ŻEE
Il-President
Anders H. EIDE
(1) ĠU L, 2024/1216, 29.4.2024, ELI: http://data.europa.eu/eli/reg_impl/2024/1216/oj.
(2) ĠU L, 2024/1228, 30.4.2024, ELI: http://data.europa.eu/eli/reg_impl/2024/1228/oj.
(*1) Ma huwa indikat l-ebda rekwiżit kostituzzjonali.
ELI: http://data.europa.eu/eli/dec/2024/3032/oj
ISSN 1977-074X (electronic edition)