This document is an excerpt from the EUR-Lex website
Document 22024D0941
Decision of the EEA joint committee No 198/2023 of 22 September 2023 amending Annex I (Veterinary and phytosanitary matters) to the EEA Agreement [2024/941]
Deċiżjoni tal-Kumitat Konġunt taż-ŻEE Nru 198/2023 tat-22 ta’ Settembru 2023 li temenda l-Anness I (Ħwejjeġ veterinarji u fitosanitarji) tal-Ftehim ŻEE [2024/941]
Deċiżjoni tal-Kumitat Konġunt taż-ŻEE Nru 198/2023 tat-22 ta’ Settembru 2023 li temenda l-Anness I (Ħwejjeġ veterinarji u fitosanitarji) tal-Ftehim ŻEE [2024/941]
ĠU L, 2024/941, 25.4.2024, ELI: http://data.europa.eu/eli/dec/2024/941/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.
Il-Ġurnal Uffiċjali |
MT Is-serje L |
2024/941 |
25.4.2024 |
DEĊIŻJONI TAL-KUMITAT KONĠUNT TAŻ-ŻEE Nru 198/2023
tat-22 ta’ Settembru 2023
li temenda l-Anness I (Ħwejjeġ veterinarji u fitosanitarji) tal-Ftehim ŻEE [2024/941]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,
Billi:
(1) |
Ir-Regolament ta’ Implimentazzjoni tal-Kummissjoni (UE) 2023/341 tal-15 ta’ Frar 2023 li jikkonċerna t-tiġdid tal-awtorizzazzjoni tal-vitamina E bħala addittiv tal-għalf għall-ispeċijiet kollha tal-annimali u li jħassar ir-Regolament (UE) Nru 26/2011 (1) irid jiġi inkorporat fil-Ftehim ŻEE. |
(2) |
Ir-Regolament ta’ Implimentazzjoni tal-Kummissjoni (UE) 2023/366 tas-16 ta’ Frar 2023 dwar it-tiġdid tal-awtorizzazzjoni ta’ preparazzjoni ta’ Bacillus velezensis ATCC PTA-6737 bħala addittiv tal-għalf għat-tiġieġ tas-simna, għat-tiġieġ imrobbija għall-bajd u għal speċijiet minuri ta’ tjur għajr għal skopijiet ta’ bajd, u l-awtorizzazzjoni tagħha għall-għasafar ornamentali, li jemenda r-Regolament ta’ Implimentazzjoni (UE) Nru 306/2013, ir-Regolament ta’ Implimentazzjoni (UE) Nru 787/2013, ir-Regolament ta’ Implimentazzjoni (UE) 2015/1020, ir-Regolament ta’ Implimentazzjoni (UE) 2017/2276 u li jħassar ir-Regolament (UE) Nru 107/2010 u r-Regolament ta’ Implimentazzjoni (UE) Nru 885/2011 (id-detentur tal-awtorizzazzjoni Kemin Europa N.V.) (2) irid jiġi inkorporat fil-Ftehim ŻEE. |
(3) |
Ir-Regolament ta’ Implimentazzjoni (UE) 2023/341 iħassar ir-Regolament (UE) Nru 26/2011 (3), li huwa inkorporat fil-Ftehim ŻEE u li konsegwentement irid jitħassar minnu. |
(4) |
Ir-Regolament ta’ Implimentazzjoni (UE) 2023/366 iħassar ir-Regolament (UE) Nru 107/2010 (4), li huwa inkorporat fil-Ftehim ŻEE u li konsegwentement irid jitħassar minnu. |
(5) |
Ir-Regolament ta’ Implimentazzjoni (UE) 2023/366 iħassar ir-Regolament ta’ Implimentazzjoni (UE) Nru 885/2011 (5), li huwa inkorporat fil-Ftehim ŻEE u li konsegwentement irid jitħassar minnu. |
(6) |
Din id-Deċiżjoni tikkonċerna l-leġiżlazzjoni dwar l-għalf. Il-leġiżlazzjoni li tirrigwarda l-għalf ma għandhiex tapplika għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ fil-prodotti agrikoli tibqa’ estiża għal-Liechtenstein, kif speċifikat fl-adattamenti settorjali tal-Anness I tal-Ftehim ŻEE. Għaldaqstant, din id-Deċiżjoni ma tapplikax għal-Liechtenstein. |
(7) |
Għalhekk, l-Anness I tal-Ftehim ŻEE jenħtieġ li jiġi emendat kif xieraq, |
ADOTTA DIN ID-DEĊIŻJONI:
Artikolu 1
Il-Kapitolu II tal-Anness I tal-Ftehim ŻEE għandu jiġi emendat kif ġej:
1. |
Il-punti li ġejjin jiddaħħlu wara l-punt 483 (ir-Regolament ta’ Implimentazzjoni tal-Kummissjoni (UE) 2023/61):
|
2. |
Dan li ġej jiżdied fil-punt 80 (ir-Regolament ta’ Implimentazzjoni tal-Kummissjoni (UE) Nru 306/2013): “, kif emendat bi:
|
3. |
Dan li ġej jiżdied fil-punt 99 (ir-Regolament ta’ Implimentazzjoni tal-Kummissjoni (UE) Nru 787/2013): “, kif emendat bi:
|
4. |
Dan li ġej jiżdied fil-punt 137 (ir-Regolament ta’ Implimentazzjoni tal-Kummissjoni (UE) 2015/1020): “, kif emendat bi:
|
5. |
Dan li ġej jiżdied fil-punt 234 (ir-Regolament ta’ Implimentazzjoni tal-Kummissjoni (UE) 2017/2276): “, kif emendat bi:
|
6. |
It-testi tal-punti 1zzzzzz (ir-Regolament tal-Kummissjoni (UE) Nru 107/2010), 2zk (ir-Regolament tal-Kummissjoni (UE) Nru 26/2011) u 2zl (ir-Regolament ta’ Implimentazzjoni tal-Kummissjoni (UE) Nru 885/2011) jitħassru. |
Artikolu 2
It-testi tar-Regolamenti ta’ Implimentazzjoni (UE) 2023/341 u (UE) 2023/366 bil-lingwa Iżlandiża u b’dik Norveġiża, li se jiġu ppubblikati fis-Suppliment dwar iż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fit-23 ta’ Settembru 2023, dment li jkunu saru n-notifiki kollha skont l-Artikolu 103(1) tal-Ftehim ŻEE (*1).
Artikolu 4
Din id-Deċiżjoni għandha tiġi ppubblikata fit-Taqsima dwar iż-ŻEE ta’ Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.
Magħmul fi Brussell, it-22 ta’ Settembru 2023.
Għall-Kumitat Konġunt taż-ŻEE
Il-President
Pascal SCHAFHAUSER
(1) ĠU L 48, 16.2.2023, p. 19.
(2) ĠU L 50, 17.2.2023, p. 59.
(3) ĠU L 11, 15.1.2011, p. 18.
(*1) Ma huwa indikat l-ebda rekwiżit kostituzzjonali.
ELI: http://data.europa.eu/eli/dec/2024/941/oj
ISSN 1977-074X (electronic edition)