This document is an excerpt from the EUR-Lex website
Document 22020D0896
Decision No 1/2020 of the Community/Switzerland Inland Transport Committee of 19 June 2020 aligning Decision No 2/2019 with the dates of transposition, postponed due to the COVID-19 pandemic, of Directives (EU) 2016/797 and (EU) 2016/798 of the European Parliament and of the Council [2020/896]
Deċiżjoni NRU 1/2020 tal-Kumitat tat-Trasport Intern tal-Komunità/tal-Iżvizzera tad-19 ta’ Ġunju 2020 dwar l-allinjament tad-Deċiżjoni Nru 2/2019 mad-dati tat-traspożizzjoni tad-Direttivi (UE) 2016/797 u (UE) 2016/798 tal-Parlament Ewropew u tal-Kunsill, li ġew posposti minħabba l-pandemija tal-COVID-19 [2020/896]
Deċiżjoni NRU 1/2020 tal-Kumitat tat-Trasport Intern tal-Komunità/tal-Iżvizzera tad-19 ta’ Ġunju 2020 dwar l-allinjament tad-Deċiżjoni Nru 2/2019 mad-dati tat-traspożizzjoni tad-Direttivi (UE) 2016/797 u (UE) 2016/798 tal-Parlament Ewropew u tal-Kunsill, li ġew posposti minħabba l-pandemija tal-COVID-19 [2020/896]
C/2020/4011
ĠU L 206, 30.6.2020, pp. 65–66
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
30.6.2020 |
MT |
Il-Ġurnal Uffiċjali tal-Unjoni Ewropea |
L 206/65 |
DEĊIŻJONI NRU 1/2020 TAL-KUMITAT TAT-TRASPORT INTERN TAL-KOMUNITÀ/TAL-IŻVIZZERA
tad-19 ta’ Ġunju 2020
dwar l-allinjament tad-Deċiżjoni Nru 2/2019 mad-dati tat-traspożizzjoni tad-Direttivi (UE) 2016/797 u (UE) 2016/798 tal-Parlament Ewropew u tal-Kunsill, li ġew posposti minħabba l-pandemija tal-COVID-19 [2020/896]
IL-KUMITAT,
Wara li kkunsidra l-Ftehim bejn il-Komunità Ewropea u l-Konfederazzjoni Żvizzera dwar it-trasport tal-merkanzija u tal-passiġġieri bit-trasport ferrovjarju u bit-triq (1) (minn hawn ’il quddiem “il-Ftehim”), u b’mod partikolari l-Artikolu 52(4) tiegħu,
Billi:
Id-Deċiżjoni Nru 2/2019 tal-Kumitat Konġunt tat-13 ta’ Diċembru 2019 (2) għandha l-għan li tiffaċilita t-trasport ferrovjarju bejn l-Iżvizzera u l-Unjoni Ewropea, f’konformità mar-rekwiżiti introdotti bid-Direttiva (UE) 2016/797 tal-Parlament Ewropew u tal-Kunsill (3) u bid-Direttiva (UE) 2016/798 tal-Parlament Ewropew u tal-Kunsill (4). Minħabba ċ-ċirkostanzi straordinarji kkawżati mill-pandemija tal-COVID-19, il-Parlament Ewropew u l-Kunsill ipposponew id-dati tat-traspożizzjoni tad-Direttivi (UE) 2016/797 u (UE) 2016/798 billi adottaw id-Direttiva (UE) 2020/700 (5). Id-Deċiżjoni Nru 2/2019 tal-Kumitat Konġunt jenħtieġ li tiġi allinjata mad-dati tat-traspożizzjoni kif emendati b’dik id-Direttiva,
IDDEĊIEDA KIF ĠEJ:
Artikolu 1
Fl-Artikolu 7 tad-Deċiżjoni Nru 2/2019 tal-Kumitat tat-Trasport Intern tal-Komunità/tal-Iżvizzera tat-13 ta’ Diċembru 2019, jiddaħħal il-paragrafu 2a ġdid kif ġej:
|
“ 2a. |
L-Artikolu 2(1) u/jew l-Artikolu 3(1) tad-Deċiżjoni Nru 1/2013 tal-Kumitat Konġunt għandhom jibqgħu japplikaw sal-31 ta’ Ottubru 2020 għall-Istati Membri li nnotifikaw lill-Aġenzija u lill-Kummissjoni skont l-Artikolu 57(2a) tad-Direttiva (UE) 2016/797 jew l-Artikolu 33(2a) tad-Direttiva (UE) 2016/798. ”. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul f’Bern, id-19 ta’ Ġunju 2020.
Għall-Konfederazzjoni Żvizzera
Il-President
Peter FÜGLISTALER
Għall-Unjoni Ewropea
Il-Kap tad-Delegazzjoni tal-Unjoni Ewropea
Elisabeth WERNER
(1) ĠU L 114, 30.4.2002, p. 91.
(2) ĠU L 13, 17.1.2020, p. 43.
(3) Id-Direttiva (UE) 2016/797 tal-Parlament Ewropew u tal-Kunsill tal-11 ta’ Mejju 2016 dwar l-interoperabbiltà tas-sistema ferrovjarja fl-Unjoni Ewropea (ĠU L 138, 26.5.2016, p. 44).
(4) Id-Direttiva (UE) 2016/798 tal-Parlament Ewropew u tal-Kunsill tal-11 ta’ Mejju 2016 dwar is-sikurezza ferrovjarja (ĠU L 138, 26.5.2016, p. 102).
(5) Id-Direttiva (UE) 2020/700 tal-Parlament Ewropew u tal-Kunsill tal-25 ta’ Mejju 2020 li temenda d-Direttivi (UE) 2016/797 u (UE) 2016/798, fir-rigward tal-estensjoni tal-perjodi tat-traspożizzjoni tagħhom (ĠU L 165, 27.5.2020, p. 27).