This document is an excerpt from the EUR-Lex website
Document 22020D0656
Decision No 1/2020 of the ESA-EU Customs Cooperation Committee of 5 May 2020 on a derogation from the rules of origin laid down in Protocol 1 to the Interim Agreement establishing a framework for an Economic Partnership Agreement between the Eastern and Southern Africa States, of the one part, and the European Community and its Member States, of the other part, to take account of the special situation of Mauritius with regard to salted snoek [2020/656]
Deċiżjoni Nru 1/2020 tal-Kumitat dwar il-Kooperazzjoni Doganali ALN-UE tal-5 ta’ Mejju 2020 dwar deroga mir-regoli ta’ oriġini stabbiliti fil-Protokoll 1 tal-Ftehim Interim li jistabbilixxi qafas għal Ftehim ta’ Sħubija Ekonomika bejn l-Istati tal-Afrika tal-Lvant u tan-Nofsinhar, minn naħa, u l-Komunità Ewropea u l-Istati Membri tagħha, min-naħa l-oħra, biex tittieħed f’kunsiderazzjoni s-sitwazzjoni speċjali tar-Repubblika ta’ Mauritius fir-rigward tat-tirsite mmellaħ [2020/656]
Deċiżjoni Nru 1/2020 tal-Kumitat dwar il-Kooperazzjoni Doganali ALN-UE tal-5 ta’ Mejju 2020 dwar deroga mir-regoli ta’ oriġini stabbiliti fil-Protokoll 1 tal-Ftehim Interim li jistabbilixxi qafas għal Ftehim ta’ Sħubija Ekonomika bejn l-Istati tal-Afrika tal-Lvant u tan-Nofsinhar, minn naħa, u l-Komunità Ewropea u l-Istati Membri tagħha, min-naħa l-oħra, biex tittieħed f’kunsiderazzjoni s-sitwazzjoni speċjali tar-Repubblika ta’ Mauritius fir-rigward tat-tirsite mmellaħ [2020/656]
PUB/2020/373
ĠU L 152, 15.5.2020, p. 21–24
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
15.5.2020 |
MT |
Il-Ġurnal Uffiċjali tal-Unjoni Ewropea |
L 152/21 |
DEĊIŻJONI Nru 1/2020 TAL-KUMITAT DWAR IL-KOOPERAZZJONI DOGANALI ALN-UE
tal-5 ta’ Mejju 2020
dwar deroga mir-regoli ta’ oriġini stabbiliti fil-Protokoll 1 tal-Ftehim Interim li jistabbilixxi qafas għal Ftehim ta’ Sħubija Ekonomika bejn l-Istati tal-Afrika tal-Lvant u tan-Nofsinhar, minn naħa, u l-Komunità Ewropea u l-Istati Membri tagħha, min-naħa l-oħra, biex tittieħed f’kunsiderazzjoni s-sitwazzjoni speċjali tar-Repubblika ta’ Mauritius fir-rigward tat-tirsite mmellaħ [2020/656]
IL-KUMITAT DWAR IL-KOOPERAZZJONI DOGANALI,
Wara li kkunsidra l-Ftehim Interim li jistabbilixxi qafas għal Ftehim ta’ Sħubija Ekonomika bejn l-Istati tal-Afrika tal-Lvant u tan-Nofsinhar (“ALN”), minn naħa, u l-Komunità Ewropea u l-Istati Membri tagħha, min-naħa l-oħra, u b’mod partikolari l-Artikolu 41(4) tal-Protokoll 1 tiegħu,
Billi:
|
(1) |
Il-Ftehim Interim li jistabbilixxi qafas ta’ Ftehim ta’ Sħubija Ekonomika bejn l-Istati tal-Afrika tal-Lvant u tan-Nofsinhar minn naħa u l-Komunità Ewropea u l-Istati Membri tagħha min-naħa l-oħra (1) (“l-FSE interim”) japplika b’mod proviżorju mill-14 ta’ Mejju 2012 bejn l-Unjoni u r-Repubblika ta’ Madagascar, ir-Repubblika ta’ Mauritius, ir-Repubblika tas-Seychelles u r-Repubblika taż-Żimbabwe. Comoros qed japplika b’mod proviżorju għall-FSE interim mis-7 ta’ Frar 2019. |
|
(2) |
Il-Protokoll 1 tal-FSE interim, li jikkonċerna d-definizzjoni tal-kunċett ta’ “prodotti oriġinarji” u l-metodi ta’ kooperazzjoni amministrattiva, jinkludi r-regoli ta’ oriġini għall-importazzjoni fl-Unjoni ta’ prodotti li joriġinaw mill-Istati tal-ALN. |
|
(3) |
F’konformità mal-Artikolu 42(1) tal-Protokoll 1 tal-FSE interim, derogi minn dawk ir-regoli ta’ oriġini jingħataw meta l-iżvilupp tal-industriji eżistenti fl-Istati tal-ALN jiġġustifikawhom. |
|
(4) |
Fit-2 ta’ Ottubru 2017, il-Kumitat dwar il-Kooperazzjoni Doganali ALN-UE adotta d-Deċiżjoni Nru 2/2017 (2) li tagħti deroga mir-regoli ta’ oriġini fir-rigward tat-tirsite mmellaħ importat fl-Unjoni bejn it-2 ta’ Ottubru 2017 u l-1 ta’ Ottubru 2018 f’konformità mal-Artikolu 42(1) tal-Protokoll 1 tal-FSE interim. Madankollu, minħabba li kien hemm dewmien biex jinkisbu l-ordnijiet, l-użu tal-kwota tad-deroga kien baxx. |
|
(5) |
Fl-14 ta’ Jannar 2019, il-Kumitat dwar il-Kooperazzjoni Doganali ALN-UE adotta d-Deċiżjoni Nru 1/2019 (3) li tagħti deroga ġdida mir-regoli ta’ oriġini fir-rigward tat-tirsite mmellaħ importat fl-Unjoni bejn l-14 ta’ Jannar 2019 u t-13 ta’ Jannar 2020 f’konformità mal-Artikolu 42(1) tal-Protokoll 1 tal-FSE interim. Madankollu, id-diffikultajiet finanzjarji li ltaqgħu magħhom ix-xerrejja tal-UE wasslu sabiex l-użu tal-kwota tad-deroga kien inqas milli mistenni. |
|
(6) |
F’konformità mal-Artikolu 42 tal-Protokoll 1 tal-FSE interim, ir-Repubblika ta’ Mauritius talbet għal deroga oħra mir-regoli ta’ oriġini fir-rigward tal-125 tunnellata ta’ tirsite mmellaħ tal-Intestatura tas-SA 0305 69 importati fl-Unjoni bejn Marzu 2020 u Marzu 2021. Fit-talba tagħha, ir-Repubblika ta’ Mauritius ittenni li t-tirsite li joriġina mill-Unjoni jew mir-Repubblika ta’ Mauritius mhux disponibbli, u li t-tirsite minn Stati tal-Afrika, tal-Karibew u tal-Paċifiku (“l-Istati AKP”) oħrajn ma jissodisfax ir-rekwiżiti dwar il-kwalità u l-provvista regolari. Għalhekk, jeħtieġ li r-Repubblika ta’ Mauritius tissokta tforni materja prima mhux oriġinarja għall-industrija tal-ipproċessar tagħha. |
|
(7) |
Id-deroga tikkontribwixxi għall-iżvilupp tal-intrapriżi żgħar u ta’ daqs medju fir-Repubblika ta’ Mauritius, tippermetti d-diversifikazzjoni tas-settur tal-frott tal-baħar tar-Repubblika ta’ Mauritius u tissokta tgħin biex tkompli l-operat tagħha b’kapaċità sħiħa filwaqt li jiġu sostnuti l-impjiegi. Il-kwantitajiet baxxi, li jirrappreżentaw inqas minn 1 % tal-valur tal-importazzjonijiet totali tal-prodotti tas-sajd tal-Kapitolu 03 tas-SA mir-Repubblika ta’ Mauritius fl-Unjoni, u l-perjodu limitat mitlub għad-deroga mhumiex tali li jikkawżaw dannu serju lil settur ekonomiku tal-Unjoni jew ta’ wieħed jew aktar mill-Istati Membri. |
|
(8) |
Skont ir-Repubblika ta’ Mauritius, il-bejgħ previst fl-UE jammonta għal 125 tunnellata għas-sena 2020/2021. Madankollu, minħabba l-użu baxx tad-derogi mogħtija fl-imgħoddi, ma jidhirx xieraq li tiżdied il-kwota għall-perjodu mitlub meta mqabbla mal-kwota mogħtija għas-sena 2019/2020. Għalhekk, jenħtieġ li r-Repubblika ta’ Mauritius tingħata deroga għal 100 tunnellata ta’ tirsite mmellaħ, li tirrispetta l-ħila tal-industrija eżistenti li tissokta l-esportazzjonijiet tagħha lejn l-Unjoni, għal sena. |
|
(9) |
Ir-Regolament ta’ Implimentazzjoni tal-Kummissjoni (UE) 2015/2447 (4) jistabbilixxi r-regoli għall-ġestjoni tal-kwoti tariffarji. Jenħtieġ li dawk ir-regoli jiġu applikati għall-ġestjoni tal-kwantità li għaliha qed tingħata d-deroga permezz ta’ din id-Deċiżjoni. |
|
(10) |
Sabiex ikun hemm monitoraġġ effiċjenti tal-operat tad-deroga, jenħtieġ li l-awtoritajiet tar-Repubblika ta’ Mauritius jgħarrfu lill-Kummissjoni b’mod regolari dwar id-dettalji taċ-ċertifikati tal-moviment EUR.1 maħruġa, |
IDDEĊIEDA KIF ĠEJ:
Artikolu 1
B’deroga mill-Protokoll 1 tal-FSE interim u f’konformità mal-Artikolu 42(1) ta’ dak il-Protokoll, it-tirsite mmellaħ tal-Intestatura tas-SA 0305 69 (kodiċi NM 0305 69 80) manifatturat minn tirsite (barracouta) mhux oriġinarju tal-Intestatura tas-SA 0303 89 għandu jitqies li joriġina mir-Repubblika ta’ Mauritius f’konformità mat-termini stabbiliti fl-Artikoli 2 sa 5 ta’ din id-Deċiżjoni.
Artikolu 2
Id-deroga prevista fl-Artikolu 1 għandha tapplika għall-prodott u għall-kwantità stabbiliti fl-Anness ta’ din id-Deċiżjoni, iddikjarati għar-rilaxx għaċ-ċirkolazzjoni libera fl-Unjoni mir-Repubblika ta’ Mauritius għal perjodu limitat għal sena mid-data tal-adozzjoni ta’ din id-Deċiżjoni.
Artikolu 3
Il-kwantità stabbilita fl-Anness għandha tiġi ġestita f’konformità mal-Artikoli 49 sa 54 tar-Regolament ta’ Implimentazzjoni (UE) 2015/2447.
Artikolu 4
L-awtoritajiet doganali tar-Repubblika ta’ Mauritius għandhom iwettqu verifiki kwantitattivi fuq l-esportazzjonijiet tal-prodotti msemmija fl-Artikolu 1.
Qabel tmiem ix-xahar ta’ wara kull tliet xhur, l-awtoritajiet doganali tar-Repubblika ta’ Mauritius għandhom jippreżentaw lill-Kummissjoni, permezz tas-Segretarjat tal-Kumitat dwar il-Kooperazzjoni Doganali, dikjarazzjoni tal-kwantitajiet li fir-rigward tagħhom ikunu nħarġu ċertifikati tal-moviment EUR.1 skont din id-Deċiżjoni u n-numri tas-serje ta’ dawk iċ-ċertifikati.
Artikolu 5
Il-Kaxxa 7 taċ-ċertifikati tal-moviment EUR.1 li nħarġu skont din id-Deċiżjoni għandha tinkludi waħda mill-indikazzjonijiet li ġejjin:
|
|
“Derogation - Decision No 1/2020 of the ESA-EU Customs Cooperation Committee of 5 May 2020”; |
|
|
“Dérogation - Décision n° 1/2020 du Comité de Coopération Douanière AfOA-UE du 5 mai 2020”. |
Artikolu 6
1. Ir-Repubblika ta’ Mauritius u l-Unjoni għandhom jieħdu l-miżuri meħtieġa min-naħa tagħhom sabiex jimplimentaw din id-Deċiżjoni.
2. Meta l-Unjoni tiskopri, abbażi ta’ informazzjoni oġġettiva, każijiet ta’ irregolaritajiet jew frodi jew ta’ nuqqas ripetut tar-rispett tal-obbligi stipulati fl-Artikolu 4, l-Unjoni tista’ titlob sospensjoni temporanja tad-deroga msemmija fl-Artikolu 1 f’konformità mal-proċedura prevista fl-Artikolu 22(5) u (6) tal-FSE interim.
Artikolu 7
Id-deroga prevista fl-Artikolu 1 tista’ tiġġedded, dment li tliet xhur qabel id-data tat-tmiem ta’ din id-Deċiżjoni, l-Istat tal-ALN ikkonċernat iressaq provi li għad ma jistax jissodisfa l-kundizzjonijiet tal-Protokoll 1, flimkien ma’ evidenza tal-progress li sar sabiex tingħeleb il-ħtieġa għal deroga u indikazzjoni ċara ta’ kemm jenħtieġ żmien sabiex jikkonforma mal-kundizzjonijiet imsemmija. L-Unjoni Ewropea għandha tevalwa mill-ġdid il-pożizzjoni tagħha biex tittieħed fil-Kumitat dwar il-Kooperazzjoni Doganali ALN-UE u għandha tadotta Deċiżjoni ġdida.
Artikolu 8
Din id-Deċiżjoni għandha tidħol fis-seħħ fil-5 ta’ Mejju 2020.
Magħmul fi Brussell, il-5 ta’ Mejju 2020.
B. SAMSON
Rappreżentant tal-Istati tal-ALN
f’isem l-Istati tal-ALN
J-M. GRAVE
Il-Kummissjoni Ewropea
f’isem l-Unjoni Ewropea
(1) ĠU L 111, 24.4.2012, p. 2.
(2) Id-Deċiżjoni Nru 2/2017 tal-Kumitat dwar il-Kooperazzjoni Doganali ALN-UE tat-2 ta’ Ottubru 2017 dwar deroga mir-regoli ta’ oriġini stabbiliti fil-Protokoll 1 tal-Ftehim Interim li jistabbilixxi qafas għal Ftehim ta’ Sħubija Ekonomika bejn l-Istati tal-Afrika tal-Lvant u tan-Nofsinhar, minn naħa, u l-Komunità Ewropea u l-Istati Membri tagħha, min-naħa l-oħra, biex tittieħed f’kunsiderazzjoni s-sitwazzjoni speċjali ta’ Mauritius fir-rigward tat-tirsite (ĠU L 271, 20.10.2017, p. 47).
(3) Id-Deċiżjoni Nru 1/2019 tal-Kumitat dwar il-Kooperazzjoni Doganali ALN-UE tal-14 ta’ Jannar 2019 dwar deroga mir-regoli ta’ oriġini stabbiliti fil-Protokoll 1 tal-Ftehim Interim li jistabbilixxi qafas għal Ftehim ta’ Sħubija Ekonomika bejn l-Istati tal-Afrika tal-Lvant u tan-Nofsinhar, minn naħa, u l-Komunità Ewropea u l-Istati Membri tagħha, min-naħa l-oħra, biex titqies is-sitwazzjoni speċjali ta’ Mauritius rigward tat-tirsite mmellaħ (ĠU L 32, 4.2.2019, p. 32).
(4) Ir-Regolament ta’ Implimentazzjoni tal-Kummissjoni (UE) 2015/2447 tal-24 ta’ Novembru 2015 li jistabbilixxi regoli dettaljati għall-implimentazzjoni ta’ ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni (ĠU L 343 29.12.2015, p. 558).
ANNESS
|
Nru ta’ ordni |
Kodiċi NM |
Kodiċi tat-TARIC |
Deskrizzjoni tal-prodotti |
Perjodu |
Piż nett (f’tunnellati) |
|
09.1611 |
Ex03056980 |
25 |
tirsite (barracouta), immellaħ |
5.5.2020 – 4.5.2021 |
100 |