This document is an excerpt from the EUR-Lex website
Document 22018D1190
Decision of the EEA Joint Committee No 254/2016 of 2 December 2016 amending Protocol 31 to the EEA Agreement, on cooperation in specific fields outside the four freedoms [2018/1190]
Deċiżjoni tal-Kumitat Konġunt taż-ŻEE Nru 254/2016 tat-2 ta' Diċembru 2016 li temenda l-Protokoll 31 tal-Ftehim ŻEE, dwar koperazzjoni f'oqsma speċifiċi barra mill-erba' libertajiet [2018/1190]
Deċiżjoni tal-Kumitat Konġunt taż-ŻEE Nru 254/2016 tat-2 ta' Diċembru 2016 li temenda l-Protokoll 31 tal-Ftehim ŻEE, dwar koperazzjoni f'oqsma speċifiċi barra mill-erba' libertajiet [2018/1190]
ĠU L 215, 23.8.2018, p. 52–52
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.
23.8.2018 |
MT |
Il-Ġurnal Uffiċjali tal-Unjoni Ewropea |
L 215/52 |
DEĊIŻJONI TAL-KUMITAT KONĠUNT TAŻ-ŻEE
Nru 254/2016
tat-2 ta' Diċembru 2016
li temenda l-Protokoll 31 tal-Ftehim ŻEE, dwar koperazzjoni f'oqsma speċifiċi barra mill-erba' libertajiet [2018/1190]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b'mod partikolari l-Artikoli 86 u 98 tiegħu,
Billi:
(1) |
Huwa xieraq li l-kooperazzjoni tal-Partijiet Kontraenti għall-Ftehim ŻEE tiġi estiża biex tinkludi d-Deċiżjoni (UE) 2016/344 tal-Parlament Ewropew u tal-Kunsill tad-9 ta' Marzu 2016 dwar l-istabbiliment ta' Pjattaforma Ewropea biex tissaħħaħ il-kooperazzjoni fl-indirizzar ta' xogħol mhux iddikjarat (1). |
(2) |
Il-Protokoll 31 tal-Ftehim ŻEE għandu għalhekk jiġi emendat sabiex din il-kooperazzjoni estiża tkun tista' sseħħ, |
ADOTTA DIN ID-DEĊIŻJONI:
Artikolu 1
It-test tal-Artikolu 15(9) tal-Protokoll 31 tal-Ftehim ŻEE jinbidel b'dan li ġej:
“L-Istati tal-EFTA għandhom jipparteċipaw fil-kooperazzjoni prevista fl-atti tal-UE li ġejjin:
— |
32014 D 0573: Id-Deċiżjoni Nru 573/2014/UE tal-Parlament Ewropew u tal-Kunsill tal-15 ta' April 2014 dwar kooperazzjoni mtejba bejn is-Servizzi Pubbliċi tal-Impjiegi (PES) (ĠU L 159, 28.5.2014, p. 32). L-Istati tal-EFTA għandhom ikunu parteċipanti sħaħ, mingħajr id-dritt tal-vot, fil-Bord tan-Netwerk. |
— |
32016 D 0344: Id-Deċiżjoni (UE) 2016/344 tal-Parlament Ewropew u tal-Kunsill tad-9 ta' Marzu 2016 dwar l-istabbiliment ta' Pjattaforma Ewropea biex tissaħħaħ il-kooperazzjoni fl-indirizzar ta' xogħol mhux iddikjarat (ĠU L 65, 11.3.2016, p. 12).” |
Artikolu 2
Din id-Deċiżjoni għandha tidħol fis-seħħ l-għada tal-aħħar notifika skont l-Artikolu 103(1) tal-Ftehim ŻEE (*1).
Artikolu 3
Din id-Deċiżjoni għandha tiġi ppubblikata fit-Taqsima taż-ŻEE ta' Il-Ġurnal Uffiċjali tal-Unjoni Ewropea, u fis-Suppliment tiegħu dwar iż-ŻEE.
Magħmul fi Brussell, it-2 ta' Diċembru 2016.
Għall-Kumitat Konġunt taż-ŻEE
Il-President
Bergdís ELLERTSDÓTTIR
(1) ĠU L 65, 11.3.2016, p. 12.
(*1) Ma huwa indikat l-ebda rekwiżit kostituzzjonali.