This document is an excerpt from the EUR-Lex website
Document 22005D0712
2005/712/EC: Decision No 5/2005 of the EC-EFTA Joint Committee on ‘Common Transit’ of 4 October 2005 inviting Romania to accede to the Convention of 20 May 1987 on a common transit procedure
2005/712/KE: Deċiżjoni Nru 5/2005 tal-Kumitat Konġunt ke-EFTA dwar tranżitu komuni ta' l- 4 ta’ Ottubru 2005 li tistieden lir-Rumanija taderixxi mal-Konvenzjoni ta' l- 20 ta' Mejju 1987 dwar proċedura ta' tranżitu komuni
2005/712/KE: Deċiżjoni Nru 5/2005 tal-Kumitat Konġunt ke-EFTA dwar tranżitu komuni ta' l- 4 ta’ Ottubru 2005 li tistieden lir-Rumanija taderixxi mal-Konvenzjoni ta' l- 20 ta' Mejju 1987 dwar proċedura ta' tranżitu komuni
ĠU L 269, 14.10.2005, p. 46–47
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 352M, 31.12.2008, p. 341–342
(MT)
In force
|
31.12.2008 |
MT |
Il-Ġurnal Uffiċjali ta’ l-Unjoni Ewropea |
341 |
DEĊIŻJONI Nru 5/2005 TAL-KUMITAT KONĠUNT KE-EFTA DWAR TRANŻITU KOMUNI
ta' l-4 ta’ Ottubru 2005
li tistieden lir-Rumanija taderixxi mal-Konvenzjoni ta' l-20 ta' Mejju 1987 dwar proċedura ta' tranżitu komuni
(2005/712/KE)
IL-KUMITAT KONĠUNT,
Wara li kkunsidra l-Konvenzjoni ta' l-20 ta' Mejju 1987 dwar proċedura ta' tranżitu komuni (1) (minn hawn 'il quddiem imsejjħa “il-Konvenzjoni”), u b'mod partikolari l-Artikolu 15(3)(a) tagħha,
Billi:
|
(1) |
Il-promozzjoni ta' kummerċ mar-Rumanija tiġi ffaċilitata b'simplifikazzjoni tal-formalitajiet li jridu jitwettqu fil-kuntest ta' kummerċ ta' merkanzija bejn dan il-pajjiż u l-Komunità Ewropea, ir-Repubblika ta' l-Islanda, ir-Renju tan-Norveġja u l-Konfederazzjoni Svizzera. |
|
(2) |
Bil-ħsieb li tintlaħaq tali proċedura huwa xieraq li r-Rumanija tiġi mistiedna taderixxi mal-Konvenzjoni, |
IDDEĊIDA KIF ĠEJ:
Artikolu 1
B'konformità ma' l-Artikolu 15(a) tal-Konvenzjoni, ir-Rumanija hija mistiedna, fil-forma ta' skambju ta' ittri bejn il-Kunsill ta' l-Unjoni Ewropea u r-Rumanija mehmuża ma' din id-Deċiżjoni, tingħaqad mal-Konvenzjoni mill-1 ta’ Jannar 2006.
Artikolu 2
Din id-Deċiżjoni għandha tidħol fis-seħħ fid-data ta' l-adozzjoni tagħha.
Magħmul f’Basel, 4 ta’ Ottubru 2005.
Għall-Kumitat konġunt
Il-President
Rudolf DIETRICH
(1) ĠU L 226, 13.8.1987, p. 2. Konvenzjoni kif emendata l-aħħar bid-Deċiżjoni Nru 3/2005 tal-Kumitat Konġunt KE-EFTA (ĠU L 189, 21.7.2005, p. 61).
Sinjur,
Għandi l-unur ninfurmak bid-Deċiżjoni Nru 5/2005 tal-Kumitat Konġunt KE-EFTA dwar tranżitu komuni ta' l-4 ta’ Ottubru 2005 li tistieden lir-Rumanija ssir Parti Kontraenti għall-Konvenzjoni ta' l-20 ta' Mejju 1987 dwar proċedura ta' tranżitu komuni.
L-adeżjoni tar-Rumanija mal-Konvenzjoni tista' tiġi effettwata billi tressaq l-Istrument ta' Adeżjoni tagħha lis-Segretarjat Ġenerali tal-Kunsill ta' l-Unjoni Ewropea flimkien ma' traduzzjoni tal-Konvenzjoni fil-lingwa Uffiċjali tar-Rumanija skond l-Artikolu 15a tal-Konvenzjoni.
Għoddni tiegħek,
Is-Segretarju Ġenerali
Segretarjat Ġenerali
tal-Kunsill ta' l-Unjoni Ewrope
Ir-Rumanija,
Waqt li tieħu nota tad-Deċiżjoni Nru 5/2005 tal-Kumitat Konġunt KE-EFTA dwar tranżitu komuni ta' l-4 ta’ Ottubru 2005 li tistieden lir-Rumanija ssir Parti Kontraenti għall-Konvenzjoni ta' l-20 ta' Mejju 1987 dwar proċedura ta' tranżitu komuni,
Waqt li tixtieq issir Parti Kontraenti għall-Konvenzjoni,
HAWNHEKK
Taderixxi mal-Konvenzjoni;
Tehmeż ma' dan l-Istrument traduzzjoni tal-Konvenzjoni fil-lingwa uffiċjali tar-Rumanija;
Tiddikjara li hija taċċetta r-Rakkomandazzjonijiet u d-Deċiżjonijiet kollha tal-Kumitat Konġunt KE-EFTA dwar tranżitu komuni adottati bejn l-4 ta’ Ottubru 2005 u d-data li fiha l-Adeżjoni tar-Rumanija ssir effettiva skond l-Artikolu 15a tal-Konvenzjoni.
Magħmul fi …
Għar-Rumanija