22004D0018

Deċiżjoni tal-Kumitat Konġunt taż-ŻEE

Nru 18/2004

tad-19 ta' Marzu 2004

li temenda l-Anness II (Regolamenti Tekniċi, standards, ittestjar u ċertifikazzjoni) tal-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea kif emendat bil-Protokoll li aġġusta l-Ftehim dwar iż-Żona Ekonomika Ewropea, li minn issa 'l quddiem ikun imsejjaħ "il-Ftehim", u b'mod partikolari l-Artikolu 98 tiegħu,

Billi:

(1) L-Anness II tal-Ftehim kien emendat b'Deċiżjoni tal-Kumitat Konġunt taż-ŻEE Nru 170/2003 tal-5 ta' Diċembru 2003 [1].

(2) Id-Direttiva tal-Kummissjoni 2003/76/KE tal-11 t' Awissu 2003 li temenda d-Direttiva tal-Kunsill 70/220/KEE dwar il-miżuri li għandhom jittieħdu kontra t-tniġġis ta' l-arja kkawżat minn emissjonijiet minn vetturi bil-mutur [2] għandha tkun inkorporata mal-Ftehim.

(3) Id-Direttiva tal-Kummissjoni 2003/77/KE tal-11 t' Awissu 2003 li temenda Direttiva 97/24/KE u 2002/24/KE tal-Parlament Ewropew u tal-Kunsill dwar l-approvazzjoni tat-tipi ta' vetturi bil-mutur li għandhom żewġ jew tliet roti [3] għandha tkun inkorporata mal-Ftehim,

IDDEĊIEDA DAN LI ĠEJ:

Artikolu 1

Il-Kapitolu I t' l-Anness II mal-Ftehim għandu jkun emendat kif ġej:

1. L-inċiż li ġej għandu jiżdied ma' punt 3 (Id-Direttiva tal-Kunsill 70/220/KEE):

"- 32003 L 0076: Id-Direttiva tal-Kummissjoni 2003/76/KE tal-11 t' Awissu 2003 (ĠU L 206, tal-15.8.2003, p. 29)."

2. L-inċiż li ġej għandu jiżdied ma' punt 45x (Direttiva 97/24/KE tal-Parlament Ewropew u tal-Kunsill):

"- 32003 L 0077: Id-Direttiva tal-Kummissjoni 2003/77/KE tal-11 t' Awissu 2003 (ĠU L 211, tal-21.8.2003, p. 24)."

3. Dan li ġej għandu jiżdied qabel it-test dwar l-adattament ma' punt 45za (Id-Direttiva 2002/24/KE tal-Parlament Ewropew u tal-Kunsill):

", kif emendat bi:

- 32003 L 0077: Id-Direttiva tal-Kummissjoni 2003/77/KE tal-11 t' Awissu 2003 (ĠU L 211, tal-21.8.2003, p. 24)."

Artikolu 2

It-testi ta' d-Direttivi 2003/76/KE u 2003/77/KE bil-lingwa Islandiża u dik Norveġiża li għandhom ikunu ppubblikati fis-Suppliment tal-Ġurnal Uffiċjali ta' l-Unjoni Ewropea, għandhom jitqiesu li huma awtentiċi.

Artikolu 3

Din id-Deċiżjoni ser tidħol fis-seħħ fl-20 ta' Marzu 2004, sakemm in-notifiki kollha skond l-artikolu 103(1) tal-Ftehim ikunu saru lill-Kumitat Konġunt taż-ŻEE [4].

Artikolu 4

Din id-Deċiżjoni għandha tkun ippubblikata fit-Taqsima taż-ŻEE u fis-Suppliment taż-ŻEE tal-Ġurnal Uffiċjali ta' l-Unjoni Ewropea.

Magħmula fi Brussel, fid-19 ta' Marzu 2004.

Għall-Kumitat Konġunt taż-ŻEE

Il-President

P. Westerlund

[1] ĠU L 88, tas-25.3.2003, p. 41.

[2] ĠU L 206, tas-15.8.2003, p. 29.

[3] ĠU L 211, tal-21.8.2003, p. 24.

[4] Ħtiġiet kostituzzjonali mhux indikati.

--------------------------------------------------