22001D0135

Deċiżjoni tal-Kumitat Konġunt taż-ŻEE

Nru 135/2001

tat-23 ta' Novembru 2001

li temenda l-Anness II (Regolamenti tekniċi, standards, ittestjar u ċertifikazzjoni) tal-Ftehim dwar iż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif emendata mill-Protokoll li jaġġusta l-Ftehim dwar iż-Żona Ekonomika Ewropea, minn hawn 'il quddiem imsejjaħ "Il-Ftehim", partikolarment l-Artikolu 98 tiegħu,

Billi:

(1) L-Anness II fil-Ftehim ġie emendat bid-Deċiżjoni tal-Kumitat Konġunt taż-ŻEE Nru.111/2001 tat-28 ta' Settembru 2001 [1].

(2) Id-Direttiva tal-Kummissjoni 2000/57/KE tat-22 ta' Settembru 2000 li temenda l-Annessi tad-Direttivi tal-Kunsill 76/895/KEE u 90/642/KEE dwar l-iffisar tal-livelli massimi tar-residwi tal-pestiċidi fuq u fil-frott u l-ħaxix u fuq ċerti prodotti li ġejjin mill-pjanti inklużi l-frott u l-ħaxix rispettivament [2] għandha tkun inkorporata fil-Ftehim.

(3) Id-Direttiva tal-Kummissjoni 2000/58/KE tat-22 ta' Settembru 2000 li temenda l-Annessi tad-Direttivi tal-Kunsill 86/362/KEE, 86/363/KEE, u 90/642/KEE dwar l-iffissar tal-livelli massimi tar-residwi tal-pestiċidi fuq u fiċ-ċerejali, oġġetti ta' l-ikel li ġejjin mill-annimali u ċerti prodotti li ġejjin mill-pjanti, inklużi l-frott u l-ħaxix rispettivament [3] għandha tkun inkorporata fil-Ftehim,

IDDEĊIEDA DAN LI ĠEJ:

Artikolu 1

L-inċiż li ġej għandu jiġi inserit fil-punti 13 (Direttiva tal-Kunsill 76/895/KEE) u 54 (Direttiva tal-Kunsill 90/642/KEE) fil-Kapitolu XII ta' l-Anness II tal-Ftehim:

"- 32000 L 0057: Id-Direttiva tal-Kummissjoni 2000/57/KE tat-22 ta' Settembru 2000 (ĠU L 244, tad-29.9.2000, p. 76)."

Artikolu 2

L-inċiż li ġej għandu jiġi inserit fil-punti 38 (Direttiva tal-Kunsill 86/362/KEE), 39 (Direttiva tal-Kunsill 86/363/KEE) u 54 (Direttiva tal-Kunsill 90/642/KEE) fil-Kapitolu XII ta' l-Anness II mal-Ftehim:

"- 32000 L 0058: Id-Direttiva tal-Kummissjoni 2000/58/KE tat-22 ta' Settembru 2000 (ĠU L 244, tad-29.9.2000, p. 78)."

Artikolu 3

It-testi tad-Direttivi tal-Kummissjoni 2000/57/KE u 2000/58/KE fil-lingwa Islandiża u dik Norveġiża, li għandhom jiġu ppubblikati fis-suppliment taż-ŻEE mal-Ġurnal Uffiċjali tal-Komunitajiet Ewropej, għandhom ikunu awtentiċi.

Artikolu 4

Din id-Deċiżjoni għandha tidħol fis-seħħ fl-24 ta' Novembru2001, sakemm in-notifiki kollha taħt l-Artikolu 103(1) tal-Ftehim ikunu ngħataw lill-Kumitat Konġunt taż-ŻEE [4].

Artikolu 5

Din id-Deċiżjoni għandha tiġi ppubblikata fis-sezzjoni taż-ŻEE, u fis-Suppliment taż-ŻEE, mal-Ġurnal Uffiċjali tal-Komunitajiet Ewropej.

Magħmula fi Brussel, fit-23 ta' Novembru 2001.

Għall-Kumitat Konġunt taż-ŻEE

Il-President

E. Bull

[1] ĠU L 322, tas-6.12.2001, p. 22.

[2] ĠU L 244, tad-29.9.2000, p. 76.

[3] ĠU L 244, tad-29.9.2000, p. 78.

[4] L-ebda ħtiġijiet kostituzzjonali ma kienu indikati.

--------------------------------------------------