22000D0921(06)

Deċiżjoni tal-Kumitat Konġunt taż-ŻEE

Nru 53/2000

tat-28 ta' Ġunju 2000

li temenda l-Anness II (Regolamenti, standards, ittestjar u ċertifikazzjoni tekniċi) għall-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "l-Ftehim", u b'mod partikolari l-Artikolu 98 tiegħu,

Billi:

(1) L-Anness II għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 26/2000 tal-31 ta' Marzu 2000. [1].

(2) Id-Direttiva 96/84/KE li temenda d-Direttiva 89/398/KEE dwar l-approssimazzjoni tal-liġijiet ta' l-Istati Membri fir-rigward ta' affarijiet ta' l-ikel maħsubin għal użu nutrizzjonali partikolari [2] għandha tiġi inkorporat fil-Ftehim,

IDDEĊIEDA KIF ĠEJ:

Artikolu 1

Li ġej għandu jiġi miżjud wara l-punt 51 (Direttiva tal-Kunsill 89/398/KEE) fil-Kapitolu XII ta' l-Anness II għall-Ftehim:

", kif emendat bi:

- 396 L 0084: Id-Direttiva 96/84/KE tal-Parlament Ewropew u tal-Kunsill tad-19 ta' Diċembru 1996 (ĠU L 48, tad-19.2.1997, p. 20).

Id-dispożizzjonijiet ta' din id-Direttiva għandhom, għall-għanijiet tal-Ftehim preżenti, jinqraw bl-addattament li ġej:

Fl-Artikolu 4, is-subparagrafu li ġej għandu jiġi miżjud wara l-aħħar paragrafu fil-paragrafu 1a:

"fir-rigward ta' awtorizzazzjoni temporanja tas-suq bħal din, Parti Kontraenti tista', fejn ikollha raġunijiet iġġustifikati sabiex tikkunsidra li prodott jikkostitwixxi riskju għas-saħħa umana, tirrestrinġi jew tipprojbixxi l-użu u/jew il-bejgħ ta' dak il-prodott fuq it-territorju tagħha. Għandha tinforma minnufih lill-Partijiet Konraenti l-oħra permezz tal-Kumitat Konġunt taż-ŻEE b'azzjoni bħal din u għandha tagħti raġunijiet għad-deċiżjoni tagħha. Jekk Parti kontraenti tkun tixtieq hekk, għandhom isiru konsultazzjonijiet dwar l-adekwatezza tal-miżura fil-Kumitat Konġunt taż-ŻEE. Il-Parti VII tal-Ftehim għandha tapplika."."

Artikolu 2

It-testi tad-Direttiva 96/84/KE tal-Parlament Ewropew u tal-Kunsill fil-lingwa Islandiża u f'dik Norveġiża, li għandhom jiġu ppubblikati fis-Suppliment taż-ŻEE għall-Ġurnal Uffiċjali tal-Komunitajiet Ewropej, għandhom ikunu awtentiċi.

Artikolu 3

Din id-Deċiżjoni għandha tidħol fis-seħħ nhar id-29 ta' Ġunju 2000, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE [3].

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej.

Magħmula fi Brussel, fit-28 ta' Ġunju 2000.

Għall-Kumitat Konġunt taż-ŻEE

Il-President

F. Barbaso

[1] ĠU L 141, tal-15.6.2000, p. 46.

[2] ĠU L 48, tad-19.2.1997, p. 19.

[3] Ebda ħtiġiet kostituzzjonali indikati.

--------------------------------------------------