21979A0919(01)

Konvenzjoni

dwar il-konservazzjoni tal-ħajja ferjali Ewropea u ta' l-abitati naturali

PREAMBOLU

L-ISTATI MEMBRI TAL-KUNSILL TA' L-EWROPA U L-FIRMATARJI L-OĦRAJN TA' DIN IL-KONVENZJONI,

JIKKONSIDRAW li l-għan tal-Kunsill ta' l-Ewropa huwa li jilħaq l-aqwa unità bejn il-membri tiegħu;

JIKKONSIDRAW ix-xewqa tal-Kunsill ta' l-Ewropa li jikkopera mal-Istati l-oħrajn fil-qasam tal-konservazzjoni tan-natura;

JIRRIKONOXXU li l-flora u l-fawna ferjali jikkostitwixxu eredità naturali tal-valuri estetiċi, xjentifiċi, kulturali, rekreazzjonali, ekonomiki u intrinsiċi li jeħtieġ li jkunu ppreservati u mgħoddija lejn il-ġenerazzjonijiet futuri;

JIRRIKONOXXU r-rwol essenzjali pprovdut mill-flora u l-fawna ferjali fiż-żamma tal-bilanċji bioloġiċi;

JINNOTTAW li kwantità ta' speċje ta' flora u fawna ferjali jinsabu serjament li jkunu miġjuba fix-xejn u uħud minnhom mhedda b'estinzjoni;

KONXJI li l-konservazzjoni ta' l-abitati naturali hija komponent vitali għall-protezzjoni u l-konservazzjoni tal-flora u l-fawna ferjali;

JIRRIKONOXXU li l-konservazzjoni tal-flora u l-fawna ferjali għandha tkun meqjusa mill-gvernijiet fil-miri u l-programmi nazzjonali tagħhom, u li koperazzjoni internazzjonali għandha tkun stabbilita partikolarment għall-protezzjoni tal-ispeċje migratorji;

IŻOMMU F'MOĦĦOM it-talbiet vasti għal azzjoni komuni mressqa minn gvernijiet jew minn korpi internazzjonali, partikolarment it-talbiet espressi fil-Konferenza tan-Nazzjonijiet Uniti dwar l-Ambjent Uman tal-1972 u l-Assemblea Parlamentari tal-Kunsill ta' l-Ewropa;

MIXTIEQA partikolarment li jsegwu, fil-qasam tal-konservazzjoni tal-ħajja ferjali, ir-rakkommandazzjonijiet tar-Reżoluzzjoni 2 tat-Tieni Konferenza Ministerjali Ewropea dwar l-Ambjent,

FTIEHMU KIF ĠEJ:

IL-KAPITOLU I

Dispożizzjonijiet ġenerali

Artikolu 1

1. L-għanijiet ta' din il-Konvenzjoni huma li jikkonservaw il-flora u l-fawna ferjali u l-abitati naturali tagħhom, speċjalemnt dawk l-ispeċje u l-abitati li l-konservazzjoni tagħhom teħtieġ il-koperazzjoni ta' diversi Stati, u li jħeġġu tali koperazzjoni.

2. Enfasi partikolari hija mogħtija lejn dawk l-ispeċje ipperikolati u vulnerabbli, inklużi l-ispeċje migratorji ipperikolati u vulnerabbli.

Artikolu 2

Il-Partijiet Kontraenti għandhom jieħdu l-miżuri meħtieġa sabiex iżommu il-popolazzjoni tal-flora u l-fawna ferjali fi, jew li jadattawha għal, livell li jikkorrispondi partikolarment mal-ħtiġiet ekoloġiċi, xjentifiċi u kulturali, waqt li jqisu l-ħtiġiet ekonomiċi u rekreazzjonali u l-bżonn tas-sub-speċje, varjetajiet jew għamliet f'riskju lokali.

Artikolu 3

1. Kull Parti Kontraenti għandha tieħu passi sabiex tħeġġeġ strateġiji nazzjonali għall-konservazzjoni tal-flora u l-fawna ferjali u l-abitati naturali, b'attenzjoni partikolari għall-ispeċje ipperikolati u vulnerabbli, speċjalment dawk endemiċi, u l-abitati ipperikolati b'konformità mad-dispożizzjonijiet ta' din il-Konvenzjoni.

2. Kull Parti Kontraenti tintrabat, fl-istrateġiji ta' l-ippjanar u l-iżvilupp tagħha u fil-miżuri li hija tieħu kontra t-tniġġiż billi tqis il-konservazzjoni tal-flora u l-fawna ferjali.

3. Kull Parti Kontraenti għandha tħeġġeġ l-edukazzjoni u d-disseminazzjoni ta' l-informazzjoni ġenerali dwar il-ħtieġa tal-konservazzjoni tal-flora u l-fawna ferjali u ta' l-abitati tagħhom.

IL-KAPITOLU II

Il-protezzjoni ta' l-abitati

Artikolu 4

1. Kull Parti Kontraenti għandha tieħu l-miżuri leġislattivi u amministrattivi xierqa u meħtieġa sabiex tassigura l-konservazzjoni ta' l-abitati tal-ispeċje tal-flora u l-fawna ferjali, speċjalemnt dawk speċifikati fl-Appendiċi I u II u tal-konservazzjoni ta' l-abitati naturali ipperikolati.

2. Il-Partijiet Kontraenti fl-istrateġija ta' l-ippjanar u l-iżvilupp tagħhom għandhom iqisu il-ħtiġiet tal-konservazzjoni taż-żoni protetti permezz tal-paragrafu preċedenti, hekk li jevitaw jew inaqqsu sa kemm ikun possibbli xi deterjorazzjoni ta' dawk iż-żoni.

3. Il-Partijiet Kontraenti jintrabtu li jagħtu attenzjoni speċjali għall-protezzjoni taż-żoni li huma ta' importanza għall-ispeċje migratorji speċifikati fl-Appendiċi II u III u li jinsabu b'relazzjoni xierqa mar-rottot migratorji, bħal ma huma l-forniment ta' l-ilma, il-postijiet tas-serħan, l-ikel, it-tgħammir jew żoni fejn joforħu.

4. Il-Partijiet Kontraenti jintrabtu li jikkordinaw kif xieraq l-isforzi tagħhom għall-protezzjoni ta' l-abitati naturali referuti f'dan l-Artikolu meta dawk ikunu jinsabu f'żoni tal-fruntieri.

IL-KAPITOLU III

Protezzjoni tal-ispeċje

Artikolu 5

Kull Parti Kontraenti għandha tieħu l-miżuri leġislattivi u amministrattivi xierqa u meħtieġa sabiex tassigura l-protezzjoni speċjali tal-ispeċje tal-flora ferjali kif speċifikati fl-Appendiċi I. Ġbir, kollezzjoni, qtugħ jew qlugħ mill-għeruq deliberat ta' tali pjanti għandu jkun ipprojbit. Kull Parti Kontraenti għandha skond kif xieraq, tipprojbixxi l-pussess jew il-bejgħ ta' tali speċje.

Artikolu 6

Kull Parti Kontraenti għandha tieħu l-miżuri leġislattivi u amministrattivi xierqa u meħtieġa sabiex tassigura l-protezzjoni speċjali tal-ispeċje tal-fawna ferjali kif speċifikati fl-Appendiċi II. Dan li ġej għandu partikolarment ikun ipprojbit għal dawn l-ispeċje:

(a) l-għamliet tal-qabda u ż-żamma deliberata u l-qtil deliberat;

(b) il-ħsara deliberata għal, jew il-qerda tas-siti tat-tgħammir jew tas-serħan;

(ċ) id-disturb deliberat tal-fawna ferjali partikolarment waqt il-perjodu tat-tnissil, it-tkabbir u tar-raqda tax-xitwa, sal-limitu li tali disturb ikollu sinifikat b'relazzjoni ma' l-għanijiet ta' din il-Konvenzjoni;

(d) il-qerda deliberata jew it-teħid ta' bajd mis-selvaġġ jew iż-żamma ta' dawk il-bajd anki jekk vojta;

(e) il-pussess ta', u l-kummerċ intern f'dawn l-annimali, ħajjin jew mejtin, inklużi l-annimali ibbalzmati u xi parti rikonoxxibbli faċilment jew id-derivattivi tagħhom, meta dan ikun jikkontribwixxi għall-effettività tad-dispożizzjonijiet ta' dan l-Artikolu.

Artikolu 7

1. Kull Parti Kontraenti għandha tieħu l-miżuri leġislattivi u amministrattivi xierqa u meħtieġa sabiex tassigura l-protezzjoni speċjali tal-ispeċje tal-fawna ferjali kif speċifikati fl-Appendiċi III.

2. Xi esplojtazzjoni ta' fawna ferjali speċifikata fl-Appendiċi III għandha tkun irregolata sabiex iżżomm il-popolazzjonijiet lil hinn mill-perikolu, billi tqis il-ħtiġiet ta' l-Artikolu 2.

3. Miżuri li għandhom jittieħdu għandhom jinkludu:

(a) staġuni magħluqa u/jew proċeduri oħrajn li jirregolaw l-esplojtazzjoni;

(b) il-projbizzjoni ta' l-esplojtazzjoni temporanja jew lokali, skond kif xieraq, sabiex ikunu restawrati l-livelli sodisfaċenti tal-popolazzjoni;

(ċ) ir-regolazzjoni kif xierqa ta' bejgħ, iż-żamma għall-bejgħ, it-trasport għall-bejgħ jew l-offerta għall-bejgħ ta' l-annimali ferjali ħajjin jew mejtin.

Artikolu 8

Fir-rigward tal-qbid jew il-qtil tal-ispeċje tal-fawna ferjali speċifikata fl-Appendiċi III u fil-każi meta, bi qbil ma' l-Artikolu 9, eċċezzjonijiet huma applikati għall-ispeċje speċifikata fl-Appendiċi II, il-Partijiet Kontraenti għandhom jipprojbixxu l-użu tal-meżżi indiskriminati kollha tal-qabda u l-qtil u l-użu tal-meżżi kollha kapaċi li joħolqu l-għejbien lokali ta', jew id-distrurb serju ta' popolazzjonijiet ta' speċje, u partikolarment, il-meżżi speċifikati fl-Appendiċi IV.

Artikolu 9

1. Kull Parti Kontraenti tistgħu tagħmel eċċezzjonijiet mid-dispożizzjonijiet ta' l-Artikoli 4, 5, 6, 7 u mill-projbizzjoni ta' l-użu tal-meżżi msemmija fl-Artikolu 8 basta li ma jkun hemm l-ebda soluzzjonijiet sodisfaċenti oħrajn u li l-eċċezzjoni ma tkunx detrimentali għas-sopravivenza tal-popolazzjoni kkonċernata:

- għall-protezzjoni tal-flora u l-fawna,

- għall-prevenzjoni ta' ħsara serja għall-uċuħ, il-qobla, il-foresti, il-ħut, l-ilma u l-għamliet l-oħrajn ta' propjetà,

- fl-interess tas-saħħa u s-sigurtà pubblika, s-sigurtà ta' l-ajru jew l-interessi pubbliċi l-oħrajn li jkollhom prijorità assoluta,

- għall-iskopijiet ta' riċerka u edukazzjoni, għall-popolazzjoni mill-ġdid, għall-introduzzjoni mill-ġdid u għal tgħamir meħtieġ,

- sabiex jippermettu, permezz ta' kondizzjonijiet strettament taħt superviżjoni, fuq bażi selettiva u għall-estent limitat, it-teħid, iż-żamma jew l-esplojtazzjoni dehnija oħra ta' ċerti annimali u pjanti ferjali fi kwantitajiet żgħar.

2. Il-Partijiet Kontraenti għandhom jirrapurtaw darba kull sentejn lejn il-Kumitat Permanenti dwar l-eċċezzjonijiet magħmula permezz tal-paragrafu preċedenti. Dawn ir-rapporti għandhom jispeċifikaw:

- il-popolazzjonijiet li huma jew li kienu ġew suġġetti għall-eċċezzjonijiet u, meta prattiku, in-numru ta' kampjuni involuti,

- il-meżżi awtorizzati għall-qatla jew il-qabda,

- il-kondizzjonijiet tar-riskju u ċ-ċirkostanzi taż-żmien u l-post li permezz tagħhom tali eċċezzjonijiet kienu ġew mogħtija,

- l-awtortà mogħtija l-poter li tiddikjara li dawn il-kondizzjonijiet kienu ġew imwettqa, u li tieħu deċiżjonijiet fir-rigward tal-meżżi li jistgħu jkunu wżati, il-limiti tagħhom u l-persuni li jkollhom l-istruzzjoni ħalli jwettquhom,

- il-kontrolli involuti.

IL-KAPITOLU IV

Dispożizzjonijiet speċjali għall-ispeċje migratorji

Artikolu 10

1. Il-Partijiet Kontraenti jintrabtu, b'żieda mal-miżuri speċifikati fl-Artikoli 4, 6, 7 u 8 li jikkordinaw l-isforzi tagħhom għall-ħarsien tal-ispeċje migratorji speċifikati fl-Appendiċi II u III li l-medda tagħhom testendi fit-territorji tagħhom.

2. Il-Partijiet Kontraenti għandhom jieħdu l-miżuri kollha sabiex ifittxu li jassiguraw li l-istaġuni magħluqa u/jew il-proċeduri l-oħrajn li jirregolaw l-esplojtazzjoni stabbiliti permezz tal-paragrafu 3 (a) ta' l-Artikolu 7 jkunu adekwati u utilizzati kif xieraq sabiex jilħqu mal-ħtiġiet tal-ispeċje migratorji speċifikati fl-Appendiċi III.

IL-KAPITOLU V

Dispożizzjonijiet supplementarji

Artikolu 11

1. Fit-twettieq tad-dispożizzjonijiet ta' din il-Konvenzjoni, il-Partijiet Kontraenti jintrabtu:

(a) li jikkoperaw kull meta xieraq u partikolarment meta dan ikun isaħħaħ l-effettività tal-miżuri meħuda permezz ta' l-Artikoli l-oħrajn ta' din il-Konvenzjoni;

(b) li jinkorraġġixxu u jikkordinaw ir-riċerka relatata ma' l-iskopijiet ta' din il-Konvenzjoni.

2. Kull Parti Kontraenti tintrabat:

(a) li jinkorraġġixxu l-introduzzjoni mill-ġdid ta' l-ispeċje nattivi tal-flora u l-fawna ferjali meta din tkun tikkontribwixxi għall-konservazzjoni ta' l-ispeċje pperikolati, basta li jkun l-ewwel sar studju fid-dawl ta' l-esperjenzi tal-Partijiet Kontraenti l-oħrajn sabiex tisstabbilixxi li tali introduzzjoni mill-ġdid tkun effettiva u aċċettabbli;

(b) li strettament tikkontrolla l-introduzzjoni ta' speċje mhux nattivi.

3. Kull Parti Kontraenti għandha tinforma lill-Kumitat Permanenti b'dawk l-ispeċje li jirċievu protezzjoni sħiħa fit-territorju tagħha u li ma humiex inklużi fl-Appendiċi I u II.

Artikolu 12

Il-Partijiet Kontraenti jistgħu jadottaw miżuri aktar stretti għall-konservazzjoni tal-flora u l-fawna ferjali u ta' l-abitati naturali tagħhom minn dawk li hemm provvediment dwarhom f'din il-Konvenzjoni.

IL-KAPITOLU VI

Kumitat Permanenti

Artikolu 13

1. Għall-iskopijiet ta' din il-Konvenzjoni, għandu jkun stabbilit Kumitat Permanenti.

2. Kwalunkwe Parti Kontraenti tista tkun irrapreżentata fuq il-Kumitat Permanenti b'wieħed jew aktar delegati. Kull delegazzjoni għandha jkollha vot wieħed. Fi ħdan l-oqsma tal-kompetenza tagħha, il-Komunità Ekonomika Ewropea għandha teżerċita d-dritt tal-vot bin-numru ta' voti egwali man-numru tal-Istati Membri tagħha li huma Partijiet Kontraenti ma din il-Konvenzjoni; il-Komunità Ekonomika Ewropea m'għandhiex teżerċita d-dritt tal-vot tagħha f'dawk il-każi meta l-Istati Membri kkonċernati jkunu eżerċitaw il-vot tagħhom, u vice versa.

3. Kwalunkwe Stat Membri tal-Kunsill ta' l-Ewropa li ma hux Parti Kontraenti ta' din il-Konvenzjoni jista jkun irrapreżentat fuq il-Kumitat bħala osservatur.

Il-Kumitat Permanenti jista, b'deċiżjoni unanima, jistieden Stat li mhux membru tal-Kunsill ta' l-Ewropa u li ma hux Parti Kontraenti ta' din il-Konvenzjoni sabiex ikun irrappreżentat minn osservatur f'wieħed jew aktar tal-laqgħat tiegħu.

Kwalunkwe korp jew aġenzija teknikament kwalifikata fil-protezzjoni, il-konservazzjoni jew l-amministrazzjoni tal-fawna u l-flora ferjali u l-abitati tagħhom, u li jappartjenu għal waħda minn dawn il-kategorijiet li ġejjin:

(a) aġenziji jew korpi internazzjonali, jew governamentali inkella mhux-governamentali, u l-aġenziji u l-korpi governamentali nazzjonali;

(b) l-aġenziji u l-korpi mhux-governamentali nazzjonali li jkunu ġew approvati għal dan l-iskop mill-Istat li fih huma lokalizzati,

jistgħu jinformaw lis-Segretarju Ġenerali tal-Kunsill ta' l-Ewropa, mill-anqas tliet xhur qabel il-laqgħa tal-Kumitat, bix-xewqa tagħhom li jkunu rrappreżentati f'dik il-laqgħa minn osservaturi. Dawn għandhom ikunu ammessi sakemm, mill-anqas xahar qabel il-laqgħa, terz tal-Partijiet Kontraenti jkunu nformaw lis-Segretarju Ġenerali bl-oġġezzjoni tagħhom.

4. Il-Kumitat Permanenti għandu jkun imsejjaħ mis-Segretarju Ġenerali tal-Kunsill ta' l-Ewropa. L-ewwel laqgħa tiegħu għandha tinżamm fi żmien sena waħda mid-data tad-dħul fis-seħħ ta' din il-Konvenzjoni. Sussegwentament dan għandu jiltaqa' mill-anqas darba kull sentejn u kull meta maġġoranza tal-Partijiet Kontraenti hekk titlob.

5. Maġġoranza tal-Partijiet Kontraenti għandha tifforma quorum għaż-żamma tal-laqgħa tal-Kumitat Permanenti.

6. Suġġett għad-dispożizzjonijiet ta' din il-Konvenzjoni, il-Kumitat Permanenti għandu jħejji ir-Regoli tal-Proċedura tiegħu.

Artikolu 14

1. Il-Kumitat Permanenti għandu jkun responsabbli sabiex isegwi l-applikazzjoni ta' din il-Konvenzjoni. Partikolarment huwa jista:

- iżomm taħt reviżjoni id-dispożizzjonijiet ta' din il-Konvenzjoni, inklużi l-Appendiċi tagħha, u jeżamina kwalunkwe modifiki meħtieġa,

- jagħmel ir-rakkommandazzjonijiet lejn il-Partijiet Kontraenti li jikkonċernaw il-miżuri li għandhom jittieħdu għall-iskopijiet ta' din il-Konvenzjoni,

- jirrakkomanda l-miżuri xierqa sabiex il-pubbliku jinżamm informat dwar l-attivitajiet impenjati minnu fi ħdan il-qafas ta' din il-Konvenzjoni.

- jagħmel rakkommandazzjonijiet lejn il-Kumitat tal-Ministri rigward Stati mhux-membri tal-Kunsill ta' l-Ewropa sabiex dawn ikunu mistiedna li jissieħbu f'din il-Konvenzjoni.

- li jagħmel kwalunkwe proposta għat-titjib ta' l-effettività ta' din il-Konvenzjoni, inklużi proposti għall-konklużjoni, ma' l-Istati li ma humiex Partijiet Kontraenti tal-Konvenzjoni, ta' ftehim li jkunu jsaħħu il-konservazzjoni effettiva tal-ispeċje jew ta' gruppi ta' speċje.

2. Sabiex iwettaq il-funzjonijiet tiegħu, il-Kumitat Permanenti jista, bl-inizjattiva tiegħu stess, jirranġa għall-laqgħat ta' gruppi ta' esperti.

Artikolu 15

Wara kull laqgħa, il-Kumitat Permanenti għandhu jwassal għand il-Kumitat tal-Ministri tal-Kunsill ta' l-Ewropa, rapport dwar ix-xogħol tiegħu u dwar il-funzjonijiet tal-Konvenzjoni.

IL-KAPITOLU VII

Emendi

Artikolu 16

1. Kwalunkwe emenda għall-Artikoli ta' din il-Konvenzjoni, proponuta minn Parti Kontraenti jew mill-Kumitat tal-Ministri, għandha tkun ikkomunikata lejn is-Segretarju Ġenerali tal-Kunsill ta' l-Ewropa u mgħoddija minnu mill-anqas xharejn qabel il-laqgħa tal-Kumitat Permanenti lejn l-Istati Membri tal-Kunsill ta' l-Ewropa, lejn kull firmatarju, lejn kull Parti Kontraenti, lejn kull Stat mistieden sabiex jiffirma din il-Konvenzjoni b'konformità mad-dispożizzjonijiet ta' l-Artikolu 19 u lejn kull Stat mistieden li jintrabat magħha b'konformità mad-dispożizzjonijiet ta' l-Artikolu 20.

2. Kwalunkwe emenda kif ippropomuta skond id-dispożizzjonijiet tal-paragrafu preċedenti għandha tkun eżaminata mill-Kumitat Permanenti li għandu:

(a) għall-emendi ta' l-Artikoli 1 sa 12, jippreżenta t-test adottat b'maġġoranza ta' tlieta minn erba' tal-voti mitfuha, lejn il-Partijiet Kontraenti għall-aċċettazzjoni;

(b) għall-emendi ta' l-Artikoli 13 sa 24, jippreżenta t-test adottat b'maġġoranza ta' tlieta minn erba' tal-voti mitfuha, lejn il-Kumitat tal-Ministri għall-approvazzjoni.

Wara l-approvazzjoni, dan it-test għandhu jkun mgħoddi lejn il-Partijiet Kontraenti għall-aċċettazzjoni.

3. Kwalunkwe emenda għandha tidħol fis-seħħ fit-30 jum wara li l-Partijiet Kontraenti kollha jkunu informaw lis-Segretarju Ġenerali li huma jkunu aċċettawha.

4. Id-dispożizzjonijiet tal-paragrafi 1, 2 (a) u 3 ta' dan l-Artikolu għandhom ikunu applikabbli għall-Appendiċi ġodda ta' din il-Konvenzjoni.

Artikolu 17

1. Kwalunkwe emenda għall-Appendiċi ta' din il-Konvenzjoni, proponuta minn Parti Kontraenti jew mill-Kumitat tal-Ministri, għandha tkun ikkomunikata lejn is-Segretarju Ġenerali tal-Kunsill ta' l-Ewropa u mgħoddija minnu mill-anqas xharejn qabel il-laqgħa tal-Kumitat Permanenti lejn l-Istati Membri tal-Kunsill ta' l-Ewropa, lejn kull firmatarju, lejn kull Parti Kontraenti, lejn kull Stat mistieden sabiex jiffirma din il-Konvenzjoni b'konformità mad-dispożizzjonijiet ta' l-Artikolu 19 u lejn kull Stat mistieden li jintrabat magħha b'konformità mad-dispożizzjonijiet ta' l-Artikolu 20.

2. Kwalunkwe emenda kif ipproponuta skond id-dispożizzjonijiet tal-paragrafu preċedenti għandha tkun eżaminata mill-Kumitat Permanenti, li jista jadottha b'maġġoranza ta' żewġ terzi tal-Partijiet Kontraenti. It-test adottat għandhu jkun imwassal lill-Partijiet Kontraenti.

3. Tliet xhur wara l-adozzjoni tagħha mill-Kumitat Permanenti u sakemm terz tal-Partijiet Kontraenti ma jkunux innotifikaw xi oġġezzjonijiet, kwalunkwe emenda għandha tidħol fis-seħħ għal dawk il-Partijiet Kontraenti li ma jkunux innotifikaw oġġezzjonijiet.

IL-KAPITOLU VIII

Twettieq ta' kwistjonijiet

Artikolu 18

1. Il-Kumitat Permanenti għandu jutilizza l-aħjar sforzi tiegħu ħalli jiffaċilita twettieq amikevoli ta' xi diffikultà li l-eżekuzzjoni ta' din il-Konvenzjoni tista tinħoloq.

2. Kwalunkwe kwistjoni bejn il-Partijiet Kontraenti li tikkonċerna l-interpretazzjoni jew l-applikazzjoni ta' din il-Konvenzjoni li ma tkunx twettqet fuq il-bażi tad-dispożizzjonijiet tal-paragrafu preċedenti jew b'negozjati bejn il-partijiet ikkonċernati għandha, sakemm il-partijiet ma jkunux ftiehmu mod ieħor, tkun ippreżentata, fuq it-talba ta' wieħed minnhom, lejn l-arbitraġġ. Kull parti għandha tinnomina arbitratur u ż-żewġ arbitraturi għandhom jinnominaw it-tielet arbitratur. Suġġett għad-dispożizzjonijiet tal-paragrafu 3 ta' dan l-Artikolu, jekk waħda mill-partijiet ma tkunx innominat l-arbitratur tagħha fi żmien tliet xhur wara t-talba għall-arbitrazzjoni, dan għandu jkun innominat fuq it-talba tal-parti l-oħra mill-President tal-Qorti Ewropea tad-Drittijiet Umani fi żmien perjodu ieħor ta' tliet xhur. L-istess proċedura għandha tkun osservata jekk l-arbitraturi ma jkunux jistgħu jaqblu dwar l-għażla tat-tielet abritratur fi żmien tliet xhur min-nomina ta' l-ewwel żewġ arbitraturi.

3. Fil-każ ta' kwistjoni bejn żewġ Partijiet Kontraenti li wieħed minnhom huwa Stat Membru tal-Komunità Ekonomika Ewropea, dan ta' l-aħħar li jkun huwa nnifsu Parti Kontraenti, il-Parti Kontraenti l-oħra għandha tindirizza t-talba tagħha għall-arbitraġġ kemm lill-Istat Membru u wkoll lejn il-Komunità; li b'mod konġunt għandhom jinnotifikawha, fi żmien xharejn mill-wassla tat-talba, jekk l-Istat Membru jew il-Komunità, jew l-Istat Membru u l-Komunità b'mod konġunt, għandhomx ikunu parti tal-kwistjoni. Fin-nuqqas ta' notifika tali fl-imsemmi limitu ta' żmien, l-Istati Membri u l-Komunità għandhom ikunu meqjusa bħala li huma ħaġa waħda u l-istess parti tal-kwistjoni għall-iskop ta' l-applikazzjoni tad-dispożizzjonijiet li jirregolaw il-kostituzzjoni u l-proċedura tat-tribunal ta' l-arbitraġġ. L-istess għandu jkun applikabbli meta l-Istat Membru u l-Komunità konġunti jippreżentaw lilhom infushom bħala parti tal-kwistjoni.

4. It-tribunal ta' l-arbitraġġ għandu jfassal ir-Regoli tal-Proċedura tiegħu. Id-deċiżjonijiet tiegħu għandhom jittieħdu bil-vot tal-maġġoranza. L-għotja għandha tkun finali u li torbot.

5. Kull parti għall-kwistjoni għandu jġorr l-ispejjeż ta' l-arbitratur innominat minnu u l-partijiet għandhom jaqsmu egwalment l-ispejjes tat-tielet arbitratur, kif ukoll l-ispejjeż l-oħrajn involuti mill-arbitraġġ.

IL-KAPITOLU IX

Dispożizzjonijiet finali

Artikolu 19

1. Din il-Konvenzjoni għandha tkun miftuħha għal firma mill-Istati Membri tal-Kunsill ta' l-Ewropa u mill-Istati li ma humiex membri li jkunu pparteċipaw fl-elaborazzjoni tagħha fil-Komunità Ekonomika Ewropea.

Sad-data ta' meta din il-Konvenzjoni tidħol fis-seħħ, din hija miftuħha wkoll għall-firma minn xi Stat ieħor hekk mistieden mill-Kumitat tal-Ministri.

Din il-Konvenzjoni hija suġġetta għal ratifika, aċċettazzjoni jew approvazzjoni. L-istrumenti tar-ratifika, l-aċċettazzjoni jew l-approvazzjoni għandhom ikunu ddepożitati mas-Segretarju Ġenerali tal-Kunsill ta' l-Ewropa.

2. Din l-Konvenzjoni għandha tidħol fis-seħħ fl-ewwel jum tax-xhar li jsegwi l-iskadenza tal-perjodu ta' tliet xhur minn wara d-data li fiha ħames Stati, inklużi mill-anqas erba' Stati Membri tal-Kunsill ta' l-Ewropa, jkunu iddikjaraw il-kunsens tagħhom li jkunu marbuta bil-Konvenzjoni b'konformità mad-dispożizzjonijiet tal-paragrafu preċedenti.

3. Fir-rigward ta' xi Stat firmatarju jew tal-Komunità Ekonomika Ewropea li sussegwentament jiddikjaraw l-kunsens tagħhom li jkunu marbuta bih, il-Konvenzjoni għandha tidħol fis-seħħ fl-ewwel jum tax-xhar li jsegwi l-iskadenza ta' perjodu ta' tliet xhur wara d-data tad-depositu ta' l-istrument tar-ratifika, l-aċċettazzjoni jew l-approvazzjoni.

Artikolu 20

1. Wara d-dħul fis-seħħ ta' din il-Konvenzjoni, il-Kumitat tal-Ministri tal-Kunsill ta' l-Ewropa, wara li jkun ikkonsulta lill-Partijiet Kontraenti, jista jistieden li jaċċedi mal-Konvenzjoni ta' xi Stat li mhux membru tal-Kunsill li, mistieden li jiffirma b'konformità mad-dispożizzjonijiet ta' l-Artikolu 19, ikun għandu m'għamilx hekk, u kwalunkwe Stat ieħor li mhux membru.

2. Fir-rigward ta' xi stat li jaċċedi magħha, il-Konvenzjoni għandha tidħol fis-seħħ fl-ewwel jum tax-xahar li jsegwi l-iskadenza ta' perjodu ta' tliet xhur wara d-data tad-depożitu ta' l-istrument ta' adeżjoni, mas-Segretarju Ġenerali tal-Kunsill ta' l-Ewropa.

Artikolu 21

1. Kwalunkwe Stat jista, fil-waqt tal-firma jew ta' meta jiddepożita l-istrumenti tiegħu tar-ratifika, ta' l-aċċettazzjoni, ta' l-approvazzjoni jew ta' l-adeżjoni, jispeċifika it-territorju jew it-territorji li dwarhom din il-Konvenzjoni għandha tkun applikabbli.

2. Kwalunkwe Parti Kontraenti tista, meta tiddepożita l-istrument tar-ratifika, l-aċċettazzjoni, l-approvazzjoni jew ta' l-adeżjoni, jew f'data aktar tard, b'dikjarazzjoni indirizzata lis-Segretarju Ġenerali tal-Kunsill ta' l-Ewropa, jestendi l-applikazzjoni ta' din il-Konvenzjoni għal xi territorju ieħor speċifikat fid-dikjarazzjoni u li r-relazzjonijiet internazzjonali tagħhom huma r-responsabbilità tiegħu jew li f'ismu jkun awtorizzat li jgħati mpenji.

3. Xi dikjarazzjoni magħmulha bis-saħħa tal-paragrafu preċedenti tista, fir-rigward ta' xi territorju msemmi f'dikjarazzjoni bħal dik, tkun irtirata permezz ta' notifika indirizzata lis-Segretarju Ġenerali. Irtirar tali għandu jsir effettiv fl-ewwel jum tax-xhar li jsegwi l-iskadenza ta' perjodu ta' sitt xhur wara d-data tal-wasla tan-notifika għand is-Segretarju Ġenerali.

Artikolu 22

1. Kwalunkwe Stat jista, fil-waqt tal-firma jew ta' meta jiddepożita l-istrument tiegħu tar-ratifika, l-aċċettazzjoni, l-approvazzjoni jew l-adeżjoni, jagħmel waħda jew aktar riservi rigward ċerti speċji speċifikati fl-Appendiċi I sa III u/jew, għal ċerti speċje msemmija fir-riserva jew fir-riservi, rigward ċerti mezzi jew metodi tal-qatla, il-qabda u l-esplojtazzjoni l-oħrajn elenkati fl-Appendiċi IV. L-ebda riservi ta' natura ġenerali ma jistgħu isiru.

2. Kwalunkwe Parti Kontraenti li testendi l-applikazzjoni ta' din il-Konvenzjoni lejn territorju msemmi fid-dikjarazzjoni referuta fil-paragrafu 2 ta' l-Artikolu 21 tista, fir-rigward tat-territorju kkonċernat, li tagħmel waħda jew aktar riservi bi qbil mad-dispożizzjonijiet tal-paragrafu preċedenti.

3. L-ebda riserva oħra ma tista ssir.

4. Kwalunkwe Parti Kontraenti li tkun għamlet riserva permezz tal-paragrafi 1 u 2 ta' dan l-Artikolu tista kompletament jew parzjalment tirtira din ir-riserva b'notifika indirizzata lis-Segretarju Ġenerali tal-Kunsill ta' l-Ewropa. Irtirar tali għandu jkollu effett mid-data tal-wasla tan-notifika għand is-Segretarju Ġenerali.

Artikolu 23

1. Kwalunkwe Parti Kontraeneti tista, fi kwalunkwe waqt, tiddenunzja minn din il-Konvenzjoni permezz ta' notifika indirizzata lis-Segretarju Ġenerali tal-Kunsill ta' l-Ewropa.

2. Denunzja tali għandha ssir effettiva fl-ewwel jum tax-xhar li jsegwi l-iskadenza ta' perjodu ta' sitt xhur wara d-data tal-wasla tan-notifika għand is-Segretarju Ġenerali.

Artikolu 24

Is-Segretarju Ġenerali tal-Kunsill ta' l-Ewropa għandu jinnotifika lill-Istati Membri tal-Kunsill ta' l-Ewropa u xi firmatarji oħrajn, il-Komunità Ekonomika Ewropea jekk hija firmatarju ta' din il-Konvenzjoni u minn xi Parti Kontraenti bi:

(a) kwalunkwe firma;

(b) id-depożitu ta' xi strument tar-ratifika, l-aċċettazzjoni, l-approvazzjoni jew l-adeżjoni;

(ċ) b'xi data tad-dħul fis-seħħ ta' din il-Konvenzjoni, b'konformità ma l-Artikoli 19 u 20;

(d) xi informazzjoni mwassla permezz tad-dispożizzjonijiet tal-paragrafu 3 ta' l-Artikolu 13;

(e) xi rapport stabbilit permezz tad-dispożizzjonijiet ta' l-Artikolu 15;

(f) xi emenda jew Appendiċi ġdid adottat b'konformità ma l-Artikoli 16 u 17 u d-data li fiha l-emenda jew l-Appendiċi l-ġdida tidħol fis-seħħ;

(g) xi dikjarazzjoni magħmulha permezz tad-dispożizzjonijiet tal-paragrafi 2 u 3 ta' l-Artikolu 21;

(h) xi riserva magħmulha permezz tad-dispożizzjonijiet tal-paragrafi 1 u 2 ta' l-Artikolu 22;

(i) l-irtirar ta' xi riserva mwettaq permezz tad-dispożizzjonijiet tal-paragrafu 4 ta' l-Artikolu 22;

(j) xi notifika magħmulha permezz tad-dispożizzjonijiet ta' l-Artikolu 23 u d-data li fiha d-denunzja tkun saret effettiva.

B'xhieda ta' dan, ahna li hawn taħt sottoskritti, awtorizzati kif meħtieġ dwar dan, iffirmajna din il-Konvenzjoni.

Magħmulha f'Berna, dan id-19 ta' Settembru 1979, fil-lingwi Ingliż u Franċiż, iż-żewġ testi huma egwalment awtentiċi, f'kopja waħda li għandha tkun iddepożitata fl-arkivji tal-Kunsill ta' l-Ewropa. Is-Segretarju Ġenerali tal-Kunsill ta' l-Ewropa għandu jittrasmetti kopji ċertifikati lejn kull Stat Membru tal-Kunsill ta' l-Ewropa, lejn xi Stat firmatarju, lejn il-Komunità Ekonomika Ewropea jekk firmatarja, u lejn xi Stat mistieden li jiffirma din il-Konvenzjoni jew li jaċċedi magħha.

--------------------------------------------------

APPENDIĊI I

SPEĊJE TA' FLORA STRETTAMENT PROTETTI

PTERIDOPHYTA

ASPIDIACEAE

Diplazium caudatum (Cav.) Jermy

PTERIDACEAE

Pteris serrulata Forssk.

GYMNOSPERMAE

PINACEAE

Abies nebrodensis (Lojac.) Mattei

ANGIOSPERMAE

ALISMATACEAE

Alisma wahlenbergii (O. R. Holmberg) Juzepczuk

BERBERIDACEAE

Gymnospermium altaicum (Pallas) Spach

BORAGINACEAE

Anchusa crispa Viv.

Myosotis rehsteineri Wartm.

Omphelodes littoralis Lehm.

Onosma caespitosum Kotschy

Onosma troodi Kotschy

Solenanthus albanicus (Degen et al.) Degen & Baldacci

Symphytum cycladense Pawl.

CAMPANULACEAE

Campanula sabatia De Not.

CARYOPHYLLACEAE

Arenaria lithops Heywood ex McNeill

Gypsophila papillosa P. Porta

Loeflingia tavaresiana G. Samp.

Silene orphanidis Boiss.

Silene rothmaleri Pinto de Silva

Silene velutina Pourret ex Loisel.

CHENOPODIACEAE

Kochia saxicola Guss.

Salicornia veneta Pignatti & Lausi

CISTACEAE

Tuberaria major (Willk.) Pinto da Silva

COMPOSITAE

Anacyclus alboranensis Esteve Chueca & Varo

Anthemis glaberrima (Rech. f.) Greuter

Artemisia grantensis Boiss.

Artemisia laciniata Willd.

Aster pyrenaeus Desf. ex DC.

Aster sibiricus L.

Centaurea balearica J. D. Rodriguez

Centaurea heldreichii Halácsy

Centaurea horrida Badaro

Centaurea kalambakensis Freyn & Sint.

Centaurea lactiflora Halácsy

Centaurea linaresii Lazaro

Centaurea megarensis Halácsy & Hayek

Centaurea niederi Heldr.

Centaurea peucedanifolia Boiss. & Orph

Centaurea princeps Boiss. & Heldr.

Crepis crocifolia Boiss. & Heldr.

Lamyropsis microcephala (Moris) Dittrich & Greuter

Leontodon siculus (Guss.) Finch & Sell

Logfia neglecta (Soy.-Will.) Holub

Senecio alboranicus Maire

CONVOLVULACEAE

Convolvulus argyrothamnos Greuter

CRUCIFERAE

Alyssum akamasicum B. L. Burtt

Alyssum fastigiatum Heywood

Arabis kennedyae Meikle

Biscutella neustriaca Bonnet

Brassica hilarionis Post

Brassica macrocarpa Guss.

Braya purpurascens (R. Br.) Bunge

Coronopus navasii Pau

Diplotaxis siettiana Maire

Enarthrocarpus pterocarpus DC.

Hutera rupestris P. Porta

Iberis arbuscula Runemark

Inopsidium acaule (Desf.) Reichenb.

Ptilotrichum pyrenaicum (Lapeyr.) Boiss.

Rhynchosinapis johnstonii (G. Samp.) Heywood

Sisymbrium matritense P. W. Ball & Heywood

EUTHORBIACEAE

Euphorbia ruscinonensis Boiss.

GRAMINEAE

Stipa bavarica Martinovsky & H. Scholz

GROSSULARIACEAE

Ribes sardoum Martelli

HYPERICACEAE

Hypericum aciferum (Greuter) N. K. B. Robson

IRIDACEAE

Crocus cyprius Boiss. & Kotschy

Crocus hartmannianus Holmboe

LABIATAE

Amaracus cordifolium Montr. & Auch.

Micromeria taygetea P. H. Davis

Nepeta sphaciotica P. H. Davis

Phlomis brevibracteata Turrill

Phlomis cypria Post

Salvia crassifolia Sibth. & Smith

Sideritis cypria Post

Thymus camphoratus Hoffmanns. & Link

Thymus carnosus Boiss.

Thymus cephalotos L.

LEGUMINOSAE

Astragalus algarbiensis Coss. ex Bunge

Astragalus aquilinus Anzalone

Astragalus maritimus Moris

Astragalus verrucosus Moris

Cytisus aeolicus Guss. ex Lindl.

Ononis maweana Ball

Oxytropis deflexa (Pallas) DC.

LENTIBULARIACEAE

Pinguicula crystallica Sibth. & Smith

LILIACEAE

Androcymbium rechingeri Greuter

Chionodoxa lochiae Meikle

Muscari gussonei (Parl.) Tod.

Scilla morrisii Meikle

ORCHIDACEAE

Ophrys kotschyi Fleischm. & Soó

PAPAVERACEAE

Rupicapnos africana (Lam.) Pomel

PLUMBAGINACEAE

Armeria rouyana Daveau

Limonium paradoxum Pugsley

Limonium recurvum C. E. Salmon

POLYGONACEAE

Rheum rhaponticum L.

PRIMULACEAE

Primula apennina Widmer

Primula egaliksensis Wormsk.

RANUNCULACEAE

Aquilegia cazorlensis Heywood

Aquilegia kitaibelii Schott

Consolida samia P. H. Davis

Delphinium caseyi B. L. Burtt

Ranunculus kykkvënsis Meikle

Ranunculus weyleri Mares

RUBIACEAE

Galium litorale Guss.

SCROPHULARIACEAE

Antirrbinum charidemi Lange

Euphrasia marchesettii Wettst. ex Marches.

Linaria algarviana Chav.

Linaria ficalhoana Rouy

SELAGINACEAE

Globularia stygia Orph. ex Boiss.

SOLANACEAE

Atropa baetica Willk.

THYMELAEACEAE

Daphne rodriguezii Texidor

UMBELLIFERAE

Angelica heterocarpa Lloyd

Angelica palustris (Besser) Hoffman

Bupleurum kakiskalae Greuter

Ferula cypria Post

Laserpitium longiradium Boiss.

Oenanthe conioides Lange

VALERIANACEAE

Valeriana longiflora Willk.

VIOLACEAE

Viola hispida I am.

Viola jaubertiana Mares & Vigineix

--------------------------------------------------

APPENDIĊI II

SPEĊJE TA' FAWNA STRETTAMENT PROTETTI

MAMMALI

INSECTIVORA

Talpidae

Desmana pyrenaica (Galemys pyrenaicus)

MICROCHIROPTERA

L-ispeċje kollha ħlief

Pipistrellus pipistrellus

RODENTIA

Sciuridae

Citellus citellus

Cricetidae

Cricetus cricetus

Hystricidae

Hystrix cristata

CARNIVORA

Canidae

Canis lupus

Alope lagopus

Ursidae

L-ispeċje kollha

Mustelidae

Lutreola (Mustela) lutreola

Lutra lutra

Gulo gulo

Felidae

Lynx pardina

Panthera pardus

Panthera tigris

Odobenidae

Odobenus rosmarus

Phocidae

Monachus monachus

ARTIODACTYLA

Bovidae

Capra aegagrus

Rupicapra rupicapra ornata

Ovibos moschatus

ODONTOCETI

Delphinidae

Delphinus delphis

Tursiops truncatus

Phocaenidae

Phocaena phocaena

MYSTACOCETI

Balaenopteridae

Sibbaldus (Balaenoptera) musculus

Megaptera novaengliae (longimana, nodosa)

Balaenidae

Eubalaena glacialis

Balaena mysticetus

GĦASAFAR

GAVIIFORMES

Gaviidae

L-ispeċje kollha

PODICIPEDIFORMES

Podicipedidae

Podiceps griseigena

Podiceps auritus

Podiceps nigricollis

Podiceps ruficollis

PROCELLARIIFORMES

Hydrobatidae

L-ispeċje kollha

Procellariidae

Puffinus puffinus

Procellaria diomedea

PELECANIFORMES

Phalacrocoracidae

Phalocrocorax pygmaeus

Pelecanidae

L-ispeċje kollha

CICONIIFORMES

Ardeidae

Ardea purpurea

Casmerodius albus

Egretta garzetta

Ardeola ralloides

Bubulcus (Ardeola) ibis

Nycticorax nycticorax

Ixobrychus minutus

Botaurus stellaris

Ciconiidae

L-ispeċje kollha

Threskiornithidae

L-ispeċje kollha

Phoenicopteridae

Phoenicopterus ruber

ANSERIFORMES

Anatidae

Cygnus cygnus

Cygnus bewickii

Anser erythropus

Branta leucopsis

Branta ruficollis

Tadorna tadorna

Tadorna ferruginea

Marmaronetta (Anas) angustirostris

Somateria spectabilis

Polysticta stelleri

Histrionicus histrionicus

Bucephala islandica

Mergus albellus

Oxyura leucocephala

FALCONIFORMES

L-ispeċje kollha

GRUIFORMES

Turnicidae

Turnix sylvatica

Gruidae

L-ispeċje kollha

Rallidae

Porzana porzana

Porzana pusilla

Porzana parva

Crex crex

Porphyrio porphyrio

Fulica cristata

Otitidae

L-ispeċje kollha

CHARADRIIFORMES

Charadriidae

Hoplopterus spinosus

Charadrius histicula

Charadrius dubius

Charadrius alexandrinus

Charadrius leschenaulti

Eudromias morinellus

Arenaria interpres

Scolopacidae

Callinago media

Numenius tenuirostris

Tringa stagnatilis

Tringa ochropus

Tringa glareola

Tringa hypoleucos

Tringa cinerea

Calidris minuta

Calidris temminckii

Calidris maritima

Calidris alpina

Calidris ferruginea

Calidris alba

Limicola falcinellus

Recurvirostridae

L-ispeċje kollha

Phalaropodidae

L-ispeċje kollha

Burhinidae

Burhinus oedicnemus

Glareolidae

L-ispeċje kollha

Laridae

Pagophila eburnea

Larus audouinii

Larus melanocephalus

Larus genei

Larus minutus

Larus sabini

Chlidonias niger

Chlidonias leucopterus

Chlidonias hybrida

Gelochelidon nilotica

Hydroprogne caspia

Sterna hirundo

Sterna paradisaea (macrura)

Sterna dougallii

Sterna albifrons

Sternasandvicensis

COLUMBIFORMES

Pteroclididae

L-ispeċje kollha

CUCULIFORMES

Cuculidae

Clamator glandarius

STRIGIFORMES

L-ispeċje kollha

CAPRIMULGIFORMES

Caprimulgidae

L-ispeċje kollha

APODIFORMES

Apodidae

Apus pallidus

Apus melba

Apus caffer

CORACIIFORMES

Alcedinidae

Alcedo atthis

Meropidae

Merops apiaster

Coraciidae

Coracias garrulus

Upopidae

Upopa epops

PICIFORMES

L-ispeċje kollha

PASSERIFORMES

Alaudidae

Calandrella brachydactyla

Calandrella rufescens

Melanocorypha calandra

Melanocorypha leucoptera

Melanocorypha yeltoniensis

Galerida theklae

Ermophila alpestris

Hirundinidae

L-ispeċje kollha

Motacillidae

L-ispeċje kollha

Laniidae

L-ispeċje kollha

Bombycillidae

Bombycilla garrulus

Cinclidae

Cinclus cinclus

Troglodytidae

Troglodytes troglodytes

Prunellidae

L-ispeċje kollha

Muscicapidae

Turdinae

Saxicola rubetra

Saxicola torquata

Oenanthe oenanthe

Oenanthe pleschanka

Oenanthe hispanica

Oenanthe isabellina

Oenanthe leucura

Cercotrichas galactotes

Monticola saxatilis

Monticola solitarius

Phoenicurus ochruros

Phoenicurus phoenicurus

Erithacus rubecula

Luscinia megarhynchos

Luscinia luscinia

Luscinia (Cyanosylvia) svecica

Tarsiger cyanurus

Sylviinae

L-ispeċje kollha

Regulinae

L-ispeċje kollha

Muscicapinae

L-ispeċje kollha

Timaliinae

Panurus biarmicus

Paridae

L-ispeċje kollha

Sittidae

L-ispeċje kollha

Certhiidae

L-ispeċje kollha

Emberizidae

Emberiza citrinella

Emberiza leucocephala

Emberiza cirlus

Emberiza cineracea

Emberiza caesia

Emberiza cia

Emberiza schoeniclus

Emberiza melanocephala

Emberiza aureola

Emberiza pusilla

Emberiza rustica

Plectrophenax nivalis

Calcarius lapponicus

Fringillidae

Carduelis chloris

Carduelis carduelis

Carduelis spinus

Carduelis flavirostris

Carduelis cannabina

Carduelis flammea

Carduelis hornemanni

Serinus citrinella

Serinus serinus

Loxia curvirostra

Loxia pityopsittacus

Loxia leucoptera

Pinicola enucleator

Carpodacus erythrinus

Rhodopechys githaginea

Coccothraustes coccothraustes

Ploceidae

Petronia petronia

Montrifringilla nivalis

Sturnidae

Sturnus unicolor

Sturnus roseus

Oriolidae

Oriolus oriolus

Corvidae

Perisoreus infaustus

Cyanopica cyanus

Nucifraga caryocatactis

Pyrrhocorax pyrrhocorax

Pyrrhocorax graculus

AMFIBI

CAUDATA

Salamandridae

Salamandrina terdigitata

Salamandra (Mertensiella) luschani

Chioglossa lusitanica

Triturus cristatus

Proteidae

Proteus anguinus

ANURA

Discoglossidae

Bombina variegata

Bombina bombina

Alytes obstetricans

Alytes cisternasii

Pelobatidae

Pelobates cultripes

Pelobates fuscus

Bufonidae

Bufo calamita

Bufo viridis

Hylidae

Hyla arborea

Ranidae

Rana arvalis

Rana dalmatina

Rana latastei

RETTILI

TESTUDINES

Testudinidae

Testudo hermanni

Testudo graeca

Testudo marginata

Emydidae

Emys orbicularis

Mauremys caspica

Dermochelyidae

Dermochelys coriacea

Cheloniidae

Caretta caretta

Lepidochelys kempii

Chelopis mydas

Eretmochelys imbricata

SAURIA

Gekkonidae

Cyrtodactylus kotschyi

Chalaeleontidae

Chamaeleo chamaeleon

Lacertidae

Algyroides marchi

Lacerta lepida

Lacerta parva

Lacerta simonyi

Lacerta princeps

Lacerta viridis

Podarcis muralis

Podarcis lilfordi

Podarcis sicula

Podarcis filfolensis

Scincidae

Ablepharus kitaibelii

OPHIDIA

Colubridae

Coluber hippocrepis

Elaphe situla

Elaphe quatuorlineata

Elaphe longissima

Coronella austriaca

Viperidae

Vipera ursinii

Vipera latasti

Vipera animodytes

Vipera xanthina

Vipera lebetina

Vipera kaznakovi

--------------------------------------------------

APPENDIĊI III

SPEĊJE TA' FAWNA PROTETTI

MAMMALI

INSECTIVORA

Erinaceidae

Erinaceus europaeus

Soricidae

L-ispeċje kollha

MICROCHIROPTERA

Vespertilionidae

Pipistrellus pipistrellus

DUPLICIDENTATA

Leporidae

Lepus timidus

Lepus capensis (europaeus)

RODENTIA

Sciuridae

Sciurus vulgaris

Marmota marmota

Castoridae

Castor fiber

Gliridae

L-ispeċje kollha

Microtidae

Microtus ratticeps (oeconomus)

Microtus nivalis (lebrunii)

CETACEA

L-ispeċje kollha mhux msemmija fl-Appendiċi II

CARNIVORA

Mustelidae

Meles meles

Mustela erminea

Mustela nivalis

Putorius (Mustela) putorius

Martes martes

Martes foina

Viverridae

L-ispeċje kollha

Felidae

Felis catus (silvestris)

Lynx lynx

Phocidae

Phoca vitulina

Pusa (Phoca) hispida

Pagophilus groenlandicus (Phoca groenlandica)

Erignathus barbatus

Halichoerus grypus

Cystophora cristata

ARTIODACTYLA

Suidae

Sus scrofa meridionalis

Cervidae

L-ispeċje kollha

Bovidae

Ovis aries (musimon, ammon)

Capra ibex

Capra pyrenaica

Rupicapra rupicapra

GĦASAFAR

L-ispeċje kollha mhux inklużi fl-Appendiċi II bl-eċċezzjoni ta':

Larus marinus

Larus fuscus

Larus argentatus

Columba palumbus

Paser domesticus

Sturnus vulgaris

Garrulus glandarius

Pica pica

Corvus monedula

Corvus frugilegus

Corvus corone (corone et cornix)

AMFIBI

L-ispeċje kollha mhux inklużi fl-Appendiċi II

RETTILI

L-ispeċje kollha mhux inklużi fl-Appendiċi II

--------------------------------------------------

APPENDIĊI IV

MEZZI U METODI IPPROJBITI TAL-QATLA, L-QABDA U L-GĦAMLIET L-OĦRAJN TA' L-ESPLOJTAZZJONI

MAMMALI

Nases

Annimali ħajjin użati bħala ħajjara li huma għomja jew immankati

Tape recorders

Apparati elletriċi kapaċi li joqtlu jew li jistordu

Sorsi artifiċjali tad-dawl

Mirja u apparati oħrajn li jgħammxu

Apparati għall-illuminazzjoni tal-mira

Apparati għal ħarsien waqt l-isparar ta' matul il-lejl li jikkonsistu minn tkabbir elettroniku tal-mira jew konvertur tal-mira

Espossivi [1]

Xbieki [2]

Nases [3]

Velenu u lixka bil-velenu jew bil-loppju

Użu tal-gassijiet jew tad-duħħan

Armi semi-awtomatiċi jew awtomatiċi b'magażżin kapaċi li jżommu aktar minn żewġ sktrateċ bħala munizjon

Ajruplani

Vetturi bil-magna waqt is-sewqan

GĦASAFAR

Nases [4]

Xkomp

Snanar

Għasafar ħajjin użati bħala ħajjara li huma għomja jew immankati

Tape recorders

Apparati elletriċi kapaċi li joqtlu jew li jistordu

Sorsi artifiċjali tad-dawl

Mirja u apparati oħrajn li jgħammxu

Apparati għall-illuminazzjoni tal-mira

Apparati għal ħarsien waqt l-isparar ta' matul il-lejl li jikkonsistu minn tkabbir elettroniku tal-mira jew konvertur tal-mira

Splussivi

Xbieki

Nases

Velenu u lixka bil-velenu jew bil-loppju

Armi semi-awtomatiċi jew awtomatiċi b'magażżin kapaċi li jżommu aktar minn żewġ sktrateċ bħala munizjon

Ajruplani

Vetturi bil-magna waqt is-sewqan

[1] Apparti milli għall-kaċċa tal-balieni.

[2] Jekk applikati fuq skala kbira jew għall-qabda jew il-qatla mhux selettiva.

[3] Jekk applikati fuq skala kbira jew għall-qabda jew il-qatla mhux selettiva.

[4] Apparti milli Lagopus fit-tramuntana tal-latitudni 58oN.

--------------------------------------------------