This document is an excerpt from the EUR-Lex website
Document 02009R0302-20140601
Council Regulation (EC) No 302/2009 of 6 April 2009 concerning a multiannual recovery plan for bluefin tuna in the eastern Atlantic and Mediterranean, amending Regulation (EC) No 43/2009 and repealing Regulation (EC) No 1559/2007
Consolidated text: Regolament tal-Kunsill (KE) Nru 302/2009 tas- 6 ta’ April 2009 dwar pjan multi-annwali għall-irkupru tat-tonn fil-Lvant tal-Atlantiku u fil-Mediterran, li jemenda r-Regolament (KE) Nru 43/2009 u li jħassar ir-Regolament (KE) Nru 1559/2007
Regolament tal-Kunsill (KE) Nru 302/2009 tas- 6 ta’ April 2009 dwar pjan multi-annwali għall-irkupru tat-tonn fil-Lvant tal-Atlantiku u fil-Mediterran, li jemenda r-Regolament (KE) Nru 43/2009 u li jħassar ir-Regolament (KE) Nru 1559/2007
No longer in force
2009R0302 — MT — 01.06.2014 — 002.003
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
REGOLAMENT TAL-KUNSILL (KE) Nru 302/2009 tas-6 ta’ April 2009 (ĠU L 096 15.4.2009, p. 1) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
REGOLAMENT (UE) Nru 500/2012 TAL-PARLAMENT EWROPEW U TAL-KUNSILL tat-13 ta’ Ġunju 2012 |
L 157 |
1 |
16.6.2012 |
|
|
REGOLAMENT (UE) Nru 544/2014 TAL-PARLAMENT EWROPEW U TAL-KUNSILL tal-15 ta’ Mejju 2014 |
L 163 |
7 |
29.5.2014 |
|
Ikkoreġut b'
REGOLAMENT TAL-KUNSILL (KE) Nru 302/2009
tas-6 ta’ April 2009
dwar pjan multi-annwali għall-irkupru tat-tonn fil-Lvant tal-Atlantiku u fil-Mediterran, li jemenda r-Regolament (KE) Nru 43/2009 u li jħassar ir-Regolament (KE) Nru 1559/2007
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari l-Artikolu 37 tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew ( 1 ),
Billi:|
(1) |
Il-Komunità ilha Parti Kontraenti tal-Kummissjoni Internazzjonali għall-Konservazzjoni tat-Tonn tal-Atlantiku (ICCAT) mill-14 ta’ Novembru 1997 ( 2 ) (minn issa “il-Konvenzjoni”). |
|
(2) |
Fis-16-il Laqgħa Speċjali tagħha f’Novembru 2008, il-Kummissjoni Internazzjonali għall-Konservazzjoni tat-Tonn tal-Atlantiku (ICCAT) adottat ir-Rakkomandazzjoni [08-05] sabiex jiġi stabbilit pjan ta’ rkupru ġdid għat-tonn fil-Lvant tal-Atlantiku u fil-Mediterran li jintemm fl-2022 u jieħu post il-pjan ta’ rkupru adottat fl-2006. |
|
(3) |
Sabiex jinbena l-istokk mill-ġdid, il-pjan ta’ rkupru ICCAT jipprovdi għal tnaqqis gradwali tal-livell tal-qabda totali permessa mill-2007 sal-2011, restrizzjonijiet fuq is-sajd f’ċerti żoni u ċerti perjodi ta’ żmien, daqs minimu ġdid għat-tonn, miżuri dwar attivitajiet ta’ sajd sportivi jew rikreattivi, miżuri li jindirizzaw il-kapaċità tas-sajd u tat-tkabbir kif ukoll miżuri ta’ kontroll imsaħħa u l-implimentazzjoni tal-Iskema tal-ICCAT ta’ spezzjoni internazzjonali konġunta sabiex tiġi żgurata l-effettività tal-pjan ta’ rkupru. |
|
(4) |
Huwa għalhekk meħtieġ li jiġi implimentat il-pjan ta’ rkupru l-ġdid tal-ICCAT bis-saħħa ta’ Regolament li jistabbilixxi pjan ta’ rkupru kif previst fl-Artikolu 5 tar-Regolament tal-Kunsill (KE) Nru 2371/2002 tat-20 ta’ Diċembru 2002 dwar il-konservazzjoni u l-isfruttar sostenibbli ta’ riżorsi tas-sajd skont il-Politika Komuni dwar is-Sajd ( 3 ), li għandu jidħol fis-seħħ qabel il-bidu tal-istaġun ewlieni tas-sajd. |
|
(5) |
Il-pjan tal-irkupru tal-ICCAT tal-2006 ġie inkorporat fil-liġi Komunitarja bir-Regolament tal-Kunsill (KE) Nru 1559/2007 tas-17 ta’ Diċembru 2007 li jistabbilixxi pjan multi-annwali għall-irkupru tat-tonn fil-Lvant tal-Atlantiku u fil-Mediterran ( 4 ). L-adozzjoni mill-ICCAT ta’ pjan ta’ rkupru ġdid għat-tonn teħtieġ l-emenda tar-Regolament tal-Kunsill (KE) Nru 43/2000, ir-revoka tar-Regolament (KE) Nru 1559/2009 tas-16 ta’ Jannar 2009 li jistabbilixxi għall-2009 l-opportunitajiet tas-sajd u l-kundizzjonijiet assoċjati għal ċerti stokkijiet tal-ħut u gruppi ta’ stokkijiet tal-ħut, applikabbli fl-ilmijiet Komunitarji, għal bastimenti Komunitarji, f’ilmijiet fejn huma meħtieġa limiti tal-qbid ( 5 ), u s-sostituzzjoni tiegħu b’dan ir-Regolament. |
|
(6) |
Fid-dawl tal-urġenza tal-każ, huwa importanti li tiġi permessa eċċezzjoni għall-perjodu ta’ sitt ġimgħat imsemmi fil-paragrafu 1(3) tal-Protokoll dwar ir-rwol tal-parlamenti nazzjonali fl-Unjoni Ewropea anness mat-Trattat dwar l-Unjoni Ewropea, għat-Trattat li jistabbilixxi l-Komunità Ewropea u għat-Trattat li jistabbilixxi l-Komunità Ewropea tal-Enerġija Atomika, |
ADOTTA DAN IR-REGOLAMENT:
KAPITOLU I
DISPOŻIZZJONIJIET ĠENERALI
Artikolu 1
Siġġett, ambitu u għan
Dan ir-Regolament jistabbilixxi r-regoli ġenerali għall-applikazzjoni mill- ►M1 Unjoni ◄ ta’ pjan multi-annwali għall-irkupru tat-tonn (Thunnus thynnus) rakkomandat mill-Kummissjoni Internazzjonali għall-Konservazzjoni tat-Tonn tal-Atlantiku (ICCAT).
Dan ir-Regolament għandu japplika għat-tonn fil-Lvant tal-Atlantiku u fil-Mediterran.
L-għan tal-pjan ta’ rkupru li huwa fis-seħħ mill-2007 sal-aħħar tal-2022 għandu jkun li tinkiseb bijomassa li tikkorrispondi għar-rendiment massimu sostenibbli b’mill-inqas 60 % probabbiltà.
Artikolu 2
Definizzjonijiet
Għall-finijiet ta’ dan ir-Regolament, għandhom japplikaw it-tifsiriet li ġejjin:
(a) “PKK” tfisser Partijiet Kontraenti għall-Konvenzjoni u Partijiet Mhux-Kontraenti f’Koperazzjoni, Entitajiet, jew Entitajiet tas-Sajd;
(b) “bastiment tas-sajd” tfisser kwalunkwe bastiment użat jew intiż għall-użu għall-finijiet tal-isfruttament kummerċjali ta’ riżorsi tat-tonn, inklużi bastimenti għall-qbid, bastimenti għall-ipproċessar tal-ħut, vapuri ta’ appoġġ, bastimenti tal-irmunkar, bastimenti involuti fit-trażbord u bastimenti ta’ trasport mgħammra għat-trasportazzjoni tal-prodotti tat-tonn, u bastimenti awżiljari, minbarra bastimenti kontenituri;
(ċ) “bastiment tal-qbid” tfisser kull bastiment użat għall-għanijiet tal-qbid kummerċjali ta’ riżorsi tat-tonn;
(d) “bastiment awżiljarju” tfisser kull bastiment użat għat-trasport ta’ tonn mejjet (mhux ipproċessat) minn gaġġa jew nassa tat-tonn għal port innominat jew għal bastiment tal-ipproċessar;
(e) “bastiment għall-ipproċessar” tfisser bastiment li fuqu prodotti tas-sajd huma soġġetti għal waħda jew aktar mill-operazzjonijiet li ġejjin, qabel l-ippakkjar tagħhom: tqattigħ fi fletti jew flieli, friżar u/jew proċessar;
(f) “sajd attiv” tfisser, għal kull bastiment tal-qbid, il-fatt li joħroġ għat-tonn tul staġun tas-sajd partikolari;
(g) “operazzjoni konġunta tas-sajd” tfisser kull operazzjoni bejn żewġ bastimenti tal-qbid jew aktar li jtajru l-bandiera ta’ PKK differenti jew ta’ Stati Membri differenti jew tal-istess Stat Membru fejn il-qabda ta’ bastiment tal-qbid individwali hija attribwita lil bastiment tal-qbid ieħor wieħed jew aktar skont kodiċi ta’ allokazzjoni;
(h) “operazzjonijiet ta’ trasferiment” tfisser:
(i) kull trasferiment ta’ tonn ħaj mix-xibka tal-bastiment tal-qbid għall-ġagga tat-trasport;
(ii) kull trasferiment ta’ tonn ħaj mill-gaġġa tat-trasport għal gaġġa tat-trasport oħra;
(iii) kull trasferiment ta’ gaġġa bit-tonn minn bastiment tal-irmonk għal bastiment tal-irmonk ieħor;
(iv) kull trasferiment ta’ tonn mejjet mill-gaġġa tat-trasport għal bastiment awżiljarju;
(v) kull trasferiment minn razzett tat-tonn jew nassa tat-tonn għal bastiment tal-ipproċessar jew bastiment tat-trasport jew kull trasferiment ta’ gaġġa bit-tonn minn razzett għall-ieħor;
(vi) kull trasferiment ta’ tonn ħaj minn nassa tat-tonn għal gaġġa tat-trasport.
(i) “nassa tat-tonn” tfisser irkaptu fiss ankrat mal-qiegħ, li s-soltu jkollu xibka li tiggwida l-ħut għal ġo magħlaq;
(j) “tqegħid fil-gaġeġ” tfisser kull trasferiment ta’ tonn ħaj mill-gaġġa tat-trasport għall-gaġeġ tat-tismin u tat-tkabbir;
(k) “tismin” tfisser it-tqegħid fil-gaġeg ta’ tonn għal perjodu qasir (ġeneralment xahrejn sa sitt xhur) li jimmira l-aktar li jżid il-kontenut ta’ xaħam tal-ħut;
(l) “trobbija” tfisser it-tqegħid fil-gaġeġ tat-tonn għal perjodu itwal minn sitt xhur, bl-għan li tiżdied il-bijomassa;
(m) “trażbord” tfisser il-ħatt tal-ħut kollu jew kwalunkwe ħut abbord bastiment tas-sajd għal fuq bastiment ieħor tas-sajd;
(n) “sajd sportiv” tfisser sajd mhux kummerċjali li l-parteċipanti tiegħu huma parti minn organizzazzjoni sportiva nazzjonali jew ingħataw liċenzja sportiva nazzjonali;
(o) “sajd rikreattiv” tfisser sajd mhux kummerċjali li l-parteċipanti tiegħu ma humiex parti minn organizzazzjoni sportiva nazzjonali jew li ma ngħatawx liċenzja sportiva nazzjonali;
(p) “Task II” tfisser Task II kif definit mill-ICCAT fil-“Field manual for statistics and sampling Atlantic tunas and tuna-like fish” (“Manwal tal-qasam għall-istatistika u t-teħid ta’ kampjuni tat-tonn tal-Atlantiku u ħut li jixbaħ lit-tonn”) (It-tielet edizzjoni, ICCAT, 1990);
(q) “Stat Membru responsabbli” u “Stat Membru responsabbli” tfisser l-Istat Membru tal-bandiera jew l-Istat Membru li fil-ġurisdizzjoni tiegħu jinsabu n-nassa tat-tonn jew ir-razzett jew, jekk ir-razzett jew in-nassa tat-tonn jinsabu fl-ibħra internazzjonali, l-Istat Membru fejn huwa stabbilit l-operatur tan-nassa tat-tonn jew tar-razzett.
Artikolu 3
Tul tal-bastimenti
It-tul tal-bastimenti imsemmija f’dan ir-Regolament għandu jinftiehem bħala t-tul kumplessiv.
KAPITOLU II
OPPORTUNITAJIET TAS-SAJD
Artikolu 4
Kundizzjonijiet assoċjati mal-opportunitajiet tas-sajd
1. Kull Stat Membru għandu jieħu l-miżuri meħtieġa biex jiżgura li l-isforz tas-sajd tal-bastimenti tal-qbid tiegħu u n-nases tiegħu huma proporzjonati għall-opportunitajiet tas-sajd għat-tonn disponibbli għal dak l-Istat Membru fil-Lvant tal-Atlantiku u fil-Mediterran.
2. Kull Stat Membru għandu jfassal pjan tas-sajd annwali għall-bastimenti tal-qbid u n-nases tas-sajd għat-tonn fil-Lvant tal-Atlantiku u fil-Mediterran.
3. Il-pjan ta’ sajd annwali għandu jidentifika partikolarment:
(a) il-bastimenti tal-qbid ta’ aktar minn 24 m inklużi fil-lista msemmija fl-Artikolu 14 u l-kwota individwali allokata għalihom u l-metodu użat sabiex tiġi allokata l-kwota kif ukoll il-kejl sabiex jiġi assigurat li tiġi osservata l-kwota individwali;
(b) għall-bastimenti tal-qbid li huma inqas minn 24 m u għan-nases, mill-inqas il-kwota allokata lill-organizzazzjonijiet tal-produtturi jew gruppi ta’ bastimenti bi rkpatu simili.
4. Mhux aktar tard mit-30 ta’ Settembru ta’ kull sena, l-Istati Membri għandhom jibagħtu lill-Kummissjoni l-pjan tas-sajd annwali provviżorju relatat mas-sena ta’ wara. Il-Kummissjoni għandha tgħaqqad flimkien il-pjani nazzjonali annwali provviżorji tas-sajd u tintegrahom fil-pjan tas-sajd tal-Unjoni li għandu jiġi trażmess lis-Segretarjat tal-ICCAT għall-approvazzjoni tal-ICCAT.
Mhux aktar tard mill-31 ta’ Jannar ta’ kull sena, l-Istati Membri għandhom jittrażmettu l-pjan tas-sajd annwali finali lill-Kummissjoni. Il-Kummissjoni għandha tgħaqqad flimkien il-pjani nazzjonali annwali finali tas-sajd u tintegrahom fil-pjan tas-sajd tal-Unjoni li għandu jiġi trażmess lis-Segretarjat tal-ICCAT sal-1 ta’ Marzu ta’ kull sena.
5. Kwalunkwe modifika sussegwenti għall-pjan annwali tas-sajd jew għall-metodu speċifiku biex tiġi amministrata l-kwota allokata għandha tintbagħat lill-Kummissjoni mill-anqas 13-il jum qabel l-eżerċizzju tal-attività li tikkorrispondi għal dik il-modifika. Il-Kummissjoni għandha tibgħat dawn il-modifiki lis-Segretarjat tal-ICCAT mill-inqas 10 ijiem qabel ma sseħħ l-attività li tikkorrispondi ma’ dik il-modifika.
6. L-Istat Membru tal-bandiera għandu jieħu l-azzjoni skont dan il-paragrafu meta bastiment li jtajjar il-bandiera tiegħu:
(a) ikun naqas milli jirrapporta dak li hu mitlub minnu skont l-Artikolu 20;
(b) ikun wettaq ksur imsemmi fl-Artikolu 33.
L-Istat Membru tal-bandiera għandu jiżgura li spezzjoni fiżika sseħħ taħt l-awtorità tiegħu fil-portijiet tiegħu jew minn persuna oħra maħtura mill-Istat Membru tal-bandiera meta l-bastiment mhuwiex f’wieħed mill-portijiet tiegħu.
L-Istat Membru tal-bandiera għandu jirtira l-awtorizzazzjoni tas-sajd għat-tonn u jista’ jitlob lill-bastiment jipproċedi immedjatament lejn port innominat minnu meta l-kwota individwali titqies milħuqa.
7. Mhux aktar tard mill-15 ta’ Settembru, l-Istati Membri għandhom jirrapportaw lill-Kummissjoni dwar l-implimentazzjoni tal-pjanijiet ta’ sajd annwali tagħhom għal dik is-sena. Dawk ir-rapporti għandhom jinkludu:
(a) il-lista ta’ bastimenti tal-qbid realment impenjati fl-attivitajiet tas-sajd li jinvolvu t-tonn fil-Lvant tal-Atlantiku u fil-Mediterran;
(b) il-qabdiet ta’ kull bastiment tal-qbid; kif ukoll
(ċ) in-numru totali ta’ jiem li kull bastiment tal-qbid ikun stad fil-Lvant tal-Atlantiku u fil-Mediterran.
Il-Kummissjoni għandha tibgħat dik id-dejta lill-ICCAT sat-15 ta’ Ottubru ta’ kull sena.
Ladarba l-istaġuni tas-sajd jagħlqu għal ċerti rkapti fil-15 ta’ Ottubru, l-Istati Membri jistgħu jissottomettu informazzjoni addizzjonali fuq dan is-sajd fi stadju aktar tard lill-Kummissjoni.
8. Arranġamenti ta’ kummerċ privat bejn ċittadini ta’ Stat Membru u ta’ PKK biex jużaw bastiment tas-sajd li jtajjar il-bandiera ta’ dak l-Istat Membru għas-sajd fil-qafas ta’ kwota ta’ tonn ta’ PKK, għandhom jitwettqu biss b’ awtorizzazzjoni mill-Istat Membru konċernat, li għandu jgħarraf b’dan lill-Kummissjoni, u mill-Kummissjoni tal-ICCAT.
9. Sal-1 ta’ Marzu ta’ kull sena, l-Istati Membri għandhom jibagħtu lill-Kummissjoni l-informazzjoni dwar kwalunkwe arranġament ta’ kummerċ privat bejn iċ-ċittadini tiegħu u PKK.
10. L-informazzjoni msemmija fil-paragrafu 9 għandu jkollha l-elementi li ġejjin:
(a) il-lista tal-bastimenti kollha tas-sajd li jtajru l-bandiera tal-Istat Membru li huma awtorizzati jistadu attivament għat-tonn taħt arranġament ta’ kummerċ privat;
(b) in-numru tar-reġistru tal-flotta tas-sajd tal-Komunità (CFR) kif definit fl-Anness I għar-Regolament tal-Kummissjoni (KE) Nru 26/2004 tat-30 ta’ Diċembru 2003 fir-reġistru tal-flotta tas-sajd tal-Komunitàr ( 6 );
(ċ) it-tul tal-arranġamenti tal-kummerċ privati;
(d) il-kunsens tal-Istat Membru relevanti għall-arranġament privat;
(e) l-isem tal-PKK konċernat.
11. Il-Kummissjoni għandha tibgħat mingħajr dewmien l-informazzjoni msemmija fil-paragrafu 9 lis-Segretarjat tal-ICCAT.
▼M1 —————
13. Il-kiri ta’ bastimenti tas-sajd ►M1 tal-Unjoni ◄ għat-tonn fil-Lvant tal-Atlantiku u fil-Mediterran għandu jkun ipprojbit mill-2010.
▼M1 —————
15. Kull Stat Membru għandu jalloka kwota speċifika għall-għanijiet tas-sajd sportiv u rikreattiv u għandu jgħarraf lill-Kummissjoni qabel il-bidu tal-istaġun tas-sajd imsemmi fl-Artikolu 7(5).
KAPITOLU III
MIŻURI DWAR IL-KAPAĊITÀ
Artikolu 5
Miżuri dwar il-kapaċità tas-sajd
1. Kull Stat Membru għandu jiżgura li l-kapaċità tiegħu tas-sajd hija proporzjonata għall-kwota tiegħu.
2. Iċ-ċifra, u t-tunnellaġġ gross totali korrispondenti, tal-bastimenti tas-sajd li jtajru l-bandiera ta’ Stat Membru li jistgħu jistadu għal, iżommu abbord, jittrażbordaw, jittrasportaw jew iħottu t-tonn għandu jkun limitat għall-għadd, jew it-tunnellaġġ gross totali korrispondenti, tal-bastimenti tas-sajd li jtajru l-bandiera ta’ dak l-Istat Membri li jkun stad, żamm abbord, ittrażborda, ittrasporta jew ħatt it-tonn waqt il-perjodu mill-1 ta’ Jannar 2007 sal-1 ta’ Lulju 2008. Dan il-limitu għandu japplika skont it-tip ta’ rkaptu għall-bastimenti tal-qbid u skont it-tip tal-bastiment għal bastimenti oħra tas-sajd.
3. Għall-finijiet tal-paragrafu 2, il-Kunsill, b’konformità mal-proċedura stabbilita fl-Artikolu 20 tar-Regolament (KEE) Nru 2371/2002, għandu jiddetermina ċ-ċifra u l-kapaċità totali f’tunnellaġġ gross totali korrispondenti tal-bastimenti tas-sajd ta’ kull Stat Membru li jkun stad għal, żamm abbord, ittrażborda, ittrasporta jew ħatt it-tonn tul il-perjodu mill-1 ta’ Jannar 2007 sal-1 ta’ Lulju 2008. Dan il-limitu għandu japplika skont it-tip ta’ rkaptu għall-bastimenti tal-qbid u skont it-tip tal-bastiment għal bastimenti oħra tas-sajd.
4. L-għadd ta’ nases ta’ Stat Membru impenjat fis-sajd għat-tonn fil-Lvant tal-Atlantiku u fil-Baħar Mediterran għandu jkun limitat għall-għadd ta’ nases awtorizzati minn dak l-Istat Membru qabel l-1 ta’ Lulju 2008.
5. Għall-finijiet tal-paragrafu 4, il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jiddetermina n-numru ta’ nases awtorizzati minn kull Stat Membru qabel l-1 ta’ Lulju 2008.
6. L-iffriżar tal-kapaċità tas-sajd imsemmija fil-paragrafi 2 u 4 ma tistax tapplika għal Stat Membru li juri li għandu bżonn jiżviluppa l-kapaċità tas-sajd tiegħu sabiex juża l-kwota tiegħu għal kollox.
7. Bla ħsara għall-paragrafu 6, il-kapaċità tas-sajd imsemmija fil-paragrafi 2 u 4 u fl-Artikolu 9 għandha titnaqqas, sabiex telimina:
(a) sal-bidu tal-2010, mill-inqas 25 %, għal kull Stat Membru, tad-diskrepanza bejn il-kapaċità tas-sajd tiegħu u l-kapaċità tas-sajd tiegħu proporzjonata mal-kwota tiegħu;
(b) sal-bidu tal-2011, mill-inqas 75 %, għal kull Stat Membru, tad-diskrepanza bejn il-kapaċità tas-sajd tiegħu u l-kapaċità tas-sajd tiegħu proporzjonata mal-kwota tiegħu;
(c) sal-bidu tal-2012, mill-inqas 95 %, għal kull Stat Membru, tad-diskrepanza bejn il-kapaċità tas-sajd tiegħu u l-kapaċità tas-sajd tiegħu proporzjonata mal-kwota tiegħu;
(d) sal-bidu tal-2013, 100 %, għal kull Stat Membru, tad-diskrepanza bejn il-kapaċità tas-sajd tiegħu u l-kapaċità tas-sajd tiegħu proporzjonata mal-kwota tiegħu;
Il-kalkolu tat-tnaqqis fil-kapaċità tas-sajd għandu jkun ibbażat fuq ir-rati ta’ qbid għal kategoriji ta’ bastimenti f’konformità mal-metodoloġija approvata fil-laqgħa annwali tal-ICCAT tal-2009.
Dan ir-rekwiżit ta’ tnaqqis ma għandux japplika għal Stat Membru li juri li l-kapaċità tas-sajd tiegħu hija proporzjonata mal-kwota tiegħu.
8. Għall-finijiet tal-paragrafu 7, il-Kunsill, b’konformità mal-proċedura stabbilita fl-Artikolu 20 tar-Regolament (KEE) Nru 2371/2002, għandu jiddetermina ċ-ċifra u l-kapaċità totali f’tunnellaġġ gross tal-bastimenti tas-sajd ta’ kull Stat Membru li jistgħu jiġu awtorizzati jistadu għal, iżommu abbord, jittrażbordaw, jittrasportaw jew iħottu t-tonn.
9. Kull Stat Membru għandu jistabbilixxi pjan ta’ ġestjoni fir-rigward tal-kapaċità tas-sajd għall-perjodu 2010-2013. Dan il-pjan għandu jiġi ppreżentat lill-Kummissjoni sal-15 ta’ Awwissu 2009, u għandu jinkludi l-informazzjoni msemmija fil-paragrafi 2, 4, 6 u 7. Minbarra dan, il-pjan għandu jinkludi informazzjoni dettaljata dwar il-modi użati, flimkien mal-iskrappjar, mill-Istat Membru biex jelimina l-kapaċità żejda. Jekk meħtieġ, il-pjan għandu jiġi rivedut u ppreżentat fuq bażi annwali lill-Kummissjoni sal-15 ta’ Awwissu ta’ kull sena.
Il-Kummissjoni għandha tgħaqqad flimkien il-pjani nazzjonali ta’ ġestjoni u tintegrahom fil-pjan ta’ ġestjoni tal-Unjoni tal-kapaċita tas-sajd li għandu jiġi ppreżentat lill-ICCAT għad-diskussjoni u l-approvazzjoni.
Artikolu 6
Miżuri dwar il-kapaċità tat-trobbija u t-tismin
1. Il-kapaċità tat-trobbija u t-tismin tat-tonn ta’ Stat Membru għandha tkun limitata għall-kapaċità tat-trobbija u t-tismin tal-irziezet ta’ dak l-Istat Membru li ġew irreġistrati fir-reġistru tal-ICCAT tal-faċilitajiet tat-trobbija jew awtorizzati u ddikkjarati lill-ICCAT sal-1 ta’ Lulju 2008.
2. L-ammont massimu ta’ tonn selvaġġ maqbud li jista’ jiddaħħal fl-irziezet ta’ Stat Membru għandu jkun limitat għall-2010 għal-livell tal-kwantitaijiet imdaħħla rreġistrati mal-ICCAT mill-irziezet ta’ dak l-Istat Membru fl-2005, 2006, 2007 jew 2008.
3. Fi ħdan il-kwantità massima ta’ tonn selvaġġ maqbud imdaħħal fl-irziezet imsemmi fil-paragrafu 2, kull Stat Membru għandu jalloka lill-irziezet ammonti ta’ ħut li jista’ jiddaħħal.
4. Għall-finijiet tal-paragrafi 1 u 2, il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jiddetermina l-kapaċità tat-trobbija u t-tismin tat-tonn għal kull Stat Membru u l-għadd massimu ta’ tonn selvaġġ maqbud li kull Stat Membru jista’ jalloka lill-irziezet tiegħu.
5. Kull Stat Membru li jrabbi jew isemmen għandu jistabbilixxi pjan ta’ ġestjoni tat-trobbija u tat-tismin għall-perjodu 2010-2013. Dan il-pjan għandu jiġi ppreżentat lill-Kummissjoni sal-15 ta’ Awwissu 2009, u għandu jinkludi l-informazzjoni msemmija fil-paragrafi 1 sa 3. Il-Kummissjoni għandha tippreżenta l-pjan ta’ ġestjoni Komunitarju dwar il-kapaċità tas-sajd għall-2010-2013 lill-ICCAT sal-15 ta’ Settembru 2009.
KAPITOLU IV
MIŻURI TEKNIĊI
Artikolu 7
Staġuni tas-sajd
1. Is-sajd għat-tonn fil-Lvant tal-Atlantiku u fil-Mediterran minn bastimenti pelaġiċi għall-qbid bil-konz fuq skala kbira li jkunu akbar minn erbgħa u għoxrin (24) metru, għandu jkun permess matul il-perijodu mill-1 ta’ Jannar sal-31 ta’ Mejju, bl-eċċezzjoni taż-żona delimitata mill-Punent ta’ 10°W u mit-Tramuntana ta’ 42°N, fejn dan it-tip ta’ sajd għandu jkun permess matul il-perijodu mill-1 ta’ Awwissu sal-31 ta’ Jannar.
2. Is-sajd bil-purse seine għat-tonn għandu jkun permess fil-Lvant tal-Atlantiku u fil-Mediterran matul il-perijodu mis-26 ta’ Mejju sal-24 ta’ Ġunju.
3. Is-sajd għat-tonn bil-bastimenti tal-lixka u l-bastimenti tas-sajd bir-rixa għandu jkun permess fil-Lvant tal-Atlantiku u fil-Mediterran matul il-perijodu mill-1 ta’ Lulju sal-31 ta’ Ottubru.
Minkejja l-ewwel subparagrafu, għas-snin 2014 u 2015, u billi l-protezzjoni taż-żoni fl-ilma fejn ibid il-ħut mhix affettwata, l-Istati Membri jistgħu jispeċifikaw, fil-pjanijiet nazzjonali annwali tagħhom tas-sajd, data ta’ bidu differenti għall-bastimenti tal-lixka u l-bastimenti tas-sajd bir-rixa li jtajru l-bandiera tagħhom u joperaw fil-Lvant tal-Atlantiku, kemm-il darba t-tul totali tal-istaġun miftuħ għal dak is-sajd jibqa’ jkun konformi mal-ewwel subparagrafu.
Il-pjan tas-sajd tal-Unjoni li għandu jiġi ppreżentat lill-ICCAT sal-15 ta’ Frar ta’ kull sena għandu jispeċifika jekk id-dati ta’ bidu għal dak is-sajd ġewx modifikati, kif ukoll il-koordinati taż-żoni kkonċernati.
4. Is-sajd tat-tonn b’bastimenti tas-sajd pelaġiku għandu jkun permess fil-Lvant tal-Atlantiku matul il-perijodu mis-16 ta’ Ġunju sal-14 ta’ Ottubru.
5. Is-sajd rikreazzjonali u sportiv għat-tonn għandu jkun permess fil-Lvant tal-Atlantiku u fil-Mediterran matul il-perijodu mis-16 ta’ Ġunju sal-14 ta’ Ottubru.
6. Is-sajd għat-tonn b’tagħmir ieħor apparti dak li jissemma fil-paragrafi 1 sa 5, għandu jkun permess matul is-sena kollha. Minkejja dan, is-sajd għat-tonn bit-tipi kollha ta’ għażel tat-tisqif għandu jkun projbit.
Artikolu 8
Użu tal-ajruplani
L-użu ta’ ajruplani jew ħelikopters għat-tiftix tat-tonn għandu jkun ipprojbit.
Artikolu 9
Miżuri dwar daqs minimu u miżuri speċifiċi għal ċertu sajd
1. Id-daqs minimu għat-tonn fil-Lvant tal-Atlantiku u fil-Baħar Mediterran għandu jkun ta’ 30 kg jew 115 ċm.
2. B’deroga mill-paragrafu 1 u bla ħsara għall-Artikolu 11, daqs minimu għat-tonn ta’ 8 kg jew 75 cm għandu japplika għaċ-ċirkostanzi li ġejjin:
(a) tonn maqbud fil-Lvant tal-Atlantiku minn bastimenti tas-sajd bil-qasba u bir-rixa;
(b) tonn maqbud fl- Adrijatiku għal skopijiet ta’ trobbija fl-irziezet;
(ċ) tonn maqbud fil-Mediterran minn sajd artiġinali minn max-xtut għall-ħut frisk permezz tal-qasba, tat-tirjix jew fuq l-idejn.
3. Għall-finijiet tal-paragrafu 2(a), il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jiddetermina n-numru massimu ta’ bastimenti tas-sajd bil-qasba u bir-rixa awtorizzati jistadu attivament għat-tonn fil-Lvant tal-Atlantiku. B’deroga mill-Artikolu 5(2), in-numru ta’ bastimenti li jistadu bil-qasba u bir-rixa huwa ffissat għall-għadd ta’ bastimenti tal-qbid ►M1 tal-Unjoni ◄ li ħadu sehem fis-sajd dirett għat-tonn fl-2006.
4. Għall-finijiet tal-paragrafu 2(b), il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jiddetermina n-numru massimu ta’ bastimenti tal-qbid awtorizzati jistadu attivament għat-tonn fil-Baħar Adrijatiku għal skopijiet ta’ trobbija.. B’deroga mill-Artikolu 5(2), l-għadd ta’ bastimenti tal-qbid huwa ffissat għall-għadd ta’ bastimenti tal-qbid ►M1 tal-Unjoni ◄ li ħadu sehem fis-sajd dirett għat-tonn fl-2006.
5. Għall-finijiet tal-paragrafu 2(c), il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jiddetermina l-għadd massimu ta’ bastimenti tas-sajd bil-qasba u bir-rixa awtorizzati jistadu attivament għat-tonn fil-Lvant tal-Atlantiku. B’deroga mill-Artikolu 5(2), l-għadd ta’ bastimenti tal-qbid huwa ffissat għall-għadd ta’ bastimenti tal-qbid ►M1 tal-Unjoni ◄ li ħadu sehem fis-sajd dirett għat-tonn fl-2006.
6. Il-Kummissjoni għandha tibgħat l-għadd tal-bastimenti tal-qbid msemmija fil-paragrafi (3), (4) u (5) lis-Segretarjat ICCAT sat-30 ta’ Jannar kull sena.
7. Għall-finijiet tal-paragrafu 2 (a), (b) u (c), il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jqassam fost l-Istati Membri l-għadd ta’ bastimenti tal-qbid iddeterminat skont il-paragrafi 3, 4 u 5.
8. Għall-finijiet tal-paragrafu 2(a), mhux iktar minn 7 % tal-kwota ►M1 tal-Unjoni ◄ għat-tonn bejn 8 kg jew 75 ċm u 30 kg jew 115 ċm għandha tkun allokata fost il-bastimenti tal-qbid awtorizzati msemmija fil-paragrafu 3, b’massimu ta’ 100 tunnellata ta’ tonn li jkun jiżen mhux inqas minn 6,4 kg jew 70 ċm maqbud minn bastimenti tas-sajd bil-qasba ta’ tul ta’ inqas minn 17-il metru, b’deroga mill-paragrafu 2. Il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jiddeċiedi dwar l-allokazzjoni tal-kwota ►M1 tal-Unjoni ◄ fost l-Istati Membri:
9. Għall-finijiet tal-paragrafu 2(b), il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jiddeċiedi dwar l-allokazzjoni massima tal-kwota ►M1 tal-Unjoni ◄ fost l-Istati Membri.
10. Għall-finijiet tal-paragrafu 2(c), mhux aktar minn 2 % tal-kwota ►M1 tal-Unjoni ◄ għat-tonn bejn 8 kg jew 75 ċm u 30 kg jew 115-il ċm għandha tiġi allokata fost il-bastimenti tal-qbid awtorizzati msemmija fil-paragrafu 5. Il-Kunsill, b’konformità mal-proċedura stabbilita fl-Artikolu 20 tar-Regolament (KE) Nru 2371/2002, għandu jiddeċiedi dwar l-allokazzjoni tal-kwota ►M1 tal-Unjoni ◄ fost l-Istati Membri.
11. Il-kundizzjonijiet speċifiċi addizzjonali għat-tonn maqbud fil-Lvant tal-Atlantiku minn bastimenti tas-sajd bil-qasba u bir-rixa, għal tonn maqbud fl-Adrijatiku għal skopijiet ta’ trobbija, u għal tonn maqbud fil-Mediterran minn sajd artiġinali minn max-xtut għall-ħut frisk minn bastimenti tas-sajd bil-qasba, bir-rixa u fuq l-idejn, huma stipulati fl-Anness I.
12. Qabdiet inċidentali ta’ massimu ta’ 5 % ta’ tonn bejn 10 kg jew 80 ċm u 30 kg għandhom jiġu awtorizzati għall-bastimenti tal-qbid kollha li jistadu attivament għat-tonn.
13. Il-perċentwal imsemmi fil-paragrafu 12 għandu jkun ikkalkulat jew imsejjes fuq il-qabdiet inċidentali totali f’numru ta’ ħut għal kull ħatt tal-qabdiet totali ta’ dawn il-bastimenti tal-qbid, jew inkella msejjes fuq l-ekwivalenza tal-piż tiegħu f’perċentwal.
14. Il-qabdiet inċidentali għandhom jitnaqqsu mill-kwota tal-Istat Membru tal-bandiera. Ir-rimi ta’ ħut mejjet mill-qabda inċidentali msemmija fil-paragrafu 12 għandu jkun ipprojbit u għandu jitnaqqas mill-kwota tal-Istat Membru tal-bandiera.
15. Qabdiet inċidentali ta’ tonn għandhom ikunu soġġetti għall-Artikoli 17, 18, 21 u 23.
Artikolu 10
Pjan ta’ kampjunar għat-tonn ħaj
1. Kull Stat Membru għandu jistabbilixxi programm ta’ kampjunar biex jiġi stmat l-għadd ta’ ħut skont id-daqs speċifiku tat-tonn li jinqabad.
2. It-teħid ta’ kampjuni skont id-daqs fil-gaġeġ għandu jsir fuq kampjun ta’ 100 eżemplar għal kull 100 tunnellata ta’ ħut ħaj jew fuq kampjun ta’ 10 % tal-għadd totali ta’ ħut li jitqiegħed ġo gaġġa. Il-kampjun tad-daqs, abbażi ta’ tul jew piż, għandu jittieħed matul il-ħsad fir-razzett, u fuq il-ħut mejjet matul it-trasport skont il-metodu adottat mill-ICCAT għan-notifikar tad-dejta fil-qafas tat-Task II.
3. Metodi u prattiki addizzjonali tal-ikkampjunar għandhom jiġu żviluppati għal ħut imrobbi għal aktar minn sena.
4. It-teħid tal-kampjuni għandu jsir matul ħsad magħżul għall-għarrieda u għandu jkopri l-gaġeġ kollha. Id-dejta dwar l-ikkampjunar li jitwettaq kull sena għandha tiġi nnotifikata lill-Kummissjoni sal-31 ta’ Mejju tas-sena ta’ wara.
Artikolu 11
Qabdiet inċidentali
1. Il-bastimenti tal-qbid ►M1 tal-Unjoni ◄ li mhumiex qegħdin jistadu attivament għat-tonn mhumiex awtorizzati jżommu abbord tonn li jaqbeż il-5 % tal-qabda totali abbord bil-piż jew/u l-għadd tal-biċċiet.
2. Il-qabdiet inċidentali jridu jitnaqqsu mill-kwota tal-Istat Membru tal-bandiera. Ir-rimi ta’ ħut mejjet mill-qabda sekondarja msemmi fil-paragrafu 1 għandu jkun projbit, filwaqt li s-sajd għat-tonn hu miftuħ, u għandu jitnaqqas mill-kwota tal-Istat Membru tal-bandiera.
3. Qabdiet inċidentali ta’ tonn għandhom ikunu soġġetti għall-Artikoli 17, 18, 21 u 23 u 34.
Artikolu 12
Sajd rikreattiv
1. Kull Stat Membru għandu joħroġ awtorizzazzjonijiet tas-sajd lill-bastimenti għall-għanijiet tas-sajd rikreattiv.
2. Fil-qafas tas-sajd rikreattiv, għandu jkun ipprojbit li tinqabad, tinżamm abbord, tiġi ttrażbordata u tinħatt aktar minn tonna waħda f’kull vjaġġ fuq il-baħar.
3. It-tqegħid fis-suq ta’ tonn maqbud fis-sajd rikreattiv għandu jkun ipprojbit ħlief għal skopijiet ta’ karità.
4. Kull Stat Membru għandu jirreġistra dejta dwar il-qbid minn sajd rikreattiv u jikkomunika d-dejta għas-sena preċedenti lill-Kummissjoni sat-30 ta’ Ġunju ta’ kull sena. Il-Kummissjoni għandha tibgħat dik l-informazzjoni lill-Kumitat Permanenti dwar ir-Riċerka u l-Istatistika tal-ICCAT.
5. Kull Stat Membru għandu jieħu l-miżuri meħtieġa biex jiżgura, sa fejn huwa l-aktar possibbli, ir-rilaxx ta’ tonn maqbud ħaj, speċjalment ta’ età żgħira, fil-qafas tas-sajd rikreattiv.
Artikolu 13
Sajd sportiv
1. Kull Stat Membru għandu jirregola s-sajd sportiv, partikolarment billi joħroġ awtorizzazzjonijiet għas-sajd lill-bastimenti għall-għanijiet tas-sajd rikreattiv.
2. It-tqegħid fis-suq ta’ tonn maqbud f’kompetizzjonijiet ta’ sajd sportiv għandu jkun ipprojbit ħlief għal għanijiet ta’ karità.
3. Kull Stat Membru għandu jirreġistra dejta dwar il-qbid mis-sajd sportiv u jikkomunika d-dejta għas-sena preċedenti lill-Kummissjoni sat-30 ta’ Ġunju ta’ kull sena. Il-Kummissjoni għandha tibgħat dik l-informazzjoni lill-Kumitat Permanenti dwar ir-Riċerka u l-Istatistika tal-ICCAT.
4. Kull Stat Membru għandu jieħu l-miżuri meħtieġa biex jiżgura, sa fejn huwa l-aktar possibbli, ir-rilaxx ta’ tonn maqbud ħaj, speċjalment ta’ età żgħira, fil-qafas tas-sajd sportiv.
KAPITOLU V
MIŻURI TA’ KONTROLL
Artikolu 14
Reġistri tal-bastimenti
1. Kull Stat Membru għandu, mill-inqas 45 jum qabel il-bidu tal-istaġuni tas-sajd imsemmija fl-Artikolu 7, jibagħt lill-Kummissjoni elettronikament skont il-format stipulat fil-Guidelines for submitting data and information required by ICCAT:
(a) lista tal-bastimenti kollha tas-sajd li jtajru l-bandiera tiegħu u li jkunu awtorizzati jistadu attivament għat-tonn fil-Lvant tal-Atlantiku u fil-Mediterran permezz ta’ awtorizzazzjoni speċjali tas-sajd li tkun inħarġitilhom.
(b) lista tal-bastimenti l-oħra tas-sajd (minbarra l-bastimenti tal-qbid) li jtajru l-bandiera tiegħu u li jkunu awtorizzati jistadu għat-tonn fil-Lvant ’tal-Atlantiku u fil-Mediterran.
Waqt sena kalendarja, bastiment tas-sajd għandu jkun inkluż f’waħda biss mil-listi msemmija f’dan il-paragrafu.
2. Ma għandhom jiġu aċċettati l-ebda preżentazzjonijiet retroattivi. Bidliet sussegwenti għal-listi msemmija fil-paragrafu 1 waqt sena kalendarja għandhom jiġu aċċettati biss jekk il-bastiment tas-sajd notifikat ikun miżmum milli jipparteċipa minħbabba raġunijiet operattivi leġittimi jew force majeure. F’ċirkostanzi bħal dawn l-Istat Membru kkonċernat għandu jinforma minnufih lill-Kummissjoni dwar dan il-fatt, u għandu jipprovdi:
(a) id-dettalji sħaħ tal-bastiment(i) tas-sajd maħsuba għas-sostituzzjoni ta’ bastiment imsemmi fil-paragrafu 1; kif ukoll
(b) rendikont komprensiv tar-raġunijiet li jiġġustifikaw is-sostituzzjoni u kwalunkwe evidenza jew referenzi rilevanti ta’ appoġġ.
3. Il-Kummissjoni għandha tibgħat l-informazzjoni msemmija fil-paragrafi 1 u 2 lis-Segretarjat tal-ICCAT sabiex dawk il-bastimenti jkunu jistgħu jiddaħħlu fir-reġistru ’tal-ICCAT tal-bastimenti tal-qbid awtorizzati jistadu attivament għat-tonn jew fir-reġistru ICCAT tal-bastimenti tas-sajd l-oħra (minbarra l-bastimenti tal-qbid) awtorizzati joperaw għat-tonn.
4. Bla ħsara għall-Artikolu 11, l-bastimenti tas-sajd ►M1 tal-Unjoni ◄ mhux imdaħħla fir-reġistru tal-ICCAT m’għandhomx jistadu għal, iżommu abbord, jittrażbordaw, jitrasportaw, jittrasferixxu, jiproċessaw jew iħottu tonn fil-Lvant tal-Atlantiku u fil-Mediterran.
5. L-Artikolu 8a (2), (4), (6), (7) u (8) tar-Regolament (KE) Nru 1936/2001 għandu japplika mutatis mutandis.
Artikolu 15
Reġistru tan-nases għat-tonn awtorizzati jistadu għat-tonn
1. Sal-15 ta’ Frar ta’ kull sena, kull Stat Membru għandu jibgħat elettronikament lill-Kummissjoni lista tan-nases kollha tas-sajd għat-tonn li jkunu awtorizzati, bil-ħruġ ta’ liċenzja speċjali għas-sajd, jistadu għat-tonn fil-Lvant tal-Atlantiku u fil-Mediterran. Il-lista għandha tinkludi l-isem tan-nases u n-numru tar-reġistru.
2. Il-Kummissjoni għandha tibgħat din il-lista lis-Segretarjat tal-ICCAT sabiex dawk in-nases tat-tonn ikunu jistgħu jiddaħħlu fir-reġistru tal-ICCAT tan-nases tat-tonn li jkunu awtorizzati jistadu għat-tonn.
3. Nases tat-tonn ►M1 tal-Unjoni ◄ li ma jkunux imdaħħla fir-reġistru tal-ICCAT m’għandhomx jistadu għal, iżommu abbord, jittrasferixxu jew iħottu tonn fil-Lvant tal-Atlantiku u fil-Baħar Mediterran.
4. L-Artikolu 8a (2), (4), (6), (7) u (8) tar-Regolament (KE) Nru 1936/2001 għandu japplika mutatis mutandis.
Artikolu 16
Informazzjoni dwar attivitajiet tas-sajd
1. Sal-15 ta’ Frar ta’ kull sena, kull Stat Membru għandu jinnotifika lill-Kummissjoni l-lista ta’ bastimenti tal-qbid li jkunu mniżżla fir-reġistru tal-ICCAT imsemmi fl-Artikolu 14 li jkunu stadu għat-tonn fil-Lvant tal-Atlantiku u fil-Baħar Mediterran fis-sena tas-sajd ta’ qabel.
2. Kull Stat Membru għandu jinnotifika lill-Kummissjoni bi kwalunkwe informazzjoni dwar bastimenti mhux koperti mill-paragrafu 1 iżda li magħrufa jew preżunti li stadu għat-tonn fil-Lvant tal-Atlantiku u fil-Mediterran.
3. Il-Kummissjoni għandha tibgħat lis-Segretarjat tal-ICCAT l-informazzjoni msemmija fil-paragrafu 1 sal-1 ta’ Marzu ta’ kull sena u l-informazzjoni msemmija fil-paragrafu 2.
Artikolu 17
Portijiet innominati
1. L-Istati Membri għandhom jinnominaw post li jintuża għall-ħatt l-art jew għat-trażbord jew post qrib ix-xatt (portijiet innominati) fejn operazzjonijiet ta’ ħatt jew ta’ trażbord ta’ tonn ikunu permessi.
Biex port ikun port nominat, l-Istat Membru tal-port għandu jispeċifika l-ħinijiet u l-postijiet meta u fejn ikunu permessi l-ħatt u t-trażbord. L-Istat Membru tal-port għandu jiżgura kopertura sħiħa ta’ spezzjoni waqt il-ħinijiet kollha tal-ħatt u t-trażbord u fil-postijiet kollha tal-ħatt u t-trażbord.
2. L-Istati Membri għandhom jibagħtu lill-Kummissjoni, sa mhux aktar tard mill-15 ta’ Frar ta’ kull sena, lista ta’ portijiet magħżula. Il-Kummissjoni għandha tibgħat din l-informazzjoni lis-Segretarjat tal-ICCAT qabel l-1 ta’ Marzu ta’ kull sena.
3. Għandu jkun projbit li tinħatt jew tiġi trażbordata minn bastimenti tas-sajd kwalunkwe kwantità ta’ tonn fil-Lvant tal-Atlantiku u fil-Mediterran fi kwalunkwe post ħlief portijiet magħżula minn PKKs u minn Stati Membri skont il-paragrafi 1 u 2.
Artikolu 18
Ħtiġijiet ta’ reġistrazzjoni
1. Flimkien mal-konformità mal-Artikoli 14, 15, 23 u 24 tar-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd ( 7 ), il-kaptan ta’ bastiment tal-qbid tal-UE għandu, jekk applikabbli, jdaħħal fil-ktieb ta’ abbord l-informazzjoni elenkata fl-Anness II ta’ dan ir-Regolament.
2. Il-kaptan tal-bastiment tal-qbid ►M1 tal-Unjoni ◄ involut f’operazzjoni konġunta tas-sajd għandu jirreġistra l-informazzjoni addizzjonali fil-ktieb ta’ abbord tiegħu:
(a) fir-rigward tal-bastiment tal-qbid li jittrasferixxi l-ħut fil-gaġeġ:
i) l-isem u s-sinjal tas-sejħa internazzjonali tar-radju;
ii) id-data u l-ħin tal-qabda u tat-trasferiment;
iii) il-post tal-qabda u tat-trasferiment (lonġitudini/latitudini);
iv) l-ammont ta’ qabdiet imtella’ abbord, u l-ammont ta’ qabdiet trasferiti għall-gaġeġ;
v) l-ammont ta’ qabdiet magħduda kontra l-kwota individwali tal-bastiment;
vi) l-isem tal-bastiment tal-irmonk u n-numru tal-ICCAT tiegħu;
(b) fir-rigward tal-bastimenti tal-qbid l-oħra mhux involuti fit-trasferiment tal-ħut:
i) isimhom u s-sinjali tas-sejħa internazzjonali tar-radju;
ii) id-data u l-ħin tal-qabda u tat-trasferiment;
iii) il-post tal-qabda u tat-trasferiment (lonġitudini/latitudini);
iv) li l-ebda qabdiet ma ttellgħu abbord jew ġew trasferiti għall-gaġeġ;
v) l-ammont ta’ qabdiet magħduda kontra l-kwoti individwali tagħhom;
vi) l-isem u n-numru tal-ICCAT tal-bastiment tal-qbid imsemmi f’ (a);
vii) l-isem tal-bastiment tal-irmonk u n-numru tal-ICCAT tiegħu.
Artikolu 19
Operazzjonijiet konġunti tas-Sajd
1. Kwalunkwe operazzjoni konġunta tas-sajd għat-tonn għandha tkun awtorizzata biss bil-kunsens tal-Istat(i) tal-bandiera kkonċernat(i). Sabiex ikun awtorizzat, kull bastiment tas-sajd għandu jkun mgħammar biex jistad għat-tonn u għandu jkollu kwota individwali.
Operazzjonijiet konġunti tas-sajd flimkien ma’ PKK oħra mhux se jkunu permessi.
2. Fil-mument tal-applikazzjoni għall-awtorizzazzjoni, kull Stat Membru għandu jieħu l-miżuri meħtieġa biex jikseb mill-bastimenti tas-sajd tiegħu li jieħdu sehem fl-operazzjoni konġunta tas-sajd, l-informazzjoni li ġejja:
(a) it-tul ta’ żmien;
(b) l-identità tal-operaturi involuta;
(ċ) il-kwoti tal-bastimenti individwali;
(d) il-kodiċi tal-allokazzjoni bejn il-bastimenti tas-sajd għall-qabdiet involuti; u
(e) l-informazzjoni dwar l-irziezet tat-tismin jew tat-trobbija destinatarji.
3. Kull Stat Membru għandu, tal-anqas 15-il jum qabel il-bidu tal-operazzjoni, jibgħat l-informazzjoni msemmija fil-paragrafu 2 lill-Kummissjoni skont il-format stipulat fl-Anness V. Il-Kummissjoni għandha tgħaddi minnufih din l-informazzjoni lis-Segretarjat tal-ICCAT u lill-Istat tal-Bandiera ta’ bastimenti tas-sajd oħra li jieħdu sehem fl-operazzjoni konġunta tas-sajd għal mill-inqas 10 t’ijiem qabel il-bidu tal-operazzjoni.
Artikolu 20
Rapporti dwar qbid
1. Il-kaptan ta’ bastiment tal-qbid bil-purse seine jew ta’ bastiment tal-qbid ieħor ta’ aktar minn 24 metru li jistad attivament għat-tonn għandu jibgħat, b’mezzi elettroniċi jew mezzi oħra, lill-awtoritajiet kompetenti tal-Istat Membru tal-bandiera rapport ta’ kuljum dwar il-qabda bi, bħala minimu, tagħrif dwar in-numru tar-reġistru ICCAT, l-isem tal-bastiment, il-bidu u t-tmiem tal-perijodu, l-ammont tal-qabda (inkluż il-piż u n-numru ta’ biċċiet), inkluż qabdiet żero, id-data u l-post (latitudni u lonġidtudni) tal-qabidet, skont il-format stipulat fl-Anness IV jew f’format ekwivalenti.
2. Il-kaptan ta’ bastiment tal-qbid mhux imsemmi fil-paragrafu 1 għandu jibgħat, b’mezzi elettroniċi jew mezzi oħra, lill-awtoritajiet kompetenti tal-Istat Membru tal-bandiera rapport kull ġimgħa dwar il-qabda bi, bħala minimu, tagħrif dwar in-numru tar-reġistru ICCAT, l-isem tal-bastiment, il-bidu u t-tmiem tal-perijodu, l-ammont tal-qabda (inkluż il-piż u n-numru ta’ biċċiet), inkluż qabdiet żero, u d-data u l-post (latitudni u lonġitudni) tal-qabdiet skont il-format stipulat fl-Anness IV jew f’format ekwivalenti. Ir-rapport dwar il-qabda għandu jintbagħat sa mhux aktar tard mit-Tnejn f’nofsinhar bil-qabdiet li saru fil-ġimgħa ta’ qabel li tintemm f’nofs il-lejl GMT tal-Ħadd. Ir-rapport għandu jinkludi tagħrif dwar l-għadd ta’ jiem fuq il-baħar fil-Lvant tal-Atlantiku u fil-Baħar Mediterran mill-bidu tas-sajda jew mill-aħħar rapport ta’ kull ġimgħa.
3. Kull Stat Membru għandu, malli jaslu, jgħaddi r-rapporti dwar il-qabdiet imsemmija fil-paragrafi (1) u (2), minnufih f’forma li tinqara mill-kompjuter, lill-Kummissjoni u għandu jassigura li jipprovdi minnufih lill-Kummissjoni rapporti tal-qabda ta’ kull ġimgħa f’forma li tinqara mill-kompjuter għall-bastimenti tas-sajd kollha skont il-format stipulat fl-Anness IV. Il-Kummissjoni għandha tibgħat dik l-informazzjoni kull ġimgħa lis-Segretarjat tal-ICCAT skont il-format stipulat fl-Anness IV.
4. L-Istati Membri għandhom jinfurmaw lill-Kummissjoni, qabel il-ħmistax-il jum ta’ kull xahar, bil-kwantitajiet ta’ tonn maqbud fil-Lvant tal-Atlantiku u fil-Baħar Mediterran li nħattu, ġew trażbordati, maqbuda jew mqiegħda f’gaġeġ mill-bastiment li jtajjar il-bandiera tagħhom matul ix-xahar preċedenti. Il-Kummissjoni għandha tibgħat minnufih dik l-informazzjoni lis-Segretarjat tal-ICCAT.
Artikolu 21
Ħatt
1. B’deroga mill-Artikolu 7 tar-Regolament (KEE) Nru 2847/93, il-kaptan ta’ bastiment ►M1 tal-Unjoni ◄ msemmi fl-Artikolu 14 ta’ dan ir-Regolament jew ir-rappreżentant tiegħu għandu, mill-inqas erba’ siegħat qabel il-ħin stmat tal-wasla fil-port, jinnotifika lill-awtorità kompetenti tal-Istat Membru (inkluż l-Istat Membru tal-bandiera) jew lill-PKK li tagħhom jixtiequ jużaw il-portijiet jew il-faċilità ta’ ħatt, b’dan li ġej:
(a) il-ħin stmat tal-wasla;
(b) il-kwantità stmata ta’ tonn miżmuma abbord;
(ċ) informazzjoni dwar iż-żona ġeografika fejn saru l-qabdiet.
2. L-awtoritajiet tal-Istat Membru tal-port għandhom iżommu reġistru tal-avviżi ta’ qabel kollha għas-sena kurrenti.
3. L-awtoritajiet tal-Istat Membru tal-port għandhom jibagħtu reġistrazzjoni dwar il-ħatt lill-awtorità tal-Istat tal-bandiera tal-bastiment, mhux aktar minn 48 siegħa wara li jkun intemm il-ħatt.
4. Wara kull vjaġġ u fi żmien 48 siegħa mill-ħatt l-art, il-kaptani tal-bastimenti tal-qbid ►M1 tal-Unjoni ◄ għandhom jippreżentaw dikjarazzjoni tal-ħatt lill-awtoritajiet kompetenti tal-Istat Membru jew lill-PKK fejn iseħħ il-ħatt u lill-Istat Membru li tiegħu ittajjar il-bandiera. Il-kaptan tal-bastiment tal-qbid awtorizzat għandu jkun responsabbli għall-eżattezza tad-dikjarazzjoni, li għandha tindika, bħala minimu, il-kwantitajiet tat-tonn li tħattew u ż-żona fejn inqabdu. Kull qabda li nħattet għandha tintiżen u mhux tiġi stmata.
Artikolu 22
Operazzjonijiet ta’ trasferiment
1. Qabel kull operazzjoni ta’ trasferiment, il-kaptan ta’ bastiment tal-qbid jew tal-irmonk jew operatur ta’ razzett jew nassa tat-tonn fejn joriġina t-trasferiment konċernat għandu jibgħat notifika minn qabel tat-trasferiment lill-awtoritajiet kompetenti tal-Istat Membru responsabbli rispettiv li tindika:
(a) l-isem tal-bastiment tal-qbid, tar-razzett jew tan-nassa tat-tonn u n-numru tar-reġistru ICCAT;
(b) il-ħin stmat tat-trasferiment;
(c) l-istima tal-kwantitajiet ta’ tonn li għandhom jiġu trasferiti;
(d) informazzjoni dwar il-pożizzjoni (latitudini/lonġitudini) fejn ikun se jsir it-trasferiment kif ukoll in-numri identifikabbli tal-gaġeġ;
(e) l-isem tal-bastiment tal-irmonk li qiegħed jirċievi, l-għadd ta’ gaġeġ irmunkati u, fejn meħtieġ, in-numru tar-reġistru ICCAT;
(f) il-port, ir-razzett jew il-gaġġa ta’ destinazzjoni tat-tonn.
2. L-awtoritajiet tal-Istat Membru responsabbli għandhom jiddeċiedu, għal kull operazzjoni ta’ trasferiment, jekk jagħtux awtorizzazzjoni. Għal dan l-iskop, għandu jiġi assenjat numru uniku ta’ identifikazzjoni, għal kull operazzjoni ta’ trasferiment, u dan in-numru għandu jiġi kkomunikat lill-kaptan tal-bastiment tas-sajd, lill-operatur tan-nassa tat-tonn jew lill-operatur tar-razzett, kif xieraq. Fejn tingħata l-awtorizzazzjoni, dak in-numru għandu jkun fih il-kodiċi fi tliet ittri tal-PKK, l-erba’ numri li juru s-sena u t-tliet ittri “AUT” (awtorizzazzjoni), segwiti minn numri sekwenzjali. Fejn l-awtorizzazzjoni tiġi rrifjutata, dak in-numru għandu jkun fih it-tliet ittri tal-kodiċi tal-PKK, l-erba’ numri li juru s-sena u t-tliet ittri “NEG” (mingħajr awtorizzazzjoni), segwiti minn numri sekwenzjali. L-operazzjonijiet ta’ trasferiment ma għandhomx jibdew mingħajr awtorizzazzjoni minn qabel.
It-trasferiment għandu jiġi awtorizzat jew ma jiġix awtorizzat mill-Istat Membru responsabbli għall-bastiment tal-qbid, il-bastiment tal-irmonk, ir-razzett jew in-nassa tat-tonn, kif xieraq, fi żmien 48 siegħa mill-preżentazzjoni tan-notifika minn qabel tat-trasferiment. L-Istat Membru ma għandux jawtorizza t-trasferiment jekk, malli jirċievi n-notifika minn qabel tat-trasferiment, iqis li:
(a) il-bastiment tal-qbid jew in-nassa tat-tonn iddikjarati li qabdu l-ħut ma jkollhomx biżżejjed kwota;
(b) il-kwantità tal-ħut ma ġietx irrappurtata kif suppost mill-bastiment tal-qbid jew mill-operatur tan-nassa tat-tonn jew ma kienitx awtorizzata li tinżamm fil-gaġeġ, u ma tqisitx għall-konsum tal-kwota li tista’ tkun applikabbli;
(c) il-bastiment tal-qbid li hu ddikjarat li qabad il-ħut mhuwiex awtorizzat jistad għat-tonn, jew
(d) il-bastiment tal-irmonk iddikjarat li huwa dak li rċieva t-trasferiment tal-ħut mhuwiex reġistrat fir-reġistru ICCAT tal-bastimenti tas-sajd l-oħra kollha (minbarra bastimenti tal-qbid) awtorizzati li joperaw għat-tonn, imsemmija fl-Artikolu 14(3), jew mhuwiex mgħammar b’Sistema ta’ Monitoraġġ tal-Bastimenti (VMS).
3. Jekk it-trasferiment ma jiġix awtorizzat:
(a) l-Istat Membru responsabbli għall-bastiment tal-qbid għandu joħroġ ordni ta’ rilaxx u jinforma lill-kaptan tal-bastiment tal-qbid li t-trasferiment mhuwiex awtorizzat u li l-ħut għandu jiġi rilaxxat fil-baħar;
(b) il-kaptan tal-bastiment tal-qbid, l-operatur tar-razzett jew l-operatur tan-nassa tat-tonn, kif xieraq, għandu jirrilixxa l-ħut fil-baħar;
(c) ir-rilaxx tat-tonn fil-baħar għandu jiġi rreġistrat b’vidjokamera u osservat minn osservatur reġjonali tal-ICCAT li għandu jħejji u jippreżenta rapport flimkien mal-vidjo rreġistrat lis-Segretarjat tal-ICCAT.
4. Il-kaptan ta’ bastiment tal-qbid jew tal-irmonk, l-operatur tan-nassa tat-tonn jew l-operatur tar-razzett għandu, fi tmiem l-operazzjoni tat-trasferiment, jimla u jibgħat id-dikjarazzjoni tat-trasferiment tal-ICCAT lill-awtoritajiet kompetenti tal-Istat Membru responsabbli, skont il-format stabbilit fl-Anness VIIIa.
Il-formoli tad-dikjarazzjoni ta’ trasferiment għandhom jiġu nnumerati mill-awtoritajiet kompetenti tal-Istat Membru responsabbli għall-bastiment, għar-razzett jew għan-nassa tat-tonn minn fejn joriġina dan it-trasferiment. Is-sistema ta’ nnumerar għandha tinkludi l-kodiċi bi tliet ittri tal-PKK, segwiti mill-erba’ numri li juru s-sena u tliet numri sekwenzjali segwiti mit-tliet ittri “ITD” (PKK-20**/xxx/ITD).
Id-dikjarazzjoni oriġinali tat-trasferiment għandha takkumpanja t-trasferiment tal-ħut. Għandha tinżamm kopja tad-dikjarazzjoni mill-kaptan tal-bastiment tal-qbid, l-operatur tan-nassa tat-tonn, il-kaptan tal-bastiment tal-irmonk jew l-operatur tar-razzett.
5. Il-kaptani tal-bastimenti li jwettqu operazzjonijiet tat-trasferiment (inklużi l-bastimenti tal-irmonk), għandhom jirreġistraw kuljum fil-ktieb ta’ abbord tagħhom, kemm il-piż kif ukoll l-għadd ta’ ħut trasferit, kif ukoll l-isem, il-bandiera u n-numru tar-reġistru ICCAT tal-bastiment tal-qbid, l-isem u n-numru tar-reġistru ICCAT ta’ kwalunkwe bastimenti oħra involuti, id-data u l-pożizzjoni tat-trasferiment kif ukoll ir-razzett ta’ destinazzjoni. Il-ktieb ta’ abbord għandu jinkludi d-dettalji tat-trasferimenti kollha mwettqa matul l-istaġun tas-sajd. Għandu jinżamm abbord u għandu jkun aċċessibbli fi kwalunkwe ħin għall-finijiet ta’ kontroll.
6. L-awtorizzazzjoni għat-trasferiment mill-Istat Membru responsabbli ma tippreġudikax l-awtorizzazzjoni tal-operazzjoni tat-tqegħid fil-gaġeġ.
7. Il-kaptan tal-bastiment tal-qbid, l-operatur tar-razzett jew l-operatur tan-nassa tat-tonn li jittrasferixxi t-tonn għandu jiżgura li l-operazzjonijiet tat-trasferiment jiġu mmonitorjati permezz ta’ vidjokamera fl-ilma.
Għandhom jiġu prodotti żewġ kopji ta’ kull reġistrazzjoni bil-vidjo tat-trasferimenti. Għandha tintbagħat kopja lill-osservatur reġjonali u oħra lill-osservatur tal-PKK jew dak nazzjonali, kif xieraq, abbord il-bastiment tal-irmonk. Il-kopja li tiġi trażmessa lill-osservatur tal-PKK jew dak nazzjonali għandha takkumpanja d-dikjarazzjoni ta’ trasferiment u l-qabdiet assoċjati li hija relatata magħhom. In-numru tad-dikjarazzjoni ta’ trasferiment tal-ICCAT għandu jintwera fil-bidu u fl-aħħar ta’ kull reġistrazzjoni bil-vidjo, li għandha turi kontinwament il-ħin u d-data. L-Istati Membri għandhom jipprovdu kopji tar-reġistrazzjonijiet bil-vidjo lill-Kumitat Xjentifiku tal-ICCAT fuq talba tal-Kummissjoni.
8. L-osservatur reġjonali tal-ICCAT abbord il-bastiment tal-qbid, kif imsemmi fil-Programm tal-Osservatur Reġjonali tal-ICCAT stabbilit fl-Anness VII, għandu jirreġistra l-operazzjonijiet ta’ trasferiment imwettqa u jirrapporta dwarhom, jivverifika l-pożizzjoni tal-bastiment tal-qbid meta jkun impenjat f’operazzjonijiet tat-trasferiment, josserva l-qabdiet trasferiti u jagħmel stima tagħhom u jivverifika entrati li saru fin-notifika minn qabel tat-trasferiment imsemmija fil-paragrafu 2 u fid-dikjarazzjoni tat-trasferiment tal-ICCAT imsemmija fil-paragrafu 4.
Fejn l-istima tal-qabda mill-osservatur reġjonali tkun mill-inqas 10 % ogħla fin-numru u/jew fil-piż medju milli ddikjarati mill-kaptan tal-bastiment tal-qbid, l-Istat Membru responsabbli għall-bastiment tal-qbid għandu jibda investigazzjoni li għandha tintemm qabel il-ħin tat-tqegħid fil-gaġeġ fir-razzett. Sakemm joħorġu r-riżultati ta’ din l-investigazzjoni, ma għandux jiġi awtorizzat tqegħid fil-gaġeġ u t-taqsima tal-qabda tad-dokument ta’ qbid tat-tonn ma għandhiex tiġi validata.
9. L-osservaturi reġjonali tal-ICCAT għandhom jiffirmaw id-dikjarazzjoni ta’ trasferiment tal-ICCAT u jiktbu b’mod ċar isimhom u n-numru tal-ICCAT tagħhom. Għandhom jivverifikaw li d-dikjarazzjoni tat-trasferiment tal-ICCAT imtliet b’mod korrett u ġiet trażmessa kif suppost lill-kaptan tal-bastiment tal-irmonk.
L-operatur tan-nassa tat-tonn għandu jimla u jibgħat id-dikjarazzjoni tat-trasferiment tal-ICCAT lill-awtoritajiet kompetenti tal-Istat Membru tiegħu fi tmiem it-trasferiment lejn il-bastiment tas-sajd skont il-format li jidher fl-Anness IV.
10. Il-Kummissjoni tista’ tadotta atti ta’ implimentazzjoni li jistipulaw regoli dettaljati rigward l-operazzjonijiet ta’ trasferiment taħt il-paragrafi 2 u 7 ta’ dan l-Artikolu. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 38a.
Artikolu 23
Trażbord
1. B’deroga mill-Artikolu 11 tar-Regolament (KE) Nru 2847/93, it-trazbord fuq il-baħar tat-tonn fil-Lvant tal-Atlantiku u fil-Mediterran għandu jkun projbit.
2. Qabel id-dħul fi kwalunkwe port, il-kaptan jew ir-rappreżentant tal-bastiment tas-sajd li qed jirċievi għandu, mill-inqas 48 siegħa qabel il-ħin stmat tal-wasla, jipprovdi lill-awtoritajiet kompetenti tal-Istat li l-port tiegħu jrid juża b’dan li ġej:
(a) id-data stmata, il-ħin u l-port tal-wasla;
(b) il-kwantità stmata ta’ tonn miżmuma abbord, u tagħrif dwar iż-żona ġeografika minn fejn ittieħed;
(ċ) l-isem tal-bastiment tas-sajd li qed jittrażborda u n-numru tiegħu fir-reġistru ’tal-ICCAT ta’ bastimenti awtorizzati jistadu attivament għat-tonn jew fir-reġistru tal-ICCAT ta’ bastimenti oħra tas-sajd awtorizzati joperaw fil-Lvant tal-Atlantiku u fil-Baħar Mediterran;
(d) l-isem tal-bastiment tas-sajd li qed jirċievi, in-numru tiegħu fir-reġistru tal-ICCAT ta’ bastimenti awtorizzati jistadu attivament għat-tonn jew fir-reġistru tal-ICCAT ta’ bastimenti oħra tas-sajd awtorizzati joperaw fil-Lvant tal-Atlantiku u l-Mediterran;
(e) it-tunnellaġġ u ż-żona ġeografika tal-qabda ta’ tonn li għandu jiġi ttrażbordat.
3. Il-bastimenti tas-sajd m’għandhomx jitħallew jittrażbordaw, sakemm ma jkunux kisbu awtorizzazzjoni minn qabel mill-Istat li tagħhom tittajjar il-bandiera.
4. Il-kaptan tal-bastiment tas-sajd li qed jittrażborda għandu, qabel ma jibda t-trażbord, jinforma lill-Istat li tiegħu tittajjar il-Bandiera b’dan li ġej:
(a) il-kwantitajiet ta’ tonn li għandhom jiġi ttrażbordati;
(b) id-data u l-port tat-trażbord;
(ċ) l-isem, in-numru ta’ reġistrazzjoni u l-bandiera tal-bastiment tas-sajd li qed jirċievi, u n-numru tiegħu fir-reġistru tal-ICCAT ta’ bastimenti tal-qbid awtorizzati jistadu attivament għat-tonn jew fir-reġistru tal-ICCAT ta’ bastimenti oħra tas-sajd awtorizzati joperaw għat-tonn;
(d) iż-żona ġeografika fejn inqabad it-tonn.
5. L-awtorità kompetenti tal-Istat Membru li fil-port tiegħu jseħħ it-trażbord għandha:
(a) tispezzjona l-bastiment riċeventi hekk kif jasal u tivverifika t-tagħbija u d-dokumentazzjoni marbuta mal-operazzjoni tat-trażbord;
(b) tibgħat reġistrazzjoni tat-trażbord lill-awtorità tal-Istat tal-bandiera tal-bastiment tal-qbid li qed jittrażborda, fi żmien 48 siegħa wara li t-trażbordtrażbord ikun intemm.
6. Il-kaptani tal-bastimenti tas-sajd ►M1 tal-Unjoni ◄ għandhom jimlew u jibagħtu dikjarazzjoni tat-trażbordtrażbord lill-awtoritajiet kompetenti tal-Istat Membru tal-bandiera tal-bastimenti. Id-dikjarazzjoni għandha tintbagħat mhux aktar tard minn 48 siegħa mid-data tat-trażbord fil-port skont il-format stipulat fl-Anness III.
Artikolu 24
Operazzjonijiet ta’ tqegħid fil-gaġeġ
1. Fi żmien ġimgħa mill-ikkompletar tal-operazzjoni tat-tqegħid fil-gaġeġ, l-Istat Membru responsabbli għar-razzett għandu jippreżenta lill-Istat Membru jew PKK li l-bastimenti li jkunu stadu t-tonn itajru l-bandiera tagħhom, kif ukoll lill-Kummissjoni, rapport dwar it-tqegħid fil-gaġeġ, validat minn osservatur. Il-Kummissjoni għandha tibgħat minnufih dik l-informazzjoni lis-Segretarjat tal-ICCAT. Dan ir-rapport għandu jkun fih l-informazzjoni inkluża fid-dikjarazzjoni dwar it-tqegħid fil-gaġeġ imsemmija fir-Rakkomandazzjoni ICCAT 06-07 dwar it-trobbija tat-tonn.
2. Qabel kwalunkwe operazzjoni ta’ tqegħid fil-gaġeġ, l-awtorità kompetenti tal-Istat Membru responsabbli għar-razzett għandha tinforma lill-Istat Membru responsabbli jew il-PKK tal-bandiera tal-bastiment tal-qbid rigward it-tqegħid fil-gaġeġ tal-kwantitajiet maqbuda mill-bastimenti tal-qbid li jtajru l-bandiera tiegħu.
3. L-Istat Membru responsabbli għall-bastiment tal-qbid għandu jitlob lill-Istat Membru jew lill-PKK responsabbli għar-razzett biex jissekwestra l-qabdiet u jirrilaxxa l-ħut fil-baħar skont il-proċedura stipulata fl-Artikolu 22(3), jekk meta jirċievi l-informazzjoni msemmija fil-paragrafu 2 iqis li:
(a) il-bastiment tas-sajd li huwa ddikjarat li qabad il-ħut ma kellux kwota biżżejjed għat-tonn li tqiegħed fil-gaġġa;
(b) il-kwantità tal-ħut ma ġiet irrappurtata kif dovut mill-bastiment tal-qbid u ma tqisitx għall-kalkolu tal-kwota applikabbli;
(c) il-bastiment tal-qbid li hu ddikjarat li qabad il-ħut mhuwiex awtorizzat li jistad għat-tonn.
4. L-operazzjoni ta’ tqegħid fil-gaġeġ ma għandhiex tibda qabel ma jkun hemm l-awtorizzazzjoni minn qabel mill-PKK jew l-Istat Membru tal-bandiera tal-bastiment tal-qbid.
It-tonn għandu jitqiegħed fil-gaġeġ qabel il-31 ta’ Lulju sakemm l-Istat Membru jew il-PKK responsabbli għar-razzett li jirċievi l-ħut jipprovdi raġunijiet validi, inkluż force majeure. Dawn ir-raġunijiet għandhom jingħataw mar-rapport tat-tqegħid fil-gaġeġ.
5. L-Istat Membru responsabbli għar-razzett għandu jieħu l-miżuri neċessarji sabiex jipprojbixxi t-kwalunkwe tqegħid fil-gaġeġ għall-finijiet tat-trobbija jew it-tismin ta’ tonn li mhuwiex akkumpanjat bid-dokumentazzjoni meħtieġa mill-ICCAT, inkluża dik meħtieġa minn dan ir-Regolament u r-Regolament (UE) Nru 640/2010 tal-Parlament Ewropew u tal-Kunsill tas-7 ta’ Lulju 2010 li jistabbilixxi programm ta’ dokumentazzjoni tal-qbid għat-tonn Thunnus thynnus ( 8 ). Tali dokumentazzjoni għandha tkun preċiża u kompluta u trid tkun ġiet ivvalidata.
6. It-tqegħid fil-gaġeġ għandu jkun awtorizzat jew mhux awtorizzat mill-Istat Membru responsabbli jew mill-PKK responsabbli, kif xieraq, fi żmien 48 siegħa mill-preżentazzjoni tal-informazzjoni msemmija fil-paragrafu 2. Jekk it-tqegħid fil-gaġeġ ma jkunx awtorizzat, l-Istat Membru jew il-PKK responsabbli għall-bastiment tal-qbid għandu joħroġ ordni tar-rilaxx lill-Istat Membru jew lill-PKK responsabbli għall-bastiment tal-irmonk u/jew lill-Istat Membru jew lill-PKK responsabbli għar-razzett, kif xieraq, skont l-Artikolu 22(3).
7. L-Istat Membru responsabbli għar-razzett għandu jiżgura li l-operazzjonijiet ta’ tqegħid fil-gaġeġ jiġu mmonitorjati permezz ta’ vidjokamera fl-ilma.
Għandha tiġi prodotta reġistrazzjoni waħda bil-vidjo għal kull operazzjoni ta’ tqegħid fil-gaġeġ. In-numru tad-dikjarazzjoni ta’ trasferiment tal-ICCAT għandu jintwera fil-bidu u fl-aħħar ta’ kull reġistrazzjoni bil-vidjo, li għandha turi kontinwament il-ħin u d-data.
8. Fejn ikun hemm differenza ta’ aktar minn 10 %, fil-piż medju jew fin-numru, bejn l-istima tal-osservatur reġjonali u tal-operatur tar-razzett, l-Istat Membru responsabbli għar-razzett, b’kooperazzjoni mal-Istat tal-bandiera tal-bastiment tal-qbid, għandu jibda investigazzjoni. Sakemm joħorġu r-riżulati ta’ din l-investigazzjoni, ma għandux isir ħsad u t-taqsima tat-trobbija tad-dokument tal-qbid tat-tonn ma għandhiex tiġi validata.
Jekk l-investigazzjoni ma tintemmx fi żmien 10 ijiem ta’ xogħol jew jekk l-eżitu tal-investigazzjoni tindika li l-għadd jew il-piż medju tat-tonn huwa aktar minn 10 % ta’ dak iddikjarat mill-operatur tar-razzett, il-PKK jew l-Istat Membru tal-bandiera responsabbli għall-bastiment tal-qbid għandu joħroġ ordni tar-rilaxx fir-rigward tan-numru jew il-piż żejjed.
L-Istat Membru responsabbli għar-razzett għandu jiżgura li l-operatur tar-razzett jikkonforma mal-ordni tar-rilaxx fi żmien 48 siegħa mill-wasla tal-osservatur reġjonali. Ir-rilaxx għandu jitwettaq skont l-Artikolu 22(3).
Jekk l-istima finali fil-ħin tat-tqegħid fil-gaġeġ fir-razzett tkun ikbar mill-istima finali fil-ħin tal-ewwel trasferiment mill-bastiment tal-qbid, l-Istat Membru jew il-PKK responsabbli għall-bastiment tal-qbid għandu jiddeċiedi fuq l-ammont li se jittieħed (jew jitnaqqas) mill-kwota finali li għandu jiġi vvalidat fid-dokument(i) konċernat(i) tal-qbid tat-tonn.
9. L-Istati Membri għandhom jibdew studji pilota dwar kif jistgħu jagħmlu stima aħjar tal-għadd u l-piż tat-tonn fil-mument tal-qbid u tat-tqegħid fil-gaġeġ, inkluż bl-użu ta’ sistemi sterjoskopiċi, u għandhom jirrappurtaw ir-riżultati tagħhom lill-Kumitat Xjentifiku tal-ICCAT. Għandu jiġi stabbilit programm tat-teħid tal-kampjuni u/jew programm alternattiv fil-ħin tat-tqegħid fil-gaġeġ sabiex jitjieb l-għadd tal-ħut fil-gaġeġ u l-istimi tal-piż tiegħu.
10. Il-Kummissjoni tista’ tadotta atti ta’ implimentazzjoni li jistipulaw regoli dettaljati rigward l-operazzjonijiet ta’ tqegħid fil-gaġeġ taħt il-paragrafi 6, 7, 8 u 9. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 38a.
Artikolu 24a
L-użu ta’ kameras sterjoskopiċi waqt operazzjonijiet ta’ tqegħid fil-gaġeġ
L-użu ta’ sistemi ta’ kameras sterjoskopiċi fil-kuntest ta’ operazzjonijiet ta’ tqegħid fil-gaġeġ għandu jkun f’konformità mal-kundizzjonijiet li ġejjin:
(a) l-intensità tat-teħid ta’ kampjuni ta’ ħut ħaj ma għandhiex tkun inqas minn 20 % tal-ammont ta’ ħut li qed jitqiegħed fil-gaġeġ; meta jkun teknikament possibbli, it-teħid ta’ kampjuni ta’ ħut ħaj għandu jkun sekwenzjali, billi jitkejjel wieħed minn kull ħames kampjuni; tali kampjun għandu jkun magħmul minn ħut imkejjel f’distanza ta’ bejn 2 u 8 m mill-kamera;
(b) id-dimensjonijiet tal-passaġġ ta’ trasferiment li toħloq rabta bejn il-gaġġa tad-donatur u l-gaġġa tar-riċevitur għandhom jiġu stabbiliti b’wisa’ massima ta’ 10 mu għoli massimu ta’ 10 m;
(c) meta l-kejl tat-tul tal-ħut juri distribuzzjoni multimodali (żewġ koorti jew iktar ta’ daqsijiet distinti), għandu jkun possibbli li jintuża aktar minn algoritmu wieħed ta’ konverżjoni għall-istess operazzjoni ta’ tqegħid fil-gaġeġ; l-algoritmui l-iktar aġġornati stabbiliti mill-Kumitat Permanenti dwar ir-Riċerka u l-Istatistika għandu(hom) jintuża(w) biex it-tul sal-furketta jiġi kkonvertit f’piż totali, skont il-kategorija tad-daqs tal-ħut imkejjel waqt l-operazzjoni ta’ tqegħid fil-gaġeġ;
(d) il-validazzjoni tal-kejl tat-tul sterjoskopiku għandha ssir qabel kull operazzjoni ta’ tqegħid fil-gaġeġ permezz ta’ skala grafika f’distanza bejn 2 u 8 m;
(e) meta r-riżultati tal-programm sterjoskopiku jiġu kkomunikati, l-informazzjoni għandha tindika l-marġni ta’ żball inerenti mal-ispeċifikazzjonijiet tekniċi tas-sistema tal-kamera sterjoskopika, li m’għandux jaqbeż +/- 5 perċentwali.
Artikolu 25
Sistema ta’ Monitoraġġ tal-Bastimenti
1. Ir-Regolament tal-Kummissjoni (KE) Nru 2244/2003 tat-18 ta’ Diċembru 2003 li jistabbilixxi disposizzjonijiet dettaljati dwar is-sistemi ta’ sorveljanza tal-vapuri bażata fuq satellita ( 9 ) għandu japplika għall-bastimenti tas-sajd msemmijin fl-Artikolu 2(b) ta’ dan ir-Regolament. Minbarra dan, l-Istati Membri għandhom jiżguraw li l-bastimenti kollha tal-irmonk li jtajru l-bandiera tagħhom, irrispettivament minn tulhom, ikunu mgħammra b’apparat operattiv ta’ segwitu bis-satellita u monitoraġġ skont l-Artikoli 3 sa 16 tar-Regolament (KE) Nru 2244/2003.
Bastimenti tas-sajd li huma inklużi fir-reġistru tal-ICCAT tal-bastimenti tal-qbid awtorizzati li jistadu attivament għat-tonn, msemmija fl-Artikolu 14(3), għandhom jibdew jittrażmettu data VMS lill-ICCAT mill-inqas 15-il ġurnata qabel il-ftuħ tal-istaġun tas-sajd u għandhom ikomplu jittrażmettu dik id-data għal mill-inqas 15-il ġurnata wara l-għeluq tal-istaġun tas-sajd sakemm ma tintbagħatx talba minn qabel lill-Kummissjoni sabiex il-bastiment jitneħħa mir-reġistru tal-bastimenti tal-ICCAT.
Għall-finijiet ta’ kontroll, it-trasmissjoni ta’ dejta VMS mill-bastimenti tal-qbid li huma awtorizzati li jistadu attivament għat-tonn ma għandhiex tiġi interrotta meta il-bastiment ikun fil-port sakemm ma tkunx qed titħaddem sistema ta’ dikjarazzjoni ta’ dħul u ħruġ mill-port.
Il-bastimenti tas-sajd li huma inklużi fir-reġistru ICCAT tal-bastimenti tas-sajd l-oħra kollha (minbarra bastimenti tal-qbid) awtorizzati li joperaw għat-tonn, imsemmija fl-Artikolu 14(3), għandhom jibgħatu d-dejta tal-VMS lill-ICCAT matul il-perjodu kollu tal-awtorizzazzjoni.
2. L-Istati Membri għandhom jiżguraw li ċ-Ċentri tal-Monitoraġġ tas-Sajd jgħaddu lill-Kummissjoni u lil korp iddiżinjat minnha, f’ħin reali u billi jużaw il-format “https data feed”, il-messaġġi tal-VMS li jaslu mill-bastimenti tas-sajd li jtajru l-bandiera tagħhom. Il-Kummissjoni għandha tibgħat elettronikament dawn il-messaġġi lis-Segretarjat tal-ICCAT.
3. L-Istati Membri għandhom jiżguraw li:
(a) il-messaġġi mill-bastimenti tas-sajd li jtajru l-bandiera tagħhom jgħaddu lill-Kummissjoni mill-inqas kull sagħtejn meta joperaw fil-Lvant tal-Atlantiku u fil-Baħar Mediterran;
(b) fil-każ ta’ ħsara teknika, il-messaġġi mill-bastimenti tas-sajd li jtajru l-bandiera tagħhom jgħaddu lill-Kummissjoni fi żmien 24 siegħa minn meta jaslu għand iċ-Ċentri tal-Monitoraġġ tas-Sajd tagħhom;
(ċ) messaġġi mgħoddija lill-Kummissjoni jiġu nnumerati sekwenzjalment (b’identifikatur uniku) sabiex tiġi evitata d-duplikazzjoni;
(d) messaġġi mgħoddija lill-Kummissjoni jkunu jaqblu mal-format tal-iskambju tad-dejta stipulat fl-Anness VIII.
4. L-Istati Membri għandhom jieħdu l-miżuri meħtieġa biex jiżguraw li l-messaġġi kollha magħmula għad-dispożizzjoni tal-bastimenti tal-ispezzjoni tagħhom jiġu ttrattati b’mod kunfidenzjali u jkunu biss limitati għall-ispezzjoni f’operazzjonijiet tal-baħar.
Artikolu 26
Ir-reġistrazzjoni u r-rappurtar ta’ attivitajiet ta’ qbid tat-tonn fin-nases
1. Fi zmien 48 siegħa wara t-tmiem ta’ kull operazzjoni ta’ sajd bl-użu ta’ nases tat-tonn, il-qabdiet għandhom jiġu reġistrati u d-data għandha tiġi trażmessa, b’mezzi elettroniċi jew b’mezzi oħrajn, lill-awtorità kompetenti tal-Istat Membru responsabbli għan-nassa tat-tonn ikkonċernata. Din ir-reġistrazzjoni għandha tinkludi d-dettalji tal-kwantitajiet stmati li jkun għad fadal fin-nassa tat-tonn.
2. Malli jirċievi r-reġistrazzjoni msemmija fil-paragrafu 1, kull Stat Membru għandu jgħaddiha b’mezzi elettroniċi lill-Kummissjoni. Min-naħa tagħha, il-Kummissjoni għandha minnufih tgħaddi l-informazzjoni lis-Segretarjat tal-ICCAT.
3. Il-Kummissjoni tista’ tadotta atti ta’ implimentazzjoni li jistipulaw regoli dettaljati rigward ir-reġistrazzjoni u r-rappurtar tal-attivitajiet ta’ qbid tat-tonn fin-nases taħt il-paragrafu 1 ta’ dan l-Artikolu. Dawk l-atti ta’ implimentazzjoni għandhom jiġu adottati skont il-proċedura ta’ eżami msemmija fl-Artikolu 38a.
Artikolu 27
Kontroll fil-port jew fir-razzett
1. L-Istati Membri għandhom jieħdu l-miżuri meħtieġa biex jiżguraw li l-bastimenti tal-qbid kollha msemmijin fir-Reġistru tal-ICCAT ta’ bastimenti awtorizzati jistadu għat-tonn li jidħlu f’port innominat biex iħottu u/jew jittrażbordjaw tonn maqbud fil-Lvant tal-Atlantiku u fil-Mediterran ikunu soġġetti għal kontroll f’port.
2. L-Istati Membri għandhom jieħdu l-miżuri meħtieġa biex jikkontrollaw kull operazzjoni ta’ tqegħid f’gaġeġ fl-irziezet għat-tismin jew għat-trobbija li jaqgħu taħt il-ġuriżdizzjoni tagħhom.
3. Meta l-irziezet għat-tismin jew għat-trobbija jkunu jinsabu fl-ibħra miftuħa, għandu japplika l-paragrafu 2, mutatis mutandis, għall-Istati Membri fejn il-persuni fiżiċi jew ġuridiċi responsabbli għar-razzett għat-tismin jew għat-trobbija huma stabbiliti.
Artikolu 28
Kontro-verifika
1. L-Istati Membri għandhom jivverifikaw, inkluż bl-użu ta’ rapporti ta’ ispezzjoni, rapporti ta’ osservaturi u l-VMS, is-sottomissjoni ta’ kotba ta’ abbord u informazzjoni rilevanti rreġistrata fil-kotba ta’ abbord tal-bastimenti tas-sajd tagħhom, fid-dokument dwar it-trasferiment/trażbord u fid-dokumenti dwar il-qabda tat-tonn.
2. L-Istati Membri għandhom jagħmlu l-kontro-verifiki fuq il-ħatt kollu, it-trażbordi kollha u t-tqegħid fil-gaġeġ kollu bejn il-kwantitajiet skont l-ispeċi rreġistrati fil-bastiment ta’ abbord tal-bastiment jew kwantitajiet skont l-ispeċi rreġistrati fid-dikjarazzjoni tat-trażbord u l-kwantitajiet reġistrati fid-dikjarazzjoni ta’ abbord jew id-dikjarazzjoni tal-għeluq fil-gaġeġ, u kwalunkwe dokument rilevanti ieħor, bħal fatturi u/jew noti tal-bejgħ.
Artikolu 29
L-iskema tal-ICCAT dwar l-ispezzjoni internazzjonali konġunta
1. L-iskema tal-ICCAT dwar l-ispezzjoni internazzjonali konġunta adottata mill-ICCAT fir-Raba’ Laqgħa Regolari tagħha (Madrid, Novembru 1975), kif modifikata mill-ICCAT fis-16-il Laqgħa Speċjali tagħha u stipulata fl-Anness VI ta’ dan ir-Regolament għandha tapplika ►M1 fl-Unjoni ◄ .
2. L-Istati Membri li l-bastimenti tas-sajd tagħhom huma awtorizzati jistadu għat-tonn fil-Lvant tal-Atlantiku u fil-Baħar Mediterran għandhom jaħtru spetturi u jwettqu spezzjonijiet fuq il-baħar taħt l-Iskema.
Jekk, fi kwalunkwe ħin, aktar minn 15-il bastiment ta’ Stat Membru huma impenjati f’attivitajiet ta’ sajd għat-tonn f’żona tal-Konvenzjoni, dak l-Istat Membru għandu jibgħat bastiment ta’ spezzjoni għall-finijiet ta’ spezzjoni u kontroll fuq il-baħar fiż-żona tal-Konvenzjoni tul il-perjodu li fih dawk il-bastimenti jkunu hemmhekk. Dan l-obbligu għandu jitqies li ġie ssodisfat fejn l-Istati Membri jikkooperaw biex jibgħatu bastiment ta’ spezzjoni jew fejn jintbagħat bastiment ta’ spezzjoni tal-UE fiż-żona tal-Konvenzjoni.
3. Il-Kummissjoni jew korp magħżul minnha jistgħu jaħtru spetturi ►M1 tal-Unjoni ◄ fl-Iskema.
4. Il-Kummissjoni jew korp magħżul minnha għandhom jikkoordinaw l-attivitajiet ta’ sorveljanza u spezzjoni għall- ►M1 Unjoni ◄ . Hi tista’ tfassal, flimkien mal-Istati Membri konċernati, programmi konġunti ta’ spezzjoni għal dik il-għan li jippermetti lill- ►M1 Unjoni ◄ twettaq l-obbligu tagħha taħt l-Iskema. L-Istati Membri li l-bastimenti tagħhom huma impenjati fis-sajd għat-tonn għandhom jadottaw il-miżuri meħtieġa biex tiġi faċilitata l-implimentazzjoni ta’ dawk il-programmi b’mod partikolari fir-rigward tar-riżorsi umani u materjali meħtieġa u l-perijodi u ż-żoni ġeografiċi meta dawk ir-riżorsi ikunu ser jiġu implimentati.
5. L-Istati Membri għandhom jinfurmaw lill-Kummissjoni sal-1 ta’ April ta’ kull sena dwar l-ismijiet tal-ispetturi u l-bastimenti ta’ spezzjoni li biħsiebhom jassenjaw għall-Iskema matul is-sena ta’ wara. Permezz ta’ din l-informazzjoni l-Kummissjoni għandha tfassal, flimkien mal-Istati Membri, pjan antiċipat għall-parteċipazzjoni tal- ►M1 Unjoni ◄ fl-Iskema kull sena, li għandha tibgħat lis-Segretarjat tal-ICCAT u lill-Istati Membri.
Artikolu 30
Programm tal-osservatur nazzjonali
1. Fir-rigward ta’ bastimenti attivi fis-sajd għat-tonn, kull Stat Membru għandu jiżgura mill-inqas il-livelli perċentwali li ġejjin ta’ kopertura ta’ osservazzjoni nazzjonali:
(a) 100 % tal-bastimenti attivi tiegħu tal-qbid bil-purse seine b’tul ta’ 24 m jew inqas fl-2011;
(b) 100 % tal-bastimenti attivi tiegħu tal-qbid bil-purse seine b’tul ta’ 20 m jew inqas fl-2012;
(c) 20 % tal-bastimenti attivi tat-tkarkir pelaġiku (b’tul ta’ aktar minn 15 m);
(d) 20 % tal-bastimenti attivi tas-sajd bil-konz (b’tul ta’ aktar minn 15 m);
(e) 20 % tal-bastimenti attivi tas-sajd bil-lixka (b’tul ta’ aktar minn 15 m);
(f) 100 tan-nases għat-tonn matul il-proċess tal-ħsad;
(g) 100 % tal-bastimenti tal-irmonk.
2. Sakemm jiġi realment implimentat mill-ICCAT il-programm tal-osservatur reġjonali msemmi fl-Artikolu 31, kull Stat Membru għandu jiżgura l-preżenza ta’ osservatur nazzjonali fuq:
(a) il-bastimenti attivi tal-qbid kollha ta’ tul ta’ aktar minn 24 m li jistadu bil-purse seines;
(b) il-bastimenti tal-qbid kollha involuti f’operazzjonijiet konġunti tas-sajd, irrispettivament mit-tul tal-bastimenti. L-osservatur nazzjonali għandu jkun preżenti waqt l-operazzjoni tas-sajd.
3. Il-kompiti tal-osservatur għandhom ikunu, b’mod partikolari, li:
(a) jissorvelja l-konformità ta’ bastiment tal-qbid ma’ dan ir-Regolament;
(b) jirreġistra u jirrapporta dwar l-attivitajiet tas-sajd li għandhom jinkludu, fost l-oħrajn, dan li ġej:
i) l-ammont tal-qabda (inkluż il-qabda sekondarja), li jinkludi wkoll it-tqassim tal-ispeċi, bħal dawk miżmuma abbord jew mormija mejtin jew ħajjin;
ii) il-post tal-qabda skontlonġitudini u latitudini;
iii) il-kejl tal-isforz (eż., in-numru ta’ settijiet, in-numru ta’ snanar), kif iddefiniti fil-Manwal tal-Qasam għal irkapti differenti;
iv) id-data tal-qabda;
(ċ) josservaw u jistmaw il-qabdiet u jivverifikaw l-entrati li jsiru fil-ktieb ta’ abbord;
(d) javvista u jirrapporta dwar bastimenti li jistgħu jkunu qed jistadu fi ksur tal-miżuri ta’ konservazzjoni tal-ICCAT.
Barra minn hekk, l-osservatur għandu jwettaq ħidma xjentifika, bħall-ġbir ta’ dejta tat-tip Kompitu II kif definit mill-ICCAT, meta meħtieġ mill-ICCAT, ibbażat fuq l-istruzzjonijiet mill-Kumitat Permanenti tal-ICCAT dwar ir-Riċerka u l-Istatistika.
4. Fl-implimentazzjoni ta’ dan ir-rekwiżit tal-osservatur, l-Istati Membri għandhom:
(a) jiżguraw kopertura rappreżentattiva temporali u spazjali sabiex ikun żgurat li l-Kummissjoni tirċievi dejta u informazzjoni xierqa dwar il-qabda, l-isforz, u aspetti oħra xjentifiċi u ta’ ġestjoni, billi jitqiesu l-karatteristiċi tal-flotot u tal-attivitjiet tas-sajd;
(b) jiżguraw protokolli sodi ta’ ġbir tad-dejta;
(ċ) jiżguraw li l-osservaturi jkunu mħarrġa u approvati kif suppost qabel ma jintbagħtu fuq ħidma;
(d) jiżguraw, sakemm ikun prattikabbli, tfixkil mill-inqas għall-operat tal-bastimenti li jkunu qed jistadu fiż-Zona tal-Konvenzjoni.
5. Sakemm jiġi implimentat mill-ICCAT il-programm tal-osservatur reġjonali msemmi fl-Artikolu 31, kull Stat Membru li taħt il-ġuriżdizzjoni tiegħu jinsab ir-razzett tat-tismin jew tat-tkabbir tat-tonn għandu jiżgura preżenza ta’ osservatur matul operazzjonijiet ta’ tqegħid fil-gaġeġu l-ħsad kollu tal-ħut mir-razzett.
Artikolu 31
Programm nazzjonali ta’ osservazzjoni ICCAT
1. Kull Stat Membru għandu jiżgura li osservatur reġjonali tal-ICCAT jkun preżenti fuq:
(a) il-bastimenti kollha tas-sajd bil-purse seine b’tul ta’ aktar minn 24 m matul l-istaġun kollu tas-sajd tal-2011;
(b) il-bastimenti kollha tas-sajd bil-purse seine b’tul ta’ aktar minn 20 m matul l-istaġun kollu tas-sajd tal-2012;
(c) il-bastimenti kollha tas-sajd bil-purse seine, irrispettivament mit-tul tagħhom, matul l-istaġun kollu tas-sajd, mill-2013 ‘il quddiem.
Bastimenti msemmija f’(a), (b) u (c) li jistadu bil-purse seine mingħajr osservatur reġjonali tal-ICCAT ma għandhomx jiġu awtorizzati jistadu jew joperaw fis-sajd għat-tonn.
2. Kull Stat Membru li taħt il-ġuriżdizzjoni tiegħu jinsab ir-razzett tat-tismin jew tat-trobbija tat-tonn għandu jiżgura preżenza ta’ osservatur ICCAT matul l-operazzjonijiet kollha ta’ tqegħid fil-gaġeġ u l-ħsad kollu tal-ħut mir-razzett.
Il-kompiti tal-osservatur ICCAT għandhom ikunu, b’mod partikolari, li:
(a) josserva u jissorvelja l-konformità tal-operazzjoni fuq ir-razzett mal-Artikoli 4a, 4b u 4c tar-Regolament (KE) Nru 1936/2001;
(b) jivvalida r-rapport tat-tqegħid fil-gaġeġ kif jissemma fl-Artikolu 24;
(ċ) jwettaq tali ħidma xjentifika, per eżempju l-ġbir ta’ kampjuni, kif meħtieġ mill-ICCAT abbażi tal-istruzzjonijiet mill-Kumitat Permanenti dwar ir-Riċerka u l-Istatistika tal-ICCAT;
(d) l-osservaturi ICCAT għandhom jingħataw l-aċċess għall-bastimenti u l-persunal tar-razzett u għall-irkaptu, il-gaġeġ u t-tagħmir.
Barra minn hekk:
(e) Fuq talba, l-osservaturi ICCAT għandhom ukoll ikollhom aċċess għat-tagħmir li ġej, jekk preżenti fuq il-bastimenti li għalih huma assenjati, sabiex jiffaċilitaw it-twettiq tad-dmirijiet tagħhom stipulati fil-paragrafu 4 tal-Anness VII:
i) tagħmir tan-navigazzjoni bis-satellita;
ii) skrin li juru r-radar meta jkunu qed jintużaw;
iii) mezzi elettroniċi ta’ komunikazzjoni;
(f) L-osservaturi ICCAT għandhom jiġu pprovduti bl-akkomodazzjoni, inkluż fejn joqgħodu, ikel u faċilitajiet sanitarji xierqa, daqs dawk tal-uffiċjali;
(g) L-osservaturi ICCAT għandhom jingħataw spazju adegwat fuq il-pont jew fil-kabina ta’ pilotaġġ għal xoghol klerikali, kif ukoll spazju abbord adegwat sabiex iwettqu kompiti ta’ osservazzzjoni; u
(h) L-Istati Membri tal-bandiera għandhom jiżguraw li l-kaptani, l-ekwipaġġ, u s-sidien tar-razzett u tal-bastiment ma jfixklux, jintimidaw, jindaħlu, jikkorrompu jew jittantaw jikkorrompu osservatur ICCAT fit-twettiq tad-dmirijiet tiegħu/tagħha.
Jekk it-tonn jinħasad mill-gaġeġ u jiġi kkummerċjalizzat bħala prodott frisk, l-osservatur reġjonali tal-ICCAT li josserva l-ħsad jista’ jkun ċittadin tal-Istat Membru responsabbli għar-razzett.
3. L-ispejjeż kollha li jirriżultaw mill-operazzjoni tal-osservaturi ICCAT għandhom jinġarru mill-Istati Membri. L-Istati Membri għandhom iżommu dawk l-ispejjeż, lill-operaturi tar-razzaett u s-sidien tal-purse seine.
4. Il-Programm tal-Osservatur Reġjonali tal-ICCAT kif stipulat fl-Anness VIII għandu japplika ►M1 fl-Unjoni ◄ .
Artikolu 32
Aċċess għar-reġistrazzjonijiet bil-vidjo
1. Kull Stat Membru għandu jiżgura li r-reġistrazzjonijiet bil-vidjo msemmija fl-Artikolu 22(7) u l-Artikolu 24(7), huma disponibbli għall-ispetturi u l-osservaturi tal-ICCAT.
2. Kull Stat Membru responsabbli għal razzett għandu jiżgura li r-reġistrazzjonijiet bil-vidjo msemmija fl-Artikolu 22(7) u l-Artikolu 24(7), huma disponibbli għall-ispetturi u l-osservaturi tal-Unjoni.
3. Kull Stat Membru għandu jieħu l-miżuri neċessarji biex jevita kull bdil, editjar jew manipulazzjoni tar-reġistrazzjoni bil-vidjo oriġinali.
Artikolu 33
Infurzar
1. L-Istati Membri għandhom jieħdu miżuri ta’ infurzar fir-rigward tal-bastimenti tas-sajd li jtajru l-bandiera tagħhom, fejn ikun ġie stabbilit, skont il-liġi tagħhom li l-bastiment mhux konformi mal-Artikoli 4, 7, 8, 9, 17, 18, 19, 20, 21 u 23. Il-miżuri jistgħu jinkludu partikolarment, skont is-serjetà tar-reat u skont il-liġi nazzjonali tagħhom:
(a) multi;
(b) l-ikkonfiskar ta’ rkaptu u qabdiet illegali;
(ċ) is-sekwestru tal-bastiment;
(d) is-sospensjoni jew l-irtirar tal-awtorizzazzjoni għas-sajd;
(e) tnaqqis jew irtirar tal-kwota tas-sajd, jekk applikabbli.
2. Kull Stat Membru li taħt il-ġuriżdizzjoni tiegħu jinsab razzett tat-tonn għandu jieħu l-miżuri ta’ infurzar fir-rigward ta’ dak ir-razzett, fejn ikun ġie stabbilit, skont il-liġi tiegħu li dak ir-razzett ma jikkonformax mal-Artikoli 24 u 31(2) ta’ dan ir-Regolament u l-Artikoli 4a, 4b u 4c tar-Regolament (KE) Nru 1936/2001. Il-miżuri jistgħu jinkludu partikolarment, skont is-serjetà tar-reat u skont il-liġi nazzjonali tagħhom:
(a) multi;
(b) sospensjoni jew l-irtirar mir-reġistru tal-irziezet tat-tismin;
(ċ) projbizzjoni mit-tqegħid fil-gaġeġ jew it-tqegħid fis-suq ta’ kwantitajiet ta’ tonn.
Artikolu 33a
It-trasmissjoni tal-pjani ta’ spezzjoni
Mhux aktar tard mit-30 ta’ Settembru ta’ kull sena, l-Istati Membri għandhom jibagħtu l-pjan ta’ spezzjoni għas-sena ta’ wara lill-Kummissjoni. Il-Kummissjoni għandha tgħaqqad flimkien il-pjani ta’ spezzjoni nazzjonali u tintegrahom fil-pjan ta’ spezzjoni tal-Unjoni li għandu jiġi trażmess lis-Segretarjat tal-ICCAT għall-approvazzjoni tal-ICCAT.
Artikolu 34
Miżuri tas-suq
1. Il-kummerċ tal-Unjoni, il-ħatt l-art, l-importazzjonijiet, l-esportazzjonijiet, it-tqegħid f’gaġeġ għat-tismin jew it-trobbija tat-tonn, l-esportazzjonijiet mill-ġdid u t-trażbord tat-tonn tal-Lvant tal-Atlantiku u tal-Mediterran li mhumiex akkumpanjati minn dokumentazzjoni preċiża, kompleta u validata, meħtieġa minn dan ir-Regolament u r-Regolament (UE) Nru 640/2010 huma pprojbiti.
2. Il-kummerċ ►M1 tal-Unjoni ◄ , l-importazzjonijiet, il-ħatt, it-tqegħid f’gaġeġ għat-trobbija jew it-tismin, l-ipproċessar, l-esportazzjonijiet, l-esportazzjonijiet mill-ġdid u t-trażbordi ta’ tonn tal-Lvant tal-Atlantiku u tal-Mediterran maqbud minn bastimenti tas-sajd li l-Istat tal-bandiera tagħhom m’għandux kwota, limitu ta’ qabda jew allokazzjoni tal-isforz tas-sajd għat-tonn tal-Lvant tal-Atlantiku u tal-Mediterran, skont it-termini tal-miżuri ta’ ġestjoni u konservazzjoni tal-ICCAT, jew meta l-possibbiltajiet ta’ sajd tal-Istat tal-bandiera jkunu eżawriti, jew li l-kwoti individwali tagħhom jkunu eżawriti, għandhom ikunu pprojbiti. Abbażi tal-informazzjoni riċevuta mis-Segretarjat tal-ICCAT, il-Kummissjoni għandha tinforma lill-Istati Membri kollha li kwota ta’ PKK ġiet eżawrita.
3. Il-kummerċ ►M1 tal-Unjoni ◄ , l-importazzjonijiet, il-ħatt, l-ipproċessar, l-esportazzjonijiet minn irziezet għat-tismin jew għat-trobbija li ma jikkonformawx mar-Rakkomandazzjoni 2006 06-07 tal-ICCAT dwar it-trobbija tat-tonn għandhom ikunu pprojbiti.
Artikolu 35
Fatturi ta’ konverżjoni
Il-fatturi ta’ konverżjoni adottati mill-Kumitat Permanenti tal-ICCAT dwar ir-Riċerka u l-Istatistika għandhom japplikaw għall-kalkolu tal-piż sħiħ ekwivalenti tat-tonn ipproċessat.
Artikolu 36
Fatturi ta’ tkabbir għat-tonn imrobbi jew imsemmen
L-Istati Membri għandhom jiddefinixxu fatturi ta’ tkabbir li jiġu applikati għat-tonn imsemmen jew imrobbi fil-gaġeġ tagħhom u għandhom jinnotifikaw dawn il-fatturi u l-metodoloġija użata lill-Kummissjoni sal-15 ta’ Settembru 2009. Il-Kummissjoni għandha tgħaddi dik l-informazzjoni lis-Segretarjat tal-ICCAT u l-Kumitat Permanenti tal-ICCAT dwar ir-Riċerka u l-Istatistika.
Artikolu 37
Evalwazzjoni
Kull Stat Membru għandu jippreżenta kull sena sal-15 ta’ Settembru lill-Kummissjoni rapport dettaljat dwar l-implimentazzjoni tiegħu tar-Regolament. Il-Kummissjoni għandha tippreżenta kull sena sal-15 ta’ Ottubru lis-Segretarjat ICCAT rapport dettaljat dwar l-implimentazzjoni tar-Rakkomandazzjoni ICCAT 08-05.
Artikolu 38
Finanzjament
Il-pjan multi-annwali ta’ rkupru għat-tonn tal-Lvant tal-Atlantiku u tal-Mediterran għandu jitqies li huwa pjan ta’ rkupru fi ħdan it-tifsira tal-Artiklu 5 tar-Regolament (KE) Nru 2371/2002.
Artikolu 38a
Proċedura ta’ Kumitat
1. Il-Kummissjoni għandha tiġi megħjuna mill-Kumitat għas-Sajd u l-Akkwakultura stabbilit bl-Artikolu 30(1) tar-Regolament (KE) Nru 2371/2002. Dak il-kumitat għandu jkun kumitat fis-sens tar-Regolament (UE) Nru 182/2011.
2. Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.
KAPITOLU VI
DISPOŻIZZJONIJIET FINALI
Artikolu 39
Tħassir tar-Regolament (KE) Nru 1559/2007
1. Ir-Regolament tal-Kunsill (KE) Nru 1559/2007 huwa b’dan imħassar.
2. Referenzi għar-Regolament li ġie mħassar għandhom jinftiehmu bħala referenzi għal dan ir-Regolament u għandhom jinqraw skont it-tabella ta’ korrelazzjoni stabbilita fl-Anness IX.
Artikolu 40
Emendi għar-Regolamenti (KE) Nru 43/2009 u (KE) 1936/2001
1. L-Artikoli 92 u 93 tar-Regolament (KE) Nru 43/2009 għandhom jiġu mtħassra.
2. L-Artikolu 4a(5) u (6) tar-Regolament (KE) Nru 1936/2001 kif emendat mir-Regolament (KE) Nru 869/2004 ( 10 ), għandu jiġi mħassar.
Artikolu 41
Id-dħul fis-seħħ
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament f’kull Stat Membru.
ANNESS I
Kundizzjonijiet speċifiċi addizzjonali
Dawn il-kundizzjonijiet speċifiċi addizzjonali japplikaw għall-bastimenti tas-sajd bil-qasba u bir-rixa fil-Lvant tal-Atlantiku, għall-bastimenti li jistadu għat-tonn fil-Baħar Adrijatiku għall-iskopijiet ta’ trobbija, u għas-sajd artiġjanali minn max-xtut għall-ħut frisk b’bastimenti tas-sajd bil-qasba, bil-konz u fuq l-idejn fil-Baħar Mediterran.
1.
(a) Kull Stat Membru għandu jiżgura li bastimenti li nħarġitilhom awtorizzazzjoni speċjali tas-sajd jiġu inklużi fil-lista li fiha isimhom u n-numru tagħhom fir-reġistru tal-flotta Komunitarja (CFR) kif definit fl-Anness I tar-Regolament tal-Kummissjoni (KE) Nru 26/2004. L-Istati Membri għandhom joħorġu awtorizzazzjoni speċjali tas-sajd biss meta bastiment ikun iddaħħal fir-reġistru tal-ICCAT ta’ bastimenti tal-qbid awtorizzati li jistadu attivament għat-tonn.
(b) Sal-15 ta’ Jannar ta’ kull sena, kull Stat Membru għandu jibgħat lill-Kummissjoni l-lista msemmija fil-punt (a) u l-emendi sussegwenti kollha f’forma li tinqara mill-kompjuter.
(ċ) Kull bidla sussegwenti m’għandhiex tiġi aċċettata sakemm bastiment tal-qbid innotifikat ma jinżammx milli jieħu sehem minħabba raġunijiet operattivi leġittimi jew force majeure. F’dawn iċ-ċirkostanzi, l-Istat Membru konċernat għandu jgħarraf minnufih lill-Kummissjoni, billi jipprovdi:
i) dettalji sħaħ tas-sostituzzjoni maħsuba tal-bastiment tal-qbid imsemmi fil-paragrafu 3;
ii) rendikont komprensiv tar-raġunijiet li jiġġustifikaw is-sostituzzjoni u kwalunkwe evidenza jew referenzi rilevanti ta’ appoġġ.
Il-Kummissjoni għandha tibgħat minnufih l-emendi lis-Segretarjat tal-ICCAT.
2.
(a) Għandu jkun ipprojbit il-ħatt u/jew it-trażbord minn bastimenti tal-qbid msemmijin fil-paragrafu 1 ta’ kwalunkwe kwantità ta’ tonn maqbud fi kwalunkwe post ieħor għajr il-portijiet innominati mill-Istati Membri jew mill-PKK.
(b) L-Istati Membri għandhom jinnominaw post li jintuża għall-ħatt jew post qrib ix-xatt (portijiet innominati) fejn il-ħatt jew operazzjonijiet ta’ trażbord tat-tonn ikunu permessi.
(ċ) Biex port jingħażel bħala port innominat, l-Istat Membru tal-port għandu jispeċifika l-ħinijiet u l-postijiet permessi għall-ħatt. L-Istat Membru tal-port għandu jiżura kopertura sħiħa tal-ispezzjoni fil-ħinijiet u l-postijiet kollha tal-ħatt.
(d) L-Istati Membri għandhom jibagħtu lill-Kummissjoni, sa mhux aktar tard mill-15 ta’ Frar ta’ kull sena, lista ta’ portijiet innominati. Il-Kummissjoni għandha tibgħat din l-informazzjoni lis-Segretarjat tal-ICCAT qabel l-1 ta’ Marzu ta’ kull sena.
3. Kull Stat Membru għandu jiżgura li kull ħatt jgħaddi minn spezzjoni fil-port.
4. Kull Stat Membru għandu jimplimenta reġim għar-rappurtar tal-qabdiet li jiżgura monitoraġġ effettiv tal-utilizzazzjoni tal-kwota ta’ kull bastiment tal-qbid.
5. Il-kaptan tal-bastiment tal-qbid għandu jiżgura li kwalunkwe kwantità ta’ tonn li nħattet f’port innominat għandha tintiżen qabel l-ewwel bejgħ jew qabel ma tiġi ttrasportata x’imkien ieħor mill-port tal-ħatt.
6. Il-qabdiet tat-tonn ma jistgħux jiġu offerti għall-bejgħ lill-konsumatur aħħari, ikun xi jkun il-metodu tat-tqegħid fis-suq, sakemm immarkar jew tikkettar xieraq ma jindikax:
(a) l-ispeċi u l-irkaptu tas-sajd li ntuża;
(b) iż-żona tal-qabda u d-data.
7. Stati Membri li l-bastimenti tagħhom tas-sajd bil-qasba, bir-rixa, bil-konz u fuq l-idejn ikunu awtorizzati jistadu għat-tonn għandhom idaħħlu rekwiżiti kif ġej għat-tikketti tad-denb:
(a) it-tikketti tad-denb għandhom jitwaħħlu fuq kull tonna immedjatament malli tinħatt;
(b) kull tikketta tad-denb għandu jkollha numru uniku ta’ identifikazzjoni u tkun inkluża fid-dokument ta’ statistika dwar it-tonn u indikata fuq barra ta’ kwalunkwe pakkett li fih it-tonn.
ANNESS II
Speċifikazzjoni għall-kotba ta’ abbord
Speċifikazzjonijiet minimi għall-kotba ta’ abbord:
1. il-ktieb ta’ abbord irid ikollu l-folji nnumerati;
2. il-ktieb ta’ abbord irid jiġi kkompletat kuljum (f’nofsillejl) u qabel kull wasla fil-port;
3. il-ktieb ta’ abbord irid jimtela fil-każ ta’ spezzjonijiet fuq il-baħar;
4. kopja waħda tal-folji trid tibqa’ mwaħħla mal-ktieb ta’ abbord;
5. il-kotba ta’ abbord iridu jinżammu abbord sabiex ikopru perjodu ta’ sena waħda ta’ ħidma.
Informazzjoni standard minima għall-kotba ta’ abbord:
1. l-isem tal-kaptan u l-indirizz;
2. id-dati u l-portijiet tat-tluq, dati u portijiet tal-wasla;
3. l-isem tal-bastiment, in-numru tar-reġistru, in-numru tal-ICCAT u n-numru tal-IMO (jekk disponibbli). Fil-każ ta’ operazzjonijiet konġunti ta’ sajd, l-ismijiet tal-bastimenti, in-numri tar-reġistru, in-numru tal-ICCAT u n-numru IMO (jekk disponibbli) tal-bastimenti kollha involuti fl-operazzjoni;
4. l-irkaptu tas-sajd:
(a) il-kodiċi FAO tat-tip;
(b) qisien (eż., tul, daqs tal-malji, numru ta’ snanar);
5. operazzjonijiet fuq il-baħar b’xolfa waħda (minimu) kull jum tal-vjaġġ, u pprovdi:
(a) l-attività (eż. sajd, tbaħħir…);
(b) pożizzjoni: pożizzjonijiet eżatti kuljum (fi gradi u minuti), reġistrati għal kull operazzjoni ta’ sajd jew f’nofs in-nhar meta ma jkunx seħħ sajd matul dak il-jum;
(c) rapport tal-qabdiet;
6. identifikazzjoni tal-ispeċi:
(a) skont il-kodiċi FAO;
(b) piż sħiħ (RWT) f’kg kull jum;
7. il-firma tal-kaptan;
8. firma tal-osservatur (jekk applikabbli);
9. mezzi ta’ kejl tal-piż: stima, użin abbord;
10. il-ktieb ta’ abbord jinżamm f’ekwivalenti ta’ piż ħaj ta’ ħut u jsemmi l-fatturi ta’ konverżjoni li ntużaw fl-evalwazzjoni.
Informazzjoni minima fil-każ ta’ ħatt, trażbord/trasferiment:
1. dati u l-port tal-ħatt/trażbord/trasferiment;
2. il-prodotti:
(a) il-preżentazzjoni;
(b) għadd ta’ ħut jew kaxxi u kwantità f’kg;
3. Firma tal-kaptan jew aġent tal-bastiment.
ANNESS III
ANNESS IV
Formola ta’ Rappurtar dwar il-qabdiet
|
Il-bandiera |
Numru ICCAT |
Isem il-bastiment |
Data tal-bidu tar-rapport |
Data tat-tmiem tar-rapport |
Report duration (d) |
Tul tar-rapport (jiem) |
Data tal-Qbid |
Maqbud |
Piż Attribwit f’każ ta’ operazzjoni ta’ sajd konġunta (kg) |
|||
|
Latitudini |
Lonġitudini |
Piż (kg) |
Numru ta’ Biċċiet |
Piż Medju (kg) |
||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
ANNESS V
Operazzjoni konġunta tas-sajd
|
Stat tal-Bandiera: |
Isem il-bastiment |
Nru ICCAT |
Tul l-operazzjoni |
L-identità tal-operaturi |
Il-kwoti tal-bastimenti individwali |
Kodiċi ta’ allokazzjoni għal kull bastiment |
Destinazzjoni tal-irziezet tat-trobbija u tat-tismin |
|
|
PKK |
Nru ICCAT |
|||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Data …
Validazzjoni tal-Istat tal-Bandiera …
ANNESS VI
L-iskema tal-ICCAT dwar l-ispezzjoni internazzjonali konġunta
L-ICCAT qablet fir-Raba’ Laqgħa Regolari tagħha (Madrid, Novembru 1975) u fil-Konferenza Annwali tagħha f’Marrakesh fl-2008 li:
Skont il-paragrafu 3 tal-Artikolu IX tal-Konvenzjoni, il-Kummissjoni ICCAT tirrakkomanda l-istabbiliment tal-arranġamenti li ġejjin għal kontroll internazzjonali ‘l hinn mill-ilmijiet taħt il-ġuriżdizzjoni nazzjonali għall-fini li tiġi żgurata l-applikazzjoni tal-Konvenzjoni u l-miżuri fis-seħħ fiha:
I. INFRAZZJONIJIET SERJI
1. Għall-finijiet ta’ dawn il-proċeduri, infrazzjoni serja tfisser l-infrazzjonijiet li ġejjin tad-dispożizzjonijiet tal-miżuri tal-ICCAT dwar il-konservazzjoni u l-ġestjoni adottati mill-Kummissjoni:
(a) sajd mingħajr liċenzja, permess jew awtorizzazzjoni maħruġ mill-PKK tal-bandiera;
(b) in-nuqqas ta’ żamma ta’ reġistri suffiċjenti ta’ dejta dwar il-qabdiet u relatata mal-qabdiet skont ir-rekwiżiti ta’ rappurtar tal-Kummissjoni jew rappurtar ħażin ta’ dejta bħal din dwar il-qabdiet u/jew marbuta mal-qabdiet;
(c) sajd f’żona magħluqa;
(d) sajd waqt staġun magħluq;
(e) it-teħid jew iż-żamma intenzjonali ta’ speċijiet bi ksur ta’ kwalunkwe miżura applikabbli ta’ konservazzjoni u ġestjoni adottata mill-ICCAT;
(f) infrazzjoni sinifikanti tal-limiti tal-qbid jew kwota fis-seħħ in segwitu għar-regoli ICCAT;
(g) l-użu ta’ rkaptu pprojbit;
(h) il-falsifikazzjoni jew il-ħabi tal-marki, l-identità jew ir-reġistrazzjoni ta’ bastiment tas-sajd;
(i) il-ħabi, it-tbagħbis jew it-twarrib tax-xhieda li jkollha x’taqsam ma’ investigazzjoni;
(j) infrazzjonijiet multipli li meħuda flimkien jikkostitwixxu nuqqas serju ta’ osservanza tal-miżuri in segwitu għall-ICCAT;
(k) attakk, reżistenza, intimidazzjoni, fastidju sesswali, indħil, jew tfixkil u tidwim bla bżonn fil-konfront ta’ spettur jew osservatur awtorizzat;
(l) tbagħbis jew diżattivazzjoni intenzjonali tal-VMS;
(m) infrazzjonijiet oħrajn simili kif jistgħu jiġu ddeterminati mill-ICCAT, ġaladarba dawn jiġu inklużi u ċċirkolati f’verżjoni riveduta ta’ dawk il-proċeduri;
(n) sajd bl-assistenza ta’ ajruplani ta’ lokalizzazzjoni;
(o) indħil fis-sistema tal-monitoraġġ bis-satellita u/jew operazzjonijiet mingħajr is-sistema VMS;
(p) l-attività tat-trasferiment mingħajr dikjarazzjoni tat-trasferiment;
(q) trażbord fuq il-baħar.
2. Fil-każ ta’ kwalunkwe tlugħ abbord jew spezzjoni fuq bastiment tas-sajd li matulha l-ispetturi awtorizzati josservaw attività jew kundizzjoni li tista’ tikkostitwixxi infrazzjoni serja, kif definita fil-paragrafu 1, l-awtoritajiet tal-Istat tal-bandiera tal-bastimenti ta’ spezzjoni għandhom jinnotifikaw minnufih l-awtoritajiet tal-Istat tal-bandiera tal-bastiment tas-sajd, direttament kif ukoll permezz tas-Segretarjat tal-ICCAT. F’dawn is-sitwazzjonijiet l-ispetturi għandhom, fejn possibbli, jinformaw ukoll lill-awtoritajiet kompetenti tal-Istat tal-bandiera, kif notifikat lis-Segretarjat tal-ICCAT, u lil kwalunkwe bastiment ta’ spezzjoni tal-Istat tal-bandiera tal-bastiment tas-sajd li jkun magħruf li jinsab fil-viċinanzi.
L-ispetturi tal-ICCAT għandhom jirreġistraw l-ispezzjonijiet imwettqa u kwalunkwe infrazzjonijiet identifikati fil-ktieb ta’ abbord tal-bastiment tas-sajd.
3. Il-PKK tal-bandiera għandu jiżgura li, wara l-ispezzjoni msemmija fil-paragrafu 2 ta’ dan l-Anness, il-bastiment tas-sajd konċernat iwaqqaf kull attività tas-sajd. Il-PKK tal-bandiera għandu jiżgura li l-bastiment tas-sajd jipproċedi ►M1 fi żmien 72 siegħa ◄ lejn port innominat minnha, fejn tinbeda investigazzjoni.
Jekk il-bastiment ma jissejjaħx biex imur f’port, il-PKK għandha tipprovdi ġustifikazzjoni f’waqtha lis-Segretarju Eżekuttiv, li jagħmel din id-dikjarazzjoni disponibbli fuq talba lil partijiet Kontraenti oħra.
II. TMEXXIJA TAL-ISPEZZJONIJET
4. Il-kontroll għandu jsir permezz ta’ spetturi tas-servizzi għall-kontroll tas-sajd tal-Gvernijiet Kontraenti. L-ismijiet tal-ispetturi maħtura għal dik il-fini mill-gvernijiet rispettivi tagħhom għandhom ikunu mgħarrfa lill-Kummissjoni ICCAT.
5. Bastimenti li jġorru lill-ispetturi għandhom itajru bandiera jew fjamma approvati mill-Kummissjoni sabiex jindikaw li l-ispettur għaddej bid-dmirijiet ta’ spezzjoni internazzjonali tiegħu. L-ismijiet tal-bastimenti użati għal dak il-għan f’dak il-mument, li jistgħu jkunu bastimenti speċjali ta’ spezzjoni jew bastimenti tas-sajd, għandhom ikunu notifikati lill-Kummissjoni ICCAT, malajr kemm jista’ jkun.
6. Kull spettur għandu jġorr dokument tal-identità pprovdut mill-awtoritajiet tal-Istat tal-bandiera f’forma kif murija fil-paragrafu 17 ta’ dan l-Anness u li taħtru billi tiddikjara li għandu l-awtorità li jaġixxi skont l-arranġamenti approvati mill-Kummissjoni ICCAT. Dan id-dokument tal-identità għandu jkun validu għal minimu ta’ ħames snin.
7. Soġġett għall-arranġamenti miftiehma fl-ambitu il-paragrafu 12 ta’ dan l-Anness, bastiment impenjat f’dak il-mument fis-sajd għat-tonn jew ħut simili għat-tonn fiż-żona tal-Konvenzjoni ‘l barra mill-ilmijiet li huma fl-ambitu tal-ġuriżdizzjoni nazzjonali tiegħu għandu jieqaf hekk kif jingħata s-sinjal xieraq fil-Kodiċi Internazzjonali tas-Sinjali minn bastiment li għandu spettur fuqu sakemm ma jkunx attwalment qed iwettaq operazzjonijiet ta’ sajd, fejn jekk dan ikun il-każ, għandu jieqaf minnufih hekk kif ikun temm tali operazzjonijiet. Il-kaptan tal-bastiment għandu jippermetti lill-ispettur, li jista’ jkun akkumpanjat minn xhud, li jitla’ abbord u, f’dan ir-rigward, huwa għandu jipprovdi sellum biex jitla’ (jitilgħu) abbord. Il-kaptan għandu jippermetti lill-ispettur jagħmel tali eżami tal-qabda jew tal-irkaptu u ta’ kwalunkwe dokument rilevanti li l-ispettur jikkunsidra meħtieġ biex jivverifika l-osservanza tar-rakkomandazzjonijiet tal-Kummissjoni ICCAT li huma fis-seħħ fir-rigward tal-Istat tal-bandiera tal-bastiment konċernat u l-ispettur jista’ jitlob għal kwalunkwe spjegazzjoni li tkun meqjusa bħala meħtieġa.
Grupp ta’ spezzjoni għandu jikkonsisti b’mhux iktar minn żewġ spetturi tal-ICCAT ħlief jekk aktar spetturi jkunu meħtieġa miċ-ċirkostanzi. Assistent jista’ jakkumpanja l-grupp għall-finijiet ta’ taħriġ biss.
8. Meta jitla’ abbord, spettur għandu jipprovdi d-dokument imsemmi fil-punt (6) hawn fuq. L-ispezzjonijiet għandhom isiru sabiex il-bastiment isofri l-inqas tfixkil u inkonvenjenza possibbli u d-degradazzjoni tal-kwalità tal-ħut tkun evitata. Spettur għandu jillimita l-inkjesta tiegħu għall-aċċertazzjoni tal-osservazzjoni tar-rakkomandazzjonijiet tal-Kummissjoni ICCAT li huma fis-seħħ fir-rigward tal-Istat tal-bandiera tal-bastiment konċernat. Matul l-eżami tiegħu kwalunkwe spettur jista’ jistaqsi lill-kaptan għal kwalunkwe assistenza li jista’ jeħtieġ. Huwa għandu jfassal rapport dwar l-ispezzjoni tiegħu f’forma approvata mill-Kummissjoni ICCAT. Huwa għandu jiffirma r-rapport fil-preżenza tal-kaptan tal-bastiment li għandu jkun intitolat iżid jew jordna li tiġi miżjuda fir-rapport kwalunkwe osservazzjoni li hu jaħseb li hi xierqa u għandu jiffirma tali osservazzjonijiet. Kopji tar-rapport għandhom jingħataw lill-kaptan tal-bastiment u lill-gvern tal-ispettur li għandu jgħaddi kopji lill-awtoritajiet xierqa tal-Istat tal-bandiera tal-bastiment u lill-Kummissjoni ICCAT. Fejn jinsab ksur tar-rakkomandazzjonijiet l-ispettur għandu, fejn possibbli, jinforma wkoll lill-awtoritajiet kompetenti tal-istat tal-bandiera, kif notifikat lill-Kummissjoni ICCAT, u lil kwalunkwe bastiment ta’ spezzjoni tal-Istat tal-bandiera li huwa magħruf li jinsab fil-viċinanzi.
9. Reżistenza għal spettur jew nuqqas ta’ rispett għall-istruzzjonijiet tiegħu għandhom jitqiesu mill-Istat tal-bandiera tal-bastiment bl-istess mod li titqies reżistenza għal kwalunkwe spettur ta’ dak l-istat jew nuqqas ta’ rispett għall-istruzzjonijiet tiegħu.
10. L-ispettur għandu jaqdi dmirijietu taħt dawn l-arranġamenti skont ir-regoli stipulati f’din ir-rakkomandazzjoni, iżda għandhom jibqgħu taħt il-kontroll operattiv tal-awtoritajiet nazzjonali tagħhom u għandhom ikunu responsabbli lejhom.
11. Il-Gvernijiet Kontraenti għandhom jikkunsidraw u jieħdu passi fuq rapporti ta’ spetturi barranin taħt dawn l-arranġament fuq bażi simili, skont il-leġiżlazzjoni nazzjonali, għar-rapporti mill-ispetturi nazzjonali. Id-dispożizzjonijiet ta’ dan il-paragrafu m’għandhomx jimponu obbligu fuq Gvern Kontraenti biex jagħti valur ogħla lil rapport ta’ spettur barrani minn dak li kieku jkollu fil-pajjiż tal-ispettur stess. Il-Gvernijiet Kontraenti għandhom jikkollaboraw biex jiffaċilitaw proċedimenti ġudizzjarji jew oħra li jsiru b’riżultat ta’ rapport ta’ spettur taħt dawk l-arranġamenti.
12.
(a) Il-Gvernijiet Kontraenti għandhom jinfurmaw lill-Kummissjoni ICCAT sal-1 ta’ Marzu ta’ kull sena bil-pjanijiet proviżorji għall-parteċipazzjoni f’dawn l-arranġament matul is-sena ta’ wara u l-Kummissjoni tista’ tagħmel suġġerimenti lill-Gvernijiet Kontraenti għall-koordinament tal-operazzjonijiet nazzjonali f’dan il-qasam inklużi l-għadd ta’ spetturi u bastimenti li jġorru l-ispetturi.
(b) l-arranġamenti mniżżla f’din ir-rakkomandazzjoni u l-pjanijiet għall-parteċipazzjoni għandhom japplikaw bejn il-Gvernijiet Kontraenti sakemm mhux maqbul mod’ieħor bejniethom; u tali qbil għandu jiġi notifikat lill-Kummissjoni tal-ICCAT:
dment madankollu, li l-implimentazzjoni tal-iskema għandha tkun sospiża bejn żewġ Partijiet Kontraenti jekk wieħed minnhom ikun innotifika lill-Kummissjoni ICCAT għaldaqstant, sakemm jiġi kkompletat ftehim.
13.
(a) L-irkaptu tas-sajd għandu jiġi spezzjonat skont ir-regolamenti fis-seħħ għas-sub-żona li fiha sseħħ l-ispezzjoni. L-ispettur għandu jiddikjara n-natura ta’ dan il-ksur f’dan ir-rapport;
(b) l-ispetturi għandu jkollhom l-awtorità jispezzjonaw l-irkaptu kollu li qed jintuża jew dak l-irkaptu li jinsab fuq il-gverta lest biex jintuża.
14. L-ispettur għandu jwaħħal marka ta’ identifikazzjoni approvata mill-Kummissjoni ICCAT ma’ kwalunkwe rkaptu spezzjonat li jidher li hu fi ksur tar-rakkomandazzjonijiet tal-Kummissjoni tal-ICCAT fis-seħħ fir-rigward tal-istat tal-bandiera tal-bastiment konċernat u għandu jirreġistra dan il-fatt fir-rapport tiegħu.
15. L-ispettur jista’ jieħu ritratti tal-irkaptu b’tali mod li juri dawk il-karatteristiċi li fil-fehma tiegħu ma jkunux f’konformità mar-regolament fis-seħħ, f’liema każ l-elementi li tagħhom jittieħdu r-ritratti għandhom jiġu elenkati fir-rapport u kopji tar-ritratti għandhom ikunu mehmuża mal-kopja tar-rapport lill-Istat tal-bandiera.
16. L-ispettur għandu jkollu l-awtorità, suġġett għal kull limitazzjoni imposta mill-Kummissjoni ICCAT, li jeżamina l-karatteristiċi tal-qabdiet sabiex jistabbilixxi jekk ir-rakkomandazzjonijiet tal-ICCAT humiex qed jiġu osservati. Huwa għandu jirrapporta s-sejbiet tiegħu lill-awtoritajiet tal-Istat tal-bandiera tal-bastiment spezzjonat malajr kemm jista’ jkun. (Rapport Biennali 1974/75, Parti II).
17. Mudell ġdid propost għall-Karta tal-Identità tal-ispetturi:
ANNESS VII
Programm tal-Osservatur Reġjonali
L-ASSENJAZZJONI TAL-OSSERVATURI
▼M1 —————
2. L-osservaturi għandu jkollhom il-kwalifiki li ġejjin biex iwettqu l-kompiti tagħhom:
(a) esperjenza biżżejjed biex jidentifikaw l-ispeċi ta’ ħut u l-irkaptu;
(b) għarfien sodisfaċenti tal-miżuri tal-ICCAT dwar il-konservazzjoni u l-ġestjoni ivvalutati minn ċertifikat ipprovdut mill-Istati Membri u bbażat fuq il-linji gwida tal-ICCAT dwar it-taħriġ;
(c) il-ħila li jirreġsitraw u josservaw bi preċiżjoni;
(d) għarfien sodisfaċenti tal-ilsien tal-Istat tal-bandiera tal-bastiment jew tar-razzett osservat.
L-OBBLIGI TAL-OSSERVATUR
3. L-osservaturi għandhom:
(a) ikunu lestew it-taħriġ tekniku meħtieġ mil-linji gwida stabbiliti mill-ICCAT;
(b) ikunu ċittadini ta’ wieħed mill-Istati Membri;
(c) ikunu kapaċi jwettqu d-dmiriijiet stipulati fil-punt 48 taħt;
(d) ikunu inklużi fil-lista tal-osservaturi miżmuma mill-ICCAT;
(e) ma jkollhomx interessi kurrenti finanzjarji jew benefiċjarji fl-industrija tat-tonn.
IL-KOMPITI TAL-OSSERVATUR
4. Il-kompiti tal-osservatur għandhom ikunu, b’mod partikolari, li:
(a) Fir-rigward tal-osservatur fuq il-bastimenti li jistadu bil-purse seine, li jimmonitorjaw il-konformità tal-bastimenti li jistadu bil-purse seine mal-miżuri rilevanti tal-ICCAT dwar il-konservazzjoni u l-ġestjoni adottati mill-Kummissjoni. B’mod partikolari l-osservaturi għandhom:
i) jirreġistraw u jirrapportaw dwar l-attivitajiet tas-sajd imwettqa;
ii) josservaw u jistmaw il-qabdiet u jivverifikaw l-entrati li jsiru fil-ktieb ta’ abbord;
iii) joħorġu rapport ta’ kuljum dwar l-attivitajiet ta’ trasferiment tal-bastiment li jistad bil-purse seine;
iv) jillokalizzaw u jirreġistraw bastimenti li jistgħu jkunu qed jistadu bi ksur tal-miżuri tal-ICCAT dwar il-konservazzjoni u l-ġestjoni;
v) jirreġistraw u jirrapportaw dwar l-attivitajiet tat-trasferiment imwettqa;
vi) jivverifikaw il-pożizzjoni tal-bastiment meta jkun involut f’attività tat-trasferiment;
vii) josservaw u jistmaw il-prodotti trasferiti, inkluż billi jeżaminaw id-dokumentazzjoni tal-ġbid vidjo;
viii) jivverifikaw u jirreġistraw isem il-bastiment tas-sajd konċernat u n-numru ICCAT tiegħu;
ix) iwettqu xogħol xjentifiku bħall-ġbir ta’ dejta dwar Task II meta meħtieġa mill-Kummissjoni, skont id-direttivi mill-SCRS;
(b) fir-rigward tal-osservaturi fl-irziezet, il-monitoraġġ tal-konformità tar-razzett mal-miżuri rilevanti tal-ICCAT dwar il-konservazzjoni u l-ġestjoni adottati mill-ICCAT. B’mod partikolari l-osservaturi għandhom:
i) jivverifikaw id-dejta li hemm fid-dikjarazzjoni tat-trasferiment u d-dikjarazzjoni tat-tqegħid fil-gaġeġ, inkluż billi jeżaminaw id-dokumentazzjoni tal-ġbid vidjo;
ii) jiċċertifikaw id-dejta li hemm fid-dikjarazzjoni tat-trasferiment u d-dikjarazzjoni tat-tqegħid fil-gaġeġ;
iii) joħorġu rapport ta’ kuljum dwar l-attivitajiet ta’ trasferiment tal-irziezet;
iv) jikkontrofirmaw id-dikjarazzjoni tat-trasferiment u d-dikjarazzjoni tat-tqegħid fil-gaġeġ;
v) iwettqu xogħol xjentifiku bħall-ġbir ta’ kampjuni, kif meħtieġ mill-Kummissjoni, skont id-direttivi mill-SCRS;
(c) jistabbilixxu rapporti ġenerali li jikkompilaw tagħrif miġbur skont dan il-paragrafu u jipprovdu lill-kaptan u lill-operatur tar-razzett l-opportunità li jinkudu fihom kwlaukwe tagħrif rilevanti;
(d) jippreżentaw lis-Segretarjat Ġenerali r-rapport ġenerali msemmi fuq fi żmien 20 jum minn tmiem il-perjodu tal-osservazzjoni;
(e) iwettqu funzjonijiet oħra kif definiti mill-Kummissjoni.
5. L-osservaturi għandhom jitrattaw bħala kunfidenzjali kull tagħrif fir-rigward tal-operazzjonijiet tas-sajd u tat-trasferiment tas-sajjieda bil-purse seine u tal-irziezet u jaċċettaw dan ir-rekwiżit bħala kundizzjoni tal-ħatra bħala osservatur.
6. L-osservaturi għandhom jikkonformaw mar-rekwiżiti stabbiliti fil-liġijiet u r-regolamenti tal-Istat tal-bandiera jew tar-razzett li jeżerċita ġuriżdizzjoni fuq il-bastiment jew fuq ir-razzett li għalih huwa assenjat l-osservatur.
7. L-osservaturi għandhom jirrispettaw il-ġerarkija u r-regoli ġenerali tal-imġiba li japplikaw għall-persunal kollha tal-bastimenti u tal-irziezet, dejjem sakemm dawn ir-regoli ma jxekklux id-dmirijiet tal-osservatur taħt dan il-programm u l-obbligi tal-persunal tal-bastimenti u tal-irziezet stipulati fl-Artikolu 31.
ANNESS VIII
Format għall-komunikazzjoni tal-messaġġi tas-Sistema tal-Monitoraġġ tal-Bastiment
|
Element tad-dejta |
Kodiċi |
Obbligatorju/Fakultattiv |
Tip |
Kontenut |
Definizzjoni |
|
Bidu tar-reġistrazzjoni |
SR |
M |
|
|
Dettall tas-sistema; jindika l-bidu tar-reġistrazzjoni |
|
L-indirizz |
AD |
M |
Char*3 |
Indirizz ISO 3166 |
Dettall tal-messaġġ; destinazzjoni; “KEE” għall-Kummissjoni |
|
Minn |
FR |
M |
Char*3 |
Indirizz ISO 3166 |
Dettall tal-messaġġ; Kodiċi ISO-3 tal-parti kontraenti li qed tittrażmetti |
|
Numru tas-Sekwenza |
SQ |
O |
Num*6 |
NNNNNN |
Dettall tal-messaġġ; in-numru tas-serje tal-messaġġ fis-sena kurrenti |
|
Tip ta’ messaġġ |
TM |
M |
Char*3 |
Kodiċi |
Dettall tal-messaġġ; tip ta’ messaġġ, “POS” bħala rapport/messaġġ ta’ pożizzjoni li għandu jiġi kkomunikat mill-VMS jew mezzi oħra minn bastimenti b’mezz għall-ittraċċar bis-satellita li huwa difettuż |
|
Kodiċi tas-sinjal tar-radju |
RC |
O (1) |
Char*7 |
Kodiċi IRCS |
Dettall tar-reġistrazzjoni tal-bastiment; kodiċi tas-sinjal tar-radju tal-bastiment |
|
Numru tal-vjaġġ |
TN |
O |
Num*3 |
NNN |
Dettall tal-attività; in-numru tas-serje tal-vjaġġ tas-sajd fis-sena kurrenti |
|
Isem il-bastiment |
NA |
O |
Char*30 |
|
Dettall tar-reġistrazzjoni tal-bastiment; isem il-bastiment |
|
Numru ta’ referenza intern għall-parti kontraenti |
IR |
O (1) |
Char*12 |
ISO-3166 + Kodiċi |
Dettalji tar-reġistrazzjoni tal-bastiment; in-numru uniku tal-bastiment ta’ Parti Kontraenti bħala kodiċi ISO-3 tal-Istat tal-bandiera segwit minn numru |
|
Numru tar-reġistrazzjoni esterna |
XR |
O (1) |
Char*14 |
|
Numru tal-ġenb tal-bastiment jew tan-numru IMO fin-nuqqas ta’ numru tal-ġenb |
|
Latitudni (deċimali) |
LT |
M |
Char*7 |
+/-DD.ddd |
Dettall tal-attività; pożizzjoni fil-ħin tat-trażmissjoni; |
|
Lonġitudni (deċimali) |
LG |
M |
Char*8 |
+/-DDD.ddd |
Dettall tal-attività; pożizzjoni fil-ħin tat-trażmissjoni; |
|
Rotta |
CO |
M |
Char*3 |
Skala ta’ 360 ° grad |
Rotta tal-bastiment |
|
Veloċità |
SP |
M |
Char*3 |
Knots * 10 |
Veloċità tal-bastiment |
|
Test liberu |
MS |
O |
Char*255 |
Allarmi jew avvenimenti |
Notifikazzjoni ta’ allarmi jew avvenimenti |
|
Id-data |
DA |
M |
Num*8 |
YYYYMMDD |
Dettall tal-messaġġ; id-data tat-trażmissjoni |
|
Ħin |
TI |
M |
Num*4 |
HHMM |
Dettall tal-messaġġ; il-ħin tat-trażmissjoni |
|
Tmiem tar-reġistrazzjoni |
ER |
M |
|
|
Dettall tas-sistema; jindika t-tmiem tar-reġistrazzjoni |
|
(1) Huwa obbligatorju mill-inqas wieħed mill-kodiċijiet RC, IR jew XR |
|||||
Eżempju ta’ messaġġ mibgħut bi “Trackwell protocol” fuq sistema tat-test (httpsgwt)
https://fides.ec.europa.eu/httpsgwt.index.php?application=CYP&method=send&message=//SR//AD/EEC//FR/CYP//SQ/28285//TM/POS//RC/ZWXS//TN/001//NA/LA GROSSE POULE//IR/CYP000000123//XR/ZZ-0604//LT/+47.612//LG/-47.528//CO/280//SP/23//MS/SWITCHING on VMS//DA/20080307//TI//ER//
ANNESS VIIIa
ANNESS IX
Tabella ta’ Korrelazzjoni
|
Ir-Regolament (KE) Nru 1559/2007 |
Dan ir-Regolament |
|
Artikolu 1 |
Artikolu 1 |
|
Artikolu 2 |
Artikolu 2 |
|
Artikolu 3 |
|
|
Artikolu 4 |
Artikolu 4 |
|
Artikolu 5 |
Artikolu 7 |
|
Artikolu 6 |
Artikolu 8 |
|
Artikolu 7 |
Artikolu 9 |
|
Artikolu 8 |
Artikolu 10 |
|
Artikolu 9 |
Artikolu 11 |
|
Artikolu 10 |
Artikolu 12 |
|
Artikolu 11 |
Artikolu 13 |
|
Artikolu 12 |
Artikolu 14 |
|
Artikolu 13 |
Artikolu 15 |
|
Artikolu 14 |
Artikolu 17 |
|
Artikolu 15 |
Artikolu 18 |
|
Artikolu 16 |
Artikolu 19 |
|
Artikolu 17 |
Artikolu 20 |
|
Artikolu 18 |
Artikolu 21 |
|
Artikolu 19 |
Artikolu 23 |
|
Artikolu 20 |
Artikolu 24 |
|
Artikolu 21 |
Artikolu 26 |
|
Artikolu 22 |
Artikolu 27 |
|
Artikolu 23 |
Artikolu 28 |
|
Artikolu 24 |
Artikolu 29 |
|
Artikolu 25 |
Artikolu 30 |
|
Artikolu 26 |
Artikolu 33 |
|
Artikolu 27 |
Artikolu 34 |
|
Artikolu 28 |
Artikolu 35 |
|
Artikolu 29 |
Artikolu 38 |
( 1 ) Opinjoni tal-Parlament Ewropew tat-12 ta’ Marzu 2009 (għadha mhux ippubblikata fil-Ġurnal Uffiċjali).
( 2 ) ĠU L 162, 18.6.1986, p. 33.
( 3 ) ĠU L 358, 31.12.2002, p. 59.
( 4 ) ĠU L 340, 22.12.2007, p. 8.
( 5 ) ĠU L 22, 26.1.2009, p. 1.
( 6 ) ĠU L 5, 9.1.2004, p. 25.
( 7 ) ĠU L 343, 22.12.2009, p. 1.
( 8 ) ĠU L 194, 24.7.2010, p. 1.
( 9 ) ĠU L 333, 20.12.2003, p. 17.
( 10 ) ĠU L 162, 30.4.2004, p. 8.