This document is an excerpt from the EUR-Lex website
Document 01996L0008-20070620
Commission Directive 96/8/EC of 26 February 1996 on foods intended for use in energy-restricted diets for weight reduction (Text with EEA relevance)
Consolidated text: Id-Direttiva tal-Kummissjoni 96/8/KE tas-26 ta’ Frar 1996 dwar ikel maħsub sabiex jintuża f’dieti ta’ restrizzjoni ta’ enerġija għat-tnaqqis fil-piż (Test b’rilevanza għaż-ŻEE)
Id-Direttiva tal-Kummissjoni 96/8/KE tas-26 ta’ Frar 1996 dwar ikel maħsub sabiex jintuża f’dieti ta’ restrizzjoni ta’ enerġija għat-tnaqqis fil-piż (Test b’rilevanza għaż-ŻEE)
1996L0008 — MT — 20.06.2007 — 001.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
ID-DIRETTIVA TAL-KUMMISSJONI 96/8/KE tas-26 ta’ Frar 1996 dwar ikel maħsub sabiex jintuża f’dieti ta’ restrizzjoni ta’ enerġija għat-tnaqqis fil-piż (ĠU L 055, 6.3.1996, p.22) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
DIRETTIVA TAL-KUMMISSJONI 2007/29/KE Test b’relevanza għaż-ŻEE tat-30 ta’ Mejju 2007 |
L 139 |
22 |
31.5.2007 |
|
ID-DIRETTIVA TAL-KUMMISSJONI 96/8/KE
tas-26 ta’ Frar 1996
dwar ikel maħsub sabiex jintuża f’dieti ta’ restrizzjoni ta’ enerġija għat-tnaqqis fil-piż
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 89/398/KEE tat-3 ta’ Mejju 1989 dwar l-approssimazzjoni tal-liġijiet ta’ l-Istati Membri dwar oġġetti ta’ l-ikel maħsubin għal użu nutrittiv partikolari ( 1 ), u b’mod partikolari l-Artikolu 4 tagħha,
Billi l-miżuri tal-Komunità li għalihom hemm provdut b’din id-Direttiva ma jaqbżux dak li huwa meħtieġ sabiex jintlaħqu l-għanijiet li diġà hemm provdut għalihom bid-Direttiva 89/398/KEE;
Billi l-prodotti koperti b’din id-Direttiva huma varji u huma ġeneralment magħżulin bħala dawk maħsubin biex jissostitwixxu d-dieta kollha ta’ kuljum u dawk maħsubin biex jissostitwixxu parti mid-dieta ta’ kuljum;
Billi l-kompożizzjoni ta’ tali prodotti għandha tkun tali li tissodisfa l-ħtiġiet nutrittivi ta’ kuljum għal nutrijenti essenzjali, per eżempju biex tipprovdi parti sinifikanti minn dawk il-ħtiġiet, kif jista’ jkun il-każ, tal-persuni li għalihom huma maħsubin;
Billi dan l-aħħar ġew żviluppati numru ta’ prodotti biex jintużaw bħala sostituti għal snacks u biex jissuplixxu ċerti kwantitajiet ta’ makronutrijenti u mikronutrijenti essenzjali magħżula; billi l-kompożizzjoni essenzjali ta’ dawk il-prodotti għandha tiġi adottata f’data iktar tard;
Billi, barra minn hekk, l-enerġija pprovduta bil-prodotti koperti minn din id-Direttiva għandha tiġi ristretta;
Billi l-kontenut ta’ l-enerġija ta’ xi prodotti maħsubin sabiex jissostitwixxu d-dieta kollha ta’ kuljum huwa baxx ħafna; billi regoli speċifiċi għal dawn il-prodotti ta’ enerġija baxxa ħafna għandhom jiġu adottati f’data aktar tard;
Billi din id-Direttiva tirrifletti għarfien kurrenti dwar dawn il-prodotti; billi kwalunkwe modifika biex tippermetti għal innovazzjoni bbażata fuq il-progress xjentifiku u tekniku għandha tiġi deċiża bil-proċedura stipulata fl-Artikolu 13 tad-Direttiva 89/398/KEE;
Billi bi qbil ma’ l-Artikolu 4(2) tad-Direttiva 89/398/KEE, id-dispożizzjonijiet li għandhom x’jaqsmu mas-sustanzi b’għanijiet nutrittivi speċifiċi biex jintużaw fil-manifattura tal-prodotti għandhom jiġu stabbiliti f’Direttiva separata tal-Kummissjoni;
Billi d-dispożizzjonijiet li għandhom x’jaqsmu ma’ l-użu ta’addittivi fil-manifattura tal-prodotti għandhom jiġu stabbiliti fid-Direttivi tal-Kunsill rilevanti;
Billi bi qbil ma’ l-Artikolu 7 tad-Direttiva 89/398/KEE, il-prodotti koperti b’din id-Direttiva huma soġġetti għar-regoli ġenerali stabbiliti bid-Direttiva tal-Kunsill 79/112/KEE tat-18 ta’ Diċembru 1978 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-ittikkettjar, il-preżentazzjoni u r-riklamar ta’ l-affarijiet ta’ l-ikel ( 2 ), kif l-aħħar emendata bid-Direttiva tal-Kummissjoni 93/102/KE ( 3 ); billi, fejn huwa xieraq, din id-Direttiva tadotta u tespandi fuq iż-żjidiet u l-eċċezzjonijiet ta’ dawk ir-regoli ġenerali;
Billi, b’mod partikolari, in-natura u d-destinazzjoni tal-prodotti koperti b’din id-Direttiva jeħtieġu ttikkettjar nutrittiv għall-valur ta’ l-enerġija u n-nutrijenti ewlenin li jkun fihom;
Billi l-Kumitat Xjentifiku għall-Ikel kien, skond l-Artikolu 4 tad-Direttiva 89/398/KEE, ġie kkonsultat dwar id-dispożizzjonijiet li jistgħu jaffettwaw is-saħħa pubblika;
Billi l-miżuri li għalihom hemm provdut f’din id-Direttiva huma skond l-opinjoni tal-Kumitat Permanenti dwar l-Oġġetti ta’ l-Ikel,
ADOTTAT DIN ID-DIRETTIVA:
L-Artikolu 1
1. Din id-Direttiva hija “Direttiva speċifika” fit-tifsira ta’ l-Artikolu 4 tad-Direttiva 89/398/KEE u tistabbilixxi l-ħtiġiet ta’ kompożizzjoni u ttikkettjar għal ikel għal użu nutrittivi partikolari maħsub għal użu f’dieti ta’enerġija ristretta għat-tnaqqis fil-piż u ppreżentat bħala tali.
2. Ikel għal użu f’dieti ta’ enerġija ristretta għat-tnaqqis fil-piż huwa ikel fformulat speċjali li, meta jintuża kif avżat mill-fabbrikant, jissostitwixxi għal kollox jew parzjalment id-dieta kollha ta’ kuljum. Dan huwa maqsum f’żewġ kategoriji:
(a) prodotti ppreżentati bħala sostituti għad-dieta kollha ta’ kuljum;
(b) prodotti ppreżentati bħala sostituti għal waħda jew iktar minn l-ikliet tad-dieta ta’ kuljum;
L-Artikolu 2
L-Istati Membri għandhom jiżguraw li l-prodotti li hemm riferenza għalihom fl-Artikolu 1 jitqiegħdu fis-suq tal-Komunità biss kemm-il darba jikkonformaw mar-regoli stabbiliti f’din id-Direttiva.
L-Artikolu 3
Ikel kopert b’din id-Direttiva għandu jikkonforma mal-kriterji ta’ kompożizzjoni speċifikati fl-Anness I.
L-Artikolu 4
Il-komponenti individwali kollha li jagħmlu il-prodotti li hemm riferenza għalihom fil-punt (a) ta’ l-Artikolu 1(2), kif mibjugħin, għandhom ikunu miżmumin fl-istess pakkett.
L-Artikolu 5
1. L-isem li taħtu jinbiegħ il-prodott għandu jkun:
(a) għal prodotti koperti mill-punt (a) ta’ l-Artikolu 1(2), “Sostitut għad-dieta totali għall-kontroll tal-piż”;
(b) għal prodotti koperti bil-punt (b) ta’ l-Artikolu 1(2), “Sostitut ta’ ikla għall-kontroll tal-piż”;
2. L-ittikkettjar tal-prodotti konċernati għandu jkollu, flimkien mad-dettalji li għalihom hemm provdut fl-Artikolu 3 tad-Direttiva tal-Kunsill 79/112/KEE, id-dettalji mandatarji li ġejjin:
(a) il-valur ta’ l-enerġija disponibbli espressa f’kJ u kcal, u l-kontenut ta’ proteini, karboidrati u xaħam, espressi f’forma numerika, għal kull kwantità speċifikata tal-prodott lest għall-użu kif propost għall-konsum;
(b) il-kwantità medja ta’ kull mineral u kull vitamina li għalihom, il-kondizzjonijiet mandatarji huma stipulati fil-paragrafu 5 ta’ l-Anness 1, espressi f’forma numerika, għal kull kwantità speċifikata tal-prodott lest għall-użu kif propost għall-konsum. Barra minn dan, għal prodotti msemmija fil-punt (b) ta’ l-Artikolu 1(2), informazzjoni dwar il-vitamini u l-minerali elenkati fit-Tabella tal-punt 5 ta’ l-Anness I għandhom ikunu espressi wkoll bħala persentaġġ tal-valuri kif definiti fl-Anness tad-Direttiva tal-Kunsill 90/496/KEE ( 4 );
(ċ) istruzzjonijiet għal preparazzjoni xierqa, fejn meħtieġ, u dikjarazzjoni dwar l-importanza li wieħed isegwi dawk l-istruzzjonijiet;
(d) jekk prodott, meta wżat kif avżat mill-fabbrikant, jipprovdi l-ammont ta’ kuljum ta’ polyols f’eċċess ta’ 20 g kuljum, ikun hemm dikjarazzjoni b’effett li dak l-ikel jista’ jkollu effett lassattiv;
(e) dikjarazzjoni dwar l-importanza li wieħed jieħu ammont ta’ fluwidu adegwat kuljum;
(f) għal prodotti msemmija fil-punt (a) ta’ l-Artikolu 1(2):
(i) dikjarazzjoni li l-prodott jipprovdi ammonti adegwati tan-nutrijenti essenzjali kollha għall-ġurnata;
(ii) dikjarazzjoni li l-prodott m’għandux jintuża għal iktar minn tliet ġimgħat mingħajr parir mediku;
(g) għal prodotti msemmija fil-punt (b) ta’ l-Artikolu 1(2), dikjarazzjoni b’effett li l-prodotti huma utili għall-użu maħsub biss bħala parti minn dieta ta’ enerġija ristretta u li ikel ieħor għandu jkun parti meħtieġa ta’ dieta bħal din.
3. It-tikkettjar, ir-riklamar u l-preżentazzjoni tal-prodotti kkonċernati ma jistgħu jagħmlu ebda referenza għar-rata jew l-ammont ta’ telf fil-piż li jista’ jirriżulta mill-użu tagħhom.
L-Artikolu 6
L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva sat-30 ta’ Settembru 1997. Għandhom jgħarrfu minnufih lill-Kummissjoni b’dan.
Dawk il-liġijiet, regolamenti u dispożizzjonijiet amministrattivi għandhom jiġu applikati b’tali mod li:
— jippermettu kummerċ fi prodotti li jikkonformaw ma’ din id-Direttiva, sa l-1 ta’ Ottubru 1997,
— jipprojbixxu kummerċ fi prodotti li ma jikkonformawx ma’ din id-Direttiva, b’effett mill-31 ta’ Marzu 1999.
Meta l-Istati Membri jadottaw dawn id-dispożizzjonijiet, hum’għandhom ikollhom riferenza għal din id-Direttiva jew ikunu akkumpanjati minn riferenza bħal din fiż-żmien tal-pubblikazzjoni uffiċjali tagħhom. Il-proċedura għal riferenza bħal din għandha tiġi adottata mill-Istati Membri.
L-Artikolu 7
Din id-Direttiva għandha tidħol fis-seħħ fl-20 jum wara l-pubblikazzjoni tagħha fil-Ġurnal Uffiċjali tal-Komunitajiet Ewropej.
L-Artikolu 8
Din id-Direttiva hija indirizzata lill-Istati Membri.
L-ANNESS I
KOMPOŻIZZJONI ESSENZJALI TA’ IKEL GĦAL DIETI TA’ ENERĠIJA RISTRETTA
L-ispeċifikazzjonijiet jirreferu għall-prodotti lesti għall-użu, impoġġija fis-suq bħala tali jew kostitwiti mill-ġdid kif avżat mill-fabbrikant.
1. Enerġija
|
1.1. |
L-enerġija pprovduta minn prodott imsemmi fl-Artikolu 1(2)(a) m’għandhiex tkun inqas minn 3 360 kJ (800 kcal) u m’għandhiex taqbeż il-5 040 kJ (1 200 kcal) għar-razzjon totali ta’ kuljum. |
|
1.2. |
L-enerġija pprovduta minn prodott imsemmi fl-Artikolu 1(2)(b) m’għandhiex tkun inqas minn 840 kJ (200 kcal) u m’għandhiex taqbeż il-1 680 kJ (400 kcal) għal kull ikla. |
2. Proteini
|
2.1. |
Il-proteini li jinsabu fil-prodotti msemmija fl-Artikolu 1(2)(a) u (b) m’għandhomx jipprovdu inqas minn 25 % u mhux aktar minn 50 % ta’ l-enerġija totali tal-prodott. Fi kwalunkwe każ l-ammont ta’ proteini tal-prodotti msemmija fl-Artikolu 1(2)(a) m’għandux jaqbeż il-125 g. |
|
2.2. |
Id-dispożizzjonijiet hawn fuq imsemmija dwar il-proteini jirriferu għal proteina li l-indiċi kimiku tagħha huwa daqs dak tal-proteini ta’ riferenza tal-FAO/WHO (1985) mogħti fl-Anness 2. Jekk l-indiċi kimiku huwa iktar baxx minn 100 % tal-proteina ta’ riferenza, il-livelli minimi ta’ proteina għandhom jiġu miżjuda b’mod li jikkorrispondi. Fi kwalunkwe każ l-indiċi kimiku tal-proteini għandu jkun għalinqas ugwali għal 80 % ta’ dak tal-proteini ta’ riferenza. |
|
2.3. |
L-“indiċi kimiku” għandu jfisser il-proporzjon l-aktar baxxa bejn il-kwantità ta’ kull aċidu amminiku essenzjali tal-proteini tat-test u l-kwantità ta’ kull aċidu amminiku li jikkorrispondi tal-proteina ta’ riferenza. |
|
2.4. |
Fil-każijiet kollha, iż-żieda ta’ aċidu amminiku hija permessa biss għall-għan ta’ titjib tal-valur nutrittiv tat-taħlita tal-proteini, u biss fil-proporzjonijiet meħtieġa għal dak il-għan. |
3. Xaħam
|
3.1. |
L-enerġija miksuba mix-xaħam m’għandhiex taqbeż it-30 % ta’ l-enerġija disponibbli totali tal-prodott. |
|
3.2. |
Għal prodotti msemmija fl-Artikolu 1(2)(a), il-linoleic acid (f’forma ta’ gliċeridi) m’għandux ikunx inqas minn 4,5 g. |
|
3.3. |
Għal prodotti msemmija fl-Artikolu 1(2)(b), il-linoleic acid (f’forma ta’ gliċeridi) m’għandux ikunx inqas minn 1 g. |
4. Fibra tad-dieta
Il-kontenut tal-fibra tad-dieta ta’ prodotti msemmija fl-Artikolu 1(2)(a) m’għandhiex tkun inqas minn 10 g u m’għandhiex tkun aktar minn 30 g għar-razzjon ta’ kuljum.
5. Vitamini u minerali
|
5.1. |
Il-prodotti msemmija fl-Artikolu 1(2)(a) għandhom jipprovdu għad-dieta sħiħa ta’ kuljum għalinqas: 100 % ta’ l-ammonti ta’ vitamini u minerali speċifikati fit-Tabella 1. |
|
5.2. |
Il-prodotti msemmija fl-Artikolu 1(2)(b) jipprovdu għalinqas 30 % ta’ l-ammonti ta’ vitamini u minerali speċifikati fit-Tabella għal kull ikla; iżda l-ammont ta’ potassju għal kull ikla pprovdut minn dawn il-prodotti għandu jkun għalinqas 500 mg.
TABELLA
|
L-ANNESS II
MUDELL TAL-KONDIZZJONI TA’ L-AĊIDU AMMINIKU (1)
|
g/100 g proteini |
|
|
Cystine + methionine |
1,7 |
|
Histidine |
1,6 |
|
Isoleucine |
1,3 |
|
Leucine |
1,9 |
|
Lysine |
1,6 |
|
Phenylalanine + turosine |
1,9 |
|
Threonine |
0,9 |
|
Tryptophan |
0,5 |
|
Valine |
1,3 |
|
(1) Kondizzjonijiet ta’ l-Enerġija u l-proteini tal-Organizzazzjoni Dinjija tas-Saħħa. Rapport tal-Laqgħa Konġunta tal-FAO/WHO/ONU. Ġinevra: Organizzazzjoni Dinjija tas-Saħħa, 1985. (Rapport Tekniku tal-WHO Serje, 724). |
|
( 1 ) ĠU L 186, tat-30.6.1989, p. 27.
( 2 ) ĠU L 33, tat-8.2.1979, p. 1.
( 3 ) ĠU L 291, tad-29.11.1993, p. 14.
( 4 ) ĠU L 276, tas-6.10.1990, p. 40.