1. 

Domandi preliminari – Ġurisdizzjoni tal-Qorti tal-Ġustizzja – Limiti – Sistema fiskali applikabbli għall-amalgamazzjonijiet, għad-diviżjonijiet, għat-trasferimenti tal-attivi u għall-iskambji tal-ishma li jirrigwardaw il-kumpanniji ta’ Stati Membri differenti – Direttiva 2009/133 – Kamp ta’ applikazzjoni – Tranżazzjoni purament interna ta’ amalgamazzjoni ta’ żewġ impriżi li għandhom is-sede tagħhom fl-istess Stat Membru – Esklużjoni – Obbligu għall-qorti nazzjonali li tinterpreta konformement għal din id-direttiva, ir-regola nazzjonali applikabbli għal dawn it-tranżazzjonijiet purament interni – Assenza

(Artikolu 267 TFUE; Direttiva tal-Kunsill 2009/133)

(ara l-punti 35 sa 40, u d-dispożittiv 1)

2. 

Domandi preliminari – Ġurisdizzjoni tal-Qorti tal-Ġustizzja – Limiti – Talba għall-interpretazzjoni ta’ dispożizzjonijiet tad-dritt tal-Unjoni manifestament inapplikabbli fil-kawża prinċipali – Direttiva 2009/133 – Dispożizzjonijiet tad-dritt tal-Unjoni li saru applikabbli permezz tad-dritt nazzjonali b’mod dirett u inkundizzjonat għal fatti li ma jaqgħux taħt il-kamp ta’ applikazzjoni tagħhom – Assenza – Nuqqas ta’ ġurisdizzjoni tal-Qorti tal-Ġustizzja sabiex tipprovdi din l-interpretazzjoni

(Artikolu 267 TFUE; Direttiva tal-Kunsill 2009/133)

(ara l-punti 43 sa 56, u d-dispożittiv 2)

1) 

Id-dritt tal-Unjoni ma jobbligax qorti nazzjonali tinterpreta, konformement mad-Direttiva tal-Kunsill 2009/133/KE tad‑19 ta’ Ottubru 2009 dwar is-sistema komuni ta’ tassazzjoni applikabbli għal mergers, diviżjonijiet, diviżjonijiet parzjali, trasferimenti ta’ assi u skambji ta’ ishma li jikkonċernaw kumpanniji ta’ Stati Membri differenti u għat-trasferiment tal-uffiċċju reġistrat ta’ SE jew SCE bejn Stati Membri, dispożizzjoni tad-dritt nazzjonali applikabbli għal tranżazzjoni ta’ amalgamazzjoni, li hija purament interna, ta’ żewġ impriżi li kull waħda minnhom għandha s-sede tagħha fl-istess Stat Membru, peress li din it-tranżazzjoni ma taqax taħt il-kamp ta’ applikazzjoni ta’ din id-direttiva.

2) 

Il-Qorti tal-Ġustizzja ma għandhiex ġurisdizzjoni sabiex tirrispondi għad-domandi magħmula dwar l-interpretazzjoni tad-Direttiva 2009/133, peress li, minn naħa, il-fatti tal-kawża prinċipali ma jaqgħux taħt il-kamp ta’ applikazzjoni ta’ din id-direttiva u li, min-naħa l-oħra, id-dritt nazzjonali ma għamilhiex applikabbli għal dawn il-fatti b’mod dirett u inkundizzjonat.