This document is an excerpt from the EUR-Lex website
Exemption from customs duties and other charges: Convention on Temporary Admission
Eżenzjoni mid-dazji doganali u imposti oħra: Konvenzjoni dwar l-Ammissjoni Temporanja
Eżenzjoni mid-dazji doganali u imposti oħra: Konvenzjoni dwar l-Ammissjoni Temporanja
- Date of last review:
- 05/11/2018
- Author:
- Uffiċċju tal-Pubblikazzjonijiet tal-Unjoni Ewropea
- Responsible entity(ies):
- Id-Direttorat Ġenerali għat-Tassazzjoni u l-Għaqda Doganali
- Summarised document(s):
- Summary code:
-
-
21.02.01.00 Taxxa fuq il-valur miżjud (VAT)
- 22.08.00.00 Taxxi
-
21.02.01.00 Taxxa fuq il-valur miżjud (VAT)
- EUROVOC descriptor:
- Directory code:
Eżenzjoni mid-dazji doganali u imposti oħra: Konvenzjoni dwar l-Ammissjoni Temporanja
SOMMARJU TA’:
Konvenzjoni dwar l-ammissjoni temporanja (Konvenzjoni ta’ Istanbul)
X’INHU L-GĦAN TAD-DEĊIŻJONI U TAL-KONVENZJONI?
Id-Deċiżjoni tapprova f’isem il-Komunità Ekonomika Ewropea (issa l-UE) il-Konvenzjoni dwar l-Ammissjoni Temporanja* li sar qbil fuqha f’Istanbul fis-26 ta’ Ġunju 1990 u l-annessi tagħha, soġġett għal ċerti kondizzjonijiet.
L-għan tal-Konvenzjoni huwa li tiffaċilita l-ammissjoni temporanja billi tissimplifika u tarmonizza l-proċeduri permezz tal-adozzjoni ta’ dokumenti mudelli standardizzati bħal dokumenti doganali internazzjonali b’sigurtà internazzjonali, b’hekk tikkontribwixxi għall-iżvilupp tal-kummerċ internazzjonali.
PUNTI EWLENIN
Kull parti kontraenti għall-Konvenzjoni għandha d-dritt li tagħmel l-ammissjoni temporanja tal-oġġetti soġġetta għall-wiri ta’ dokument doganali, skont proċedura ssimplifikata, jekk ikun xieraq, u għall-ħlas ta’ garanzija ekwivalenti għal ammont li ma jaqbiżx l-ammont tad-dazji u taxxi ta’ importazzjoni li l-oġġetti huma eżentati minnhom.
L-ammissjoni temporanja tista’ tintemm:
- permezz ta’ esportazzjoni mill-ġdid tal-oġġetti;
- billi jitqiegħdu taħt proċedura doganali oħra bħal ikklerjar għal użu fid-dar;
- permezz tal-qerda totali tal-oġġetti.
Il-Konvenzjoni tippermetti l-istabbiliment ta’ kumitat amministrattiv biex jikkunsidra l-implimentazzjoni u l-interpretazzjoni tal-Konvenzjoni.
Dan jiddeskrivi fid-dettall ir-regoli applikabbli għal:
- dokumenti ta’ ammissjoni temporanja (ATA* u CPD* carnets);
- oġġetti għal wiri jew użu f’esebizzjonijiet, fieri, laqgħat jew avvenimenti simili;
- tagħmir professjonali;
- kontenituri, palits, imballaġġ, kampjuni u oġġetti oħra importati b’rabta ma’ operazzjoni kummerċjali;
- oġġetti importati b’rabta ma’ operazzjoni ta’ manifattura;
- oġġetti importati għal skopijiet edukattivi, xjentifiċi jew kulturali;
- effetti personali tal-vjaġġaturi u oġġetti importati għal skopijiet ta’ sport;
- materjal tal-pubbliċità tat-turisti;
- oġġetti importati bħala traffiku tal-fruntiera;
- oġġetti importati għal skopijiet umanitarji;
- mezzi ta’ trasport;
- annimali;
- oġġetti importati b’eżenzjoni parzjali mid-dazji u taxxi ta’ importazzjoni.
L-UE taċċetta l-annessi għall-Konvenzjoni, soġġett għal ċerti riservi.
DATA TA’ DĦUL FIS-SEĦĦ
Il-Konvenzjoni daħlet fis-seħħ fit-18 ta’ Settembru 1997.
TERMINI EWLENIN
DOKUMENTI EWLENIN
Id-Deċiżjoni tal-Kunsill 93/329/KEE tal-15 ta’ Marzu 1993 li tirrigwarda l-konklużjoni tal-Konvenzjoni dwar l-Ammissjoni Temporanja u l-aċċettazzjoni tal-annessi tagħha (ĠU L 130, 27.5.1993, pp. 1-3)
Konvenzjoni dwar l-ammissjoni temporanja (Konvenzjoni ta’ Istanbul) (ĠU L 130, 27.5.1993, pp. 4-75)
DOKUMENT RELATAT
Information (Informazzjoni) on the entry into force of the Convention on Temporary Admission and accepting its Annexes (dwar id-dħul fis-seħħ tal-Konvenzjoni dwar l-Ammissjoni Temporanja u l-aċettazzjoni tal-Annessi tagħha) (ĠU L 329, 29.11.1997, p. 69)
l-aħħar aġġornament 05.11.2018
