Ten dokument pochodzi ze strony internetowej EUR-Lex
Shipments of radioactive substances
Vjeġġi ta' sustanzi radjoattivi
Vjeġġi ta' sustanzi radjoattivi
Vjeġġi ta' sustanzi radjoattivi
SOMMARJU TAD-DOKUMENT:
Ir-Regolament (Euratom) Nru 1493/93 dwar il-vjeġġi ta' skart radjoattiv
SOMMARJU
Wara t-tneħħija tal-kontrolli tal-fruntieri interni bejn il-pajjiżi tal-Unjoni Ewropea (UE), fl-1 ta' Jannar 1993, l-awtoritajiet nazzjonali kellhom bżonn tal-istess livell ta' informazzjoni dwar il-vjeġġi ta' sustanzi attivi bħal qabel sabiex ikomplu jimplimentaw il-kontrolli tal-protezzjoni kontra r-radjazzjoni.
X'JAGĦMEL IR-REGOLAMENT?
Jintroduċi sistema mifruxa mal-UE kollha għal dikjarazzjonijiet ta' vjeġġi ta' sustanzi radjoattivi bejn il-pajjiżi tal-UE.
PUNTI EWLENIN
Obbligi tad-detenturi
Meta jkun qed iwettaq vjeġġi ta' materjal radjoattiv, id-“detentur”* għandu jipprovdi dikjarazzjoni minn qabel skont id-destinatarju*. Din id-dikjarazzjoni għandha tiċċertifika l-konformità tad-destinatarju mal-liġi tal-UE dwar rapportar obbligatorju fuq attivitajiet relatati ma' sustanzi radjoattivi naturali u artifiċjali. Din id-dikjarazzjoni għandha tiġi ppreżentata lill-awtorità nazzjonali kompetenti tal-pajjiż ta' destinazzjoni tal-UE.
Id-detenturi għandhom jikkonformaw ukoll mar-regolamenti nazzjonali għal ħżin, użu u rimi bla periklu dwar l-attività radjoattiva.
Il-passi involuti jinkludu:
— |
Id-destinatarju jissottometti d-dikjarazzjoni lill-awtorità.
|
— |
L-awtorità tinnota d-dikjarazzjoni, tikkonferma dan b'timbru uffiċjali u tibgħatha lura lid-destinatarju.
|
— |
Id-destinatarju mbagħad jibgħat id-dikjarazzjoni lid-detentur.
|
Dikjarazzjoni hija valida għal massimu ta' 3 snin.
Vjeġġi Multipli
Id-dikjarazzjoni maħruġa tista' tirreferi għal vjeġġi multipli jekk:
— |
is-sustanzi radjoattivi għandhom l-istess karatteristiċi fiżiċi u kimiċi;
|
— |
is-sorsi ssiġillati* li tirrelata magħhom ma jaqbżux il-livelli ta' attività stabbiliti fid-dikjarazzjoni;
|
— |
il-vjeġġi jsiru mill-istess detentur lill-istess destinatarju u jinvolvu l-istess awtoritajiet kompetenti.
|
Informazzjoni
Id-detentur għandu jipprovdi lill-awtoritajiet fi żmien 21 ġurnata minn kwalunkwe vjeġġ:
— |
l-ismijiet u l-indirizzi tad-destinatarji;
|
— |
ir-radjoattività totali ta' kull kunsinna mwassla;
|
— |
in-numru ta' kunsinni magħmula u l-kwantitajiet mogħtija lil kull destinatarju; it-tip ta' sustanza (sors issiġillat jew sors relevanti ieħor).
|
Il-pajjiżi tal-UE għandhom jirrapportaw l-attivitajiet kollha li jistgħu jinvolvu periklu li jirriżulta minn radjazzjoni jonizzanti.
Skart radjoattiv
Vjeġġi ta' skart radjoattiv bejn il-pajjiżi tal-UE u għal ġewwa u 'l barra mill-UE huma soġġetti għal miżuri speċifiċi stabbiliti mid-Direttiva 2006/117/Euratom.
META JAPPLIKA R-REGOLAMENT?
Mid-9 ta' Lulju 1993.
TERMINI EWLENIN
* Detentur: kwalunkwe individwu jew organizzazzjoni responsabbli għall-ippjanar tal-vjeġġi ta' skart radjoattiv jew tal-fjuwil użat u responsabbli legalment għalih qabel it-trasbord.
* Destinatarju: il-parti li tirċievi l-kunsinna.
* Sors issiġillat: sors ta' radjazzjoni jonizzanti li jikkonsisti minn sustanzi radjoattivi inkorporati b'mod sod f'materjali solidi u effettivament inattivi, jew issiġillati f'reċipjent inattiv ta' saħħa suffiċjenti sabiex jiġi impedut, taħt kundizzjonijiet normali ta' użu, kwalunkwe tixrid ta' sustanzi radjoattivi.
ATT
Ir-Regolament tal-Kunsill (EURATOM) Nru 1493/93 tat-8 ta' Ġunju 1993 dwar kunsinni ta' sustanzi radjoattivi bejn l-Istati Membri
REFERENZI
Att |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
Ir-Regolament (Euratom) Nru 1493/93 |
9.7.1993 |
— |
ATTI RELATATI
Direttiva tal-Kunsill 2006/117/Euratom tal-20 ta’ Novembru 2006 dwar is-superviżjoni u l-kontroll ta' vjeġġi ta' skart radjuattiv u ta' kombustibbli nukleari eżawrit (ĠU L 337, 5.12.2006, p. 21–32)
Direttiva tal-Kunsill 2013/59/Euratom tal-5 ta’ Diċembru 2013 li tistabbilixxi standards bażiċi ta' sikurezza għal protezzjoni kontra l-perikli li jirriżultaw minn esponiment għal radjazzjoni jonizzanti, u li tħassar id-Direttivi 89/618/Euratom, 90/641/Euratom, 96/29/Euratom, 97/43/Euratom u 2003/122/Euratom (ĠU L 13, 17.1.2014, p. 1–73)
l-aħħar aġġornament 22.10.2015