Miżuri restrittivi fid-dawl tas-sitwazzjoni fis-Sudan

 

SOMMARJU TA’:

Deċiżjoni 2014/450/PESK — dwar miżuri restrittivi fid-dawl tas-sitwazzjoni fis-Sudan

Regolament (UE) Nru 747/2014 — dwar miżuri restrittivi fid-dawl tas-sitwazzjoni fis-Sudan

X’INHU L-GĦAN TAD-DEĊIŻJONI U TAR-REGOLAMENT?

• Kemm id-deċiżjoni kif ukoll ir-regolament jittrasponu sensiela ta’ miżuri tan-Nazzjonijiet Uniti biex jipprevjenu l-kollaborazzjoni ta’ ċittadini tal-UE u residenti tal-UE mas-Sudan, partikolarment relatati ma’ attivitajiet militari.
• Id-deċiżjoni tirrevoka d-Deċiżjoni 2011/423/PESK u d-Deċiżjoni ta’ Implimentazzjoni 2014/40/PESK. Fl-interess taċ-ċarezza, is-sanzjonijiet fuq is-Sudan imposti bid-Deċiżjoni 2011/423/PESK huma separati minn dawk li jittrattaw is-Sudan t’Isfel u huma integrati f’test legali wieħed.
• Ir-regolament jirrevoka r-Regolamenti (KE) Nru 131/2004 u (KE) Nru 1184/2005 u jittratta biss is-Sudan.

PUNTI EWLENIN

Ċittadini tal-UE jew ċittadini minn pajjiżi u territorji barranin huma pprojbiti jipprovdu lis-Sudan jew lil kwalunkwe persuna jew korp fis-Sudan jew għall-użu fis-Sudan:

• il-provvista, il-bejgħ, it-trasferiment jew l-esportazzjoni ta’ armi jew ta’ tagħmir militari relatat tat-tipi kollha, inklużi
  • armi u munizzjon
  • vetturi u tagħmir militari
  • tagħmir u partijiet tal-bdil paramilitari;
• Il-provvista ta’ assistenza teknika, servizzi ta’ senserija u servizzi oħra relatati ma’ attivitajiet militari u mal-forniment, il-manifattura, il-manutenzjoni u l-użu ta’ armi u ta’ tagħmir militari relatat;
• Il-provvista ta’ għajnuna ta’ finanzjament jew finanzjarja relatata ma’ attivitajiet militari, inklużi b’mod partikolari
  • għotjiet, self u assigurazzjoni ta’ kreditu għall-esportazzjoni
  • assigurazzjoni u riassigurazzjoni għal kwalunkwe bejgħ, provvista, trasferiment jew esportazzjoni ta’ armi u ta’ tagħmir militari relatat
  • assistenza teknika relatata, servizzi ta’ senserija u servizzi oħra.

Id-deċiżjoni teħtieġ li dawn il-miżuri jiġu riveduti f’intervalli regolari, mill-inqas kull 12-il xahar.

Miżuri restrittivi

Id-deċiżjoni timponi projbizzjoni fuq l-ivvjaġġar u ffriżar tal-assi fuq dawk meqjusa li:

• jimpedixxu l-proċess tal-paċi;
• jikkostitwixxu theddida għall-istabbiltà f’Darfur u fir-reġjun;
• jikkommettu ksur tal-liġi umanitarja internazzjonali jew tad-drittijiet tal-bniedem jew atroċitajiet oħra;
• jiksru l-embargo fuq l-armi u/jew huma responsabbli għal titjiriet militari offensivi li jgħaddu fir-reġjun ta’ Darfur u minn fuqu.

L-anness għad-deċiżjoni u l-Anness I tar-regolament jistabbilixxu l-lista ta’ individwi li l-Istati Membri tal-UE għandhom jipprevjenu li jidħlu jew jgħaddu mit-territorji tagħhom u dawk l-individwi, kumpaniji, entitajiet jew korpi li l-fondi u r-riżorsi ekonomiċi tagħhom se jiġu ffriżati.

Kwalunkwe persuna elenkata mill-Kunsill tas-Sigurtà tan-NU jew mill-Kumitat tas-Sanzjonijiet għandha tkun inkluża fl-annessi.

L-annessi jistgħu jiġu emendati mill-Kunsill.

MINN META BDEW JAPPLIKAW ID-DEĊIŻJONI U R-REGOLAMENT?

Kemm id-deċiżjoni kif ukoll ir-regolament ilhom japplikaw mil-11 ta’ Lulju 2014.

SFOND

Il-bażijiet legali għal dawn is-sanzjonijiet tal-UE huma l-Artikolu 29 tat-Trattat tal-Unjoni Ewropea għad-deċiżjoni, u l-Artikolu 215 tat-Trattat dwar il-Funzjonament tal-Unjoni Ewropea għar-regolament.

Għal aktar tagħrif ara:

• Is-Sudan u l-UE (Is-Servizz Ewropew għall-Azzjoni Esterna)
• Politika ta’ sanzjonijiet (Servizz Ewropew għall-Azzjoni Esterna)
• Sanzjonijiet: kif u meta l-UE tadotta miżuri restrittivi (Kunsill tal-Unjoni Ewropea).

DOKUMENTI EWLENIN

Id-Deċiżjoni tal-Kunsill 2014/450/PESK tal-10 ta’ Lulju 2014 dwar miżuri restrittivi fid-dawl tas-sitwazzjoni fis-Sudan, u li tħassar id-Deċiżjoni 2011/423/PESK (ĠU L 203, 11.7.2014, p. 106-112)

L-emendi suċċessivi għad-Deċiżjoni 2014/450/PESK ġew inkorporati fit-test oriġinali. Din il-verżjoni konsolidata għandha valur dokumentarju biss.

Ir-Regolament tal-Kunsill (UE) Nru 747/2014 tal-10 ta’ Lulju 2014 dwar miżuri restrittivi fid-dawl tas-sitwazzjoni fis-Sudan u li jħassar ir-Regolamenti (KE) Nru 131/2004 u (KE) Nru 1184/2005 (ĠU L 203, 11.7.2014, p. 1-12)

Ara l-verżjoni kkonsolidata.

DOKUMENTI RELATATI

Il-Verżjoni konsolidata tat-Trattat dwar l-Unjoni Ewropea — Titolu V — Dispożizzjonijiet ġenerali dwar l-azzjoni esterna tal-unjoni u dispożizzjonijiet speċifiċi dwar il-politika esterna u ta’ sigurtà komuni — Kapitolu 2 — Dispożizzjonijiet speċifiċi dwar il-politika estera u ta’ sigurtà komuni — Taqsima 1 — Dispożizzjonijiet komuni — Artikolu 29 (ex Artikolu 15 TEU) (ĠU C 202, 7.6.2016, p. 33)

Il-Verżjoni konsolidata tat-Trattat dwar il-Funzjonament tal-Unjoni Ewropea — Parti Ħamsa — L-azzjoni esterna tal-Unjoni — It-Titolu IV — Il-miżuri restrittivi — L-Artikolu 215 (ex Artikolu 301 TKE) (ĠU C 202, 7.6.2016, p. 144)

Ir-Regolament tal-Kunsill (KE) Nru 428/2009 tal-5 ta’ Mejju 2009 li jistabbilixxi reġim Komunitarju għall-kontroll tal-esportazzjonijiet, it-trasferiment, is-senserija u t-transitu ta’ oġġetti b’użu doppju (tfassil mill-ġdid) (ĠU L 134, 29.5.2009, pp. 1-269)

Ara l-verżjoni kkonsolidata.

l-aħħar aġġornament 05.10.2020