This document is an excerpt from the EUR-Lex website
Integration of Roma in the area of healthcare
L-integrazzjoni tar-Roma fil-qasam tal-kura tas-saħħa
L-integrazzjoni tar-Roma fil-qasam tal-kura tas-saħħa
This summary has been archived and will not be updated, because the summarised document is no longer in force or does not reflect the current situation.
L-integrazzjoni tar-Roma fil-qasam tal-kura tas-saħħa
SOMMARJU
Rakkomandazzjoni tal-Kunsill adottata fl-2013, titlob li jittieħdu miżuri f'għadd ta' oqsma, inkluż fil-kura tas-saħħa, biex tissaħħaħ l-integrazzjoni tar-Roma, l-ikbar minoranza etnika fl-Ewropa.
X’INHU L-GĦAN TAR-RAKKOMANDAZZJONI?
Turi l-impenn politiku b'saħħtu u kondiviż tal-pajjiżi tal-UE kollha biex isaħħu l-isforzi tagħhom biex:
— |
tiġi miġġielda l-esklużjoni soċjali kif ukoll id-diskriminazzjoni u
|
— |
jinkiseb titjib reali fil-promozzjoni tal-integrazzjoni fl-oqsma tal-kura tas-saħħa, l-edukazzjoni, l-impjiegi u l-akkomodazzjoni.
|
PUNTI EWLENIN
Ir-Rakkomandazzjoni titlob lill-pajjiżi tal-UE sabiex jieħdu miżuri sabiex jiżguraw trattament ugwali għar-Roma fl-aċċess għal servizzi tal-kura tas-saħħa disponibbli b'mod universali fuq il-bażi tal-kriterji ta' eliġibilità ġenerali. Eżempji ta' miżuri xierqa jinkludu:
— |
it-tneħħija ta' kwalunkwe barriera għall-aċċess tas-sistema tal-kura tas-saħħa aċċessibbli għall-popolazzjoni ġenerali;
|
— |
it-titjib tal-aċċess għal check-ups mediċi, kura ta' qabel u wara t-twelid u għall-ippjanar tal-familja, kif ukoll għal kura tas-saħħa sesswali u riproduttiva, ġeneralment ipprovduti mis-servizzi nazzjonali tal-kura tas-saħħa;
|
— |
it-titjib tal-aċċess għal programmi ta' tilqim bla ħlas li għandhom fil-mira tagħhom lil tfal u programmi ta' tilqim li jimmiraw, b'mod partikolari, gruppi li huma l-aktar f'riskju u/jew dawk li jgħixu f'żoni marġinalizzati u/jew f'żoni remoti;
|
— |
il-promozzjoni tal-għarfien dwar kwistjonijiet tas-saħħa u tal-kura tas-saħħa.
|
Monitoraġġ u evalwazzjoni
— |
Il-pajjiżi tal-UE jeħtieġu jimmonitorjaw u jevalwaw l-effikaċja tal-miżuri li huma jieħdu kemm f'termini tal-istrateġiji nazzjonali ta' integrazzjoni tar-Roma kif ukoll fi ħdan il-politiki ta' inklużjoni soċjali usa'.
|
— |
Dan jista' jsir billi jiġu stabbiliti miri jew billi tinġabar dejta kwalitattiva jew kwantitattiva fuq l-effetti soċjali u ekonomiċi tal-miżuri meħudin.
|
— |
L-Aġenzija tal-UE għad-Drittijiet Fundamentali żviluppat Programm Multi- Annwali dwar ir-Roma (2012–2020). Tħejji rapporti regolari dwar il-progress magħmul u tipprovdi parir ibbażat fuq l-evidenza lill-istituzzjonijiet tal-UE u lill-pajjiżi tal-UE abbażi tad-dejta miġbura minn madwar l-UE.
|
Rapportar u follow-up
Il-pajjiżi tal-UE għandhom jirrapportaw lill-Kummissjoni Ewropea sal-1 ta' Jannar 2016 kwalunkwe miżura meħuda f'konformità mar-Rakkomandazzjoni; Minn hemm 'il quddiem, għandhom jipprovdu din l-informazzjoni fuq bażi annwali.
Min-naħa tagħha, il-Kummissjoni tiżgura li l-informazzjoni pprovduta sservi bħala bażi għar-rapport annwali tagħha fuq l-implimentazzjoni tal-istrateġiji nazzjonali tal-integrazzjoni tar-Roma.
Ir-riżultati jiġu mitmugħin fil-proċess tas-Semestru Ewropew għall-koordinazzjoni tal-politika ekonomika. Mill-2012, bħala parti mis-Semestru Ewropew, il-Kunsill ħareġ rakkomandazzjonijiet speċifiċi għall-pajjiż għal 5 pajjiżi b'komunitajiet kbar ta' Roma (il-Bulgarija, ir-Repubblika Ċeka, l-Ungerija, ir-Rumanija u s-Slovakkja).
Fl-2014, il-Kummissjoni Ewropea ppubblikat ir-Rapport dwar is-Saħħa tar-Roma li kkonkluda li l-aċċess għall-kura tas-saħħa tar-Roma huwa relatat mill-qrib ma' fatturi tal-esklużjoni soċjali. Ir-Roma spiss ma jitkellmux il-lingwa, ma jifhmux is-sistema tal-kura tas-saħħa jew jistgħu ma jkunux irreġistrati jew assigurati. Jesperjenzaw ukoll diskriminazzjoni mill-professjonisti tal-kura tas-saħħa li min-naħa tagħhom tagħmel lir-Roma nies li inqas jafdaw is-sistema tal-kura tas-saħħa.
SFOND
— |
— |
ATT
Rakkomandazzjoni tal-Kunsill tad-9 ta' Diċembru 2013 dwar miżuri ta’ integrazzjoni tar-Rom effettivi fl-Istati Membri (ĠU C 378, 24.12.2013, p. 1-7)
ATTI RELATATI
Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Qafas tal-UE għall-Istrateġiji Nazzjonali għall-Integrazzjoni tar-Roma sal-2020 (COM(2011) 173 finali tal-5 ta' April 2011)
Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Rapport dwar l-implimentazzjoni ta' Qafas tal-UE għal Strateġiji Nazzjonali għall-Integrazzjoni tar-Rom tal-2015 (COM(2015) 299 final tas-17 ta' Ġunju 2015)
l-aħħar aġġornament 15.10.2015