Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32019R1896

    Gwardja Ewropea tal-Fruntiera u tal-Kosta

    Datatal-aħħarreviżjoni:
    29/05/2021
    Data tal-ħolqien inizjali:
    06/07/2020
    Dokument(i) mqassar/mqassra:
    Awtur:
    Uffiċċju tal-Pubblikazzjonijiet tal-Unjoni Ewropea
    Entita(jiet) responsabbli:
    Direttorat Ġenerali għall-Migrazzjoni u l-Affarijiet Interni

    Gwardja Ewropea tal-Fruntiera u tal-Kosta

     

    SOMMARJU TA’:

    Regolament (UE) 2019/1896 dwar il-Gwardja Ewropea tal-Fruntiera u tal-Kosta

    X’INHU L-GĦAN TAR-REGOLAMENT?

    • Dan jistabbilixxi aġenzija Ewropea għall-Gwardja tal-Fruntiera u tal-Kosta sabiex:
      • tiżgura ġestjoni integrata Ewropea fil-fruntiera tal-UE;
      • timmaniġġja l-qsim tal-fruntieri b’mod effiċjenti; u
      • u tagħmel il-politika ta’ ritorn* tal-UE aktar effettiva bħala komponent ewlieni tal-ġestjoni sostenibbli tal-migrazzjoni.
    • Din għandha l-għan li tindirizza l-isfidi migratorji u t-theddid futur potenzjali fil-fruntieri, tiġġieled il-kriminalità serja internazzjonali, u tiżgura s-sigurtà interna tal-UE filwaqt li tirrispetta bis-sħiħ id-drittijiet fundamentali u tissalvagwardja l-moviment liberu.

    PUNTI EWLENIN

    Korp permanenti ta’ 10 000 gwardja tal-fruntiera:

    • se jiżgura li l-aġenzija tkun tista’ tappoġġja lill-Istati Membri tal-UE, kull meta u kull fejn ikun hemm bżonn;
    • se jlaqqa’ persunal tal-aġenzija, kif ukoll gwardji tal-fruntiera u esperti tar-ritorn issekondati jew skjerati minn Stati Membri, li se jappoġġjaw aktar minn 100 000 gwardja nazzjonali tal-fruntiera fil-kompiti tagħhom.

    Barra minn hekk, l-aġenzija se jkollha baġit biex takkwista t-tagħmir tagħha stess, bħal vapuri, ajruplani u vetturi.

    Setgħat eżekuttivi

    Il-korp permanenti se jkun jista’ jwettaq kompiti ta’ kontroll u ta’ ritorn fuq il-fruntiera, bħal kontrolli tal-identità, jawtorizza dħul fil-fruntieri esterni u jwettaq sorveljanza tal-fruntiera — bil-ftehim tal-Istat Membru ospitanti tal-UE biss.

    Aktar appoġġ fuq ir-ritorn

    • Minbarra li torganizza u tiffinanzja operazzjonijiet konġunti ta’ ritorn, l-aġenzija issa ser tkun tista’ wkoll tappoġġja lill-Istati Membri fl-istadji kollha tal-proċess ta’ ritorn, filwaqt li l-Istati Membri jibqgħu responsabbli biex jieħdu deċiżjonijiet ta’ ritorn.
    • Dan l-appoġġ issa jista’ jinkludi wkoll, pereżempju, l-għoti ta’ assistenza lil persuni ripatrijati qabel, waqt u wara l-wasla, kif ukoll l-identifikazzjoni ta’ ċittadini mhux tal-UE mingħajr dritt ta’ soġġorn jew ta’ kisba ta’ dokumenti tal-ivvjaġġar.

    Kooperazzjoni aktar b’saħħitha ma’ pajjiżi li mhumiex fl-UE

    L-aġenzija se tkun tista’ — soġġett għal ftehim minn qabel tal-pajjiż ikkonċernat — tniedi operazzjonijiet konġunti u tibgħat persunal barra l-UE, lil hinn mill-pajjiżi ġirien tal-UE, biex tipprovdi appoġġ fuq il-ġestjoni tal-fruntieri.

    Uffiċċji antenna

    L-aġenzija se tkun tista’ twaqqaf uffiċċji antenna fi Stati Membri u f’pajjiż mhux tal-UE (soġġett għal ftehim dwar l-istatus) biex tappoġġja loġistikament l-attivitajiet operattivi tagħha u tiggarantixxi t-tmexxija bla xkiel tal-operazzjonijiet.

    Sistema Ewropea ta’ Sorveljanza tal-Fruntieri (Eurosur)

    • Biex itejjeb l-operat ta’ Eurosur, ir-Regolament jinkorporah fil-funzjonament tal-Gwardja Ewropea tal-Fruntiera u tal-Kosta.
    • Ir-Regolament ikabbar l-ambitu ta’ Eurosur biex ikopri ħafna mill-komponenti tal-ġestjoni integrata Ewropea tal-fruntieri. Dan ifisser li jkunu jistgħu jiġu skoperti, antiċipati u jsiru reazzjonijiet għal sitwazzjonijiet ta’ kriżi fil-fruntieri esterni tal-UE u f’pajjiżi li mhumiex fl-UE.
    • Att ta’ implimentazzjonital-Kummissjoni Ewropea, ir-regolament ta’ implimentazzjoni (UE) 2021/581 jistabbilixxi r-regoli dwar l-iskambju ta’ informazzjoni u l-kooperazzjoni għall-iskopijiet tal-Eurosur, inkluż għarfien dwar is-sitwazzjoni, analiżi tar-riskju u għall-appoġġ tal-ippjanar u t-twettieq ta’ operazzjonijiet għall-kontroll tal-fruntiera. Din tistabbilixxi:
      • ir-regoli għar-rappurtar fil-Eurosur, inkluż it-tip ta’ informazzjoni li għandha tiġi provduta u l-limiti taż-żmien għar-rappurtar;
      • id-dettalji tas-saffi tal-informazzjoni* tal-istampi tas-sitwazzjonijiet*;
      • il-proċeduri biex tistabbilixxi stampi dwar sitwazzjonijiet speċifiċi;
      • ir-responsabbiltajiet relatati mar-rappurtaġġ, mal-ġestjoni tal-istampi tas-sitwazzjonijiet u għall-operat u l-manteniment tas-sistemi varji tekniċi u n-netwerks li jsostnu l-Eurosur;
      • Is-sigurtà tad-data tal-Eurosur u r-regoli tal-protezzjoni tad-data;
      • mekkaniżmi tal-kontroll tal-kwalità.

    Tħassir

    Huwa jħassar ir-Regolamenti (UE) Nru 1052/2013 dwar l-Eurosur mill-4 ta’ Diċembru 2019 u (UE) 2016/1624 mill-31 ta’ Diċembru 2020.

    MINN META JAPPLIKA R-REGOLAMENT?

    • Huwa japplika mill-4 ta’ Diċembru 2019.

    SFOND

    Għal aktar informazzjoni, ara:

    TERMINI EWLENIN

    Ritorn: il-proċess ta’ ċittadin mhux tal-UE li jmur lura b’mod volontarju jew infurzat lejn il-pajjiż ta’ oriġini tiegħu, pajjiż ta’ tranżitu miftiehem, jew Stat Membru ieħor tal-UE li l-persuna kkonċernata tiddeċiedi li tirritorna lejh b’mod volontarju u fejn ser tiġi aċċettata.
    Saffi tal-informazzjoni: l-istampi tas-sitwazzjonijiet (ara d-daħla li jmiss) fihom tlett saffi ta’ informazzjoni:
    • saff dwar avvenimenti (rapporti dwar avvenimenti li jista’ jkollhom impatt fuq il-fruntiera esterna);
    • saff operazzjonali (rapporti dwar l-assi tal-Istati Membri, rapporti dwar pjanijiet operazzjonali, kif ukoll rapporti dwar informazzjoni ambjentali, inkluż b’mod partikolari informazzjoni meteoroloġika u oċeanografika); u
    • saff ta’ analiżi, ibbażat fuq rapporti ta’ analiżi tar-riskji. Rapporti ta’ analiżi għandhom l-għan li jtejbu l-ftehim tal-avvenimenti fuq il-fruntiera esterna, li jistgħu jiffaċilitaw it-tbassir ta’ xejriet, l-ippjanar u t-twettieq tal-operazzjonijiet ta’ kontroll fuq il-fruntiera kif ukoll l-analiżi strateġika tar-riskji.
    Stampi tas-sitwazzjonijiet: dawn fihom informazzjoni dwar is-sitwazzjoni fuq il-fruntieri Ewropej u ż-żona ta’ qabilha.

    DOKUMENT EWLIENI

    Ir-Regolament (UE) 2019/1896 tal-Parlament Ewropew u tal-Kunsill tat-13 ta’ Novembru 2019 dwar il-Gwardja Ewropea tal-Fruntiera u tal-Kosta u li jħassar ir-Regolamenti (UE) Nru 1052/2013 u (UE) 2016/1624 (ĠU L 295, 14.11.2019, p. 1-131)

    DOKUMENTI RELATATI

    Ir-Regolament ta’ Implimentazzjoni tal-Kummissjoni (UE) 2021/581 tad-9 ta’ April 2021 dwar stampi tas-sitwazzjonijiet tas-Sistema Ewropea dwar is-Sorveljanza tal-Fruntiera (EUROSUR) (ĠU L 124, 12.4.2021, pp. 3-39)

    Ir-Regolament (UE) 2016/399 tal-Parlament Ewropew u tal-Kunsill tad-9 ta’ Marzu 2016 dwar Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Kodiċi tal-Fruntieri ta’ Schengen) (ĠU L 77, 23.3.2016, pp. 1-52)

    L-emendi suċċessivi għar-Regolament (UE) 2016/399 ġew inkorporati fit-test oriġinali. Din il-verżjoni konsolidata għandha valur dokumentarju biss.

    l-aħħar aġġornament 29.05.2021

    Fuq