Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32013R1316

Faċilità Nikkollegaw l-Ewropa

Status legali tad-dokument Din it-taqsira ġiet arkivjata u mhux se tkun aġġornata Ara 'Il-Faċilità Nikkollegaw l-Ewropa (2021–2027)' għall-informazzjoni aġġornata dwar is-suġġett.

Datatal-aħħarreviżjoni:
29/04/2019
Data tal-ħolqien inizjali:
11/06/2014
Kodiċitat-taqsira:
  • 18.99.00.00 Taqsiriet arkivjati
  • 26.99.00.00 Taqsiriet arkivjati
  • 32.99.00.00 Taqsiriet arkivjati
EUROVOC descriptor:
Kodiċi tad-direttorju:
Dokument(i) mqassar/mqassra:
Awtur:
Uffiċċju tal-Pubblikazzjonijiet tal-Unjoni Ewropea
Entita(jiet) responsabbli:
Il-Kunsill tal-Unjoni Ewropea
  • Arkivjata: true

    • Faċilità Nikkollegaw l-Ewropa

     

    SOMMARJU TA’:

    Regolament (UE) Nru 1316/2013 li jistabbilixxi l-Faċilità Nikkollegaw l-Ewropa

    X’INHU L-GĦAN TAR-REGOLAMENT?

    Dan jistabbilixxi l-Faċilità Nikkollegaw l-Ewropa (FNE) li tappoġġja proġetti ta’ interess komuni (jiġifieri, interess għall-UE kollha kemm hi) għal infrastruttura fl-oqsma ta’:

    • trasport;
    • telekomunikazzjoni; u
    • enerġija.

    L-għan aħħari tagħha huwa li tħaffef l-investiment f’netwerks trans-Ewropej u li ġġib finanzjament mis-setturi pubbliċi u privati.

    Din tistabbilixxi wkoll l-ammont ta’ flus li għandu jkun disponibbli mill-2014 sal-2020 u għal liema oqsma.

    Din ġiet emendata diversi drabi, bl-aktar darba riċenti:

    PUNTI EWLENIN

    Tgħin biex toħloq tkabbir ekonomiku sostenibbli

    Il-Kummissjoni Ewropea tara l-ħolqien ta’ trasport effiċjenti u netwerks tal-infrastruttura tal-enerġija bħala mod ewlieni ta’ kif tagħti spinta lit-tkabbir u żżid il-fiduċja fis-suq uniku tal-UE.

    B’mod partikolari, il-FNE tappoġġja proġetti li għandhom l-għan li jiżviluppaw u jibnu infrastruttura u servizzi ġodda jew li jaġġornaw infrastruttura u servizzi eżistenti. Wieħed mill-objettivi ġenerali tagħha huwa li tikkontribwixxi għat-tkabbir ekonomiku billi tiżviluppa netwerks trans-Ewropej moderni u ta’ prestazzjoni għolja li jikkunsidraw il-flussi tat-traffiku futuri mistennija.

    Żvilupp sostenibbli

    Objettiv ġenerali ieħor tal-FNE huwa li tgħin lill-UE tilħaq il-miri tal-iżvilupp sostenibbli tagħha (tnaqqis ta’ 20 % fl-emissjonijiet tal-gassijiet serra meta mqabbel mal-livelli tal-1990, żieda ta’ 20 % fl-effiċjenza fl-enerġija u ż-żieda tas-sehem tal-enerġija rinnovabbli għal 20 % sal-2020).

    Is-settur tat-trasport għandu jkun l-akbar benefiċjarju

    Il-baġit total tal-FNE mill-2014 sal-2020 jammonta għal madwar €33 biljun. Dan huwa maqsum kif ġej:

    • madwar €26 biljun għat-trasport;
    • madwar €1 biljun għat-telekomunikazzjoni; u
    • madwar €6 biljun fuq is-settur tal-enerġija.

    Atti delegati

    Il-Kummissjoni adattat 2 atti delegati li jissupplimentaw ir-Regolament (UE) Nru 1316/2013 fir-rigward ta’ prijoritajiet ta’ finanzjament tat-trasport:

    Emenda fl-2017 tar-Regolament (UE) Nru 1316/2013

    Ir-Regolament (UE) 2017/2396 fl-emendar tar-Regolament FEIS (ir-Regolament (UE) 2015/1017) jestendi d-durata tal-FEIS u jintroduċi xi titjib tekniku. Barra minn hekk, dan jemenda r-Regolament FNE billi jittrasferixxi parti tal-baġit mhux minfuqa tal-FNE, kif ukoll flus mid-dħul u l-ħlas lura mill-Istrument ta’ Dejn tal-FNE u mill-Fond Ewropew 2020 għall-Enerġija, it-Tibdil fil-Klima u l-Infrastruttura (il-“Fond Marguerite” — fond li jinvesti fl-enerġija, fis-sorsi rinnovabbli, fit-trasport u fl-infrastruttura diġitali) fil-FEIS.

    Emenda fl-2018 tar-Regolament (UE) Nru 1316/2013

    Ir-Regolament (UE, Euratom) 2018/1046 emenda r-Regolament (UE) Nru 1316/2013 billi introduċa Artikolu ġdid (l-Artikolu 16a) li joffri l-possibbiltà li jiġu stabbiliti faċilitajiet ta’ taħlit tal-FNE li l-azzjonijiet tagħhom kollha li jikkontribwixxu għal proġetti ta’ interess komuni jkunu eleġibbli biex jirċievu finanzjament. Il-kontribuzzjoni globali tal-faċilitajiet ta’ taħlit tal-FNE mill-baġit tal-UE ma tistax taqbeż 10 % tal-allokazzjoni finanzjarja globali għall-FNE.

    MINN META JAPPLIKA R-REGOLAMENT?

    Dan ilu japplika mill-1 ta’ Jannar 2014.

    SFOND

    TERMINI EWLENIN

    Faċilità ta’ taħlit: arranġament ta’ kooperazzjoni stabbilit bejn il-Kummissjoni u l-iżvilupp jew istituzzjonijiet tal-finanzi pubbliċi oħra bl-għan li jikkombinaw forom ta’ appoġġ li ma jistgħux jerġgħu jitħallsu u/jew strumenti finanzjarji u/jew garanziji baġitarji mill-baġit u forom ta’ appoġġ li jistgħu jerġgħu jitħallsu mill-iżvilupp jew istituzzjonijiet tal-finanzi pubbliċi oħrajn, kif ukoll minn istituzzjonijiet tal-finanzi tas-settur privat u investituri tas-settur privat.

    DOKUMENT EWLIENI

    Regolament (UE) Nru 1316/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi l-Faċilità Nikkollegaw l-Ewropa, li jemenda r-Regolament (UE) Nru 913/2010 u jħassar ir-Regolamenti (KE) Nru 680/2007 u (KE) Nru 67/2010 (ĠU L 348, 20.12.2013, pp. 129-171)

    L-emendi suċċessivi għar-Regolament (UE) Nru 1316/2013 ġew inkorporati fit-test oriġinali. Din il-verżjoni konsolidata hija ta’ valur dokumentarju biss.

    DOKUMENTI RELATATI

    Regolament Delegat tal-Kummissjoni (UE) 2016/1649 tat-8 ta’ Lulju 2016 li jissupplimenta r-Regolament (UE) Nru 1316/2013 tal-Parlament Ewropew u tal-Kunsill li jistabbilixxi l-Faċilità Nikkollegaw l-Ewropa (ĠU L 247, 15.9.2016, pp. 1-4)

    Regolament ta’ Delega tal-Kummissjoni (UE) Nru 275/2014 tas-7 ta’ Jannar 2014 li jemenda l-Anness I tar-Regolament (UE) Nru 1316/2013 tal-Parlament Ewropew u tal-Kunsill li jistabbilixxi l-Faċilità Nikkollegaw l-Ewropa (ĠU L 80, 19.3.2014, pp. 1-4)

    l-aħħar aġġornament 29.04.2019

    Fuq