EUR-Lex Access to European Union law
This document is an excerpt from the EUR-Lex website
Document 32022D0532
Commission Implementing Decision (EU) 2022/532 of 1 April 2022 establishing a list of geographical indications protected under Regulation (EU) No 1151/2012 of the European Parliament and of the Council to be filed as applications for international registration pursuant to Article 2 of Regulation (EU) 2019/1753 of the European Parliament and of the Council (Notified under document C(2022)1957)
Deċiżjoni ta’ Implimentazzjoni tal-Kummissjoni (UE) 2022/532 tal-1 ta’ April 2022 li tistabbilixxi lista ta’ Indikazzjonijiet Ġeografiċi Protetti skont ir-Regolament (UE) Nru 1151/2012 tal-Parlament Ewropew u tal-Kunsill li jridu jiġu rreġistrati bħala applikazzjonijiet għal reġistrazzjoni internazzjonali skont l-Artikolu 2 tar-Regolament (UE) 2019/1753 tal-Parlament Ewropew u tal-Kunsill (notifikata bid-dokument C(2022) 1957)
Deċiżjoni ta’ Implimentazzjoni tal-Kummissjoni (UE) 2022/532 tal-1 ta’ April 2022 li tistabbilixxi lista ta’ Indikazzjonijiet Ġeografiċi Protetti skont ir-Regolament (UE) Nru 1151/2012 tal-Parlament Ewropew u tal-Kunsill li jridu jiġu rreġistrati bħala applikazzjonijiet għal reġistrazzjoni internazzjonali skont l-Artikolu 2 tar-Regolament (UE) 2019/1753 tal-Parlament Ewropew u tal-Kunsill (notifikata bid-dokument C(2022) 1957)
C/2022/1957
OJ L 105, 4.4.2022, p. 57–59
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
4.4.2022 |
MT |
Il-Ġurnal Uffiċjali tal-Unjoni Ewropea |
L 105/57 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2022/532
tal-1 ta’ April 2022
li tistabbilixxi lista ta’ Indikazzjonijiet Ġeografiċi Protetti skont ir-Regolament (UE) Nru 1151/2012 tal-Parlament Ewropew u tal-Kunsill li jridu jiġu rreġistrati bħala applikazzjonijiet għal reġistrazzjoni internazzjonali skont l-Artikolu 2 tar-Regolament (UE) 2019/1753 tal-Parlament Ewropew u tal-Kunsill
(notifikata bid-dokument C(2022) 1957)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/1753 tal-Parlament Ewropew u tal-Kunsill tat-23 ta’ Ottubru 2019 dwar l-azzjoni tal-Unjoni wara l-adeżjoni tagħha mal-Att ta’ Ġinevra tal-Ftehim ta’ Lisbona dwar id-Denominazzjonijiet ta’ Oriġini u l-Indikazzjonijiet Ġeografiċi (1), u b’mod partikolari l-Artikolu 2(3) tiegħu,
Billi:
(1) |
L-Att ta’ Ġinevra tal-Ftehim ta’ Lisbona dwar id-Denominazzjonijiet ta’ Oriġini u l-Indikazzjonijiet Ġeografiċi (2) (“l-Att ta’ Ġinevra”) huwa ftehim internazzjonali li permezz tiegħu l-Partijiet Kontraenti jimplimentaw sistema ta’ protezzjoni reċiproka tad-Denominazzjonijiet ta’ Oriġini u tal-Indikazzjonijiet Ġeografiċi. |
(2) |
Wara d-Deċiżjoni tal-Kunsill (UE) 2019/1754 (3) dwar l-adeżjoni tal-Unjoni mal-Att ta’ Ġinevra, l-Unjoni ddepożitat l-istrument tal-adeżjoni mal-Att ta’ Ġinevra fis-26 ta’ Novembru 2019. L-adeżjoni tal-Unjoni mal-Att ta’ Ġinevra daħlet fis-seħħ fis-26 ta’ Frar 2020. Peress li l-Unjoni kienet il-ħames Parti Kontraenti li aderiet mal-Att ta’ Ġinevra, l-Att ta’ Ġinevra daħal fis-seħħ fl-istess data, f’konformità mal-Artikolu 29(2) tal-Att ta’ Ġinevra. |
(3) |
F’konformità mal-Artikolu 5(1) u (2) tal-Att ta’ Ġinevra, l-Awtoritajiet Kompetenti ta’ kull Parti Kontraenti għall-Att ta’ Ġinevra jistgħu jippreżentaw applikazzjonijiet għar-reġistrazzjoni internazzjosnali ta’ Denominazzjoni ta’ Oriġini jew ta’ Indikazzjoni Ġeografika mal-Bureau Internazzjonali tal-Organizzazzjoni Dinjija tal-Proprjetà Intellettwali, li jirreġistraha fir-Reġistru Internazzjonali. F’konformità mal-Artikolu 9 tal-Att ta’ Ġinevra, il-Partijiet Kontraenti l-oħra jistgħu jiddeċiedu jekk jipproteġux dik id-Denominazzjoni ta’ Oriġini jew l-Indikazzjoni Ġeografika fit-territorji tagħhom fl-aħħar u fid-dawl ta’ proċedura speċifika ta’ skrinjar. |
(4) |
F’konformità mal-Artikolu 1(2) tar-Regolament (UE) 2019/1753, għall-fini ta’ dak ir-Regolament u tal-atti adottati skontu, it-terminu “Indikazzjonijiet Ġeografiċi” jkopri d-Denominazzjonijiet ta’ Oriġini Protetti u l-Indikazzjonijiet Ġeografiċi Protetti fit-tifsira tar-Regolament (UE) Nru 1151/2012 tal-Parlament Ewropew u tal-Kunsill (4). |
(5) |
F’konformità mal-Artikolu 2(1) tar-Regolament (UE) 2019/1753, bħala l-Awtorità Kompetenti tal-Unjoni, il-Kummissjoni għandha s-setgħa li, mal-adeżjoni tal-Unjoni mal-Att ta’ Ġinevra u minn hemm ’il quddiem fuq bażi regolari, tirreġistra applikazzjonijiet għar-reġistrazzjoni internazzjonali tad-Denominazzjonijiet ta’ Oriġini u tal-Indikazzjonijiet Ġeografiċi tal-Unjoni mal-Bureau Internazzjonali. |
(6) |
Bejn Novembru u Diċembru 2021, l-Istati Membri, f’konformità mal-Artikolu 2(2) tar-Regolament (UE) 2019/1753, bagħtu 18-il talba lill-Kummissjoni biex jirreġistraw fir-Reġistru Internazzjonali Denominazzjonijiet ta’ Oriġini Protetti u Indikazzjonijiet Ġeografiċi Protetti li joriġinaw fit-territorju tagħhom u li huma protetti f’konformità mar-Regolament (UE) Nru 1151/2012. |
(7) |
Jenħtieġ li l-ismijiet protetti f’konformità mar-Regolament (UE) Nru 1151/2012 bħala Denominazzjonijiet ta’ Oriġini Protetti (DOP) u Indikazzjonijiet Ġeografiċi Protetti (IĠP) jiġu ppreżentati bħala applikazzjonijiet għar-reġistrazzjoni fir-Reġistru Internazzjonali bħala Denominazzjonijiet ta’ Oriġini u Indikazzjonijiet Ġeografiċi rispettivament. |
(8) |
Għalhekk jenħtieġ li tiġi stabbilita lista ta’ Denominazzjonijiet ta’ Oriġini Protetti (DOP) u Indikazzjonijiet Ġeografiċi Protetti (IĠP), ibbażata fuq dawk it-talbiet tal-Istati Membri lill-Kummissjoni biex jiġu ppreżentati applikazzjonijiet għar-reġistrazzjoni internazzjonali ta’ Indikazzjonijiet Ġeografiċi li joriġinaw fit-territorju tagħhom u li huma protetti fl-Unjoni f’konformità mar-Regolament (UE) Nru 1151/2012. |
(9) |
Il-miżuri previsti f’din id-Deċiżjoni huma skont l-opinjoni tal-Kumitat tal-Politika dwar il-Kwalità tal-Prodotti Agrikoli, |
IDDEĊIDIET KIF ĠEJ:
Artikolu Uniku
Fl-Anness ta’ din id-Deċiżjoni hija stabbilita lista ta’ Denominazzjonijiet ta’ Oriġini Protetti u Indikazzjonijiet Ġeografiċi Protetti skont ir-Regolament (UE) Nru 1151/2012 li jridu jiġu rreġistrati bħala applikazzjonijiet għal reġistrazzjoni internazzjonali mill-Kummissjoni.
Magħmul fi Brussell, l-1 ta’ April 2022.
Għall-Kummissjoni
Janusz WOJCIECHOWSKI
Membru tal-Kummissjoni
(1) ĠU L 271, 24.10.2019, p. 1.
(2) ĠU L 271, 24.10.2019, p. 15.
(3) Id-Deċiżjoni tal-Kunsill (UE) 2019/1754 tas-7 ta’ Ottubru 2019 dwar l-adeżjoni tal-Unjoni Ewropea mal-Att ta’ Ġinevra tal-Ftehim ta’ Lisbona dwar id-Denominazzjonijiet ta’ Oriġini u l-Indikazzjonijiet Ġeografiċi (ĠU L 271, 24.10.2019, p. 12).
(4) Ir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (ĠU L 343, 14.12.2012, p. 1).
ANNESS
Lista ta’ Indikazzjonijiet Ġeografiċi Protetti fl-Unjoni f’konformità mar-Regolament (UE) Nru 1151/2012 (Denominazzjonijiet tal-Oriġini Protetti u Indikazzjonijiet Ġeografiċi Protetti) għandhom jiġu ppreżentati bħala applikazzjonijiet għal reġistrazzjoni internazzjonali skont l-Artikolu 2 tar-Regolament (UE) 2019/1753
Il-Ġermanja
— |
Kölsch (IĠP) |
Il-Greċja
— |
Ελιά Καλαμάτας/Elia Kalamatas (DOP) |
— |
Γραβιέρα Νάξου/Graviera Naxou (DOP) |
— |
Κονσερβολιά Ροβίων/Konservolia Rovion (DOP) |
— |
Μαστίχα Χίου/Masticha Chiou (DOP) |
Franza
— |
Huile d’olive de Haute-Provence (DOP) |
— |
Morbier (DOP) |
— |
Piment d’Espelette/Piment d’Espelette - Ezpeletako Biperra (DOP) |
— |
Canard à foie gras du Sud-Ouest (Chalosse, Gascogne, Gers, Landes, Périgord, Quercy) (IĠP) |
— |
Emmental français est-central (IĠP) |
— |
Emmental de Savoie (IĠP) |
— |
Huîtres Marennes Oléron (IĠP) |
— |
Jambon de Bayonne (IĠP) |
— |
Pruneaux d’Agen (IĠP) |
— |
Tomme de Savoie (IĠP) |
L-Italja
— |
Finocchiona (IĠP) |
Ir-Rumanija
— |
Telemea de Ibăneşti (DOP) |
— |
Magiun de prune Topoloveni (IĠP) |