EUR-Lex Access to European Union law
This document is an excerpt from the EUR-Lex website
Document 32018D0301
Commission Implementing Decision (EU) 2018/301 of 26 February 2018 amending Implementing Decision (EU) 2017/926 on the clearance of the accounts of the paying agencies of Member States concerning expenditure financed by the European Agricultural Fund for Rural Development (EAFRD) for financial year 2016 (notified under document C(2018) 1078)
Deċiżjoni ta' Implimentazzjoni tal-Kummissjoni (UE) 2018/301 tas-26 ta' Frar 2018 li temenda d-Deċiżjoni ta' Implimentazzjoni tal-Kummissjoni (UE) 2017/926 dwar l-approvazzjoni tal-kontijiet li jikkonċernaw in-nefqa ffinanzjata mill-Fond Agrikolu Ewropew għall-Iżvilupp Rurali (FAEŻR) għas-sena finanzjarja 2016 tal-aġenziji tal-pagamenti tal-Istati Membri (notifikata bid-dokument C(2018) 1078)
Deċiżjoni ta' Implimentazzjoni tal-Kummissjoni (UE) 2018/301 tas-26 ta' Frar 2018 li temenda d-Deċiżjoni ta' Implimentazzjoni tal-Kummissjoni (UE) 2017/926 dwar l-approvazzjoni tal-kontijiet li jikkonċernaw in-nefqa ffinanzjata mill-Fond Agrikolu Ewropew għall-Iżvilupp Rurali (FAEŻR) għas-sena finanzjarja 2016 tal-aġenziji tal-pagamenti tal-Istati Membri (notifikata bid-dokument C(2018) 1078)
C/2018/1078
OJ L 56, 28.2.2018, p. 62–65
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
28.2.2018 |
MT |
Il-Ġurnal Uffiċjali tal-Unjoni Ewropea |
L 56/62 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/301
tas-26 ta' Frar 2018
li temenda d-Deċiżjoni ta' Implimentazzjoni tal-Kummissjoni (UE) 2017/926 dwar l-approvazzjoni tal-kontijiet li jikkonċernaw in-nefqa ffinanzjata mill-Fond Agrikolu Ewropew għall-Iżvilupp Rurali (FAEŻR) għas-sena finanzjarja 2016 tal-aġenziji tal-pagamenti tal-Istati Membri
(notifikata bid-dokument C(2018) 1078)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1306/2013 tal-Parlament Ewropew u tal-Kunsill tas-17 ta' Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (1), u b'mod partikulari l-Artikolu 51 tiegħu,
Wara li kkonsultat mal-Kumitat dwar il-Fondi Agrikoli,
Billi:
(1) |
Id-Deċiżjoni ta' Implimentazzjoni tal-Kummissjoni (UE) 2017/926 (2) approvat il-kontijiet tal-aġenziji kollha tal-pagamenti għas-sena finanzjarja tal-2016 marbutin mal-perjodu ta' programmazzjoni tal-2014 sal-2020, minbarra dawk tal-aġenzija tal-pagamenti Bulgara msejħa “State Fund Agriculture”, dawk tal-aġenzija tal-pagamenti Daniża msejħa “Danish AgriFish Agency”, dawk tal-aġenzija tal-pagamenti Franċiża msejħa “Office du Développement Agricole et Rural de Corse”, dawk tal-aġenzija tal-pagamenti Ungeriża msejħa “Agriculture and Rural Development Agency”, dawk tal-aġenziji tal-pagamenti Taljani msejħin “Agenzia per le Erogazioni in Agricoltura” u “Agenzia della regione Calabria per le Erogazioni in Agricoltura”, dawk tal-aġenzija tal-pagamenti Maltija msejħa “Agriculture and Rural Payments Agency” u dawk tal-aġenzija tal-pagamenti Slovakka msejħa “Agricultural Paying Agency”. |
(2) |
L-Artikolu 54(4) tar-Regolament (UE) Nru 1306/2013 jeżiġi li l-Istati Membri jehmżu, mal-kontijiet annwali li jridu jibagħtu lill-Kummissjoni skont l-Artikolu 29 tar-Regolament ta' Implimentazzjoni tal-Kummissjoni (UE) Nru 908/2014 (3), tabella ċċertifikata li turi l-ammonti li jkollhom jagħmlu tajjeb għalihom huma skont l-Artikolu 54(2) tar-Regolament (UE) Nru 1306/2013. Ir-regoli dwar l-applikazzjoni tal-obbligu tal-Istati Membri li jirrappurtaw l-ammonti li jridu jiġu rkuprati huma stabbiliti fir-Regolament ta' Implimentazzjoni tal-Kummissjoni (UE) Nru 908/2014. L-Anness II tar-Regolament ta' Implimentazzjoni tal-Kummissjoni (UE) Nru 908/2014 jagħti l-mudell tat-tabella li l-Istati Membri jridu jużaw biex jipprovdu l-informazzjoni dwar l-ammonti li jridu jiġu rkuprati fl-2016. Jenħtieġ li l-Kummissjoni tiddeċiedi dwar il-konsegwenzi finanzjarji tan-nuqqas ta' rkupru tal-irregolaritajiet li jmorru lura għal iżjed minn erba' snin jew għal iżjed minn tmien snin rispettivament abbażi tat-tabelli li l-Istati Membri jkunu mlew. |
(3) |
Skont l-Artikolu 54(3) tar-Regolament (UE) Nru 1306/2013, għal raġunijiet iġġustifikati kif xieraq, l-Istati Membri jistgħu jiddeċiedu li ma jsegwux irkupru. It-tali deċiżjoni tista' tittieħed biss jekk l-ispejjeż li jkunu saru diġà u li x'aktarx ikunu se jsiru b'kollox ikunu aktar mill-ammont li jkollu jiġi rkuprat, jew jekk l-irkupru jirriżulta impossibbli minħabba l-insolvenza, irreġistrata u rrikonoxxuta skont il-liġi nazzjonali, tad-debitur jew tal-persuni legalment responsabbli mill-irregolarità. Jekk id-deċiżjoni tittieħed fi żmien erba' snin mid-data tat-talba għall-irkupru, jew fi żmien tmien snin f'każ li l-irkupru jinkiseb permezz tal-qrati nazzjonali, il-konsegwenzi finanzjarji kollha tan-nuqqas ta' rkupru jridu jitħallsu mill-baġit tal-Unjoni. L-ammonti li għalihom Stat Membru partikulari jkun iddeċieda li ma jsegwix l-irkupru u r-raġunijiet għad-deċiżjoni tiegħu jridu jiddaħħlu fil-kontijiet annwali skont l-Artikolu 29(e) tar-Regolament ta' Implimentazzjoni tal-Kummissjoni (UE) Nru 908/2014, imsemmijin fl-Artikolu 102(1)(c)(iii) tar-Regolament (UE) Nru 1306/2013. Għalhekk, jenħtieġ li t-tali ammonti ma jiġġarrbux mill-Istati Membri kkonċernati iżda jitħallsu mill-baġit tal-Unjoni minflok. |
(4) |
L-Anness III tad-Deċiżjoni ta' Implimentazzjoni (UE) 2017/926 jistabbilixxi l-ammonti li jridu jitħallsu mill-Istati Membri minħabba l-applikazzjoni tal-Artikolu 54(2) tar-Regolament (UE) Nru 1306/2013 għall-perjodu ta' programmazzjoni tal-2014 sal-2020 għall-Fond Agrikolu Ewropew għall-Iżvilupp Rurali (l-FAEŻR). |
(5) |
Minħabba l-applikazzjoni tal-Artikolu 54(2) tar-Regolament (UE) Nru 1306/2013 għall-perjodu ta' programmazzjoni tal-2007 sal-2013 għall-FAEŻR, għad hemm ammonti li jridu jitħallsu mill-Istati Membri. |
(6) |
Sabiex tingħata l-istampa kollha tal-ammonti li l-Istati Membri jridu jħallsu għall-FAEŻR, irrispettivament mill-perjodu ta' programmazzjoni, u għal raġunijiet ta' effiċjenza amministrattiva, jenħtieġ li d-Deċiżjoni ta' Implimentazzjoni (UE) 2017/926 tiġi emendata kif xieraq, |
ADOTTAT DIN ID-DEĊIŻJONI:
Artikolu 1
Id-Deċiżjoni ta' Implimentazzjoni (UE) 2017/926 hija emendata kif ġej:
(1) |
l-Artikolu 3 huwa sostitwit b'dan li ġej: “Artikolu 3 L-ammonti li jridu jitħallsu mill-Istati Membri minħabba l-applikazzjoni tal-Artikolu 54(2) tar-Regolament (UE) Nru 1306/2013 għall-perjodu ta' programmazzjoni tal-2014 sal-2020 għall-Fond Agrikolu Ewropew għall-Iżvilupp Rurali (l-FAEŻR), huma stabbiliti fl-Anness III ta' din id-Deċiżjoni. L-ammonti li jridu jitħallsu mill-Istati Membri minħabba l-applikazzjoni tal-Artikolu 54(2) tar-Regolament (UE) Nru 1306/2013 għall-perjodu ta' programmazzjoni tal-2007 sal-2013 għall-Fond Agrikolu Ewropew għall-Iżvilupp Rurali (l-FAEŻR), huma stabbiliti fl-Anness IV ta' din id-Deċiżjoni.”; |
(2) |
it-test mogħti fl-Anness ta' din id-Deċiżjoni jiżdied fid-Deċiżjoni ta' Implimentazzjoni (UE) 2017/926 bħala l-Anness IV tagħha. |
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, is-26 ta' Frar 2018.
Għall-Kummissjoni
Phil HOGAN
Membru tal-Kummissjoni
(1) ĠU L 347, 20.12.2013, p. 549.
(2) Id-Deċiżjoni ta' Implimentazzjoni tal-Kummissjoni (UE) 2017/926 tad-29 ta' Mejju 2017 dwar l-approvazzjoni tal-kontijiet li jikkonċernaw in-nefqa ffinanzjata mill-Fond Agrikolu Ewropew għall-Iżvilupp Rurali (FAEŻR) għas-sena finanzjarja 2016 tal-aġenziji tal-pagamenti tal-Istati Membri (ĠU L 140, 31.5.2017, p. 15).
(3) Ir-Regolament ta' Implimentazzjoni tal-Kummissjoni (UE) Nru 908/2014 tas-6 ta' Awwissu 2014 li jistabbilixxi r-regoli għall-applikazzjoni tar-Regolament (UE) Nru 1306/2013 tal-Parlament Ewropew u tal-Kunsill fir-rigward tal-aġenziji tal-pagamenti u korpi oħra, il-ġestjoni finanzjarja, l-approvazzjoni ta' kontijiet, ir-regoli dwar kontrolli, garanziji u trasparenza (ĠU L 255, 28.8.2014, p. 59).
ANNESS
ANNESS IV
APPROVAZZJONI TAL-KONTIJIET TAL-AĠENZIJI TAL-PAGAMENTI
IS-SENA FINANZJARJA TAL-2016 - L-FAEŻR
Korrezzjonijiet skont l-Artikolu 54(2) tar-Regolament (UE) Nru 1306/2013 (*1)
Stat Membru |
Munita |
Fil-munita nazzjonali |
F'EUR |
AT |
EUR |
— |
— |
BE |
EUR |
— |
— |
BG (*2) |
BGN |
— |
— |
CY |
EUR |
— |
— |
CZ |
CZK |
36 969,05 |
— |
DE |
EUR |
— |
41 455,51 |
DK (*2) |
DKK |
|
— |
EE |
EUR |
— |
233 063,44 |
ES |
EUR |
— |
260 699,62 |
FI |
EUR |
— |
4 602,87 |
FR (*2) |
EUR |
— |
601 073,78 |
UK |
GBP |
9 169,51 |
— |
EL |
EUR |
— |
34 706,51 |
HR |
HRK |
— |
— |
HU (*2) |
HUF |
— |
— |
IE |
EUR |
— |
179 494,91 |
IT (*2) |
EUR |
|
67 180,48 |
LT |
EUR |
— |
— |
LU |
EUR |
— |
— |
LV |
EUR |
— |
475,29 |
MT (*2) |
EUR |
— |
— |
NL |
EUR |
— |
— |
PL |
PLN |
1 563 681,20 |
— |
PT |
EUR |
— |
22 273,99 |
RO |
RON |
125 075,98 |
— |
SE |
SEK |
378 568,89 |
— |
SI |
EUR |
— |
497,82 |
SK (*2) |
EUR |
— |
— |
(*1) Dan l-Anness jagħti biss il-korrezzjonijiet marbutin mal-perjodu ta' programmazzjoni tal-2007 sal-2013.
(*2) Fil-każ tal-aġenziji tal-pagamenti li l-kontijiet tagħhom huma diżassoċjati, it-tnaqqis stabbilit fl-Artikolu 54(2) irid jiġi applikat ladarba l-kontijiet tagħhom jiġu proposti għall-approvazzjoni.