EUR-Lex Access to European Union law
This document is an excerpt from the EUR-Lex website
Document 32018Q0217(01)
Agreement between the European Parliament and the European Commission amending point 4 of the Framework Agreement on relations between the European Parliament and the European Commission
Ftehim bejn il-Parlament Ewropew u l-Kummissjoni Ewropea li jemenda l-punt 4 tal-Ftehim Qafas dwar ir-relazzjonijiet bejn il-Parlament Ewropew u l-Kummissjoni Ewropea
Ftehim bejn il-Parlament Ewropew u l-Kummissjoni Ewropea li jemenda l-punt 4 tal-Ftehim Qafas dwar ir-relazzjonijiet bejn il-Parlament Ewropew u l-Kummissjoni Ewropea
OJ L 45, 17.2.2018, p. 46–46
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/agree_interinstit/2018/217/oj
17.2.2018 |
MT |
Il-Ġurnal Uffiċjali tal-Unjoni Ewropea |
L 45/46 |
FTEHIM BEJN IL-PARLAMENT EWROPEW U L-KUMMISSJONI EWROPEA
li jemenda l-punt 4 tal-Ftehim Qafas dwar ir-relazzjonijiet bejn il-Parlament Ewropew u l-Kummissjoni Ewropea
IL-PARLAMENT EWROPEW U L-KUMMISSJONI EWROPEA,
wara li kkunsidraw it-Trattat dwar l-Unjoni Ewropea, it-Trattat dwar il-Funzjonament tal-Unjoni Ewropea, b'mod partikolari l-Artikolu 295 tiegħu, u t-Trattat li jistabbilixxi l-Komunità Ewropea tal-Enerġija Atomika,
JIFTIEHMU KIF ĠEJ:
Il-punt 4 tal-Ftehim Qafas dwar ir-relazzjonijiet bejn il-Parlament Ewropew u l-Kummissjoni Ewropea (1) huwa sostitwit b'dan li ġej:
“4. |
Kull Membru tal-Kummissjoni għandu jerfa' r-responsabbiltà politika għal azzjoni fil-qasam li jkun responsabbli għalih, bla ma jagħmel ħsara lill-prinċipju tal-kulleġġjalità tal-Kummissjoni. Hija r-responsabbiltà sħiħa tal-President tal-Kummissjoni li jidentifika kull kunflitt ta' interess li jimpedixxi lil xi Membru tal-Kummissjoni milli jaqdi dmirijietu. Il-President tal-Kummissjoni huwa wkoll responsabbli għal kull azzjoni sussegwenti meħuda f'tali ċirkustanzi u għandu immedjatament javża bil-miktub lill-President tal-Parlament. Il-parteċipazzjoni tal-Membri tal-Kummissjoni f'kampanji elettorali hija regolata mill-Kodiċi ta' Kondotta għall-Membri tal-Kummissjoni Ewropea. Il-Membri tal-Kummissjoni jistgħu jipparteċipaw f'kampanji elettorali fl-elezzjonijiet għall-Parlament Ewropew, anki bħala kandidati. Jistgħu jintgħażlu wkoll mill-partiti politiċi Ewropej bħala kandidati prinċipali (‘Spitzenkandidaten’) għall-kariga ta' President tal-Kummissjoni. Il-President tal-Kummissjoni għandu jgħarraf lill-Parlament fi żmien xieraq jekk Membru wieħed jew aktar tal-Kummissjoni humiex se jikkandidaw ruħhom fil-kampanji elettorali tal-elezzjonijiet għall-Parlament, kif ukoll dwar il-miżuri meħuda biex ikun żgurat ir-rispett tal-prinċipji tal-indipendenza, l-integrità u d-diskrezzjoni previsti fl-Artikolu 245 TFUE u fil-Kodiċi ta' Kondotta għall-Membri tal-Kummissjoni Ewropea. Kwalunkwe Membru tal-Kummissjoni li jikkandida ruħu jew jipparteċipa f'kampanja elettorali tal-elezzjonijiet għall-Parlament irid iwiegħed li, matul il-kampanja, ma jaċċettax kariga li ma tkunx konformi mad-dmir tiegħu ta' kunfidenzjalità jew li tikser il-prinċipju tal-kulleġġjalità. Membri tal-Kummissjoni li jikkandidaw irwieħhom jew jipparteċipaw f'kampanji elettorali tal-elezzjonijiet għall-Parlament ma jistgħux jużaw ir-riżorsi umani jew materjali tal-Kummissjoni għal attivitajiet marbuta mal-kampanja elettorali.”. |
Magħmul fi Strasburgu, is-7 ta' Frar 2018.
Għall-Parlament Ewropew
Il-President
A. TAJANI
Għall-Kummissjoni Ewropea
Il-President
Jean-Claude JUNCKER
(1) ĠU L 304, 20.11.2010, p. 47.