EUR-Lex Access to European Union law
This document is an excerpt from the EUR-Lex website
Document 32017R0569
Commission Delegated Regulation (EU) 2017/569 of 24 May 2016 supplementing Directive 2014/65/EU of the European Parliament and of the Council with regard to regulatory technical standards for the suspension and removal of financial instruments from trading (Text with EEA relevance. )
Regolament Delegat tal-Kummissjoni (UE) 2017/569 tal-24 ta' Mejju 2016 li jissupplimenta d-Direttiva 2014/65/UE tal-Parlament Ewropew u tal-Kunsill fir-rigward ta' standards tekniċi regolatorji għas-sospensjoni u t-tneħħija ta' strumenti finanzjarji min-negozjar (Test b'rilevanza għaż-ŻEE. )
Regolament Delegat tal-Kummissjoni (UE) 2017/569 tal-24 ta' Mejju 2016 li jissupplimenta d-Direttiva 2014/65/UE tal-Parlament Ewropew u tal-Kunsill fir-rigward ta' standards tekniċi regolatorji għas-sospensjoni u t-tneħħija ta' strumenti finanzjarji min-negozjar (Test b'rilevanza għaż-ŻEE. )
C/2016/3014
OJ L 87, 31.3.2017, p. 122–123
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
31.3.2017 |
MT |
Il-Ġurnal Uffiċjali tal-Unjoni Ewropea |
L 87/122 |
REGOLAMENT DELEGAT TAL-KUMMISSJONI (UE) 2017/569
tal-24 ta' Mejju 2016
li jissupplimenta d-Direttiva 2014/65/UE tal-Parlament Ewropew u tal-Kunsill fir-rigward ta' standards tekniċi regolatorji għas-sospensjoni u t-tneħħija ta' strumenti finanzjarji min-negozjar
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (1), u b'mod partikolari l-għaxar subparagrafu tal-Artikolu 32(2) u l-għaxar subparagrafu tal-Artikolu 52(2) tiegħu,
Billi:
(1) |
L-objettiv ta' sospensjoni jew tneħħija min-negozjar ta' strument finanzjarju f'xi każijiet mhux se jintlaħaq sakemm ma jiġix sospiż jew jitneħħa wkoll min-negozjar derivattiv ta' tip imsemmi fil-punti (4) sa (10) tat-Taqsima C tal-Anness I tad-Direttiva 2014/65/UE li jkun marbut jew referenzjat ma' dak l-istrument finanzjarju għalih. |
(2) |
Biex tiddetermina l-każijiet fejn il-konnessjoni tkun tali li jkun meħtieġ li jiġu sospiżi jew jitneħħew derivattivi relatati, għandha titqies l-importanza tar-rabta bejn id-derivattiv u l-istrument finanzjarju li jkun sospiż jew jiineħħa min-negozjar. F'dan ir-rigward, għandha ssir distinzjoni bejn derivattiv li l-formazzjoni tal-prezz jew il-valur tiegħu jkun jiddependi fuq il-prezz jew il-valur ta' strument finanzjarju sottostanti waħdieni, u derivattivi li l-prezz jew il-valur tagħhom ikun jiddependi fuq diversi inputs tal-prezzijiet, pereżempju, derivattivi marbuta ma' indiċi jew grupp ta' strumenti finanzjarji. |
(3) |
L-inabbiltà li derivattivi relatati jiġu pprezzati sew, li jwassal għal suq diżorganizzat, għandha titqies bħala l-aktar b'saħħitha fil-każijiet meta d-derivattiv ikun marbut jew referenzjat ma' strument finanzjarju wieħed biss. Meta derivattiv ikun marbut jew referenzjat ma' grupp ta' strumenti finanzjarji jew ma' indiċi li l-istrument finanzjarju sospiż ikun biss parti waħda minnu, il-kapaċità li parteċipanti fis-suq jiddeterminaw il-prezz korrett tkun inqas affettwata. Għaldaqstant, għandhom jitqiesu l-karatteristiċi tar-rabta bejn id-derivattiv u s-sottostanti meta jiġi kkunsidrat l-objettiv globali tas-sospensjoni jew it-tneħħija. |
(4) |
Għandu jitqies li operatur tas-suq għandu jiżgura negozjar ġust, ordnat u effiċjenti fis-suq tiegħu. Barra mill-kamp ta' applikazzjoni ta' dan ir-Regolament, jeħtieġ li operatur tas-suq jagħmel valutazzjoni ta' jekk is-sospensjoni jew it-tneħħija min-negozjar tal-istrument finanzjarju sottostanti jipperikolawx in-negozjar ġust u ordnat tad-derivattiv fiċ-ċentru tan-negozjar tiegħu, fosthom li jieħu azzjoni xierqa bħas-sospensjoni jew it-tneħħija ta' derivattivi relatati fuq inizjattiva tiegħu stess. |
(5) |
L-Artikolu 32(2) u l-Artikolu 52(2) tad-Direttiva 2014/65/UE għandhom japplikaw b'mod konsistenti għat-tipi differenti ta' ċentri tan-negozjar. Huma marbutin mill-qrib, billi jittrattaw l-ispeċifikazzjonijiet tas-sospensjonijiet u tat-tneħħijiet fuq tipi differenti ta' ċentri tan-negozjar. Biex tkun żgurata applikazzjoni konsistenti ta' dawn id-dispożizzjonijiet li għandhom jidħlu fis-seħħ fl-istess ħin, u biex tiġi ffaċilitata perspettiva komprensiva għall-partijiet ikkonċernati u, b'mod partikolari, dawk soġġetti għall-obbligi, jeħtieġ li jiġu kkonsolidati l-istandards tekniċi regolatorji żviluppati skont l-Artikolu 32(2) u l-Artikolu 52(2) tad-Direttiva 2014/65/UE f'Regolament wieħed. |
(6) |
Għal raġunijiet ta' konsistenza u sabiex ikun żgurat il-funzjonament bla xkiel tas-swieq finanzjarji, jeħtieġ li d-dispożizzjonijiet stabbiliti f'dan ir-Regolament u d-dispożizzjonijiet nazzjonali relatati li jittrasponu d-Direttiva 2014/65/UE japplikaw mill-istess data. |
(7) |
Dan ir-Regolament huwa bbażat fuq l-abbozz tal-istandards tekniċi regolatorji sottomessi mill-Awtorità Ewropea tat-Titoli u s-Swieq (ESMA) lill-Kummissjoni. |
(8) |
L-ESMA għamlet konsultazzjonijiet pubbliċi miftuħa dwar l-istandards tekniċi regolatorji abbozzati li fuqhom huwa bbażat dan ir-Regolament, analizzat il-kosti u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit bl-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2), |
ADOTTAT DAN IR-REGOLAMENT:
Artikolu 1
Rabta bejn derivattiv marbut jew referenzjat ma' strument finanzjarju sospiż jew imneħħi min-negozjar u l-istrument finanzjarju oriġinali
Operatur tas-suq ta' suq regolat u ditta ta' investiment jew operatur tas-suq li jopera faċilità multilaterali tan-negozjar (multilateral trading facility, MTF) jew faċilità organizzata tan-negozjar (organised trading facility, OTF) għandu jissospendi jew ineħħi derivattiv imsemmi fil-punti (4) sa (10) tat-Taqsima C tal-Anness I tad-Direttiva 2014/65/UE min-negozjar jekk dak id-derivattiv ikun marbut jew referenzjat ma' strument finanzjarju wieħed biss u jekk dak l-istrument finanzjarju jkun ġie sospiż jew imneħħi min-negozjar.
Artikolu 2
Dħul fis-seħħ u applikazzjoni
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan japplika mit-3 ta' Jannar 2018.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta' Mejju 2016.
Għall-Kummissjoni
Il-President
Jean-Claude JUNCKER
(1) ĠU L 173, 12.6.2014, p. 349.
(2) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).