EUR-Lex Access to European Union law
This document is an excerpt from the EUR-Lex website
Document 32015R0804
Commission Implementing Regulation (EU) 2015/804 of 19 May 2015 concerning the classification of certain goods in the Combined Nomenclature
Regolament ta' Implimentazzjoni tal-Kummissjoni (UE) 2015/804 tad-19 ta' Mejju 2015 dwar il-klassifikazzjoni ta' ċerti prodotti fin-Nomenklatura Magħquda
Regolament ta' Implimentazzjoni tal-Kummissjoni (UE) 2015/804 tad-19 ta' Mejju 2015 dwar il-klassifikazzjoni ta' ċerti prodotti fin-Nomenklatura Magħquda
C/2015/3497
OJ L 128, 23.5.2015, p. 7–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
23.5.2015 |
MT |
Il-Ġurnal Uffiċjali tal-Unjoni Ewropea |
L 128/7 |
REGOLAMENT TA' IMPLIMENTAZZJONI TAL-KUMMISSJONI (UE) 2015/804
tad-19 ta' Mejju 2015
dwar il-klassifikazzjoni ta' ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b'mod partikolari l-Artikolu 9(1)(a) tiegħu,
Billi:
(1) |
Biex tiġi żgurata l-applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, huwa meħtieġ li jiġu adottati miżuri li jikkonċernaw il-klassifikazzjoni tal-prodotti msemmija fl-Anness ta' dan ir-Regolament. |
(2) |
Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata fuqha, parzjalment jew kollha kemm hi, jew li żżid kwalunkwe subdiviżjoni magħha u li hija stabbilita b'dispożizzjonijiet speċifiċi tal-Unjoni, bl-għan tal-applikazzjoni ta' tariffi u miżuri oħra relatati mal-kummerċ tal-prodotti. |
(3) |
Skont dawn ir-regoli ġenerali, il-prodotti deskritti fil-kolonna (1) tat-tabella mniżżla fl-Anness għandhom jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta'din it-tabella. |
(4) |
Huwa xieraq li jiġi pprovdut li l-informazzjoni tariffarja vinkolanti maħruġa fir-rigward tal-prodotti kkonċernati minn dan ir-Regolament li ma tikkonformax ma' dan ir-Regolament tista', għal ċertu perjodu, tibqa' tiġi invokata mid-detentur skont l-Artikolu 12(6) tar-Regolament tal-Kunsill (KEE) Nru 2913/92 (2). Dak il-perjodu għandu jkun ta' tliet xhur. |
(5) |
Il-miżuri previsti f'dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna (1) tat-tabella li tinsab fl-Anness huma kklassifikata fin-Nomenklatura Magħquda skont il-kodiċi NM indikat fil-kolonna (2) ta' din it-tabella.
Artikolu 2
L-informazzjoni tariffarja vinkolanti li ma tikkonformax ma' dan ir-Regolament tista' tibqa' tiġi invokata skont l-Artikolu 12(6) tar-Regolament (KEE) Nru 2913/92 għal perjodu ta' tliet xhur mid-data tad-dħul fis-seħħ ta' dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri f'konformità mat-Trattati.
Magħmul fi Brussell, id-19 ta' Mejju 2015.
Għall-Kummissjoni,
F'isem il-President,
Heinz ZOUREK
Direttur Ġenerali għat-Tassazzjoni u l-Unjoni Doganali
(2) Ir-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi Kodiċi Doganali tal-Komunità (ĠU L 302, 19.10.1992, p. 1).
ANNESS
Deskrizzjoni tal-prodotti |
Klassifikazzjoni (Kodiċi-NM) |
Raġunijiet |
(1) |
(2) |
(3) |
Oġġett tessili maħsub biex iżomm persuna f'pożizzjoni ta' bilqiegħda meta tkun qed tintrefa' minn parank. L-oġġett huwa magħmul minn drapp tessili minsuġ (poliester), essenzjalment f'għamla ta' rettangolu. Wieħed miż-żewġ naħat il-qosra tar-rettangolu għandu żewġ estensjonijiet li jiffunzjonaw bħala magħqad. Il-bqija tad-drapp iserraħ id-dahar u l-ġnub tal-persuna. Xi partijiet tad-drapp huma kkuttunati (inserzjonijiet ta' fowm tal-polipropilen). Bosta ċineg tat-tessut huma meħjutin mat-trufijiet tad-drapp, sabiex l-oġġett ikun jista' jitqabbad mal-parank u jintrefa'. (Ara l-istampi) (*) |
6307 90 98 |
Il-klassifikazzjoni hija determinata bir-regoli ġenerali 1 u 6 għall-interpretazzjoni tan-Nomenklatura Magħquda, in-Nota 7(f) tas-Sezzjoni XI u tat-test tal-kodiċijiet tan-NM 6307 , 6307 90 u 6307 90 98 . Il-klassifikazzjoni taħt l-intestatura 8431 31 00 bħala parti adattata għall-użu biss jew prinċipalment mal-makkinarju tal-intestaturi 8428 (liftijiet, paranki eċċ.) hija eskluża, minħabba li l-oġġett mhuwiex indispensabbli għall-funzjonament tal-bandiera (ara l-Kawża C-152/10 Unomedical, ECLI:EU:C:2011:402, paragrafi 29, 34 u 36). Barra minn hekk, il-bragi huwa eskluż minn titlu 8431 u huma kklassifikati f'Taqsima XI (ara wkoll in-Noti ta' Spjegazzjoni tas-Sistema Armonizzata għall-intestatura 8431 , ir-raba' paragrafu, (b)). Dan l-oġġett huwa prinċipalment magħmul minn materjal tessili u l-partijiet differenti huma mmuntati bil-ħjata. L-oġġett għandu għalhekk jiġi kklassifikat taħt il-kodiċi tan-NM 6307 90 98 , bħala 'prodott ieħor magħmul mit-tessuti'. |
(*) L-istampi huma biss għal finijiet ta' informazzjoni.