EUR-Lex Access to European Union law
This document is an excerpt from the EUR-Lex website
Document 32015R0705
Commission Regulation (EU) 2015/705 of 30 April 2015 laying down methods of sampling and performance criteria for the methods of analysis for the official control of the levels of erucic acid in foodstuffs and repealing Commission Directive 80/891/EEC (Text with EEA relevance)
Regolament tal-Kummissjoni (UE) 2015/705 tat-30 ta' April 2015 li jistabbilixxi metodi ta' teħid tal-kampjuni u kriterji ta' rendiment għall-metodi ta' analiżi għall-kontroll uffiċjali tal-livelli ta' aċidu eruċiku f'oġġetti tal-ikel u li jħassar id-Direttiva 80/891/KEE (Test b'rilevanza għaż-ŻEE)
Regolament tal-Kummissjoni (UE) 2015/705 tat-30 ta' April 2015 li jistabbilixxi metodi ta' teħid tal-kampjuni u kriterji ta' rendiment għall-metodi ta' analiżi għall-kontroll uffiċjali tal-livelli ta' aċidu eruċiku f'oġġetti tal-ikel u li jħassar id-Direttiva 80/891/KEE (Test b'rilevanza għaż-ŻEE)
C/2015/2777
OJ L 113, 1.5.2015, p. 29–37
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/03/2024; Imħassar b' 32023R2783
1.5.2015 |
MT |
Il-Ġurnal Uffiċjali tal-Unjoni Ewropea |
L 113/29 |
REGOLAMENT TAL-KUMMISSJONI (UE) 2015/705
tat-30 ta' April 2015
li jistabbilixxi metodi ta' teħid tal-kampjuni u kriterji ta' rendiment għall-metodi ta' analiżi għall-kontroll uffiċjali tal-livelli ta' aċidu eruċiku f'oġġetti tal-ikel u li jħassar id-Direttiva 80/891/KEE
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (1), u b'mod partikolari l-Artikolu 11(4) tiegħu,
Billi:
(1) |
Ir-Regolament tal-Kummissjoni (KE) Nru 1881/2006 (2) jiffissal-livelli massimi ta' aċidu eruċiku fiż-żjut u x-xaħmijiet veġetali maħsuba għall-konsum mill-bniedem, fl-ikel li jkun fih żjut u xaħmijiet veġetali miżjuda, fil-formuli tat-trabi u l-formuli tal-prosegwiment. |
(2) |
Id-Direttiva tal-Kummissjoni 80/891/KEE (3) tistabbilixxi metodu ta' analiżi sabiex tiddeterina l-kontenut ta' aċidu eruċiku fi żjut u f'xaħmijiet maħsuba sabiex jintużaw bħala tali għall-konsum mill-bnedmin u f'oġġetti tal-ikel li jkun fihom żjut u xaħmijiet miżjuda. Dan il-metodu ta' analiżi ma għadux jgħodd u jeħtieġ jinbidel. |
(3) |
Huwa xieraq li ma jiġix stabbilit metodu speċifiku ta' analiżi iżda li jiġu stabbiliti kriterji ta' rendiment li magħhom għandu jikkonforma l-metodu ta' analiżi użat għall-kontroll uffiċjali. Barra minn hekk, għandhom jiġu stabbiliti regoli dwar il-metodu tat-teħid tal-kampjuni. |
(4) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf. |
ADOTTAT DAN IR-REGOLAMENT:
Artikolu 1
1. It-teħid tal-kampjuni u l-analiżi għall-kontroll uffiċjali tal-livelli tal-aċidu eruċiku fit-Taqsima 8 tal-Anness tar-Regolament (KE) Nru 1881/2006 għandhom isiru f'konformità mal-Anness ta' dan ir-Regolament.
2. Il-paragrafu 1 japplika mingħajr preġudizzju tad-dispożizzjonjiet tar-Regolament (KE) Nru 882/2004.
Artikolu 2
Id-Direttiva 80/891/KEE hi mħassra.
Ir-referenzi għad-Direttiva mħassra huma referenzi għal dan ir-Regolament.
Artikolu 3
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta' April 2015.
Għall-Kummissjoni
Il-President
Jean-Claude JUNCKER
(1) ĠU L 165, 30.4.2004, p. 1.
(2) Ir-Regolament tal-Kummissjoni (KE) Nru 1881/2006 tal-Kummissjoni tad-19 ta' Diċembru 2006 li jiffissal-livelli massimi ta' ċerti kontaminanti fl-oġġetti tal-ikel (ĠU L 364, 20.12.2006, p. 5).
(3) Id-Direttiva tal-Kummissjoni 80/891/KEE tal-25 ta' Lulju 1980 dwar il-metodu ta' analiżi tal-Komunità sabiex jiġi stabbilit il-kontenut ta' aċidu eruċiku fi żjut u f'xaħmijiet maħsuba sabiex jiġu użati bħala tali għall-konsum mill-bnedmin u f'oġġetti tal-ikel li fihom żjut u xaħmijiet miżjuda (ĠU L 254, 27.9.1980, p. 35).
ANNESS
PARTI A: DEFINIZZJONIJIET
Għall-iskopijiet ta' dan l-Anness, japplikaw dawn id-definizzjonijiet:
“lott” |
: |
kwantità identifikabbli ta' ikel imwassla f'waqt wieħed u meqjusa mill-uffiċjal li għandha karatteristiċi komuni, [bħalma huma l-oriġini, il-varjetà, it-tip ta' imballaġġ, min jippakkja, il-fornitur jew l-immarkar]. |
“sublott” |
: |
parti magħżula minn lott kbir sabiex fuqha jiġi applikat il-metodu tat-teħid tal-kampjuni. Kull sublott għandu jkun fiżikament separat u identifikabbli; |
“kampjun inkrimentali” |
: |
kwanità ta' materjal meħuda minn post wieħed fil-lott jew fis-sublott; |
“kampjun kollettiv” |
: |
it-total kollettiv tal-kampjuni inkrimentali kollha meħuda mil-lott jew mis-sublott; il-kampjuni kollettivi għandhom jitqiesu rappreżentattivi tal-lottijiet jew tas-sublottijiet imnejn ittieħdu; |
“kampjun tal-laboratorju” |
: |
kampjun maħsub għal-laboratorju. |
PARTI B: IL-METODI TA' TEĦID TAL-KAMPJUNI
B.1. DISPOŻIZZJONIJIET ĠENERALI
B.1.1. Persunal
Il-kampjuni għandha teħodhom persuna awtorizzata kif nominata mill-Istat Membru.
B.1.2. Il-materjal li minnu jittieħed kampjun
Il-kampjun minn kull lott jew sublott li jrid jiġi eżaminat, għandu jittieħed separatament.
B.1.3. Prekawzjonijiet li għandhom jittieħdu
Matul it-teħid tal-kampjuni, għandhom jittieħdu l-prekawzjonijiet biex ikun evitat kull tibdil li jaffettwa l-livelli ta' aċidu eruċiku, jew li jaffettwa b'mod negattiv id-determinazzjoni analitika jew li jwassal biex il-kampjuni kollettivi ma jibqgħux rappreżentattivi.
B.1.4. Kampjuni inkrimentali
Safejn huwa possibbli, il-kampjuni inkrementali għandhom jittieħdu minn postijiet differenti mqassma mal-lott jew mas-sublott kollu. Differenzi minn din il-proċedura għandhom jiġu rreġistrati fir-rekord previst fil-punt B.1.8 ta' dan l-Anness.
B.1.5. Il-preparazzjoni tal-kampjun kollettiv
Il-kampjun kollettiv għandu jsir billi jingħaqdu flimkien il-kampjuni inkrementali.
B.1.6. Kampjuni għal skopijiet ta' infurzar, difiża u arbitraġġ
Il-kampjuni għal raġunijiet ta' infurzar, difiża u arbitraġġ għandhom jittieħdu mill-kampjun kollettiv omoġenizzat, sakemm dan ma jkunx ta' kunflitt mar-regoli tal-Istati Membri fir-rigward tad-drittijiet tal-operaturi kummerċjali tal-ikel.
B.1.7. L-imballaġġ u t-trażmissjoni tal-kampjuni
Kull kampjun għandu jitqiegħed f'kontenitur nadif u inert li joffri protezzjoni xierqa mill-kontaminazzjoni, minn telf ta' analiti minħabba assorbiment mal-ġnieb interni tal-kontenitur u mill-ħsara li tista' tirriżulta waqt it-trasport. Għandha tittieħed kull prekawzjoni meħtieġa biex tkun evitata bidla fil-kompożizzjoni tal-kampjun li tista' sseħħ waqt it-trasport jew il-ħażna.
B.1.8. Is-siġillar u t-tikkettar tal-kampjuni
Kull kampjun meħud għal użu uffiċjali għandu jiġi ssiġillat fil-post tat-teħid tal-kampjuni u identifikat skont ir-regoli tal-Istati Membri.
Għandu jinżamm rekord ta' kull kampjun li jittieħedħalli jkun jista' jiġi identifikat mingħajr ambigwità kull lott jew sublott imnejn ikunittieħed. Dak ir-rekord għandu juri:
(i) |
referenza għan-numru tal-lott li minnu jkun ittieħed il-kampjun; |
(ii) |
id-data u l-post tat-teħid tal-kampjuni; |
(iii) |
kull tagħrif addizzjonali li jkun ta' għajnuna għall-analista. |
B.2. IL-PJANIJIET GĦAT-TEĦID TAL-KAMPJUNI
B.2.1. It-tqassim ta' lottijiet f'sublottijiet
Il-lottijiet il-kbar għandhom jinqasmu f'sublottijiet, sakemm is-sublott ikun jista' jiġi separat fiżikament. Għandu jingħata il-piż jew l-għadd ta' sublottijiet ta' prodotti nnegozjati f'kunsinni bl-ingrossa bħalma turi Tabella 1. Għandu jingħata wkoll il-piż jew l-għadd ta' sublottijiet ta' prodotti oħra bħalma turi Tabella 2. Peress li l-piż tal-lott ma jkunx dejjem multiplu eżatt tal-piż tas-sublottijiet, il-piż tas-sublott kif imniżżel f'Tabella 1 u 2 jista' jinqabeż b'massimu ta' 20 %.
B.2.2. L-għadd, il-piż u l-volum tal-kampjuni inkrementali
Mill-anqas il-kampjun kollettiv għandu jkun 1 kg jew litru wieħed (1) ħlief meta dan ma jkunx possibbli, bħal meta l-kampjun ikun 'pakkett jew unità waħda.
L-għadd minimu ta' kampjuni inkrementali li għandhom jittieħdu mis-sublott għandu jkun kif turi Tabella 3.
Fil-każ ta' prodotti likwidi bl-ingrossa, il-lott jew is-sublott għandu jitħallat sew sakemm ikun possibbli u sakemm ma tiġix affettwata l-kwalità tal-prodott, permezz ta' mezzi manwali jew mekkaniċi immedjatament qabel ma jittieħed il-kampjun. F'dan il-każ, wieħed għandu jassumi li t-tqassim tal-kontaminanti f'lott jew sublott partikolari huwa omoġenju. Għaldaqstant, huwa biżżejjed li jittieħdu tliet kampjuni inkrementali minn lott jew sublott sabiex jifformaw il-kampjun kollettiv.
Il-kampjuni inkrimentali għandu jkollhom piż/volum simili. Mill-anqas, il-piż/volum ta' kampjun inkrementali għandu jkun 100 g jew 100 ml, li jsawwar kampjun kollettiv ta' mill-inqas madwar 1 kg jew litru (1). Differenzi minn din il-proċedura għandhom jiġu rreġistrati fir-rekord previst fil-punt B.1.8 ta' dan l-Anness.
Tabella 1
It-tqassim tal-lottijiet f'sublottijiet għall-prodotti nnegozjati f'kunsinni bl-ingrossa
Il-piż tal-lott (f'tunnellati) |
Il-piż jew l-għadd ta' sublottijiet |
≥ 1 500 |
500 tunnellata |
> 300 u < 1 500 |
3 sublottijiet |
≥ 100 u ≤ 300 |
100 tunnellata |
< 100 |
— |
Tabella 2
It-qassim tal-lottijiet f'sublottijiet għal prodotti oħrajn
Il-piż tal-lott (f'tunnellati) |
Il-piż jew l-għadd ta' sublottijiet |
≥ 15 |
15-30 tunnellata |
< 15 |
— |
Tabella 3
L-għadd minimu ta' kampjuni inkrementali li għandu jittieħed mil-lott jew mis-sublott
Il-piż jew il-volum tal-lott/sublott (f'kilogrammi jew litri) |
L-għadd minimu ta' kampjuni inkrementali li għandu jittieħed |
< 50 |
3 |
≥ 50 u ≤ 500 |
5 |
> 500 |
10 |
Jekk il-lott jew is-sublott ikun pakketti jew unitajiet individwali, l-għadd ta' pakketti jew unitajiet li għandu jittieħed biex jifforma l-kampjun kollettiv jinsab f'Tabella 4.
Tabella 4
L-għadd ta' pakketti jew unitajiet (kampjuni inkrementali) li għandu jittieħed biex jifforma l-kampjun kollettiv jekk il-lott jew is-sublott ikun pakketti jew unitajiet individwali
L-għadd ta' pakketti jew unitajiet fil-lott/sublott |
L-għadd ta' pakketti jew unitajiet li għandu jittieħed |
≤ 25 |
mill-inqas pakkett jew unità waħda |
26-100 |
madwar 5 %, mill-inqas 2 pakketti jew unitajiet |
> 100 |
madwar 5 %, massimu ta' 10 pakketti jew unitajiet |
Meta t-teħid tal-kampjuni bil-metodu stabbilit f'dan il-Kapitolu B.2 joħloq konsegwenzi kummerċjali inaċċettabbli (pereżempju minħabba l-għamla tal-imballaġġ, ħsara lil-lott, eċċ.) jew ikun kważi impossibbli li jsir, jista' jiġi applikat metodu alternattiv ta' teħid tal-kampjuni sakemm dan ikun rappreżentattiv biżżejjed għal-lott jew għas-sublott imnejn ikun ittieħed il-kampjun u jiġi dokumentat kollu fir-rapport previst fil-punt B.1.8.
B.3. TEĦID TAL-KAMPJUNI FL-ISTADJU TAL-BEJGĦ BL-IMNUT
Meta possibbli, it-teħid tal-kampjuni tal-oġġetti tal-ikel fl-istadju tal-bejgħ bl-imnut għandu jsir skont id-dispożizzjonijiet tat-teħid tal-kampjuni stipulati fil-punt B.2.2.
Meta t-teħid tal-kampjuni bil-metodu stabbilit fil-punt B.2.2. joħloq konsegwenzi kummerċjali inaċċettabbli (pereżempju minħabba l-għamla tal-imballaġġ, ħsara lil-lott, eċċ.) jew ikun kważi impossibbli li jsir, jista' jiġi applikat metodu alternattiv ta' teħid tal-kampjuni sakemm dan ikun rappreżentattiv biżżejjed għal-lott jew għas-sublott imnejn ittieħed il-kampjun u jiġi dokumentat kollu fir-rapport previst fil-punt B.1.8.
PARTI C: IL-PREPARAZZJONI U L-ANALIŻI TAL-KAMPJUNI
C.1. STANDARDS TAL-KWALITÀ GĦAL-LABORATORJI
Il-laboratorji għandhom ikunu konformi mad-dispożizzjonijiet tal-Artikolu 12 tar-Regolament (KE) Nru 882/2004.
Il-laboratorji għandhom jipparteċipaw fi skemi adattati ta' eżaminazzjoni tal-profiċjenza li jikkonformaw mal-“Protokoll Armonizzat Internazzjonali għall-Eżaminazzjoni tal-Profiċjenza ta' Laboratorji Analitiċi (Kimiċi)” (1) żviluppati fl-awspiċi tal-IUPAC/ISO/AOAC.
Il-laboratorji għandhom ikunu kapaċi juru li jħaddmu proċeduri għall-kontroll intern tal-kwalità. Eżempju ta' dawn huma l-“Linji Gwida ISO/AOAC/IUPAC dwar il-Kontroll Intern tal-Kwalità f'Laboratorji Analitiċi tal-Kimika” (2).
Meta jkun possibbli, għandha ssir stima tal-awtentiċità tal-analiżi billi fl-analiżi jiddaħħlu materjali xierqa ta' referenza ċċertifikati.
C.2. IL-PREPARAZZJONI TAL-KAMPJUN
C.2.1. Prekawzjonijiet u kunsiderazzjonijiet ġenerali
Il-ħtieġa bażika hija li jinkiseb kampjun tal-laboratorju rappreżentattiv u omoġenju mingħajr ma ssir kontaminazzjoni sekondarja.
Il-materjal kollu tal-kampjuni li jasal fil-laboratorju jintuża biex jitħejja l-kampjun tal-laboratorju.
Il-konformità mal-livelli massimi stabbiliti fir-Regolament (KE) Nru 1881/2006 tinkiseb skont il-livelli stabbiliti fil-kampjuni tal-laboratorju.
C.2.2. It-trattament tal-kampjun kif jasal fil-laboratorju
Il-kampjun kollettiv kollu jintaħan b'mod fin (meta rilevanti) u jitħallat sew permezz ta' proċess li bih jirnexxilu jikseb omoġenizzazzjoni sħiħa.
C.3. KRITERJI TA' RENDIMENT GĦALL-METODI TA' ANALIŻI
C.3.1. Definizzjonijiet
Għandhom japplikaw dawn id-definizzjonijiet:
“r” |
= |
Ir-ripetibbiltà, il-valur li taħtu d-differenza assoluta bejn ir-riżultati ta' testijiet waħdanija li nkisbu f'kundizzjonijiet ta' ripetibbiltà (jiġifieri l-istess kampjun, l-istess operatur, l-istess apparat, l-istess laboratorju, u f'intervall qasir ta' ħin) tkun mistennija li taqa' fi ħdan probabbiltà speċifika (tipikament 95 %) u għalhekk r = 2,8 × sr. |
“sr” |
= |
Devjazzjoni standard, ikkalkulata mir-riżultati miksuba f'kundizzjonijiet ta' ripetibbiltà. |
“RSDr” |
= |
Devjazzjoni standard relattiva, ikkalkulata mir-riżultati miksuba f'kundizzjonijiet ta' ripetibbiltà. |
“R” |
= |
Ir-riproduċibbiltà, il-valur ta' taħtu id-differenza assoluta bejn riżultati ta' testijiet waħdanija li nkisbu f'kundizzjonijiet ta' riproduċibbiltà, (jiġifieri fuq materjal identiku miksub minn operaturi f'laboratorji differenti, bil-metodu standardizzat tat-test), tkun mistennija li taqa' fi ħdan ċertu probabbiltà (tipikament 95 %); R = 2,8 × sR. |
“sR” |
= |
Devjazzjoni standard, ikkalkulata mir-riżultati miksuba f'kundizzjonijiet ta' riproduċibbiltà. |
“RSDR” |
= |
Devjazzjoni standard relattiva, ikkalkulata minn riżultati miksuba f'kundizzjonijiet ta' riproduċibbiltà. |
“LOD” |
= |
Il-limitu ta' detezzjoni, l-iżgħar kontenut imkejjel li minnu huwa possibbli li tiġi inferita l-preżenza tal-analit b'ċertezza statistika raġonevoli. Il-limitu ta' detezzjoni huwa numerikament daqs tliet darbiet tad-devjazzjoni standard tal-medja tad-determinazzjonijiet inbjanki (n > 20). |
“LOQ” |
= |
Il-limitu ta' kwantifikazzjoni, l-aktar kontenut baxx tal-analit li jista' jitkejjel b'ċertezza statistika raġonevoli. Jekk l-eżattezza u l-preċiżjoni jibqgħu kostanti matul firxa ta' konċentrazzjoni madwar il-limitu ta' detezzjoni, allura l-limitu ta' kwantifikazzjoni jkun numerikament daqs sitt darbiet jew għaxar darbiet tad-devjazzjoni standard tal-medja tad-determinazzjonijiet blenk (n > 20). |
“u” |
= |
L-inċertezza maqgħuda tal-kejl standard, miksuba bl-inċertezzi individwali tal-kejl standard assoċjati mal-kwantitajiet tad-dħul fil-mudell tal-kejl (3). |
“U” |
= |
L-inċertezza estiża tal-kejl, li tuża fattur ta' kopertura ta' 2 u dan jagħti livell ta' fiduċja ta' madwar 95 % (U = 2u). |
“Uf” |
= |
L-inċertezza massima tal-kejl standard. |
C.3.2. Rekwiżiti ġenerali
Il-metodi ta' analiżi li jintużaw għall-kontroll fl-ikel għandhom ikunu konformi mad-dispożizzjonijiet tal-Anness III tar-Regolament (KE) Nru 882/2004.
C.3.3. Rekwiżiti speċifiċi
C.3.3.1. Il-kriterji ta' rendiment
Meta fil-livell tal-Unjoni Ewropea ma jkunx hemm preskritti metodi speċifiċi għad-determinazzjoni ta' kontaminanti fil-prodotti tal-ikel, il-laboratorji jistgħu jagħżlu kull metodu ta' analiżi vvalidat għall-matriċi rispettiva, sakemm il-metodu magħżul ikun jilħaq il-kriterji speċifiċi ta' rendiment stipulati f'Tabella 5.
Huwa rakkomandat li meta xieraq u disponibbli jintużaw il-metodi vvalidati għalkollox (jiġifieri l-metodi vvalidati bil-provi kollaborattivi għall-matriċi rispettiva). Jistgħu jintużaw ukoll metodi vvalidati u xierqa oħrajn (bħal metodi vvalidati internament għall-matriċi rispettiva) sakemm dawn ikunu jissodisfaw il-kriterji ta' rendiment stipulati f'Tabella 5.
Aktar dettalji jinsabu fin-Noti dwar il-kriterji ta' rendiment kif stabbiliti f'dan il-punt.
Meta possibbli, il-validazzjoni tal-metodi vvalidati internament għandha tinkludi materjal ta' referenza ċċertifikat.
Tabella 5
Kriterji ta' rendiment għall-metodi ta' analiżi għall-aċidu eruċiku
Parametru |
Kriterju |
Applikabbiltà |
Ikel speċifikat fir-Regolament (KE) Nru 1881/2006. |
Speċifiċità |
Mingħajr interferenzi matriċi jew spettrali |
Ripetibbiltà (RSDr) |
0,66 darba tal-RSDR kif derivata mill-ekwazzjoni Horwitz (modifikata) |
Riproduċibbiltà (RSDR) |
2 × il-valur derivat mill-ekwazzjoni Horwitz (modifikata) |
Irkupru |
95–105 % |
LOD |
≤ 1 g/kg |
LOQ |
≤ 5 g/kg |
Noti dwar il-kriterji ta' rendiment
L-ekwazzjoni Horwitz (4) (għall-konċentrazzjonijiet 1,2 × 10– 7 ≤ C ≤ 0,138) u l-ekwazzjoni Horwitz modifikata (5) (għall-konċentrazzjonijiet C < 1,2 × 10– 7) huma ekwazzjonijiet ta' preċiżjoni ġeneralizzati li ma jiddependux mill-analita u l-matriċi iżda jiddependu biss fuq il-konċentrazzjoni għal ħafna mill-metodi ta' analiżi ta' rutina.
L-ekwazzjoni Horwitz modifikata għall-konċentrazzjonijiet C < 1,2 × 10– 7:
RSDR = 22 %
fejn:
— |
L-RSDR hija d-devjazzjoni standard relattiva kkalkulata mir-riżultati miksuba f'kundizzjonijiet ta' reproduċibbilità |
— |
C huwa l-proporzjon ta' konċentrazzjoni (jiġifieri 1 = 100 g/100 g, 0,001 = 1 000 mg/kg) L-ekwazzjoni Horwitz modifikata tapplika għall-konċentrazzjonijiet C < 1,2 × 10– 7. |
L-ekwazzjoni Horwitz għall-konċentrazzjonijiet 1,2 × 10– 7 ≤ C ≤ 0,138:
RSDR = 2C(– 0,15)
fejn:
— |
L-RSDR hija d-devjazzjoni standard relattiva kkalkulata mir-riżultati miksuba f'kundizzjonijiet ta' reproduċibbilità |
— |
C huwa l-proporzjon ta' konċentrazzjoni (i.e. 1 = 100 g/100 g, 0,001 = 1 000 mg/kg) L-ekwazzjoni Horwitz tapplika għall-konċentrazzjonijiet 1,2 × 10– 7 ≤ C ≤ 0,138. |
C.3.3.2. Metodu “adegwat għall-fini”
Bħala alternattiva għall-metodi vvalidati internament, jista' jintuża metodu “adegwat għall-fini” (6) biex tiġi vvalutata l-konvenjenza tal-metodi vvalidati internament għall-kontroll uffiċjali. Il-metodi xierqa għall-kontroll uffiċjali għandhom jagħtu riżultati b'inċertezza magħquda tal-kejl standard (u) inqas mill-inċertezza massima tal- kejl standard ikkalkulata bil-formula ta' hawn taħt:
fejn:
— |
Uf hija l-inċertezza massima tal-kejl standard (μg/kg); |
— |
LOD huwa l-limitu ta' detezzjoni tal-metodu (μg/kg). L-LOD jilħaq il-kriterji ta' rendiment stabbiliti fil-punt C.3.3.1 għall-konċentrazzjoni tal-interess. |
— |
C hija l-konċentrazzjoni tal-interess (μg/kg); |
— |
α hija fattur numeriku li jintuża skont il-valur ta' C. Il-valuri li jintużaw ġew stabbiliti f'Tabella 6. |
Tabella 6
Il-valuri numeriċi li għandhom jintużaw għal α bħala kwantità kostanti fil-formula stipulata f'dan il-punt, skont il-konċentrazzjoni tal-interess
C (μg/kg) |
α |
≤ 50 |
0,2 |
51-500 |
0,18 |
501-1 000 |
0,15 |
1 001 -10 000 |
0,12 |
> 10 000 |
0,1 |
PARTI D: IR-RAPPURTAR U L-INTERPRETAZZJONI TAR-RIŻULTATI
D.1. IR-RAPPURTAR
D.1.1. Il-preżentazzjoni tar-riżultati
Ir-riżultati jiġu espressi bl-istess unitajiet ta' kejl u bl-istess għadd ta' ċifri sinifikanti bħalma huma tal-livelli massimi stipulati fir-Regolament (KE) Nru 1881/2006.
D.1.2. Kalkoli tal-irkupru
Jekk fil-metodu analitiku jiġi applikat proċess ta' estrazzjoni, ir-riżultat analitiku għandu jiġi aġġustat għall-irkupru. F'dan il-każ il-livell tal-irkupru għandu jiġi rrappurtat.
F'każ li fil-metodu analitiku ma jiġi applikat l-ebda proċess ta' estrazzjoni, ir-riżultat jista' jiġi rrappurtat mhux aġġustat għall-irkupru jekk tingħata evidenza, idealment bl-użu ta' materjal xieraq ta' referenza ċċertifikat, li tinkiseb il-konċentrazzjoni ċċertifikata li tippermetti l-inċertezza tal-kejl (jiġifieri eżattezza kbira fil-kejl), u għaldaqstant li l-metodu mhuwiex imparzjali. F'każ li r-riżultat jiġi rrappurtat bħala mhux aġġustat għall-irkupru, dan għandu jissemma.
D.1.3. L-inċertezza tal-kejl
Ir-riżultat analitiku għandu jiġi rrappurtat bħala x +/– U fejn x huwa r-riżultat analitiku u U huwa l-inċertezza estiża tal-kejl, b'fattur ta' kopertura ta' 2 li jagħti livell ta' kunfidenza ta' bejn wieħed u ieħor 95 % (U = 2u).
L-analista jieħu nota tar-“Rapport dwar r-relazzjoni bejn ir-riżultati analitiċi, l-inċertezza tal-kejl, il-fatturi tal-irkupru u d-dispożizzjonjiet fil-leġiżlazzjoni tal-ikel u l-għalf (7)”.
D.2. L-INTERPRETAZZJONI TAR-RIŻULTATI
D.2.1. Aċċettazzjoni ta' lott jew sublott
Il-lott jew is-sublott jiġi aċċettat jekk ir-riżultat analitiku tal-kampjun tal-laboratorju ma jkunx jaqbeż il-livell massimu rispettiv stipulat fir-Regolament (KE) Nru 1881/2006 meta jitqiesu l-inċertezza estiża tal-kejla u l-aġġustament tar-riżultat għall-irkupru jekk ikun ġie applikat proċess ta' estrazzjoni fil-metodu analitiku użat.
D.2.2. Rifjut ta' lott jew sublott
Il-lott jew sublott jiġi rrifjutat jekk ir-riżultat analitiku tal-kampjun tal-laboratorju jaqbeż mingħajr dubju raġjonevoli l-livell massimu rispettiv kif stipulat fir-Regolament (KE) Nru 1881/2006 meta tqis l-inċertezza tal-kejl estiż u l-aġġustament tar-riżultat għall-irkupru jekk ikun ġie applikat proċess ta' estrazzjoni fil-metodu analitiku użat.
D.2.3. Applikabbiltà
Dawn ir-regoli ta' interpretazzjoni stabbiliti fil-punti D.2.1. u D.2.2. japplikaw għar-riżultati analitiċi miksuba mill-kampjun għall-infurzar. Fil-każ ta' analiżi għal skopijiet ta' difiża jew arbitraġġ, għandhom japplikaw ir-regoli nazzjonali.
(1) “The international harmonized protocol for the proficiency testing of analytical chemistry laboratories” ta' M. Thompson, S.L.R. Ellison u R. Wood, Pure Appl. Chem., 2006, 78, 145-196.
(2) Editjat minn M. Thompson u R. Wood, Pure Appl. Chem., 1995, 67, 649-666.
(3) Il-vokabularju internazzjonali tal-metroloġija — Kunċetti bażiċi u ġenerali u termini assoċjati (VIM), JCGM 200:2008.
(4) W. Horwitz, L.R. Kamps. K.W. Boyer, J.Assoc.Off.Analy.Chem., 1980, 63, 1344.
(5) M. Thompson, Analist, 2000, 125, 385-386.
(6) M. Thompson u R. Wood, Accred. Qual. Assur., 2006, p. 10, 471-478.
(7) http://ec.europa.eu/food/food/chemicalsafety/contaminants/report-sampling_analysis_2004_en.pdf