27.6.2014   

MT

Il-Ġurnal Uffiċjali tal-Unjoni Ewropea

L 189/143

(1)

Il-Fond ta’ Solidarjetà tal-Unjoni Ewropea (‘il-Fond’) kien ġie stabbilit mir-Regolament tal-Kunsill (KE) Nru 2012/2002 (4).

(2)

Huwa importanti għall-Unjoni li jkollha għad-dispożizzjoni tagħha strument b’saħħtu u flessibbli li jippermettilha turi solidarjetà, tibgħat sinjal politiku ċar u tipprovdi assistenza ġenwina liċ-ċittadini milqutin minn diżastri naturali maġġuri li jkollhom riperkussjonijiet serji għall-iżvilupp ekonomiku u soċjali.

(3)

L-intenzjoni ddikjarata tal-Unjoni li tassisti lill-pajjiżi kandidati fit-triq lejn stabbiltà u żvilupp ekonomiku u politiku sostenibbli permezz ta’ perspettiva Ewropea ċara ma għandiex tmur lura bl-effetti ħżiena ta’ diżastri naturali maġġuri. L-Unjoni għandha, għalhekk, tkompli turi solidarjetà mal-pajjiżi terzi li huma involuti fin-negozjati dwar l-adeżjoni magħha u li magħhom infetħet konferenza intergovernattiva dwar l-adeżjoni. L-inklużjoni ta’ dawk il-pajjiżi fil-kamp ta’ applikazzjoni ta’ dan ir-Regolament titlob, bħala konsegwenza, rikors għall-Artikolu 212 tat-Trattat dwar il-Funzjonament tal-Unjoni Ewropea (TFUE) bħala l-bażi ġuridika addizzjonali.

(4)

Il-Kummissjoni għandha tkun f’pożizzjoni li tieħu deċiżjoni malajr dwar l-impenn ta’ riżorsi finanzjarji speċifiċi u li tattivahom malajr kemm jista’ jkun. Il-proċeduri amministrattivi għandhom jiġu aġġustati kif xieraq u jiġu llimitati għal minimu meħtieġ. Għal dak l-għan, il-Parlament Ewropew, il-Kunsill u l-Kummissjoni kkonkludew il-Ftehim Interistituzzjonali tat-2 ta’ Diċembru 2013 dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba (5).

(5)

It-terminoloġija li jinsabu u l-proċeduri stabbiliti fir-Regolament (KE) Nru 2012/2002 għandhom jiġu allinjati mad-dispożizzjonijiet tar-Regolament (UE, Euratom) Nru 966/2012 tal-Parlament Ewropew u tal-Kunsill (6).

(6)

Id-definizzjoni ta’ diżastru naturali, li tiddetermina l-kamp ta’ applikazzjoni tar-Regolament (KE) Nru 2012/2002, ma għandhiex tkun ambigwa.

(7)

Id-dannu kkawżat minn tipi oħra ta’ diżastri li minħabba l-effett kaskata huma konsegwenza diretta ta’ diżastru naturali għandu, għall-finijiet tar-Regolament (KE) Nru 2012/2002, jkun ikkunsidrat parti mid-dannu dirett ikkawżat minn dak id-diżastru naturali.

(8)

Sabiex il-prattika stabbilita tiġi kkodifikata, u biex ikun żgurat trattament ugwali ta’ applikazzjonijiet, il-kontribuzzjonijiet finanzjarji mill-Fond għandhom jingħataw fir-rigward ta’ ħsara diretta biss.

(9)

‘Diżastru naturali maġġuri’ fis-sens tar-Regolament (KE) Nru 2012/2002 għandu jiġi definit ulterjorment bħala diżastru li kkawża ħsara diretta iktar mil-livell minimu espress f’termini finanzjarji. Tali ħsara għandu jiġi espress bil-prezzijiet ta’ sena ta’ referenza, jew bħala perċentwal tal-introjtu nazzjonali gross (ING) tal-Istat ikkonċernat.

(10)

Sabiex tkun ikkunsidrata aħjar in-natura speċifika ta’ diżastri naturali li, għalkemm dawn ikollhom riperkussjonijiet serji għall-iżvilupp ekonomiku u soċjali tar-reġjuni kkonċernati, ma jilħqux l-iskala minima meħtieġa sabiex jibbenefikaw minn kontribuzzjoni finanzjarja mill-Fond, il-kriterji għal diżastri naturali reġjonali għandhom jiġu ddeterminati abbażi tad-dannu kalkulabbli b’referenza għall-prodott domestiku gross reġjonali (PDG)) li abbażi tiegħu s-sitwazzjoni strutturali, soċjali u ekonomika speċifika, aggravata bil-karatteristiċi speċjali ta’ Guadeloupe, il-Guiana Franċiża, Martinique, Réunion, Mayotte, Saint-Martin, l-Azores, Madeira u l-Gżejjer Canary bħala reġjuni ultra-periferiċi fis-sens tal-Artikolu 349 tat-TFEU, tiġġustifika li jiġi stabbilit għalihom limitu minimu ta’ 1 % tal-PDG bħala deroga. Dawk il-kriterji għandhom jiġu determinati b’mod ċar u sempliċi sabiex titnaqqas il-possibbiltà li jiġu sottomessi applikazzjonijiet li ma jilħqux ir-rekwiżiti stipulati fir-Regolament (KE) Nru 2012/2002.

(11)

Għall-finijiet tad-determinazzjoni tal-ħsara diretta, għandha tintuża data f’format armonizzat, ipprovdut mill-Eurostat, li tippermetti trattament ekwitabbli tal-applikazzjonijiet.

(12)

Il-Fond għandu jikkontribwixxi għar-restawr tal-infrastruttura biex terġa’ ssir funzjonali, għat-tindif taż-żoni milquta minn diżastru u għall-ispejjeż ta’ servizzi tas-salvataġġ u għall-akkomodazzjoni temporanja għall-popolazzjoni kkonċernata matul il-perjodu sħiħ ta’ implimentazzjoni. It-tifsira ta’ restawr tal-infrastruttura biex terġa’ ssir funzjonali għandha tiġi ddefinita, u sa fejn il-Fond se jkun jista’ jikkontribwixxi għall-ipejjeż korrispondenti għandu jiġi ċċarat. Il-firxa ta’ żmien li matulha huwa possibbli li tikkunsidra l-akkomodazzjoni għall-persuni li jkunu spiċċaw bla dar minħabba diżastru naturali bħala temporanja għandha tiġi definita wkoll.

(13)

Id-dispożizzjonijiet tar-Regolament (KE) Nru 2012/2002 għandhom jiġu allinjati mal-politika ġenerali tal-Unjoni dwar il-finanzjament fir-rigward tat-taxxa fuq il-valur miżjud.

(14)

Għandu jiġi speċifikat ukoll sa fejn huwa possibbli għal operazzjonijiet eliġibbli li jinkludu nefqa għal assistenza teknika.

(15)

Sabiex Stati benefiċjarji jiġu preklużi milli jagħmlu profitt nett minn intervent permezz tal-Fond, għandhom jiġu speċifikati l-kundizzjonijiet li taħthom l-operazzjonijiet iffinanzjati mill-Fond jistgħu jiġġeneraw dħul.

(16)

Ċerti tipi ta’ diżastri naturali, bħal, inter alia, nixfiet jiżviluppaw fuq perijodu estiż ta’ żmien qabel ma jinħassu l-effetti diżastrużi tagħhom. Għandhom jiġu stabbiliti dispożizzjonijiet sabiex l-użu tal-Fond jiġi permess f’każijiet bħal dawn ukoll.

(17)

Huwa importanti li jiġi żgurat li Stati eliġibbli jagħmlu l-isforzi rekwiżiti biex jevitaw diżastri naturali milli jseħħu u biex jimmitigaw l-effetti tagħhom, inkluż permezz tal-implimentazzjoni sħiħa tal-leġislazzjoni rilevanti tal-Unjoni dwar il-prevenzjoni u l-immaniġġar tar-riskju ta’ diżastri naturali u l-użu ta’ fondi tal-Unjoni disponibbli għal investimenti rilevanti. Għalhekk għandhom jiġu stabbiliti dispożizzjonijiet li jagħmluha possibbli li nuqqas, kif stabbilit permezz ta’ sentenza finali tal-Qorti tal-Ġustizzja tal-Unjoni Ewropea, ta’ Stat Membru milli jikkonforma mal-leġislazzjoni rilevanti tal-Unjoni dwar il-prevenzjoni u l-immaniġġar tar-riskju ta’ diżastri wara li jkun irċieva kontribuzzjoni finanzjarja mill-Fond għal diżastru naturali preċedenti, jista’ jirriżulta fir-rifjut tal-applikazzjoni jew fi tnaqqis tal-ammont tal-kontribuzzjoni finanzjarja fl-eventwalità ta’ applikazzjoni ulterjuri fir-rigward ta’ diżastru naturali tal-istess natura.

(18)

Huwa possibbli li Stati Membri jkunu jirrikjedu appoġġ finanzjarju iktar malajr milli possibbli permezz tal-proċedura normali biex jirrispondu għal diżastru naturali. Għal dan l-għan, ikun xieraq provvediment għall-possibbiltà li jsir ħlas ta’ pagament bil-quddiem meta ssir talba mill-Istat Membru kkonċernat ftit wara li tkun ġiet sottomessa lill-Kummissjoni applikazzjoni għal kontribuzzjoni finanzjarja mill-Fond. Il-pagament bil-quddiem ma għandux jaqbeż ċertu ammont u għandu jkun jidher meta jitħallas l-ammont finali tal-kontribuzzjoni finanzjarja. Il-pagamenti bil-quddiem li jsiru indebitament għandhom jitħallsu lura mill-Istat Membru fi żmien qasir determinat. Il-ħlas ta’ pagament bil-quddiem ma għandux jippreġudika r-riżultat tad-deċiżjoni finali dwar il-mobilizzazzjoni tal-Fond.

(19)

Il-proċeduri amministrattivi għall-ħlas ta’ kontribuzzjoni finanzjarja għandhom ikunu kemm jista’ jkun sempliċi u effiċjenti fil-ħin. Dispożizzjonijiet dettaljati dwar l-implimentazzjoni tal-kontribuzzjoni finanzjarja mill-Fond, għandhom għaldaqstant jiġu inklużi, għall-Istati Membri, fl-atti ta’ implimentazzjoni li jagħtu dik il-kontribuzzjoni finanzjarja. Madankollu, għall-Istati benefiċjarji li għadhom mhumiex Stati Membri, għal raġunijiet ġuridiċi għandhom jinżammu ftehimiet ta’ implimentazzjoni separati.

(20)

Il-Kummissjoni għandha toħroġ gwida biex tassisti lill-Istati Membri dwar kif, b’mod effettiv, ikollhom aċċess u l-użu tal-Fond, u dwar kif japplikaw bl-aktar mod sempliċi għall-assistenza mill-Fond.

(21)

Ir-Regolament (UE, Euratom) Nru 966/2012 introduċa bidliet fl-immaniġġar kondiviż u indirett, inklużi rekwiżiti ta’ rappurtar speċifiċi li għandhom jiġu kkunsidrati. L-obbligi tar-rappurtar għandhom jirriflettu l-perijodu qasir tal-implimentazzjoni tal-operazzjonijiet tal-Fond. Il-proċeduri għall-ħatra ta’ korpi responsabbli għall-immaniġġar u l-kontroll tal-fondi tal-Unjoni, għandhom jirriflettu n-natura tal-istrument u ma jdewmux il-ħlas tal-kontribuzzjoni finanzjarja mill-Fond. Għaldaqstant hu neċessarju li jkun hemm deroga mir-Regolament (UE, Euratom) Nru 966/2012.

(22)

Għandhom jiġu stabbiliti dispożizzjonijiet biex jiġi evitat il-finanzjament doppju ta’ operazzjonijiet iffinanzjati mill-Fond ma’ strumenti finanzjarji oħra tal-Unjoni jew strumenti ġuridiċi internazzjonali relatati mal-kumpens ta’ ħsara speċifika.

(23)

Id-dikjarazzjoni tan-nefqa li l-pajjiżi jkunu għamlu minn kontribuzzjoni finanzjarja mill-Fond għandha tkun sempliċi kemm jista’ jkun. Għalhekk għandha tintuża rata unika tal-kambju matul l-implimentazzjoni tal-kontribuzzjoni finanzjarja għall-pajjiżi li mhumiex membri taż-żona tal-euro.

(24)

Sabiex ikunu żgurati kundizzjonijiet uniformi għall-implimentazzjoni tar-Regolament (KE) Nru 2012/2002, għandhom jingħataw setgħat ta’ implimentazzjoni lill-Kummissjoni fir-rigward ta’ deċiżjonijiet dwar kontribuzzjonijiet finanzjarji partikolari jew dwar kwalunkwe pagament bil-quddiem mill-Fond lil Stati eliġibbli.

(25)

Id-dispożizzjonijiet stabbiliti fir-Regolament (KE) Nru 2012/2002 li jirregolaw il-protezzjoni tal-interessi finanzjarji tal-Unjoni għandhom isiru iktar speċifiċi sabiex jidentifikaw b’mod ċar miżuri għall-prevenzjoni, l-iskoperta jew l-investigazzjoni ta’ irregolaritajiet, l-irkupru ta’ fondi mitlufa, imħallsa indebitament jew użati skorrettament.

(26)

Minħabba li l-objettivi ta’ dan ir-Regolament, jiġifieri li tkun żgurata azzjoni ta’ solidarjetà fl-Unjoni kollha biex tappoġġa Stat milqut minn diżastru naturali, ma jistgħux jinkisbu b’mod suffiċjenti mill-Istati Membri fuq bażi ad hoc, iżda pjuttost jistgħu, bl-applikazzjoni ta’ metodu sistematiku, regolat u ekwitabbli ta’ għoti ta’ appoġġ finanzjarju li jinvolvi lill-Istati Membri kollha skont il-kapaċità tagħhom, jinkisbu aħjar fil-livell tal-Unjoni, l-Unjoni tista’ tadotta miżuri, b’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. B’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li hu neċessarju sabiex jinkisbu dawk l-objettivi.

(27)

Ir-Regolament (KE) Nru 2012/2002 għandu għalhekk jiġi emendat kif meħtieġ,

(1)

L-Artikolu 2 jiġi sostitwit kif ġej:

“Artikolu 2

1.   Fuq talba ta’ Stat Membru jew ta’ pajjiż involut f’negozjati tal-adeżjoni mal-Unjoni, (minn hawn ‘il quddiem imsemmi bħala ‘Stat eliġibbli’), l-assistenza mill-Fond tista’ tiġi mobilizzata meta jseħħu riperkussjonijiet serji għall-kundizzjonijiet tal-għajxien, l-ambjent naturali jew l-ekonomija f’reġjun wieħed jew iktar ta’ dak l-Istat eliġibbli bħala konsegwenza ta’ diżastru naturali maġġuri jew reġjonali li jkun seħħ fit-territorju tal-istess Stat eliġibbli jew ta’ Stat eliġibbli tal-viċinat. Ħsara diretta kkawżata bħala l-konsegwenza diretta ta’ diżastru naturali għandha titqies bħala parti mill-ħsara kkawżata minn dak id-diżastru naturali.

2.   Għall-finijiet ta’ dan ir-Regolament, ‘diżastru naturali maġġuri’ għandha tfisser kwalunkwe diżastru naturali li jirriżulta, fi Stat Membru eliġibbli fi ħsara diretta stmata jew iktar minn EUR 3 000 000 000 bil-prezzijiet tal-2011, jew iktar minn 0,6 % tal-IGN tiegħu.

3.   Għall-finijiet ta’ dan ir-Regolament, “diżastru naturali reġjonali” għandha tfisser kwalunkwe diżastru naturali li jirriżulta, f’reġjun fil-livell NUTS 2 ta’ Stat eliġibbli, fi ħsara diretta li taqbeż 1,5 % tal-prodott domestiku gross (PDG) tar-reġjun.

Bħala deroga mill-ewwel subparagrafu, meta r-reġjun konċernat, li fih seħħ diżastru naturali, ikun reġjun ultra-periferiku fis-sens tal-Artikolu 349 tat-Trattat dwar il-Funzjonament tal-Unjoni Ewropea, “diżastru naturali reġjonali” tfisser kwalunkwe diżastru naturali li jirriżulta fi ħsara diretta li taqbeż 1 % tal- PDG ta’ dak ir-reġjun.

Fejn id-diżastru naturali jikkonċerna diversi reġjuni fil-livell NUTS 2, il-limitu minimu għandu jiġi applikat għall-medja tal-PDG ta’ dawk ir-reġjuni, peżata skont is-sehem mill-ħsara totali li jkun hemm f’kull reġjun.

4.   L-assistenza mill-Fond tista’ tkun mobilizzata wkoll għal kwalunkwe diżastru naturali fi Stat eliġibbli li jkun ukoll diżastru naturali maġġuri fi Stat eliġibbli tal-viċinat.

5.   Għall-finijiet ta’ dan l-Artikolu, għandha tintuża data statistika armonizzata pprovduta mill-Eurostat.”;

(2)

L-Artikolu 3 jiġi emendat kif ġej:

(3)

L-Artikolu 4 jiġi emendat kif ġej:

(4)

Jiżdied l-Artikolu 4a li ġej:

“Artikolu 4a

1.   Meta jissottometti applikazzjoni għal kontribuzzjoni finanzjarja mill-Fond lill-Kummissjoni, Stat Membru jista’ jitlob il-pagament bil-quddiem. Il-Kummissjoni tagħmel valutazzjoni preliminari dwar jekk l-applikazzjoni tissodisfax il-kundizzjonijiet stiuplati fl-Artikolu 4(1) u tivverifika d-disponibbiltà ta’ riżorsi baġitarji. Fejn dawk il-kundizzjonijiet ikunu sodisfatti u r-riżorsi suffiċjenti jkunu disponibbli, il-Kummissjoni tista’ tadotta deċiżjoni, permezz ta’ att ta’ implimentazzjoni, li tagħti l-pagament bil-quddiem u tħallsu mingħajr dewmien qabel ma tkun ittieħdet id-deċiżjoni msemmija fl-Artikolu 4(4). Il-ħlas ta’ pagament bil-quddiem huwa mingħajr preġudizzju għad-deċiżjoni finali dwar il-mobilizzazzjoni tal-Fond.

2.   L-ammont tal-pagament bil-quddiem ma għandux jaqbeż l-10 % tal-ammont tal-kontribuzzjoni finanzjarja antiċipata u ma għandu fi kwalunkwe każ jaqbeż EUR 30 000 000. Ladarba jkun ġie determinat l-ammont definittiv tal-kontribuzzjoni finanzjarja, il-Kummissjoni għandha tikkunsidra s-somma tal-pagament bil-quddiem qabel ma jitħallas il-bilanċ tal-kontribuzzjoni finanzjarja. Il-Kummissjoni għandha tirkupra l-pagamenti bil-quddiem li jitħallsu indebitament.

3.   Kwalunkwe ħlas lura li jkollu jsir lill-baġit ġenerali tal-Unjoni għandu jsir qabel id-data stipulata indikata fl-ordni ta’ rkupru li ssir b’konformità mar-Regolament (UE, Euratom) Nru 966/2012 tal-Parlament Ewropew u tal-Kunsill (*). Id-data stipulata għandha tkun l-aħħar jum tat-tieni xahar wara l-ħruġ tal-ordni.

4.   Meta tadotta l-abbozz tal-baġit ġenerali tal-Unjoni għal sena finanzjarja partikolari” il-Kummissjoni għandha, meta jkun meħtieġ sabiex tkun żgurata d-disponibbilta’ fil-ħin tar-riżorsi baġitarji” tipproponi lill-Parlament Ewropew u lill-Kunsill li jiġi mobilizzat il-Fond f’ammont sa massimu ta’ EUR 50 000 000 għall-ħlas ta’ pagamenti bil-quddiem u tipproponi li l-approprjazzjonijiet korrispondenti jiddaħħlu fil-baġit ġenerali tal-Unjoni.

L-arranġamenti baġitarji għandhom ikunu konformi mal-limiti massimi msemmijin fl-Artikolu 10(1) tar-Regolament tal-Kunsill (UE, Euratom) Nru 1311/2013 (**).

(*)  Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (ĠU L 298, 26.10.2012, p. 1)."

(**)  Regolament tal-Kunsill (UE, Euratom) Nru 1311/2013 tat-2 ta’ Diċembru 2013 li jistabbilixxi l-qafas finanzjarju pluriennali għas-snin 2014-2020 (ĠU L 347, 20.12.2013, p. 884).”;"

(5)

L-Artikolu 5 jiġi sostitwit b’dan li ġej:

“Artikolu 5

1.   Att ta’ implimentazzjoni adottat skont l-Artikolu 4(4) għandu jinkludi fl-Anness tiegħu dispożizzjonijiet dettaljati għall-implimentazzjoni tal-kontribuzzjoni finanzjarja mill-Fond.

Dawn id-dispożizzjonijiet għandhom jiddeskrivu, b’mod partikolari t-tip u l-post tal-operazzjonijiet li għandhom jiġu ffinanzjati mill-Fond wara li ssir proposta mill-Istat eliġibbli.

2.   Qabel ma titħallas kontribuzzjoni finanzjarja mill-Fond lil Stat eliġibbli li ma jkunx Stat Membru, il-Kummissjoni għandha tikkonkludi ftehim ta’ delegazzjoni ma’ dak l-Istat li jistabbilixxi dispożizzjonijiet dettaljati għall-implimentazzjoni tal-kontribuzzjoni finanzjarja mill-Fond imsemmi fil-paragrafu 1 b’konformità mar-Regolament (UE, Euratom) Nru 966/2012 u r-Regolament Delegat tal-Kummissjoni (UE) Nru 1268/2012 (***), kif ukoll l-obbligi relatati mal-prevenzjoni u l-immaniġġar tar-riskju ta’ diżastri naturali.

3.   Ir-responsabbiltà tal-għażla ta’ operazzjonijiet individwali u l-implimentazzjoni tal-kontribuzzjoni finanzjarja mill-Fond għandha tkun tal-Istat benefiċjarju, b’konformità ma’ dan ir-Regolament, b’mod partikolari l-Artikolu 3(2) u (3), l-att ta’ implimentazzjoni msemmi fl-Artikolu 4(4) u, fejn applikabbli, il-ftehim tad-delega msemmi fil-paragrafu 2 ta’ dan l-Artikolu.

4.   Il-kontribuzzjoni finanzjarja mill-Fond lil Stat Membru għandha tiġi implimentata fil-kuntest tal-immaniġġar kondiviż b’konformità mar-Regolament (UE, Euratom) Nru 966/2012. Il-kontribuzzjoni finanzjarja mill-Fond lil Stat eliġibbli li ma jkunx Stat Membru għandha tiġi implimentata fil-qafas tal-immaniġġar indirett b’konformità ma’ dak ir-Regolament.

5.   Mingħajr preġudizzju għar-responsabbiltà tal-Kummissjoni għall-implimentazzjoni tal-baġit ġenerali tal-Unjoni, l-Istati benefiċjarji għandhom jieħdu r-responsabbiltà għall-immaniġġar ta’ operazzjonijiet appoġġati mill-Fond u l-kontroll finanzjarju tal-operazzjonijiet. Il-miżuri li jieħdu għandhom jinkludu:

6.   L-Istati benefiċjarji għandhom jaħtru korpi responsabbli għall-immaniġġar u l-kontroll tal-operazzjonijiet appoġġati mill-Fond b’konformità mal-Artikoli 59 u 60 tar-Regolament (UE, Euratom) Nru 966/2012. Meta jagħmlu dan, huma għandhom jikkunsidraw kriterji dwar l-ambjent intern, attivitajiet ta’ kontroll, informazzjoni u komunikazzjoni, u monitoraġġ. L-Istati Membri jistgħu jaħtru l-korpi diġà nnominati taħt ir-Regolament (UE) Nru 1303/2013 tal-Parlament Ewropew u tal-Kunsill (****).

Dawk il-korpi maħtura għandhom jipprovdu lill-Kummissjoni bl-informazzjoni stabbilita fl-Artikolu 59(5) jew l-Artikolu 60(5) tar-Regolament (UE, Euratom) Nru 966/2012 li tkopri l-perijodu ta’ implimentazzjoni kollu meta jissottomettu r-rapport u d-dikjarazzjoni msemmija fl-Artikolu 8(3) ta’ dan ir-Regolament.

7.   L-Istat benefiċjarju għandu jagħmel il-korrezzjonijiet finanzjarji meħtieġa meta tiġi aċċertata irregolarità. Il-korrezzjonijiet li jsiru mill-Istat benefiċjarju jikkonsistu fil-kanċellazzjoni sħiħa jew parzjali tal-kontribuzzjoni finanzjarja mill-Fond. L-Istat benefiċjarju għandu jirkupra kwalunkwe ammont mitluf bħala riżultat ta’ irregolarità li tinstab.

8.   Mingħajr preġudizzju għas-setgħat tal-Qorti tal-Awdituri jew il-kontrolli mwettqa mill-Istat benefiċjarju b’konformità mal-liġijiet, ir-regolamenti u d-dispożizzjonijiet amministrattivi nazzjonali, il-Kummissjoni tista’ twettaq verifiki fuq il-post dwar l-operazzjonijiet iffinanzjati mill-Fond. Il-Kummissjoni għandha tinnotifika lill-Istat benefiċjarju bl-għan li tikseb l-assistenza neċessarja kollha. Uffiċjali jew aġenti oħra tal-Istat Membru kkonċernat, jistgħu jipparteċipaw f’tali kontrolli.

9.   L-Istat benefiċjarju għandu jiżgura li d-dokumenti ta’ appoġġ kollha relatati man-nefqa mġarrba jinżammu disponibbli għall-Kummissjoni u l-Qorti tal-Awdituri għal perijodu ta’ tliet snin wara t-tmiem tal-assistenza mill-Fond.

(***)  Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni (ĠU L 362, 31.12.2012, p. 1)."

(****)  Regolament (UE) Nru 1303/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (ĠU L 347, 20.12.2013, p. 320).”;"

(6)

L-Artikolu 6 jiġi sostitwit b’dan li ġej:

“Artikolu 6

1.   L-Istat benefiċjarju għandu jkun responsabbli għall-koordinament tal-kontribuzzjoni finanzjarja mill-Fond għall-operazzjonijiet imsemmija fl-Artikolu 3, minn naħa waħda, b’assistenza mill-Fondi Ewropej Strutturali u ta’ Investiment, il-Bank Ewropew tal-Investiment u strumenti oħra ta’ finanzjament tal-Unjoni, min-naħa l-oħra.

2.   L-Istat benefiċjarju għandu jiżgura li n-nefqa rimborżata b’konformità ma’ dan ir-Regolament, ma tiġix rimborżata permezz ta’ strumenti ta’ finanzjament oħra tal-Unjoni b’mod partikolari permezz tal-istrumenti tal-politiki ta’ koeżjoni, agrikola jew tas-sajd.

3.   Il-ħsara msewwija mill-istrumenti tal-Unjoni jew internazzjonali relatati mal-kumpens ta’ ħsara speċifika, ma għandhomx, ikunu eliġibbli għal assistenza mill-Fond għall-istess għan.”;

(7)

L-Artikolu 7 jiġi sostitwit b’dan li ġej:

“Artikolu 7

Operazzjonijiet iffinanzjati mill-Fond għandhom ikunu kompatibbli mad-dispożizzjonijiet tat-Trattat u strumenti adottati taħtu, bil-politiki u l-miżuri tal-Unjoni, b’mod partikolari fl-oqsma tal-immaniġġar finanzjarju, l-akkwist pubbliku, il-protezzjoni ambjentali, il-prevenzjoni u l-immaniġġar tar-riskju ta’ diżastri naturali, l-adattament għat-tibdil fil-klima inkluż, fejn ikun il-każ, l-approċċi bbażati fuq l-ekosistema, u bi strumenti ta’ assistenza qabel l-adeżjoni. Fejn applikabbli, l-operazzjonijiet iffinanzjati mill-Fond għandhom jikkontribwixxu għall-objettivi tal-Unjoni f’dawk l-oqsma.”;

(8)

L-Artikoli 8 u 9 jiġu sostitwiti b’dan li ġej:

“Artikolu 8

1.   Il-kontribuzzjoni finanzjarja mill-Fond għandha tintuża fi żmien tmintax-il xahar mid-data li fiha l-Kummissjoni tkun ħallset l-ammont sħiħ ta’ assistenza. Kwalunkwe parti tal-kontribuzzjoni finanzjarja li tibqa’ ma tintużax sa dik l-iskadenza jew li jinstab li ntużat għal operazzjonijiet mhux eliġibbli għandha tiġi rkuprata mill-Kummissjoni mingħand l-Istat benefiċjarju.

2.   L-Istati benefiċjarji għandhom jitolbu l-kumpens kollu possibbli minn partijiet terzi.

3.   Mhux iktar tard minn sitt xhur wara l-iskadenza tal-perijodu ta’ tmintax-il xahar imsemmi fil-paragrafu 1, l-Istat benefiċjarju għandu jippreżenta rapport dwar l-implimentazzjoni tal-kontribuzzjoni finanzjarja mill-Fond b’dikjarazzjoni li tiġġustifika n-nefqa, filwaqt li jindika kwalunkwe sors ta’ finanzjament ieħor li jkun wasal għall-operazzjonijiet ikkonċernati, inklużi saldi tal-assigurazzjoni u kumpens minn partijiet terzi.

Ir-rapport ta’ implimentazzjoni għandu jagħti fid-dettall:

Ir-rapport ta’ implimentazzjoni għandu jkun akkumpanjat minn opinjoni ta’ korp indipendenti tal-awditjar, imfassla skont standards tal-awditjar aċċettati internazzjonalment, li tistabbilixxi li d-dikjarazzjoni li tiġġustifika n-nefqa tagħti dehra reali u ġusta u li l-kontribuzzjoni finanzjarja mill-Fond hija legali u regolari, b’konformità mal-Artikolu 59(5) u l-Artikolu 60(5) tar-Regolament (UE, Euratom) Nru 966/2012.

Fl-aħħar tal-proċedura msemmija fl-ewwel subparagrafu, il-Kummissjoni għandha twaqqaf l-assistenza mill-Fond.

4.   Fejn l-ispiża tat-tiswija tal-ħsara sussegwentement titħallas minn parti terza, il-Kummissjoni għandha titlob lill-Istat benefiċjarju jirrimborża ammont korrispondenti għall-kontribuzzjoni finanzjarja mill-Fond.

Artikolu 9

L-applikazzjonijiet għal kontribuzzjoni finanzjarja mill-Fond u l-atti ta’ implimentazzjoni msemmija fl-Artikolu 4(4), kif ukoll il-ftehim ta’ delegazzjoni, ir-rapporti u kwalunkwe dokument relatat ieħor għandhom jesprimu l-ammonti kollha f’Euro.

L-ammonti tan-nefqa mġarrba fil-muniti nazzjonali għandhom jiġu kkonvertiti f’euro fir-rati tal-kambju ppubblikati fis-serje C ta’ Il-Ġurnal Uffiċjali tal-Unjoni Ewropea fil-ġurnata li fiha l-att ta’ implimentazzjoni relatat jiġi adottat mill-Kummissjoni. Fejn ma tiġi ppubblikata l-ebda rata tal-kambju f’Il-Ġurnal Uffiċjali tal-Unjoni Ewropea għall-ġurnata li fiha l-att ta’ implimentazzjoni relatat jiġi adottat mill-Kummissjoni, il-konverżjoni għandha ssir skont il-medja tar-rati ta’ kontabbiltà ta’ kull xahar stabbiliti mill-Kummissjoni, determinati għal dak il-perijodu. Din ir-rata tal-kambju unika għandha tintuża fl-implimentazzjoni kollha tal-kontribuzzjoni finanzjarja mill-Fond u bħala l-bażi għar-rapport dwar l-implimentazzjoni finali u d-dikjarazzjoni dwar l-implimentazzjoni u l-elementi meħtieġa skont l-Artikolu 59(5) jew l-Artikolu 60(5) tar-Regolament (UE, Euratom) Nru 966/2012 tal-kontribuzzjoni finanzjarja.”;

(9)

Fl-Artikolu 10, il-paragrafu 2 jiġi sostitwit b’dan li ġej:

“2.   Fil-każ ta’ valutazzjoni sostanzjalment iktar baxxa tal-ħsara mġarrba, kif jidher minn elementi ġodda, l-Istat benefiċjarju għandu jirrimborża l-ammont korrispondenti tal-kontribuzzjoni finanzjarja mill-Fond lill-Kummissjoni.”;

(10)

L-Artikolu 11 jiġi sostitwit b’dan li ġej:

“Artikolu 11

1.   Il-Kummissjoni għandha tieħu miżuri xierqa li jiżguraw li, meta jiġu implimentati azzjonijiet iffinanzjati skont dan ir-Regolament, l-interessi finanzjarji tal-Unjoni huma protetti permezz tal-applikazzjoni ta’ miżuri preventivi kontra l-frodi, il-korruzzjoni u kwalunkwe attività illegali oħra, permezz ta’ kontrolli effettivi u, jekk jinstabu irregolaritajiet, permezz tal-irkupru tal-ammonti mħallsa ħażin u fejn applikabbli, permezz ta’ penali amministrattivi u finanzjarji effettivi, proporzjonati u dissważivi.

2.   Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa tal-awditjar, abbażi ta’ dokumenti u fuq il-post, fuq il-benefiċjarji kollha li jirċievu finanzjamenti, kuntratturi, subkuntratturi, li jkunu rċivew fondi tal-Unjoni skont dan ir-Regolament.

3.   L-Uffiċċju Ewropew Kontra l-Frodi (OLAF) jista’ jwettaq investigazzjonijiet, inklużi verifiki fuq il-post u spezzjonijiet, b’konformità mad-dispożizzjonijiet u l-proċeduri stabbiliti fir-Regolament (UE, Euratom) Nru 883/2013 tal-Parlament Ewropew u tal-Kunsill (*****) u r-Regolament tal-Kunsill (Euratom, KE) Nru 2185/96 (******) bl-għan li jiġi stabbilit jekk kienx hemm frodi, korruzzjoni jew kwalunkwe attività illegali oħra, li taffettwa l-interessi finanzjarji tal-Unjoni b’konnessjoni ma’ kuntratt li jikkonċerna finanzjament tal-Unjoni.

4.   Mingħajr preġudizzju għall-paragrafi 1, 2 u 3, il-ftehimiet ta’ delegazzjoni ma’ pajjiżi terzi, kuntratti u deċiżjonijiet li jagħtu kontribuzzjoni finanzjarja mill-Fond li tirriżulta mill-implimentazzjoni ta’ dan ir-Regolament għandhom jinkludu dispożizzjonijiet li espressament jagħtu s-setgħa lill-Kummissjoni, lill-Qorti tal-Awdituri u lill-OLAF biex iwettqu tali eżerċizzji tal-awditjar u investigazzjonijiet, skont il-kompetenzi rispettivi tagħhom.

(*****)  Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1)."

(******)  Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolarijiet oħra (ĠU L 292, 15.11.1996, p. 2).”;"

(11)

L-Artikoli 13 u 14 jiġu mħassra.