EUR-Lex Access to European Union law
This document is an excerpt from the EUR-Lex website
Document 32014D0290
2014/290/EU: Council Decision of 14 April 2014 on the position to be taken on behalf of the European Union within the EU-Chile Association Committee regarding the modification of Annex XII to the Agreement establishing an association between the European Community and its Member States, of the one part, and the Republic of Chile, of the other part, setting out the lists of Chilean entities which procure in accordance with the provisions of Title IV of Part IV on government procurement
2014/290/UE: Deċiżjoni tal-Kunsill tal- 14 ta' April 2014 dwar il-pożizzjoni li għandha tittieħed f'isem l-Unjoni Ewropea fil-Kumitat ta' Assoċjazzjoni UE-Ċilì rigward il-modifika tal-Anness XII għall-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika taċ-Ċilì, min-naħa l-oħra, li jistabbilixxi l-listi ta' entitajiet Ċileni li jipprovdu skont id-dispożizzjonijiet tat-Titolu IV tal-Parti IV dwar l-Akkwist Pubbliku mill-Gvern
2014/290/UE: Deċiżjoni tal-Kunsill tal- 14 ta' April 2014 dwar il-pożizzjoni li għandha tittieħed f'isem l-Unjoni Ewropea fil-Kumitat ta' Assoċjazzjoni UE-Ċilì rigward il-modifika tal-Anness XII għall-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika taċ-Ċilì, min-naħa l-oħra, li jistabbilixxi l-listi ta' entitajiet Ċileni li jipprovdu skont id-dispożizzjonijiet tat-Titolu IV tal-Parti IV dwar l-Akkwist Pubbliku mill-Gvern
OJ L 147, 17.5.2014, p. 116–118
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
17.5.2014 |
MT |
Il-Ġurnal Uffiċjali tal-Unjoni Ewropea |
L 147/116 |
DEĊIŻJONI TAL-KUNSILL
tal-14 ta' April 2014
dwar il-pożizzjoni li għandha tittieħed f'isem l-Unjoni Ewropea fil-Kumitat ta' Assoċjazzjoni UE-Ċilì rigward il-modifika tal-Anness XII għall-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika taċ-Ċilì, min-naħa l-oħra, li jistabbilixxi l-listi ta' entitajiet Ċileni li jipprovdu skont id-dispożizzjonijiet tat-Titolu IV tal-Parti IV dwar l-Akkwist Pubbliku mill-Gvern
(2014/290/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-ewwel paragrafu tal-Artikolu 207(4) flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Il-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika taċ-Ċilì, min-naħa l-oħra (1) (“il-Ftehim ta' Assoċjazzjoni”), kien iffirmat fit-18 ta' Novembru 2002. |
(2) |
L-Anness XII għall-Ftehim ta' Assoċjazzjoni jipprovdi listi ta' entitajiet fir-Repubblika taċ-Ċilì (“Ċilì”) li jakkwistaw skont id-dispożizzjonijiet dwar l-akkwist pubbliku tal-gvern tat-Titolu IV tal-Parti IV tal-Ftehim ta' Assoċjazzjoni. |
(3) |
Fl-10 ta' Frar 2012, iċ-Ċilì nnotifika lill-Unjoni bl-intenzjoni tiegħu li jimmodifika l-Anness XII għall-Ftehim ta' Assoċjazzjoni, skont l-Artikolu 159(1) ta' dak il-Ftehim. Fit-18 ta' Ottubru 2012, iċ-Ċilì pprovda informazzjoni addizzjonali. Il-modifika tikkonsisti fis-simplifikazzjoni ta' ċerti listi ta' entrati fl-Anness XII għall-Ftehim ta' Assoċjazzjoni, jiġifieri: fl-Appendiċi 1 A, l-entitajiet elenkati taħt kull Ministeru u l-gvern reġjonali huma sostitwiti bi klawżola ġenerali li tkopri l-entitajiet kollha subordinati għall-Ministeri u l-gvernijiet reġjonali elenkati u fl-Appendiċi 2 A, id-dettalji tal-lista tal-entrati kollha fil-livell subċentrali huma sostitwiti bi frażi ġenerali: 'il-muniċipalitajiet kollha' (“il-modifika tal-Anness XII għall-Ftehim ta' Assoċjazzjoni”). L-Appendiċi 1 B u l-Appendiċi 2 B, kif ukoll l-Appediċi 3 sal-Appendiċi 5 tal-Anness XII għall-Ftehim ta' Assoċjazzjoni, jibqgħu kif inhuma. |
(4) |
Wara dik in-notifika, u skont l-Artikolu 159(2) u (3) tal-Ftehim ta' Assoċjazzjoni, il-Partijiet għall-Ftehim ta' Assoċjazzjoni jqisu li huwa opportun li l-Kumitat ta' Assoċjazzjoni UE- Ċilì (“il-Kumitat ta' Assoċjazzjoni”) jieħu deċiżjoni biex jirrifletti l-modifika tal-Anness XII għall-Ftehim ta' Assoċjazzjoni. |
(5) |
Il-pożizzjoni tal-Unjoni fil-Kumitat ta' Assoċazzjoni għandha tkun ibbażata fuq l-abbozz tad-Deċiżjoni anness, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tittieħed f'isem l-Unjoni fil-Kumitat ta' Assoċjazzjoni UE- Ċilì (“il-Kumitat ta' Assoċjazzjoni”) rigward il-modifika tal-Anness XII għall-Ftehim ta' Assoċjazzjoni li jistabbilixxi l-listi ta' entitajiet Ċileni li jakkwistaw skont id-dispożizzjonijiet tat-Titolu IV tal-Parti IV dwar Akkwist Pubbliku mill-Gvern, għandha tkun ibbażata fuq l-abbozz tad-Deċiżjoni tal-Kumitat ta' Assoċjazzjoni anness ma' din id-Deċiżjoni.
Artikolu 2
Wara l-adozzjoni tagħha, id-Deċiżjoni tal-Kumitat ta' Assoċjazzjoni għandha tiġi ppubblikata f'Il-Ġurnal Uffiċjali tal-Unjoni Ewropea.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, l-14 ta' April 2014.
Għall-Kunsill
Il-President
C. ASHTON
(1) ĠU L 352, 30.12.2002, p. 3.
ABBOZZ TA'
DEĊIŻJONI NRU …/2014 TAL-KUMITAT TA' ASSOĊJAZZJONI UE-ĊILÌ
ta' …
relatata mal-Anness XII għall-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika taċ-Ċilì, min-naħa l-oħra, li jikkonċerna l-listi ta' entitajiet Ċileni li jakkwistaw skont id-dispożizzjonijiet tat-Titolu IV tal-Parti IV dwar l-akkwist pubbliku mill-gvern
IL-KUMITAT TA' ASSOĊJAZZJONI UE- ĊILÌ,
Wara li kkunsidra l-Ftehim li jistabbilixxi assoċjazzjoni bejn il-Komunità Ewropea u l-Istati Membri tagħha, min-naħa l-waħda, u r-Repubblika taċ-Ċilì, min-naħa l-oħra (1) (“il-Ftehim ta' Assoċjazzjoni”), iffirmat fit-18 ta' Novembru 2002, u b'mod partikolari l-Artikolu 159 tiegħu,
Billi:
(1) |
L-Anness XII għall-Ftehim ta' Assoċjazzjoni jipprovdi listi ta' entitatjiet fir-Repubblika taċ-Ċilì (“Ċilì”) li jakkwistaw skont id-dispożizzjonijiet tal-akkwist pubbliku mill-gvern tat-Titolu IV tal-Parti IV tal-Ftehim ta' Assoċjazzjoni. |
(2) |
Fl-10 ta' Frar 2012, Ċilì nnotifika lill-Unjoni bl-intenzjoni tiegħu li jimmodifika l-kopertura tieg]u dwar l-akkwist pubbliku mill-gvern stipulat fl-Anness XII għall-Ftehim ta' Assoċjazzjoni. Il-modifika tikkonsisti fis-simplifikazzjoni ta' ċerti listi ta' entrati fl-Anness XII għall-Ftehim ta' Assoċjazzjoni, jiġifieri: fl-Appendiċi 1 A, l-entitajiet elenkati taħt kull Ministeru u l-gvern reġjonali huma sostitwiti bi klawżola ġenerali li tkopri l-entitajiet kollha subordinati għall-Ministeri u l-gvernijiet reġjonali elenkati, u fl-Appendiċi 2 A, id-dettalji tal-lista tal-entrati kollha fil-livell subċentrali huma sostitwiti bi frażi ġenerali: “il-muniċipalitajiet kollha” (“il-modifika tal-Anness XII għall-Ftehim ta' Assoċjazzjoni”). L-Appendiċi 1 B u l-Appendiċi 2 B, kif ukoll l-Appediċi 3 sal-Appendiċi 5 tal-Anness XII għall-Ftehim ta' Assoċjazzjoni, jibqgħu kif inhuma. |
(3) |
Għall-finijiet tal-Anness XII għall-Ftehim ta' Assoċjazzjoni, huwa xieraq li ssir il-modifika tal-Anness XII għall-Ftehim ta' Assoċjazzjoni notifikata miċ-Ċilì, |
ADOTTA DIN ID-DEĊIŻJONI:
Artikolu 1
L-Anness XII għall-Ftehim ta' Assoċjazzjoni li jinkludi l-listi ta' entitajiet Ċileni li jipprovdu skont id-dispożizzjonijiet tat-Titolu IV tal-Parti IV dwar akkwisti pubbliċi mill-gvern huwa sostitwit mit-test li jidher fl-Anness għal din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi …,.
Għall-Kumitat ta' Assoċjazzjoni UE- Ċilì
Il-President
(1) ĠU L 352, 30.12.2002, p. 3.
ANNESS
“ANNESS XII
(Imsemmi fl-Artikolu 137 tal-Ftehim ta' Assoċjazzjoni)
IL-KAMP TA' APPLIKAZZJONI TAĊ-ĊILÌ DWAR AKKWISTI PUBBLIĊI MILL-GVERN
Appendiċi 1
Entitajiet fuq livell ċentrali
Entitajiet li jakkwistaw skont id-dispożizzjonijiet ta' dan it-Titolu
PROVVISTI
Limiti SDR 130 000
SERVIZZI
Speċifikati fl-Appendiċi 4
Limiti SDR 130 000
XOGĦLIJIET
Speċifikati fl-Appendiċi 5
Limiti SDR 5 000 000
A. |
LISTA TA' ENTITAJIET
|
Nota mat-Taqsima A)
Sakemm mhux speċifikat mod ieħor f'dan l-Appendiċi, l-entitajiet kollha subordinati għall-Ministeri u l-gvernijiet reġjonali elenkati hawn fuq, huma koperti b'dan il-Ftehim.
B. |
L-ENTITAJIET PUBBLIĊI L-OĦRA KOLLHA JINKLUDU S-SUDDIVIŻJONIJIET REĠJONALI U SOTTOREĠJONALI TAGĦHOM SAKEMM MA GĦANDHOMX KARATTRU INDUSTRIJALI JEW KUMMERĊJALI. |
Appendiċi 2
Entitajiet fuq livell subċentrali u korpi rregolati mil-liġi pubblika
Entitajiet li jakkwistaw skont id-dispożizzjonijiet ta' dan it-Titolu
PROVVISTI
Limiti SDR 200 000
SERVIZZI
Speċifikati fl-Appendiċi 4
Limiti SDR 200 000
XOGĦLIJIET
Speċifikati fl-Appendiċi 5
Limiti SDR 5 000 000
A. |
LISTA TA' ENTITAJIET
|
B. |
L-ENTITAJIET PUBBLIĊI SUBĊENTRALI L-OĦRA KOLLHA INKLUŻI S-SUDDIVIŻJONIJIET TAGĦHOM U L-ENTITAJIET L-OĦRA KOLLHA LI JOPERAW FL-INTERESS ĠENERALI U SOĠĠETT GĦAL KONTROLL EFFETTIV U MANIĠERJALI JEW FINANZJARJU MINN ENTITAJIET PUBBLIĊI, SAKEMM MA GĦANDHOMX KARATTRU INDUSTRIJALI JEW KUMMERĊJALI. |
Appendiċi 3
Entitajiet li joperaw fis-settur tal-utilitajiet
PROVVISTI
Limiti SDR 400 000
SERVIZZI
Speċifikati fl-Appendiċi 4
Limiti SDR 400 000
XOGĦLIJIET
Speċifikati fl-Appendiċi 5
Limiti SDR 5 000 000
A. |
LISTA TA' ENTITAJIET
|
B. |
L-IMPRIŻI PUBBLIĊI L-OĦRA KOLLHA, KIF DEFINITI FL-ARTIKOLU 138(C), LI GĦANDHOM BĦALA WAĦDA MILL-ATTIVITAJIET TAGĦHOM KWALUNKWE WAĦDA MINN DAWK IMSEMMIJA HAWN TAĦT JEW KULL KOMBINAMENT TAGĦHOM:
|
Appendiċi 4
Servizzi
Għall-iskopijiet ta' dan it-Titolu u mingħajr preġudizzju għall-Artikolu 137(2), l-ebda servizz tal-lista Universali ta' Servizzi mhu eskluż.
Appendiċi 5
Servizzi ta' kostruzzjoni
Għall-iskopijiet ta' dan it-Titolu u mingħajr preġudizzju għad-dispożizzjonijiet tal-Artikolu 137(2), l-ebda servizz ta' kostruzzjoni taħt id-diviżjoni tas-CPC li jikkonċerna xogħol ta' kostruzzjoni mhu eskluż.”.