EUR-Lex Access to European Union law
This document is an excerpt from the EUR-Lex website
Document 32010D0657
2010/657/EU: Commission Decision of 28 October 2010 on the financing of emergency measures concerning rabies in north-east Italy (notified under document C(2010) 7379)
2010/657/UE: Deċiżjoni tal-Kummissjoni tat- 28 ta’ Ottubru 2010 dwar il-finanzjament ta’ miżuri ta’ emerġenza li jikkonċernaw l-idrofobija fil-grigal tal-Italja (notifikata bid-dokument numru C(2010) 7379)
2010/657/UE: Deċiżjoni tal-Kummissjoni tat- 28 ta’ Ottubru 2010 dwar il-finanzjament ta’ miżuri ta’ emerġenza li jikkonċernaw l-idrofobija fil-grigal tal-Italja (notifikata bid-dokument numru C(2010) 7379)
OJ L 285, 30.10.2010, p. 33–36
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
30.10.2010 |
MT |
Il-Ġurnal Uffiċjali tal-Unjoni Ewropea |
L 285/33 |
DEĊIŻJONI TAL-KUMMISSJONI
tat-28 ta’ Ottubru 2010
dwar il-finanzjament ta’ miżuri ta’ emerġenza li jikkonċernaw l-idrofobija fil-grigal tal-Italja
(notifikata bid-dokument numru C(2010) 7379)
(2010/657/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Deċiżjoni tal-Kunsill 2009/470/KE tal-25 ta’ Mejju 2009 dwar in-nefqa fil-kamp veterinarju (1), u b’ mod partikolari l-Artikolu 8(2) tagħha,
Billi:
|
(1) |
Id-Deċiżjoni 2009/470/KE tistipula li meta Stat Membru jkun direttament mhedded bl-okkorrenza jew l-iżvilupp, fit-territorju ta’ pajjiż terz jew Stat Membru, ta’ waħda mill-mardiet elenkati fl-Anness I ta’ dik id-Deċiżjoni, jista’ jiġi deċiż li jiġu adottati miżuri xierqa għas-sitwazzjoni u li tingħata kontribuzzjoni finanzjarja mill-Unjoni għall-miżuri li jkunu meqjusa partikolarment neċessarji għas-suċċess tal-azzjonijiet meħuda. |
|
(2) |
L-idrofobija hija marda tal-annimali li tolqot prinċipalment lill-karnivori domestiċi u selvaġġi u għandha implikazzjonijiet serji għas-saħħa pubblika. Hija waħda mill-mard elenkati fl-Anness I tad-Deċiżjoni 2009/470/KE. |
|
(3) |
Fis-snin reċenti, l-Unjoni kkofinanzjat programmi għat-tilqim orali ta’ karnivori selvaġġi, li huma l-għajn tal-marda, u dawn irriżultaw f’sitwazzjoni favorevoli fil-parti l-kbira tal-Istati Membri bi tnaqqis drastiku fl-għadd ta’ każijiet ta’ idrofobija f’annimali selvaġġi u domestiċi u l-għajbien ta’ każijiet li jolqtu lill-bniedem. |
|
(4) |
L-Italja tqieset bħala pajjiż liberu mill-idrofobija sa mill-1997. Madankollu, f’Ottubru 2008 fir-reġjun ta’ Friuli Venezia Giulia, instab każ wieħed ta’ idrofobija li kien segwit minn tmien każijiet ġodda fl-istess reġjun. Fl-2009, l-idrofobija silvatika nxterdet ukoll fir-reġjun tal-Veneto. Sal-aħħar tal-2009, instabu 35 każ fil-Friuli Venezia Giulia u 33 każ fil-Veneto. |
|
(5) |
Stati Membri ġirien esprimew it-tħassib li t-territorji tagħhom huma mhedda mis-sitwazzjoni tal-idrofobija fil-grigal tal-Italja. |
|
(6) |
Għaldaqstant, hemm bżonn ta’ miżuri ta’ emerġenza biex ma jitħalliex li l-marda tinxtered iktar fl-Italja jew li tinxtered lejn l-Istati Membri ġirien tal-Awstrija u s-Slovenja, u biex jissaħħu l-isforzi biex il-marda tinqered kemm jista’ jkun malajr. |
|
(7) |
Fid-9 ta’ Diċembru 2009, l-Italja bagħtet pjan ta’ emerġenza għat-tilqim orali tal-volpijiet bl-isem ta’ “Programm ta’ kontroll tal-idrofobija fir-reġjuni tal-grigal tal-Italja - pjan ta’ tilqim speċjali għall-volpijiet” lill-Kummissjoni. Il-pjan instab li hu aċċettabbli u għalhekk huwa xieraq li ċerti miżuri jirċievu finanzjament mill-Unjoni. Għalhekk għandha tingħata kontribuzzjoni finanzjarja mill-Unjoni għall-implimentazzjoni tagħha. |
|
(8) |
Il-kontribuzzjoni finanzjarja tal-Unjoni għandha titħallas fuq il-bażi tat-talba uffiċjali għal rimbors imressqa mill-Istati Membri u tad-dokumenti ta’ sostenn imsemmija fl-Artikolu 7 tar-Regolament tal-Kummissjoni (KE) Nru 349/2005 tat-28 ta’ Frar 2005 li jistabbilixxi r-regoli rigward il-finanzjament Komunitarju għall-interventi urġenti u l-ġlieda kontra ċertu mard tal-annimali kif imsemmi fid-Deċiżjoni tal-Kunsill 90/424/KEE (2) |
|
(9) |
Meta tqis l-urġenza biex jiġi implimentat il-pjan ta’ tilqim estiż sabiex il-marda ma titħalliex tinxtered lejn Stati Membri oħra, ikun ġustifikat li l-kontribuzzjoni finanzjarja tal-Unjoni tkun disponibbli mid-9 ta’ Diċembru 2009 meta l-pjan kien intbagħat lill-Kummissjoni għall-finanzjament, |
|
(10) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-“Programm ta’ kontroll tal-idrofobija fir-reġjuni tal-grigal tal-Italja — pjan ta’ tilqim speċjali għall-volpijiet” (“il-pjan”) mibgħut mill-Italja nhar id-9 ta’ Diċembru 2009 huwa b’dan approvat għall-perjodu mid-9 ta’ Diċembru 2009 sal-31 ta’ Diċembru 2010.
Artikolu 2
1. L-Unjoni tista’ tagħti kontribuzzjoni finanzjarja għall-pjan bir-rata ta’ 50 % tal-ispejjeż imġarrba mill-Italja:
|
(a) |
għat-twettiq ta’ testijiet fil-laboratorji:
|
|
(b) |
għax-xiri u t-tqassim ta’ vaċċin orali kif ukoll lixki u x-xiri u l-amministrazzjoni lill-bhejjem ta’ vaċċini parenterali għall-pjan. |
Madankollu, il-kontribuzzjoni finanzjarja tal-Unjoni għall-ispejjeż imsemmija fil-punti (a) u (b) ma għandhiex taqbeż is-somma ta’ EUR 2 300 000.
2. L-ammont massimu tal-ispejjeż li għandhom jiġu rimborsati lill-Italja għall-pjan, bħala medja ma għandhomx ikunu ogħla minn:
|
EUR 8 għal kull test; |
||
|
EUR 8 għal kull test; |
||
|
EUR 12 għal kull test; |
||
|
EUR 10 għal kull test; |
||
|
EUR 0,4 għal kull doża; |
||
|
EUR 1 għal kull doża; |
||
|
EUR 1,50 għal kull annimal. |
3. L-ispejjeż għat-twettiq tat-testijiet fil-laboratorji msemmija fil-paragrafu 1, il-punt (a) għandhom jinkludu:
|
(a) |
l-ispejjeż imħallsa għax-xiri ta’ kits għat-testijiet, reaġenti u l-konsumabbli kollha użati biex isiru t-testijiet; |
|
(b) |
l-ispejjeż imħallsa għall-persunal allokati speċifikatament, interament jew parzjalment, għat-twettiq tat-testijiet; |
|
(ċ) |
massimu ta’ 7 % tal-ispejjeż ġenerali tas-somma totali tal-ispejjeż imsemmija fil-punti (a) u (b). |
Artikolu 3
1. Il-kontribuzzjoni finanzjarja tal-Unjoni għall-pjan għandha tingħata sakemm l-Italja:
|
(a) |
timplimenta l-pjan skont id-dispożizzjonijiet rilevanti tal-liġi tal-Unjoni, inklużi r-regoli tal-kompetizzjoni u l-aġġudikazzjoni ta’ kuntratti pubbliċi u għajnuna statali; |
|
(b) |
tibgħat rapport finali lill-Kummissjoni, skont l-Annessi, sa mhux aktar tard mit-30 ta’ April 2011 dwar l-eżekuzzjoni teknika tal-pjan akkumpanjat minn evidenza li tiġġustifika l-ispejjeż imħallsa u r-riżultati miksuba matul il-perjodu mid-9 ta’ Diċembru 2009 sal-31 ta’ Diċembru 2010; |
|
(ċ) |
timplimenta l-pjan b’mod effiċjenti. |
2. F’każ li l-Italja ma tikkonformax mal-kundizzjonijiet stipulati fil-paragrafu 1, il-Kummissjoni għandha tnaqqas il-kontribuzzjoni finanzjarja tal-Unjoni, wara li tqis in-natura u l-gravità tal-infrazzjoni, u t-telf finanzjarju mġarrab mill-Unjoni.
Artikolu 4
Din id-Deċiżjoni għandha tapplika mid-9 ta’ Diċembru 2009.
Artikolu 5
Din id-Deċiżjoni hija indirizzata lill-Istati Membri.
Magħmul fi Brussell, it-28 ta’ Ottubru 2010.
Għall-Kummissjoni
John DALLI
Membru tal-Kummissjoni
(1) OJ L 155, 18.6.2009, p. 30.
ANNESS I
Ir-rapport tekniku msemmi fl-Artikolu 3(1)(b) għandu jinkludi mill-inqas dan li ġej:
A. Tilqim
|
I. |
Perjodu ta’ Rappurtar |
|
II. |
Għadd ta’ lixki tal-vaċċin tal-idrofobija mqassma |
|
III. |
Għadd ta’ bhejjem u merħliet imlaqqma skont ir-reġjun |
|
IV. |
Għadd ta’ lixki mqassma bl-ajru |
|
V. |
Għadd ta’ lixki mqassma manwalment |
|
VI. |
Mapep li juru l-kopertura tat-territorju bil-lixki u l-linji li tqassmu tulhom il-lixki (bl-ajru u manwalment). |
B. Monitoraġġ
|
|
Testijiet viroloġiċi |
Testijiet seroloġiċi |
Sejba ta’ markatur tat-tetraċiklin |
|||||||
|
Reġjun |
Speċi |
Tip ta’ test |
Għadd ta’ annimali ttestjati |
Pożittiv |
Tip ta’ test |
Għadd ta’ annimali ttestjati |
Pożittiv (il-valuri jinqatgħu fi: … IU/ml) |
Tip ta’ test |
Għadd ta’ annimali ttestjati |
Pożittiv |
|
|
|
|
|
|
|
|
|
|
|
|
C. Valutazzjoni teknika tas-sitwazzjoni u d-diffikultajiet li nstabu
ANNESS II
Ir-rapport finanzjarju msemmi fl-Artikolu 3(1)(b) għandu jinkludi mill-inqas dan li ġej:
|
Miżuri eliġibbli għall-kofinanzjament |
||||
|
Testijiet fil-laboratorju |
||||
|
Reġjun |
Tip ta’ testijiet |
Għadd ta’ annimali ttestjati |
Għadd ta’ testijiet imwettqa |
Spiża tat-testijiet imwettqa (f’EUR) |
|
Sejba ta’ antiġen tal-idrofobija |
TAF |
|
0 |
0,00 |
|
RKP |
|
|
|
|
|
oħrajn (jekk jogħġbok speċifika) |
|
|
|
|
|
Sejba ta’ antikorpi tal-idrofobija |
Newtralizzazzjoni tal-Virus |
|
|
|
|
oħrajn (jekk jogħġbok speċifika) |
|
|
|
|
|
Karattterizzazzjoni tal-virus tal-idrofobija |
Tqegħid f’sekwenza |
|
|
|
|
oħrajn (jekk jogħġbok speċifika) |
|
|
|
|
|
Bijomarkatur |
|
|
|
|
|
Dożar tal-lixki tal-vaċċini |
|
|
|
|
|
Total |
|
0 |
0 |
0,00 |
|
Vaċċini u lixki |
||||
|
Reġjun |
Tip ta’ testijiet |
Għadd ta’ annimali |
Għadd ta’ dożijiet ta’ vaċċini u lixki |
Spiża tax-xiri u t-tqassim/amministrazzjoni (f’EUR) |
|
Vaċċin orali |
Xiri |
|
|
|
|
Tqassim |
|
|
|
|
|
Vaċċin parenterali |
Xiri |
|
|
|
|
Amministrazzjoni |
|
|
|
|
|
Total |
|
0 |
0 |
0,00 |
Jiena niċċertifika li:
|
— |
l-infiq sar tassew, akkontat b’eżattezza u eliġibbli skont id-dispożizzjonijiet tad-Deċiżjoni tal-Kummissjoni 2010/657/UE; |
|
— |
id-dokumenti ta’ sostenn kollha relatati mal-infiq huma disponibbli għall-ispezzjoni, notevolment biex jiġġustifikaw il-livell ta’ kumpens għall-annimali; |
|
— |
ma ntalbet l-ebda kontribuzzjoni oħra mill-Unjoni għal dan il-programm u d-dħul kollu li sar minn operazzjonijiet skont il-programm huwa ddikkjarat lill-Kummissjoni; |
|
— |
il-programm kien eżegwit skont il-leġiżlazzjoni rilevanti tal-Unjoni, partikolarment ir-regoli dwar il-kompetizzjoni, l-aġġudikazzjoni ta’ kuntratti pubbliċi u għajnuna Statali; |
|
— |
japplikaw il-proċeduri ta’ kontroll, b’mod partikolari għall-verifika tal-eżattezza tal-ammonti dikkjarati, għall-prevenzjoni, is-sejba u t-tiswija tal-irregolaritajiet. |
|
|
Data: … |
|
|
Isem u firma tad-direttur operattiv: … |