EUR-Lex Access to European Union law
This document is an excerpt from the EUR-Lex website
Document 32010D0004
2010/4/EU, Euratom: Commission Decision of 22 December 2009 authorising Bulgaria to use statistics for years earlier than the last year but one, and to use certain approximate estimates for the calculation of the VAT own resources base (notified under document C(2009) 10413)
2010/4/UE, Euratom: Deċiżjoni tal-Kummissjoni tat- 22 ta’ Diċembru 2009 li tawtorizza lill-Bulgarija biex tuża l-istatistika tas-snin aktar bikrija mis-sena ta’ qabel tal-aħħar, u biex tuża certi estimi approssimattivi għall-kalkolu tal-bażi tar-riżorsi proprji tal-VAT (notifikata bid-dokument numru C(2009) 10413)
2010/4/UE, Euratom: Deċiżjoni tal-Kummissjoni tat- 22 ta’ Diċembru 2009 li tawtorizza lill-Bulgarija biex tuża l-istatistika tas-snin aktar bikrija mis-sena ta’ qabel tal-aħħar, u biex tuża certi estimi approssimattivi għall-kalkolu tal-bażi tar-riżorsi proprji tal-VAT (notifikata bid-dokument numru C(2009) 10413)
OJ L 3, 7.1.2010, p. 17–18
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 28/11/2014
|
7.1.2010 |
MT |
Il-Ġurnal Uffiċjali tal-Unjoni Ewropea |
L 3/17 |
DEĊIŻJONI TAL-KUMMISSJONI
tat-22 ta’ Diċembru 2009
li tawtorizza lill-Bulgarija biex tuża l-istatistika tas-snin aktar bikrija mis-sena ta’ qabel tal-aħħar, u biex tuża certi estimi approssimattivi għall-kalkolu tal-bażi tar-riżorsi proprji tal-VAT
(notifikata bid-dokument numru C(2009) 10413)
(It-test bil-Bulgaru biss huwa awtentiku)
(2010/4/UE, Euratom)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat it-Trattat li jwaqqaf il-Komunità Ewropea għall-Enerġija Atomika,
Wara li kkunsidrat ir-Regolament tal-Kunsill (KEE, Euratom) Nru 1553/89 tad-29 ta’ Mejju 1989 dwar l-arranġamenti uniformi definittivi għall-ġbir ta’ riżorsi proprji li jakkumulaw mit-taxxa fuq il-valur miżjud (1), u b’mod partikulari l-Artikolu 4 (4) u l-Artikolu 6(3) tiegħu,
Wara li kkonsultat lill-Kumitat Konsultattiv dwar ir-Riżorsi Proprji,
Billi:
|
(1) |
Il-Bulgarija talbet l-awtorizzazzjoni mill-Kummissjoni biex tuża l-kontijiet nazzjonali għas-snin aktar bikrija mis-sena ta’ qabel tal-aħħar u biex tuża estimi approssimattivi biex tikkalkula l-bażi tar-riżorsi proprji tal-VAT għat-tranżazzjonijiet imsemmija f’punt 10 ta’ parti B ta’ Anness X tad-Direttiva tal-Kunsill 2006/112/KE tat-28 ta’ Novembru 2006 dwar is-sistema Komuni tat-taxxa fuq il-valur miżjud (2). |
|
(2) |
Għall-finijiet tat-tqassim tat-tranżazzjonijiet skont il-kategorija statistika stabbilita fl-Artikolu 4(4) tar-Regolament (KEE, Euratom) Nru 1553/89, il-Bulgarija mhix f’pożizzjoni li tuża l-kontijiet nazzjonali relatati mas-sena ta’ qabel tal-aħħar ta’ qabel is-sena finanzjarja li fuqha trid tiġi kkalkulata l-bażi tar-riżorsi proprji tal-VAT. Il-Bulgarija għalhekk għandha tiġi awtorizzata biex tuża l-kontijiet nazzjonali għas-snin aktar bikrija mis-sena ta’ qabel tal-aħħar. |
|
(3) |
Il-Bulgarija hija awtorizzata li teżenta kategorija waħda ta’ tranżazzjonijiet (trasport internazzjonali ta’ passiġġieri) kif imsemmi f’parti B ta’ Anness X tad-Direttiva 2006/112/KE ibbażata fuq Paragrafu 1 ta’ Taqsima 6 (Tassazzjoni) f’Anness VI tal-Att tal-Adeżjoni tar-Repubblika tal-Bulgarija fl-Unjoni Ewropea (3). Dawn it-tranżazzjonijiet għandhom jiġu kkunsidrati biex tkun determinata l-bażi tar-riżorsi proprji tal-VAT. |
|
(4) |
Il-Bulgarija mhix f’pożizzjoni li tagħmel kalkolu preċiż tal-bażi tar-riżorsi proprji tal-VAT għat-tranżazzjnijiet imsemmija f’punt 10 ta’ parti B ta’ Anness X tad-Direttiva 2006/112/KE. Kalkolu bħal dan x’aktarx li jinvolvi piż amministrattiv mhux ġustifikat meta wieħed iqis l-effett ta’ dawn it-tranżazzjonijet fuq it-total tal-bażi ta’ riżorsi tal-VAT tal-Bulgarija. Il-Bulgarija hi f’pożizzjoni li tagħmel kalkolu billi tuża stimi approssimattivi għal din il-kategorija ta’ tranżazzjonijiet. Il-Bulgarija għandha għalhekk tingħata awtorizzazzjoni biex tikkalkula l-bażi ta’ VAT billi tuża estimi approssimattivi skont it-tieni inċiż tal-Artikolu 6 (3) tar-Regolament (KEE, Euratom) Nru 1553/89; |
|
(5) |
Għall-finijiet ta’ trasparenza u ċertezza legali hu xieraq li jkun hemm limitu ta’ żmien tal-applikabilità tal-awtorizzazzjoni, |
ADOTTAT DIN ID-DEĊIŻJONI:
Artikolu 1
Sabiex isir tqassim skont ir-rata imsemmija fl-Artikolu 4 (4) tar-Regolament (KEE, Euratom) Nru 1553/89 il-Bulgarija hija awtorizzata mill-1 ta’ Jannar 2009 biex tuża ċifri miksuba mill-kontijiet nazzjonali tat-tielet sena ta’ qabel, jew ir-raba’ sena ta’ qabel is-sena finanzjarja li fuqha ġiet ikkalkulata l-bażi tar-riżorsi tal-VAT.
Artikolu 2
Għall-fini tal-kalkolu tal-bażi tar-riżorsi proprji tal-VAT mill-1 ta’ Jannar tal-2009, il-Bulgarija qed tiġi awtorizzata biex tuża estimi approssimattivi fir-rigward ta’ trasport internazzjonali tal-passiġġieri kif imsemmi fl-Anness X, parti B tad-Direttiva 2006/112/KE.
Artikolu 3
Din id-deċiżjoni għandha tapplika mill-1 ta’ Jannar 2009 sal-31 ta’ Diċembru 2013.
Artikolu 4
Din id-Deċiżjoni hija indirizzata lir-Repubblika tal-Bulgarija.
Magħmul fi Brussell, it-22 ta’ Diċembru 2009.
Għall-Kummissjoni
Algirdas ŠEMETA
Membru tal-Kummissjoni
(2) ĠU L 347, 11.12.2006, p. 1.
(3) ĠU L 157, 21.6.2005, p. 289.