EUR-Lex Access to European Union law
This document is an excerpt from the EUR-Lex website
Document 32009R1254
Commission Regulation (EU) No 1254/2009 of 18 December 2009 setting criteria to allow Member States to derogate from the common basic standards on civil aviation security and to adopt alternative security measures (Text with EEA relevance)
Regolament tal-Kummissjoni (UE) Nru 1254/2009 tat- 18 ta’ Diċembru 2009 li jistabbilixxi l-kriterji li jippermettu lill-Istati Membri jidderogaw mill-istandards bażiċi komuni dwar is-sigurtà tal-avjazzjoni ċivili u jadottaw miżuri alternattivi tas-sigurtà (Test b’relevanza għaż-ŻEE)
Regolament tal-Kummissjoni (UE) Nru 1254/2009 tat- 18 ta’ Diċembru 2009 li jistabbilixxi l-kriterji li jippermettu lill-Istati Membri jidderogaw mill-istandards bażiċi komuni dwar is-sigurtà tal-avjazzjoni ċivili u jadottaw miżuri alternattivi tas-sigurtà (Test b’relevanza għaż-ŻEE)
OJ L 338, 19.12.2009, p. 17–17
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 07 Volume 025 P. 66 - 66
In force: This act has been changed. Current consolidated version: 21/12/2016
19.12.2009 |
MT |
Il-Ġurnal Uffiċjali tal-Unjoni Ewropea |
L 338/17 |
REGOLAMENT TAL-KUMMISSJONI (UE) Nru 1254/2009
tat-18 ta’ Diċembru 2009
li jistabbilixxi l-kriterji li jippermettu lill-Istati Membri jidderogaw mill-istandards bażiċi komuni dwar is-sigurtà tal-avjazzjoni ċivili u jadottaw miżuri alternattivi tas-sigurtà
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 300/2008 tal-Parlament Ewropew u tal-Kunsill tal-11 ta’ Marzu 2008 dwar regoli komuni fil-qasam tas-sigurtà tal-avjazzjoni ċivili u li jħassar ir-Regolament (KE) Nru 2320/2002 (1), u partikolarment l-Artikolu 4(4) tiegħu,
Billi:
(1) |
Il-kriterji għandhom jiġu stabbiliti b’mod li jippermettu lill-Istati Membri jidderogaw mill-istandards bażiċi komuni dwar is-sigurtà tal-avjazzjoni ċivili u jadottaw miżuri alternattivi tas-sigurtà li jipprovdu livell adegwat ta’ protezzjoni abbażi ta’ valutazzjoni tar-riskju [lokali]. It-tali miżuri alternattivi għandhom jiġu ġġustifikati permezz ta’ raġunijiet marbutin mad-daqs tal-inġenji tal-ajru, jew permezz ta’ raġunijiet marbutin man-natura, l-iskala jew il-frekwenza tal-operazzjonijiet jew ta’ attivitajiet rilevanti oħrajn. Għalhekk, il-kriterji li għandhom jiġu stabbiliti għandhom ikunu ġġustifikati wkoll permezz ta’ dawn ir-raġunijiet. |
(2) |
F’konformità mal-Artikolu 24 tar-Regolament (KE) Nru 300/2008, l-Anness għar-Regolament imsemmi għandu japplika mid-data li se tiġi speċifikata fir-regoli tal-implimentazzjoni, iżda mhux aktar tard minn 24 xahar wara d-dħul fis-seħħ tar-Regolament (KE) Nru 300/2008. Għalhekk, l-applikazzjoni tal-kriterji adottati skont l-Artikolu 4(4) tar-Regolament (KE) Nru 300/2008 għandha tiġi ddiferita sal-adozzjoni tar-regoli tal-implimentazzjoni skont l-Artikolu 4(3), iżda mhux aktar tard mid-29 ta’ April 2010. |
(3) |
Il-miżuri pprovduti f’dan ir-Regolament huma skont l-opinjoni tal-Kumitat dwar is-Sigurtà tal-Avjazzjoni Ċivili, |
ADOTTAT DAN IR-REGOLAMENT:
Artikolu 1
L-Istati Membri jistgħu jidderogaw mill-istandards bażiċi komuni msemmija fl-Artikolu 4(1) tar-Regolament (KE) Nru 300/2008 u jadottaw miżuri alternattivi tas-sigurtà li jipprovdu livell xieraq ta’ protezzjoni abbażi ta’ valutazzjoni tar-riskju lokali f’ajruporti jew f’żoni ddemarkati tal-ajruporti fejn it-traffiku huwa limitat għal waħda jew aktar mill-kategoriji li ġejjin:
(1) |
inġenji tal-ajru (aircraft) b’piż massimu ta’ inqas minn 15 000 kilogramma waqt it-tluq; |
(2) |
ħelikopters; |
(3) |
titjiriet għall-infurzar tal-liġi; |
(4) |
titjiriet għat-trażżin tan-nar; |
(5) |
titjiriet tas-servizzi mediċi, tas-servizzi tal-emerġenza jew tas-salvataġġ; |
(6) |
titjiriet għar-riċerka u l-iżvilupp; |
(7) |
titjiriet għax-xogħol tal-ajru (“aerial work”); |
(8) |
titjiriet tal-għajnuna umanitarja; |
(9) |
titjiriet imħaddma minn trasportaturi tal-ajru, manifatturi tal-inġenji tal-ajru jew kumpaniji tal-manutenzjoni, li ma jkunux jġorru la passiġġieri u bagalji, u lanqas merkanzija u posta; |
(10) |
titjiriet b’inġenji tal-ajru b’piż massimu ta’ inqas minn 45 500 kilogramma waqt it-tluq għat-trasport tal-persunal tal-kumpanija stess u ta’ passiġġieri li ma jkunux qed iħallsu n-noll jew għat-trasport ta’ oġġetti li jservu ta’ għajnuna biex jitwettaq in-negozju tal-kumpanija. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mid-data speċifikata fir-regoli tal-implimentazzjoni adottati skont il-proċedura msemmija fl-Artikolu 4(3) tar-Regolament (KE) Nru 300/2008, iżda mhux aktar tard mid-29 ta’ April 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Diċembru 2009.
Għall-Kummissjoni
José Manuel BARROSO
Il-President