Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32007R1352

Regolament tal-Kummissjoni (KE) Nru 1352/2007 tas- 16 ta’ Novembru 2007 li jemenda l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni

OJ L 303, 21.11.2007, p. 3–5 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2007/1352/oj

21.11.2007   

MT

Il-Ġurnal Uffiċjali ta’ l-Unjoni Ewropea

L 303/3

REGOLAMENT TAL-KUMMISSJONI (KE) Nru 1352/2007

tas-16 ta’ Novembru 2007

li jemenda l-Anness I tar-Regolament (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u b'mod partikolari l-Artikolu 9(1)(a) tiegħu,

Billi:

(1)

Ir-Regolament tal-Kummissjoni (KEE) Nru 2568/91 (2) tal-11 ta’ Lulju 1991 dwar il-karatteristiċi taż-żejt taż-żebbuġa u dwar il-metodi ta’ analiżi rilevanti kien aġġornat bir-Regolament (KE) Nru 702/2007 biex ikunu kkunsidrati l-konklużjonijiet ta’ esperti tal-kimika. L-aġġustamenti introdotti fir-Regolament (KEE) Nru 2568/91 jikkonsistu partikolarment fid-determinazzjoni tal-perċentwali ta’ 2-gliċeril monopalmitat li huwa aktar preċiż fl-iskoperta ta’ żjut esterifikati, u t-tnaqqis tal-valur tal-limitu ta’ stigmastadina fiż-żjut taż-żebbuġa verġni li jippermetti li tintlaħaq separazzjoni aħjar taż-żjut taż-żebbuġa verġini u raffinati.

(2)

Għaldaqstant, in-Nota addizzjonali 2 għall-Kapitlu 15 tan-Nomenklatura Magħquda dwar iż-żjut taż-żebbuġa għandha tkun aġġustata wkoll.

(3)

Ir-Regolament (KEE) Nru 2658/87 għandu għalhekk ikun emendat skond dan.

(4)

L-emenda magħmula lir-Regolament (KEE) Nru 2568/91 fl-2007 għandha tapplika mill-1 ta’ Jannar 2008. Għall-konsistenza, dan ir-Regolament għandu japplika mill-istess data.

(5)

Il-miżuri previsti f’dan ir-Regolament huma skond l-opinjoni tal-Kumitat tal-Kodiċi tad-Dwana,

ADOTTAT DAN IR-REGOLAMENT:

Artiklu 1

Anness I tar-Regolament (KEE) Nru 2658/87 huwa emendat kif jidher fl-Anness.

Artiklu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.

Dan għandu japplika mill-1 ta’ Jannar 2008.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 16 ta’ Novembru 2007.

Għall-Kummissjoni

László KOVÁCS

Membru tal-Kummissjoni

(1)  ĠU L 256, 7.9.1987, p. 1. Ir-Regolament kif emendat l-aħħar bir-Regolament tal-Kummisssjoni (KE) Nru 1214/2007 (ĠU L 286, 31.10.2007, p. 1).

(2)  ĠU L 248, 5.9.1991, p. 1. Ir-Regolament kif emendat l-aħħar bir-Regolament (KE) Nru 702/2007 (ĠU L 161, 22.6.2007, p. 11).

ANNESS

F’Kapitlu 15 ta’ Anness I tar-Regolament (KEE) Nru 2658/87, in-Nota addizzjonali 2 hija emendata kif ġej:

(1)

Nota addizzjonali 2.B.1. hija emendata kif ġej:

(a)

Punt (a) jitbiddel b'dan li ġej:

“(a)

wieħed mill-kontenuti ta’ xema’ li ġejjin:

(i)

kontenut ta’ xema’ ta’ mhux aktar minn 300 mg/kg jew

(ii)

kontenut ta’ xema’ ta’ aktar minn 300 mg/kg imma mhux aktar minn 350 mg/kg sakemm

—

il-kontenut totali ta’ alkoħol alifatiku huwa anqas minn jew daqs 350 mg/kg jew

—

il-kontenut ta’ eritrodjol u uvaol huwa inqas minn jew daqs 3,5 %”

(b)

Il-punt (ċ) jinbidel b’dan li ġej:

“(ċ)

wieħed minn dawn iż-żewġ karatteristiċi li ġejjin:

(i)

kontenut ta’ 2-gliċeril monopalmitat mhux ogħla minn 0,9 % jekk l-aċtu palmitiku ma jaqbiżx l-14 % tal-kontenut totali ta’ aċti ta’ xaħam;

(ii)

kontenut ta’ 2-gliċeril monopalmitat mhux ogħla minn 1,1 % jekk l-aċtu palmitiku jaqbeż l-14 % tal-kontenut totali ta’ aċti ta’ xaħam.”

(2)

Nota addizzjonali 2.B.2. hija emendata kif ġej:

(a)

Punt (ij) jinbidel b'dan li ġej:

“(ij)

wieħed minn dawn iż-żewġ karatteristċi li ġejjin:

(i)

kontenut ta’ 2-gliċeril monopalmitat mhux ogħla minn 0,9 % jekk l-aċtu palmitiku ma jaqbiżx l-14 % tal-kontenut totali ta’ aċti ta’ xaħam;

(ii)

kontenut ta’ 2-gliċeril monopalmitat mhux ogħla minn 1,0 % jekk l-aċtu palmitiku jaqbeż l-14 % tal-kontenut totali ta’ aċti ta’ xaħam”;

(b)

Punt (l) jinbidel b'dan li ġej:

“(l)

kontenut ta’ stigmastadini mhux aktar minn 0,10 mg/kg;”

(3)

F’nota addizzjonali 2.Ċ. punt (f) jinbidel b'li ġej:

“(f)

wieħed minn dawn iż-żewġ karatteristċi li ġejjin:

(i)

kontenut ta’ 2-gliċeril monopalmitat mhux ogħla minn 0,9 % jekk l-aċtu palmitiku ma jaqbiżx l-14 % tal-kontenut totali ta’ aċti ta’ xaħam;

(ii)

kontenut ta’ 2-gliċeril monopalmitat mhux ogħla minn 1,0 % jekk l-aċtu palmitiku jaqbeż l-14 % tal-kontenut totali ta’ aċti ta’ xaħam.”

(4)

F’nota addizzjonali 2.D. punti (a) – (d) jinbidlu bil-punti (a) – (e) li ġejjin:

“(a)

wieħed mill-kontenuti ta’ xema’ li ġejjin:

(i)

kontenut tax-xema’ ogħla minn 350 mg/kg jew

(ii)

kontenut ta’ xema’ ta’ ogħla minn 300 mg/kg iżda mhux ogħla minn 350 mg/kg sakemm

—

il-kontenut totali ta’ alkoħol alifatiku huwa aktar minn 350 mg/kg u

—

il-kontenut ta’ eritrodjol u uvaol huwa akbar minn 3,5 %.

(b)

kontenut ta’ eritrodjol u uvaol ogħla minn 4,5 %;

(ċ)

kontenut ta’ 2-gliċeril monopalmitat mhux ogħla minn 1,4 %;

(d)

l-għadd ta’ isomeri transoleiċi mhux ogħla minn 0,20 % u l-għadd ta’ transoleiċi + isomeri translinolenici mhux ogħla minn 0,10 %;

(e)

differenza bejn l-HPLC u l-kontenut teoretiku ta’ trigliċeridi b’ECN42 ta’ 0,6 jew inqas.”

(5)

F’nota addizzjonali 2.E. it-tieni sentenza tinbidel b'dan li ġej:

“Żjut f’dan is-subtitlu irid ikollhom kontenut ta’ 2-gliċeril monopalmitat mhux ogħla minn 1,4 %, għadd ta’ isomeri translinoleiċi anqas minn 0,4 %, għadd ta’ isomeri translinoleiċi + translinoleniċi ta’ anqas minn 0,35 % u b’differenza bejn l-HPLC u kontenut teoretiku ta’ trigliċeridi b’ECN42 ta’ mhux ogħla minn 0,5.”
Top