Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document E2019P0010

Talba għal Opinjoni Konsultattiva mill-Qorti tal-EFTA mill-Qorti tal-Appell tal-Prinċipat datata t-3 ta’ Diċembru 2019 fil-każ Bergbahn Aktiengesellschaft Kitzbühel v Meleda Anstalt (Il-Każ E-10/19) 2020/C 110/08

OJ C 110, 2.4.2020, p. 9–9 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

2.4.2020   

MT

Il-Ġurnal Uffiċjali tal-Unjoni Ewropea

C 110/9

Talba għal Opinjoni Konsultattiva mill-Qorti tal-EFTA mill-Qorti tal-Appell tal-Prinċipat datata t-3 ta’ Diċembru 2019 fil-każ Bergbahn Aktiengesellschaft Kitzbühel v Meleda Anstalt

(Il-Każ E-10/19)

(2020/C 110/08)

Saret talba lill-Qorti tal-EFTA datata t-3 ta’ Diċembru 2019 mill-Qorti tal-Appell tal-Prinċipat (Fürstliches Obergericht), li waslet fir-Reġistru tal-Qorti fil-5 ta’ Diċembru 2019, għal Opinjoni Konsultattiva fil-każ Bergbahn Aktiengesellschaft Kitzbühel v Meleda Anstalt dwar il-mistoqsijiet li ġejjin:

Kif għandu jiġi interpretat l-Artikolu 30(1) tad-Direttiva (UE) 2015/849?

I.   

 

1.

Kif għandha tiġi interpretata d-dispożizzjoni li entitajiet inkorporati u ġuridiċi oħrajn huma meħtieġa jiksbu informazzjoni adegwata dwar is-sjieda benefiċjarja tagħhom? Bħala regola ġenerali, huwa biżżejjed li l-entità obbligata tkun innotifikata b’min huwa s-sid benefiċjarju jew għandha, barra minn hekk, tipproduċi wkoll id-dokumenti sottostanti b’valur probatorju (artikoli ta’ assoċjazzjoni, eċċ.)?

2.

Fil-każ li s-sempliċi provvista ta’ informazzjoni ma tkunx biżżejjed iżda, bħala regola, id-dokumenti sottostanti (artikoli ta’ assoċjazzjoni, eċċ.) iridu jiġu prodotti: Din is-sitwazzjoni tinbidel b’xi mod meta s-sid benefiċjarju jkun persuna ġuridika b’uffiċċju rreġistrat fi Stat taż-ŻEE u, għalhekk, ikun ukoll suġġett għad-dispożizzjonijiet tad-Direttiva (UE) 2015/849? Is-sempliċi provvista ta’ informazzjoni hija biżżejjed f’dan il-każ?

3.

Jekk tingħata risposta negattiva għall-Mistoqsija 2: Tinbidel is-sitwazzjoni b’xi mod meta l-bord tas-sid benefiċjarju jkun avukat, nutar jew fiduċjarju (ta’ negozju), li skont il-liġi nazzjonali, huwa obbligat, soġġett għat-theddida ta’ piena ħarxa jew, potenzjalment, l-irtirar tal-awtorità li jipprattika f’każ ta’ nuqqas ta’ konformità, li jipprovdi informazzjoni kompleta u preċiża u li l-ordni legali nazzjonali tagħtih fiduċja partikolari?

4.

Jekk il-mistoqsija 3 titwieġeb ukoll fin-negattiv u għalhekk jeżisti obbligu li jiġu prodotti d-dokumenti sottostanti (artikoli ta’ assoċjazzjoni, eċċ.) f’kull każ:

(a)

X’inhu l-estent minimu ta’ dokumenti li għandhom jiġu prodotti wara li jiġi kkunsidrat il-prinċipju ta’ minimizzazzjoni tad-data speċifikat fl-Artikolu 5(1)(c) tar-Regolament (UE) 2016/679 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data)?

(b)

Kif għandu jiġi pprovat in-nuqqas ta’ eżistenza ta’ sjieda indiretta jew in-nuqqas ta’ eżistenza ta’ kontroll finali minn persuna fiżika fis-sens tal-Artikolu 3(6)(b)(v) u tal-Artikolu 3(6)(c) tad-Direttiva (UE) 2015/849 (fid-dawl tal-prinċipju li m’hemm l-ebda obbligu li jiġu ppruvati ċirkustanzi negattivi - “negativa non sunt probanda”)?

II.   

Irrispettivament mit-tweġibiet mogħtija għall-mistoqsijiet stipulati fit-taqsima I:

1.

Kif għandha tipproċedi l-entità marbuta b’obbligu li tikseb informazzjoni xierqa skont l-Artikolu 30(1) tad-Direttiva 2015/849, meta s-sid benefiċjarju jirrifjuta li jipprovdi informazzjoni u/jew — skont it-tweġibiet mogħtija lill-mistoqsijiet magħmula fit-Taqsima I — li jipproduċi d-dokumenti sottostanti jew ma jipprovdix informazzjoni preċiża u attwali: Imbagħad, l-entità marbuta b’obbligu hija obbligata, b’riskju u bi spejjeż tagħha, li tieħu azzjoni legali kontra s-sid benefiċjarju għall-provvista ta’ informazzjoni jew, jekk disponibbli, li tieħu azzjoni legali simili prevista taħt il-liġi nazzjonali jew tista’ tkun sodisfatta bl-informazzjoni pprovduta lilha mis-sid benefiċjarju jew ir-rifjut li tiġi żvelata informazzjoni? F’dan il-każ, jekk ikun hemm bżonn, għandu jiġi applikat, mutatis mutandis, l-Artikolu 3(6)(a)(ii) tad-Direttiva (UE) 2015/849, li jirreferi għall-“eżawriment tal-possibbiltajiet kollha”, fi kliem ieħor, l-eżawriment tal-possibbiltajiet kollha għandu jinftiehem bħala li jinkludi t-teħid ta’ azzjoni legali għar-riskju u l-ispejjeż ta’ dak li jkun?

2.

Jekk il-mistoqsija preċedenti hija mwieġba fl-affermattiv (jiġifieri li jeżisti obbligu li tittieħed azzjoni legali): Imbagħad, jekk ikun hemm bżonn, għandu jiġi applikat, mutatis mutandis, l-Artikolu 3(6)(a)(ii) ta’ din id-Direttiva, b’tali mod li jkun jeżisti obbligu li tittieħed azzjoni legali b’riskju u spejjeż ta’ dak li jkun meta jkun hemm raġunijiet għal suspett jew fejn ikun hemm xi dubju (anki jekk l-iċken wieħed biss) fir-rigward tal-informazzjoni pprovduta?
Top