EUR-Lex Access to European Union law
This document is an excerpt from the EUR-Lex website
Document 52018AR2839
Opinion of the European Committee of the Regions — A new deal for consumers
Opinjoni tal-Kumitat Ewropew tar-Reġjuni — Patt Ġdid għall-Konsumaturi
Opinjoni tal-Kumitat Ewropew tar-Reġjuni — Patt Ġdid għall-Konsumaturi
COR 2018/02839
OJ C 461, 21.12.2018, p. 232–244
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
21.12.2018 |
MT |
Il-Ġurnal Uffiċjali tal-Unjoni Ewropea |
C 461/232 |
Opinjoni tal-Kumitat Ewropew tar-Reġjuni — Patt Ġdid għall-Konsumaturi
(2018/C 461/20)
|
I. RAKKOMANDAZZJONIJIET SABIEX JITRESSQU EMENDI
Proposta għal Direttiva tal-Parlament Ewropew u tal-Kunsill dwar azzjonijiet rappreżentattivi għall-protezzjoni tal-interessi kollettivi tal-konsumaturi, u li tħassar id-Direttiva 2009/22/KE
(COM/2018/0184 final — 2018/089 (COD))
Emenda 1
Kapitolu 2, Artikolu 6(1) – ibdel it-test kif ġej:
|
Test propost mill-Kummissjoni Ewropea |
Emenda tal-KtR |
|
Għall-fini tal-Artikolu 5(3), l-Istati Membri għandhom jiżguraw li l-entitajiet kwalifikati jkunu intitolati jressqu azzjonijiet rappreżentattivi li jitolbu ordni ta’ rimedju li tobbliga lin-negozjant jipprovdi, fost l-oħrajn, kumpens, tiswija, sostituzzjoni, tnaqqis fil-prezz, terminazzjoni tal-kuntratt jew rimborż tal-prezz imħallas, kif xieraq. Stat Membru jista’ jeħtieġ il-mandat ta’ konsumaturi individwali konċernat qabel ma tittieħed deċiżjoni dikjaratorja jew tinħareġ ordni ta’ rimedju. |
Għall-fini tal-Artikolu 5(3), l-Istati Membri għandhom jiżguraw li l-entitajiet kwalifikati jkunu intitolati jressqu azzjonijiet rappreżentattivi li jitolbu ordni ta’ rimedju li tobbliga lin-negozjant jipprovdi, fost l-oħrajn, kumpens, tiswija, sostituzzjoni, tnaqqis fil-prezz, terminazzjoni tal-kuntratt jew rimborż tal-prezz imħallas, kif xieraq. Stat Membru jista’ jeħtieġ il-mandat ta’ konsumaturi individwali konċernat qabel ma tinħareġ ordni ta’ rimedju. |
Raġuni
Il-mandat tal-konsumaturi individwali għandu jkun meħtieġ biss fejn tiġi mitluba ordni ta’ rimedju mill-entità kwalifikata. Fil-każ ta’ deċiżjonijiet dikjaratorji li bihom jiġi stabbilit ksur, il-mandat tal-konsumaturi ma għandux ikun meħtieġ. Dan huwa konsistenti mal-Artikolu 5(2) li jiddikjara li “Sabiex jitolbu ordnijiet ta’ inġunzjoni, (għalhekk inkluża ordni ta’ inġunzjoni li tistabbilixxi li l-prattika tikkostitwixxi ksur tal-liġi) l-entitajiet kwalifikati ma għandhomx għalfejn jiksbu l-mandat tal-konsumaturi individwali konċernati jew jipprovdu prova ta’ telf jew dannu reali min-naħa tal-konsumaturi konċernati jew tal-intenzjoni jew tan-negliġenza min-naħa tan-negozjant”.
Emenda 2
Kapitolu 3, Artikolu 18(2) — ħassar il-paragrafu
Monitoraġġ u evalwazzjoni
|
Test propost mill-Kummissjoni Ewropea |
Emenda tal-KtR |
|
Sa mhux aktar tard minn sena wara d-dħul fis-seħħ ta’ din id-Direttiva, il-Kummissjoni għandha tivvaluta jekk ir-regoli dwar id-drittijiet tal-passiġġieri tal-ajru u tal-ferrovija, joffrux livell ta’ protezzjoni tad-drittijiet tal-konsumaturi paragunabbli ma’ dak previst skont din id-Direttiva. Meta dan ikun il-każ, il-Kummissjoni għandha l-intenzjoni li tagħmel proposti xierqa, li jistgħu jikkonsistu b’mod partikolari f’li jitneħħew l-atti msemmija fil-punti 10 u 15 tal-Anness I mill-kamp tal-applikazzjoni ta’ din id-Direttiva, kif definit fl-Artikolu 2. |
|
Raġuni
Huwa essenzjali li jinżamm il-kamp ta’ applikazzjoni wiesa’ tal-proposta, inklużi d-drittijiet tal-passiġġieri.
Emenda 3
ANNESS I — emenda kif ġej:
LISTA TA’ DISPOŻIZZJONIJIET TAL-LIĠI TAL-UNJONI MSEMMIJA FL-ARTIKOLU 2(1)
|
Test propost mill-Kummissjoni Ewropea |
Emenda tal-KtR |
||
|
[…] |
(…) |
||
|
|
|
Raġuni
Il-kamp ta’ applikazzjoni tad-Direttiva għandu jitwessa’ biex ikun hemm impatt reali f’oqsma fejn iseħħ dannu tal-massa, u għandu jkopri l-prattiki kollha ta’ detriment għall-konsumaturi u ċ-ċittadini.
Proposta għal Direttiva tal-Parlament Ewropew u tal-Kunsill li temenda d-Direttiva tal-Kunsill 93/13/KEE tal-5 ta’ April 1993, id-Direttiva 98/6/KE tal-Parlament Ewropew u tal-Kunsill, id-Direttiva 2005/29/KE tal-Parlament Ewropew u tal-Kunsill u d-Direttiva 2011/83/UE tal-Parlament Ewropew u tal-Kunsill dwar infurzar aħjar u mmodernizzar tar-regoli tal-UE dwar il-protezzjoni tal-konsumatur
(COM(2018) 185 final — 2018/0090(COD))
Emenda 4
Premessa 2 — punt ġdid
|
Test propost mill-Kummissjoni Ewropea |
Emenda tal-KtR |
|
|
Id-diġitalizzazzjoni li qed tiżdied qed tbiddel l-pedamenti tal-eżistenza tagħna. Fl-era diġitali, iseħħu spostamenti enormi ta’ setgħa bejn l-individwi, il-gvernijiet u l-kumpaniji. Madankollu, il-progress tekniku għandu dejjem jibqa’ għas-servizz tal-bniedem fl-era diġitali. It-tfassil tad-dinja diġitali għandu jkun ukoll kompitu Ewropew, sabiex l-Unjoni Ewropea jista’ jirnexxilha tippreserva l-libertà, il-ġustizzja u s-solidarjetà fis-seklu 21. Id-drittijiet fundamentali u l-prinċipji demokratiċi għandhom jiġu salvagwardati wkoll fid-dinja diġitali permezz tal-istat tad-dritt, billi l-atturi statali u dawk mhux statali jkunu obbligati jiżguraw l-applikazzjoni tad-drittijiet fundamentali fid-dinja diġitali, u b’hekk jinħoloq il-pedament tal-istat tad-dritt fl-era diġitali. |
Raġuni
Waqt li jitqies il-preambolu tal-Karta tad-Drittijiet Diġitali Fundamentali tal-UE (https://digitalcharta.eu/), għandhom jiġu identifikati sfidi demokratiċi, kostituzzjonali u tad-drittijiet fundamentali li jakkumpanjaw il-proċess ta’ diġitalizzazzjoni.
Emenda 5
Premessa 5 — punt ġdid
|
Test propost mill-Kummissjoni Ewropea |
Emenda tal-KtR |
|
|
F’konformità mal-ġurisprudenza stabbilita tal-Qorti tal-Ġustizzja, il-libertà li jiġu pprovduti servizzi ggarantiti mit-Trattati tista’ tiġi ristretta għal raġunijiet prevalenti ta’ interess ġenerali, pereżempju sabiex jinkiseb livell għoli ta’ protezzjoni tal-konsumatur, sakemm dawk ir-restrizzjonijiet ikunu ġustifikati, proporzjonati u neċessarji. L-Istati Membri jistgħu, għalhekk, jieħdu ċerti miżuri sabiex jiżguraw konformità mar-regoli tagħhom fir-rigward tal-protezzjoni tal-konsumatur, li mhumiex koperti mill-kamp ta’ applikazzjoni ta’ din id-Direttiva. Il-miżuri meħuda minn Stat Membru biex jinforza r-reġim nazzjonali tiegħu għall-protezzjoni tal-konsumatur, inkluż, pereżempju, ir-reklamar tal-logħob tal-azzard, għandhom, kif meħtieġ mill-ġurisprudenza tal-UE, ikunu proporzjonati u neċessarji fid-dawl tal-objettiv segwit. |
Raġuni
Evidenti.
Emenda 6
Punt 18 — ibdel it-test kif ġej
|
Test propost mill-Kummissjoni Ewropea |
Emenda tal-KtR |
|
Jinħtieġ li s-swieq online jiġu definiti għall-finijiet tad-Direttiva 2011/83/UE bl-istess mod bħal fir-Regolament (UE) Nru 524/2013 (1) u d-Direttiva (UE) 2016/1148 (2). Madankollu, jinħtieġ li d-definizzjoni tiġi aġġornata u magħmula aktar teknoloġikament newtrali biex tkopri teknoloġiji ġodda. Huwa għalhekk xieraq li ssir referenza, minflok “sit web”, għall-kunċett ta’ “interfaċċa online” kif previst mir-Regolament (UE) 2018/302 (3). |
Jinħtieġ li s-swieq online jiġu definiti għall-finijiet tad-Direttiva 2011/83/UE bl-istess mod bħal fir-Regolament (UE) Nru 524/2013 (1). Madankollu, jinħtieġ li d-definizzjoni tiġi aġġornata u magħmula aktar teknoloġikament newtrali biex tkopri teknoloġiji ġodda. Huwa għalhekk xieraq li ssir referenza, minflok “sit web”, għall-kunċett ta’ “interfaċċa online” kif previst mir-Regolament (UE) 2018/302 (2) . Is-servizzi tal-informatika pprovduti mis-suq online jistgħu jinkludu l-ipproċessar ta’ tranżazzjonijiet, l-aggregazzjoni ta’ data, jew il-ħolqien ta’ profili tal-utenti. Ħwienet tal-applikazzjonijiet online li jippermettu d-distribuzzjoni diġitali ta’ programmi ta’ softwer jew applikazzjonijiet ta’ partijiet terzi għandhom jitqiesu bħala tip ta’ suq online. |
Raġuni
L-Artikolu 2.4 jiddefinixxi rekwiżiti importanti ta’ informazzjoni fi swieq online u għandu jinkludi b’mod espliċitu ħwienet ta’ applikazzjoni, kif jagħmel ir-Regolament (UE) Nru 524/2013. Sabiex jiġi evitat li l-iżvelar tal-kriterji ta’ klassifikazzjoni jiġi evitat, m’għandu jkun hemm l-ebda referenza għad-Direttiva (UE) 2016/1148.
Emenda 7
Premessa 21 — ibdel it-test kif ġej
|
Test propost mill-Kummissjoni Ewropea |
Emenda tal-KtR |
|
Il-kontenut diġitali u s-servizzi diġitali spiss jiġu fornuti online taħt kuntratti fejn il-konsumatur ma jħallasx prezz iżda jipprovdi data personali lill-kummerċjant. Is-servizzi diġitali huma kkaratterizzati minn involviment kontinwu tal-kummerċjant tul iż-żmien tal-kuntratt li jippermetti lill-konsumatur li jagħmel użu tas-servizz, pereżempju, l-aċċess, l-ħolqien, l-ipproċessar, il-ħażna jew l-iskambju ta’ data f’forma diġitali. Eżempji ta’ servizzi diġitali huma l-kuntratti ta’ abbonament għal pjattaformi ta’ kontenut, b’mod partikolari l-cloud storage, il-posta web, il-midja soċjali u l-applikazzjonijiet tal-cloud. L-involviment kontinwu tal-fornitur tas-servizzi jiġġustifika l-applikazzjoni tar-regoli dwar id-dritt ta’ rtirar stipulat fid-Direttiva 2011/83/UE li effettivament jippermetti lill-konsumatur li jittestja s-servizz u jiddeċiedi, matul il-perjodu ta’ 14-il jum mill-konklużjoni tal-kuntratt, jekk iżżommux jew le. B’kuntrast, kuntratti għall-forniment ta’ kontenut diġitali li mhuwiex fornut fuq mezz tanġibbli huma kkaratterizzati minn azzjoni waħda mill-kummerċjant biex jipprovdi lill-konsumatur b’biċċa jew biċċiet speċifiċi ta’ kontenut diġitali, bħal fajls speċifiċi tal-mużika jew tal-vidjo. Din in-natura ta’ darba tal-forniment ta’ kontenut diġitali hija l-bażi tal-eċċezzjoni mid-dritt ta’ rtirar skont l-Artikolu 16(m) tad-Direttiva 2011/83/UE, fejn il-konsumatur jitlef id-dritt ta’ rtirar meta l-prestazzjoni tal-kuntratt ikun beda, bħal tniżżil jew streaming ta’ kontenut speċifiku. |
Il-kontenut diġitali u s-servizzi diġitali spiss jiġu fornuti online taħt kuntratti fejn il-konsumatur ma jħallasx prezz iżda jipprovdi data lill-kummerċjant. Is-servizzi diġitali huma kkaratterizzati minn involviment kontinwu tal-kummerċjant tul iż-żmien tal-kuntratt li jippermetti lill-konsumatur li jagħmel użu tas-servizz, pereżempju, l-aċċess, l-ħolqien, l-ipproċessar, il-ħażna jew l-iskambju ta’ data f’forma diġitali. Eżempji ta’ servizzi diġitali huma l-kuntratti ta’ abbonament għal pjattaformi ta’ kontenut, b’mod partikolari l-cloud storage, il-posta web, il-midja soċjali u l-applikazzjonijiet tal-cloud. L-involviment kontinwu tal-fornitur tas-servizzi jiġġustifika l-applikazzjoni tar-regoli dwar id-dritt ta’ rtirar stipulat fid-Direttiva 2011/83/UE li effettivament jippermetti lill-konsumatur li jittestja s-servizz u jiddeċiedi, matul il-perjodu ta’ 14-il jum mill-konklużjoni tal-kuntratt, jekk iżżommux jew le. B’kuntrast, kuntratti għall-forniment ta’ kontenut diġitali li mhuwiex fornut fuq mezz tanġibbli huma kkaratterizzati minn azzjoni waħda mill-kummerċjant biex jipprovdi lill-konsumatur b’biċċa jew biċċiet speċifiċi ta’ kontenut diġitali, bħal fajls speċifiċi tal-mużika jew tal-vidjo. Din in-natura ta’ darba tal-forniment ta’ kontenut diġitali hija l-bażi tal-eċċezzjoni mid-dritt ta’ rtirar skont l-Artikolu 16(m) tad-Direttiva 2011/83/UE, fejn il-konsumatur jitlef id-dritt ta’ rtirar meta l-prestazzjoni tal-kuntratt ikun beda, bħal tniżżil jew streaming ta’ kontenut speċifiku. |
Raġuni
L-ambitu tad-Direttiva dwar id-Drittijiet tal-Konsumatur għandu jiġi estiż lil hinn mill-proposta tal-Kummissjoni tal-UE u jinkludi l-ħlas ta’ data mhux personali. B’mod partikolari d-data mhux personali, bħal xi informazzjoni ġġenerata mill-magni, qed ikollha rwol dejjem aktar importanti bħala komodità.
Emenda 8
Premessa 26 — ibdel it-test kif ġej
|
Test propost mill-Kummissjoni Ewropea |
Emenda tal-KtR |
|
Jinħtieġ li d-Direttiva 2011/83/UE ma tapplikax ukoll għal sitwazzjonijiet fejn il-kummerċjant jiġbor biss il-metadata, bħall-indirizz IP, l-istorja tal-ibbrawżjar jew informazzjoni oħra pereżempju miġbura u trażmessa permezz tal-cookies , ħlief fejn dan jitqies bħala kuntratt skont is-sitwazzjoni nazzjonali . Jinħtieġ li din id-Direttiva ma tapplikax ukoll għal sitwazzjonijiet li fihom il-konsumatur, mingħajr ma jkun ikkonkluda kuntratt mal-kummerċjant, ikun espost għal reklamar esklużivament biex jikseb aċċess għal kontenut diġitali jew servizz diġitali. Madankollu, jinħtieġ li l-Istati Membri jibqgħu ħielsa li jestendu l-applikazzjoni tar-regoli tad-Direttiva 2011/83/UE għal sitwazzjonijiet bħal dawn jew inkella li jirregolaw sitwazzjonijiet bħal dawn li huma esklużi mill-kamp ta’ applikazzjoni ta’ dik id-Direttiva. |
Jinħtieġ li d-Direttiva 2011/83/UE tapplika wkoll għal sitwazzjonijiet fejn il-kummerċjant jiġbor il-metadata, bħall-indirizz IP, l-istorja tal-ibbrawżjar jew informazzjoni oħra pereżempju miġbura u trażmessa permezz tal-cookies. Jinħtieġ li din id-Direttiva tapplika wkoll għal sitwazzjonijiet li fihom il-konsumatur, mingħajr ma jkun ikkonkluda kuntratt mal-kummerċjant, ikun espost għal reklamar esklużivament biex jikseb aċċess għal kontenut diġitali jew servizz diġitali. Madankollu, jinħtieġ li l-Istati Membri jibqgħu ħielsa milli jillimitaw permezz tal-leġislazzjoni l-applikazzjoni tar-regoli tad-Direttiva 2011/83/UE għal sitwazzjonijiet bħal dawn billi jirreferu għalihom espressament fit-test tal-liġi jew inkella li jirregolaw sitwazzjonijiet bħal dawn li huma esklużi mill-kamp ta’ applikazzjoni ta’ dik id-Direttiva. |
Raġuni
Livell sostenibbli ta’ protezzjoni tal-konsumatur fl-era diġitali jista’ jinkiseb billi tinqaleb ir-rabta bejn ir-regola u l-eċċezzjoni fir-rigward tal-kamp ta’ applikazzjoni tad-Direttiva 2011/83/UE f’każijiet fejn in-negozjant juża l-metadata miġbura permezz tal-cookies.
Emenda 9
Premessa 27 — punt ġdid
|
Test propost mill-Kummissjoni Ewropea |
Emenda tal-KtR |
|
|
Fil-futur, id-Direttiva 2011/83/UE għandha wkoll tipprovdi qafas għall-verifika ta’ deċiżjonijiet algoritmiċi u dawk ibbażati fuq l-IA, servizzi u prodotti li jipproteġu l-konsumaturi, b’mod partikolari fir-rigward tal-possibbiltà ta’ diskriminazzjoni bla bżonn, l-iżvantaġġ u l-frodi. Għal dan il-għan, għandhom jiġu żviluppati wkoll mekkaniżmi sabiex tkun tista’ ssir regolamentazzjoni f’każ ta’ żviluppi dubjużi. Il-fornituri ta’ sistemi ta’ komunikazzjoni diġitali b’penetrazzjoni għolja għandhom jintalbu jippermettu l-qlib lejn sistemi oħrajn mingħajr telfien. Il-pjattaformi ta’ paragun, senserija u kontabilità għandhom ikunu kapaċi jżidu t-trasparenza tas-sistemi ta’ valutazzjoni tagħhom, il-ponderazzjoni tar-riżultati tagħhom, il-kopertura tal-kummissjonijiet u tas-suq, u r-rabtiet bejn il-portali u r-rabtiet ekonomiċi. Il-konsumaturi għandhom ikunu protetti aħjar mill-iffalsifikar, l-użu ħażin tad-data u r-riskji elementali. Barra minn hekk, il-pjattaformi ta’ kollokament għandhom jinformaw lill-utenti b’mod trasparenti jekk l-offerti tagħhom humiex privati jew kummerċjali. |
Raġuni
Evidenti.
Emenda 10
Artikolu 1(1)(a) — ibdel it-test kif ġej
|
Test propost mill-Kummissjoni Ewropea |
Emenda tal-KtR |
||||
|
(1) L-Artikolu 3 jiġi emendat kif ġej: |
(1) L-Artikolu 3 jiġi emendat kif ġej: |
||||
|
|
||||
|
|
Emenda 11
Artikolu 1 — Emendi għad-Direttiva 2005/29/KE
Paragrafu (2) — inkluża l-kundizzjoni
|
Test propost mill-Kummissjoni Ewropea |
Emenda tal-KtR |
||||
|
(2) Jiżdied il-punt (c) li ġej jiddaħħal fil-paragrafu 2 tal-Artikolu 6: |
(2) Jiżdied il-punt (c) li ġej jiddaħħal fil-paragrafu 2 tal-Artikolu 6: |
||||
|
|
||||
|
|
Dment li, għall-fini tal-punt (c) tal-Paragrafu 2 tal-Artikolu 6, prodott huwa meqjus li jkun ikkummerċjalizzat bħala identiku meta jiġi kkummerċjalizzat bl-istess imballaġġ u mmarkar f’diversi Stati Membri; |
Raġuni
L-inklużjoni ta’ din il-kundizzjoni hija meħtieġa għaċ-ċertezza ġuridika dwar x’jikkostitwixxi prodotti “identiċi” u sabiex issir distinzjoni bejn “il-kundizzjoni hija meħtieġa għal ċertezza ġuridika dwar x’jikkostitwixxi prodotti “identiċi” u li ssir distinzjoni bejn “prodotti bi kwalità doppja” u “imballaġġ ikkuppjat” fejn l-imballaġġ ta’ prodotti huwa identiku għall-prodotti tal-kompetitur.
Emenda 12
Artikolu 1 — Emendi għad-Direttiva 2005/29/KE
Paragrafu (4) — emenda kif ġej:
|
Test propost mill-Kummissjoni Ewropea |
Emenda tal-KtR |
|
(4) Jiddaħħal l-Artikolu 11a li ġej: |
(4) Jiddaħħal l-Artikolu 11a li ġej: |
|
“Artikolu 11a |
“Artikolu 11a |
|
Rimedju |
Rimedju |
|
1. Minbarra r-rekwiżit biex jiżguraw mezzi adegwati u effettivi biex jinfurzaw il-konformità fl-Artikolu 11, l-Istati Membri għandhom jiżguraw li rimedji kuntrattwali u mhux kuntrattwali jkunu disponibbli wkoll għal konsumaturi li jkunu ġarrbu danni minħabba prattiki kummerċjali żleali biex jiġu eliminati l-effetti ta’ dawk il-prattiċi kummerċjali żleali f’konformità mal-liġi nazzjonali tagħhom. |
1. Minbarra r-rekwiżit biex jiżguraw mezzi adegwati u effettivi biex jinfurzaw il-konformità fl-Artikolu 11, l-Istati Membri għandhom jiżguraw li rimedji kuntrattwali u mhux kuntrattwali adegwati u li mhumiex ta’ deterrent ikunu disponibbli wkoll għal konsumaturi li jkunu ġarrbu danni minħabba prattiki kummerċjali żleali biex jiġu eliminati l-effetti ta’ dawk il-prattiċi kummerċjali żleali f’konformità mal-liġi nazzjonali tagħhom. |
|
(…) |
(…) |
Raġuni
Il-kwalifika ulterjuri ta’ rimedji fir-rigward tal-puntwalità u l-kosteffettività tiżgura li r-rimedji mhumiex biss disponibbli iżda li jkunu disponibbli f’waqthom u b’mod kosteffettiv. Ikun għal xejn li jkun hemm biss dawn ir-rimedji disponibbli skont il-liġi nazzjonali, jekk tali rimedji ma jistgħux, madankollu, jinkisbu b’mod kosteffettiv u f’waqtu. Il-konsumatur dejjem huwa l-parti d-dgħajfa fis-sitwazzjoni u meta ffaċċjat bir-riżorsi disponibbli għan-negozjanti, il-konsumaturi jistgħu joqogħdu lura milli jużaw dawn ir-rimedji jekk dawn ir-rimedji, għalkemm disponibbli, huma ferm għaljin.
Emenda 13
Artikolu 1 — punt ġdid
|
Test propost mill-Kummissjoni Ewropea |
Emenda tal-KtR |
||
|
|
|
Raġuni
Evidenti.
Emenda 14
Artikolu 2(4)(a) — ibdel it-test kif ġej:
|
Test propost mill-Kummissjoni Ewropea |
Emenda tal-KtR |
||||
|
“Artikolu 6a |
“Artikolu 6a |
||||
|
Rekwiżiti ta’ informazzjoni addizzjonali għal kuntratti konklużi fuq swieq online |
Rekwiżiti ta’ informazzjoni addizzjonali għal kuntratti konklużi fuq swieq online |
||||
|
Qabel ma l-konsumatur jintrabat b’kuntratt mill-bogħod, jew kwalunkwe offerta korrispondenti, fuq suq online, is-suq online għandu barra minn hekk jipprovdi l-informazzjoni li ġejja: |
Qabel ma l-konsumatur jintrabat b’kuntratt mill-bogħod, jew kwalunkwe offerta korrispondenti, fuq suq online, is-suq online għandu barra minn hekk jipprovdi l-informazzjoni li ġejja: |
||||
|
|
Raġuni
Evidenti.
Emenda 15
Artikolu 2(7)(a)
|
Test propost mill-Kummissjoni Ewropea |
Emenda tal-KtR |
||
|
|
Raġuni
Id-dritt ta’ rtirar huwa dritt ċentrali tal-konsumatur fil-kummerċ online u bejgħ ieħor mill-bogħod. Ir-regolamenti eżistenti dwar id-dritt ta’ irtirar huma ġusti u bbilanċjati. Ir-regoli dwar il-modalità ta’ ħlas lura għandhom jinżammu wkoll.
Emenda 16
Artikolu 2 — punt ġdid
|
Test propost mill-Kummissjoni Ewropea |
Emenda tal-KtR |
|
|
Fejn kuntratt li jkun magħmul b’mod elettroniku jkun jeħtieġ li l-konsumatur iħallas jew jipprovdi data, in-negozjant għandu jinforma lill-konsumatur b’mod ċar, immedjatament qabel ma jagħmel l-ordni tiegħu, dwar it-termini tal-Artikoli 6 (1) (a), (e), (o) u (p). |
Raġuni
Jeħtieġ li l-konsumaturi jkunu infurmati b’mod ċar qabel jikkonkludu kuntratt li d-data li qed jipprovdu qed tiġi pproċessata għal għanijiet kummerċjali.
Emenda 17
Artikolu 2 — punt ġdid
|
Test propost mill-Kummissjoni Ewropea |
Emenda tal-KtR |
|
|
Jiddaħħal l-Artikolu 6c li ġej: In-negozjant ineħħi l-ipproċessar tad-data pprovduta mill-konsumatur għat-tul tal-perjodu ta’ revoka, sakemm l-ipproċessar tad-data ma jkunx meħtieġ għat-twettiq tal-kuntratt. |
Raġuni
Il-kumpaniji ma jistgħux jerġgħu “jiksbu” d-data ladarba tgħaddi għand partijiet terzi. Il-kumpaniji għandhom ikunu obbligati li ma jittrasmettux lil partijiet terzi d-data personali pprovduta mill-konsumaturi 14-il jum wara l-konklużjoni tal-kuntratt, u jkunu obbligati li jħassru d-data fil-każ ta’ dikjarazzjonijiet ta’ revoka effettiva.
Emenda 18
Artikolu 2 — Emendi għad-Direttiva 2011/83/KE
Paragrafu (9) — ħassar is-sottoparagrafu (3)
|
Test propost mill-Kummissjoni Ewropea |
Emenda tal-KtR |
||||||||
|
(9) L-Artikolu 16 jiġi emendat kif ġej:
|
(9) L-Artikolu 16 jiġi emendat kif ġej:
|
||||||||
|
|
||||||||
|
|
Raġuni
Ma hemm l-ebda evidenza konklużiva ta’ użu ħażin fuq skala kbira li tiġġustifika din l-emenda għad-Direttiva dwar id-Drittijiet tal-Konsumatur. Id-dritt li wieħed jirritorna prodott mixtri online huwa wieħed mill-aktar drittijiet importanti tal-konsumatur u bl-ebda mod ma għandu jitnaqqas.
Emenda 19
Artikolu 3 — Emendi għad-Direttiva 93/13/KE
Ibdel it-test kif ġej:
|
Test propost mill-Kummissjoni Ewropea |
Emenda tal-KtR |
|
Id-Direttiva 93/13/KEE hija emendata kif ġej: |
Id-Direttiva 93/13/KEE hija emendata kif ġej: |
|
Jiddaħħal l-Artikolu 8b li ġej: |
Jiddaħħal l-Artikolu 8b li ġej: |
|
“Artikolu 8b |
“Artikolu 8b |
|
(…) |
(…) |
|
4. L-Istati Membri għandhom jiżguraw li penali għal każijiet ta’ ksur mifruxa u każijiet ta’ ksur mifruxa b’dimensjoni tal-Unjoni fis-sens tar-Regolament (UE) 2017/2934 jinkludu l-possibbiltà li jiġu imposti multi, li l-ammont massimu tagħhom ikun tal-inqas 4 % tal-fatturat annwali tal-kummerċjant fl-Istat Membru jew l-Istati Membri kkonċernati. |
4. L-Istati Membri għandhom jiżguraw li penali għal każijiet ta’ ksur mifruxa u każijiet ta’ ksur mifruxa b’dimensjoni tal-Unjoni fis-sens tar-Regolament (UE) 2017/2934 jinkludu l-possibbiltà li jiġu imposti multi, li l-ammont massimu tagħhom ikun tal-inqas 8 % tal-fatturat medju ġġenerat mill-kummerċjant fit-tliet snin finanzjarji preċedenti fl-Istat Membru jew l-Istati Membri kkonċernati. |
Raġuni
Mhuwiex ċar minn liema sena għandu jiġi kkalkulat il-fatturat annwali. Għalhekk qed ikun propost li jiżdied l-ammont minimu ta’ multi sa 8 % tal-fatturat medju miksub mill-kummerċjant fit-tliet snin finanzjarji preċedenti fl-Istat Membru jew l-Istati Membri kkonċernat(i).
Emenda 20
Artikolu 4 — Emendi għad-Direttiva 98/6/KE
Ibdel it-test kif ġej:
|
Test propost mill-Kummissjoni Ewropea |
Emenda tal-KtR |
|
Id-Direttiva 98/6/KE hija emendata kif ġej: |
Id-Direttiva 98/6/KE hija emendata kif ġej: |
|
L-Artikolu 8 huwa sostitwit b’dan li ġej: |
L-Artikolu 8 huwa sostitwit b’dan li ġej: |
|
“Artikolu 8 |
“Artikolu 8 |
|
(…) |
(…) |
|
4. L-Istati Membri għandhom jiżguraw li penali għal każijiet ta’ ksur mifruxa u każijiet ta’ ksur mifruxa b’dimensjoni tal-Unjoni fis-sens tar-Regolament (UE) 2017/2934 jinkludu l-possibbiltà li jiġu imposti multi, li l-ammont massimu tagħhom ikun tal-inqas 4 % tal-fatturat annwali tal-kummerċjant fl-Istat Membru jew l-Istati Membri kkonċernati. |
4. L-Istati Membri għandhom jiżguraw li penali għal każijiet ta’ ksur mifruxa u każijiet ta’ ksur mifruxa b’dimensjoni tal-Unjoni fis-sens tar-Regolament (UE) 2017/2934 jinkludu l-possibbiltà li jiġu imposti multi, li l-ammont massimu tagħhom ikun tal-inqas 8 % tal-fatturat medju ġġenerat mill-kummerċjant fit-tliet snin finanzjarji preċedenti fl-Istat Membru jew l-Istati Membri kkonċernati. |
Raġuni
L-istess spjegazzjoni bħal dik tal-emenda għall-Artikolu 3 għad-Direttiva 93/13/KE
II. RAKKOMANDAZZJONIJIET TA’ POLITIKA
IL-KUMITAT EWROPEW TAR-REĠJUNI
|
1. |
jilqa’ l-pubblikazzjoni ta’ proposta li ilha mistennija sabiex jiġi stabbilit qafas minimu mifrux mal-UE kollha għal mekkaniżmi ta’ skemi ta’ rikors kollettiv fost l-Istati Membri, li jista’ jagħti opportunità ġenwina lill-konsumaturi sabiex jiksbu rimedju fil-każ ta’ ħsara tal-massa u għandu jnaqqas il-lakunja eżistenti fl-infurzar tad-drittijiet tal-konsumatur tal-UE; il-proposta, madankollu, titqies bħala l-ewwel pass fid-direzzjoni t-tajba, peress li tinkludi numru ta’ nuqqasijiet; |
|
2. |
jappoġġja il-kamp ta’ applikazzjoni wiesa’ tal-proposta biex jitwettaq impatt reali f’oqsma fejn iseħħ dannu tal-massa biex jiġu koperti prattiki oħra li huma ta’ detriment għall-konsumaturi u b’mod aktar ġenerali għaċ-ċittadini; |
|
3. |
jirrikonoxxi li l-proposta tal-Kummissjoni Ewropea hija konformi mal-prinċipji tas-sussidjarjetà u tal-proporzjonalità; |
|
4. |
jiddispjaċih li l-kamp ta’ applikazzjoni tal-proposta attwali biex jiġi stabbilit qafas minimu mifrux mal-UE kollha għal mekkaniżmi ta’ skemi ta’ rikors kollettiv fost l-Istati Membri huwa limitat biss għal tilwim tal-konsumaturi; |
|
5. |
jirrakkomanda li l-mekkaniżmi ta’ rimedju kollettiv jiġu estiżi għal każijiet oħrajn ta’ dannu tal-massa, inklużi każijiet ta’ dannu ambjentali tal-massa, il-ħsara li ssir fuq beni komuni, u fir-rigward tar-regolamenti tas-saħħa u s-sigurtà jew ksur tad-drittijiet tax-xogħol, bil-għan li jkun hemm aċċess aktar faċli għall-ġustizzja għaċ-ċittadini kollha; |
|
6. |
għalhekk jistieden lill-Kummissjoni Ewropea biex tesplora modi kif testendi r-rimedju għal dawn is-setturi u jiġi estiż l-ambitu tal-proposta għar-rimedju kollettiv biex jiġu koperti l-forom kollha ta’ dannu kkawżat minn ksur tad-drittijiet fundamentali, kif mogħtija skont il-liġi tal-UE; |
|
7. |
jippromovi s-Soluzzjoni Alternattiva tat-Tilwim bħala mezz biex il-partijiet ikunu jistgħu jinnegozjaw u spiss jimmedjaw it-tilwim. Għandhom jiġu promossi n-negozjar u l-medjazzjoni konsenswali bejn entitajiet kwalifikati u konvenuti potenzjonali qabel ma jibdew il-proċedimenti. Qabel ma jitnedew azzjonijiet ta’ rimedju kollettiv twal u għalja, għandhom jitħeġġew il-proċessi tas-Soluzzjoni Alternattiva tat-Tilwim, bħan-negozjati u/jew il-medjazzjoni, kull fejn huwa possibbli sabiex jintlaħqu soluzzjonijiet komprensivi u bonarji; |
|
8. |
jenfasizza n-natura ta’ armonizzazzjoni minima tad-Direttiva, li ma tipprekludix regoli nazzjonali eżistenti aħjar jew aktar stretti fis-sistemi eżistenti ta’ rimedju kollettiv, u b’hekk l-Istati Membri jkollhom standards ogħla u jżommu jew jintroduċu proċeduri nazzjonali oħra; |
|
9. |
jopponi l-possibbiltà li l-Istati Membri jidderogaw fil-każ ta’ kwantifikazzjoni kumplessa tad-dannu. Dan ifisser li l-konsumaturi jridu jaġixxu individwalment f’dawn il-każijiet, u jkunu meħtieġa jfittxu assistenza legali u teknika għalja. Dan jaf ikun ostaklu enormi għall-konsumaturi individwali; |
|
10. |
jirrakkomanda li l-mandat tal-konsumaturi individwali m’għandux ikun meħtieġ fil-każ ta’ deċiżjoni deklaratorja mitluba mill-entità kkwalifikata; |
|
11. |
jiġbed l-attenzjoni għall-fatt li l-organizzazzjonijiet tal-konsumaturi li jistgħu jkunu nominati bħala entitajiet kkwalifikati jista’ jkollhom kapaċitajiet finanzjarji limitati. L-organizzazzjonijiet tal-konsumatur fi Stati Membri iżgħar huma kkonċernati b’mod partikolari. In-nuqqas ta’ kapaċità finanzjarja m’għandux ifixkel lill-organizzazzjonijiet milli jiġu nominati bħala entitajiet kkwalifikati; |
|
12. |
jappoġġja bil-qawwa l-aġġornament u infurzar aħjar tar-regoli tal-konsumatur tal-UE; |
|
13. |
jilqa’ r-rekwiżiti proposti skont id-Direttiva dwar id-Drittijiet tal-Konsumatur għal kuntratti konklużi fi swieq online rigward it-trasparenza. Jirrakkomanda li jiġu miżjuda l-konsegwenzi u r-rimedji jekk in-negozjanti ma jikkonformawx ma’ dawn ir-rekwiżiti; |
|
14. |
iqis li huwa importanti li jiġu previsti aktar rimedji flimkien mad-dritt għal kumpens u d-dritt li jiġi tterminat il-kuntratt, bħad-dritt li tintalab eżekuzzjoni speċifika jew id-dritt għar-restituzzjoni. Jirrakkomanda li jiġu stabbiliti definizzjonijiet ċari tar-rimedji u jiġi elaborat dak li jistgħu jfissru; |
|
15. |
iqis li hu importanti għall-Kummissjoni li tiżgura li r-rimedji m’għandhomx ikunu biss disponibbli mill-Istati Membri iżda li jkunu disponibbli f’waqthom u b’mod kosteffettiv; |
|
16. |
iqis li d-dritt ta’ rtirar bħala dritt importanti tal-konsumatur li m’għandux jiddgħajjef fin-nuqqas ta’ kwalunkwe evidenza konklużiva ta’ użu ħażin; |
|
17. |
jappoġġja l-approċċ meħud mill-Kummissjoni biex tintroduċi multi bbażati fuq il-fatturat tal-kummerċjant fil-każ ta’ ksur mifrux; |
|
18. |
jemmen, madankollu, li l-multa minima ta’ 4 % tal-fatturat annwali tal-kummerċjant għal ksur mifrux mhiex dissważiva biżżejjed; |
|
19. |
jirrakkomanda li l-ammont minimu ta’ multa jiżdied għal 8 % tal-fatturat medju ġġenerat min-negozjant matul it-tliet snin finanzjarji preċedenti fl-Istat Membru jew l-Istati Membri; |
|
20. |
jiddispjaċih li l-proposta hija nieqsa minn regoli dwar ir-responsabbiltà tas-swieq online. Operaturi tal-pjattaformi online għandhom ikunu responsabbli, f’każijiet fejn dawn jonqsu milli jinforma lill-konsumatur li parti terza hija l-fornitur reali tal-oġġetti jew is-servizzi jew fejn jonqsu li jneħħu informazzjoni qarrieqa mxerrda mill-fornitur u li ġiet irrapportata lill-operatur; |
|
21. |
jiddispjaċih dwar in-nuqqas ta’ regoli għal feedback mill-utent/sistemi ta’ reviżjoni aħjar u aktar trasparenti. |
Brussell, l-10 ta’ Ottubru 2018.
Il-President tal-Kumitat Ewropew tar-Reġjuni
Karl-Heinz LAMBERTZ
(1) Ir-Regolament (UE) Nru 524/2013 tal-Parlament Ewropew u tal-Kunsill tal-21 ta’ Mejju 2013 dwar is-soluzzjoni online għat-tilwim mal-konsumaturi u li jemenda r-Regolament (KE) Nru 2006/2004 u d-Direttiva 2009/22/KE (Regolament dwar l-ODR tal-konsumaturi) (ĠU L 165, 18.6.2013, p. 1).
(2) Id-Direttiva (UE) 2016/1148 tal-Parlament Ewropew u tal-Kunsill tas-6 ta’ Lulju 2016 dwar miżuri għal livell għoli komuni ta’ sigurtà tan-netwerks u tas-sistemi tal-informazzjoni madwar l-Unjoni (ĠU L 194, 19.7.2016, p. 1).
(3) Ir-Regolament (UE) 2018/302 tal-Parlament Ewropew u tal-Kunsill tal-28 ta’ Frar 2018 dwar l-indirizzar tal-imblukkar ġeografiku mhux ġustifikat u forom oħra ta’ diskriminazzjoni bbażati fuq in-nazzjonalità tal-klijenti, il-post ta’ residenza jew il-post ta’ stabbiliment fis-suq intern u li jemenda r-Regolamenti (KE) Nru 2006/2004 u (UE) 2017/2394 u d-Direttiva 2009/22/KE (ĠU L 60, I, 2.3.2018, p. 1).
(1) Ir-Regolament (UE) Nru 524/2013 tal-Parlament Ewropew u tal-Kunsill tal-21 ta’ Mejju 2013 dwar is-soluzzjoni online għat-tilwim mal-konsumaturi u li jemenda r-Regolament (KE) Nru 2006/2004 u d-Direttiva 2009/22/KE (Regolament dwar l-ODR tal-konsumaturi) (ĠU L 165, 18.6.2013, p. 1).
(2) Ir-Regolament (UE) 2018/302 tal-Parlament Ewropew u tal-Kunsill tal-28 ta’ Frar 2018 dwar l-indirizzar tal-imblukkar ġeografiku mhux ġustifikat u forom oħra ta’ diskriminazzjoni bbażati fuq in-nazzjonalità tal-klijenti, il-post ta’ residenza jew il-post ta’ stabbiliment fis-suq intern u li jemenda r-Regolamenti (KE) Nru 2006/2004 u (UE) 2017/2394 u d-Direttiva 2009/22/KE (ĠU L 60, I, 2.3.2018, p. 1).