EUR-Lex Access to European Union law
This document is an excerpt from the EUR-Lex website
Document 52018XG0608(03)
Conclusions of the Council and of the Representatives of the Governments of the Member States meeting within the Council on promoting the common values of the EU through sport
Konklużjonijiet tal-Kunsill u tar-Rappreżentanti tal-Gvernijiet tal-Istati Membri mlaqqgħin fi ħdan il-Kunsill dwar il-promozzjoni tal-valuri komuni tal-UE permezz tal-isport
Konklużjonijiet tal-Kunsill u tar-Rappreżentanti tal-Gvernijiet tal-Istati Membri mlaqqgħin fi ħdan il-Kunsill dwar il-promozzjoni tal-valuri komuni tal-UE permezz tal-isport
ST/9016/2018/INIT
OJ C 196, 8.6.2018, p. 23–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
8.6.2018 |
MT |
Il-Ġurnal Uffiċjali tal-Unjoni Ewropea |
C 196/23 |
Konklużjonijiet tal-Kunsill u tar-Rappreżentanti tal-Gvernijiet tal-Istati Membri mlaqqgħin fi ħdan il-Kunsill dwar il-promozzjoni tal-valuri komuni tal-UE permezz tal-isport
(2018/C 196/06)
IL-KUNSILL TAL-UNJONI EWROPEA U R-RAPPREŻENTANTI TAL-GVERNIJIET TAL-ISTATI MEMBRI MLAQQGĦIN FI ĦDAN IL-KUNSILL
FILWAQT LI JFAKKRU LI:
|
1. |
L-Unjoni Ewropea hija spazju komuni għall-bini ta’ żona prospera u paċifika ta’ koeżistenza u rispett għad-diversità msejsa fuq il-valuri komuni tal-UE jiġifieri r-rispett għad-dinjità tal-bniedem, il-libertà, id-demokrazija, l- ugwaljanza, l-istat tad-dritt u r-rispett għad-drittijiet tal-bniedem, inkluż id-drittijiet ta’ persuni li ġejjin minn minoranzi rikonoxxuti mill-Artikolu 2 tat-Trattat dwar l-Unjoni Ewropea. Dawn il-valuri huma komuni għall-Istati Membri f’soċjetà fejn jipprevalu l-pluraliżmu, in-nondiskriminazzjoni, it-tolleranza, il-ġustizzja, is-solidarjetà u l-ugwaljanza bejn in-nisa u l-irġiel. |
|
2. |
Skont l-Artikolu 165 tat-Trattat dwar il-Funzjonament tal-Unjoni Ewropea l-Unjoni għandha tikkontribwixxi għat-tmexxija ’l quddiem tal-kwistjonijiet Ewropej tal-isports, waqt li tieħu inkunsiderazzjoni n-natura speċifika tiegħu, l-istrutturi tiegħu bbażati fuq il-volontarjat u l-funzjoni soċjali u edukattiva tiegħu. |
|
3. |
It-Tielet Pjan ta’ Ħidma tal-Unjoni Ewropea għall-Isport (2017-2020) adottat f’Mejju 2017 li ddefinixxa l-Inklużjoni Soċjali bħala suġġett ewlieni fil-qafas tat-tema prijoritarja l-Isport u s-Soċjetà, ħa l-Promozzjoni tal-valuri komuni tal-UE permezz tal-Isport bħala wieħed mill-kompiti ewlenin tiegħu. |
|
4. |
Ir-Rakkomandazzjoni tal-Kunsill dwar il-promozzjoni tal-valuri komuni u l-edukazzjoni inklużiva li għandha tiġi adottata f’Mejju. |
|
5. |
L-isport ilu parti mill-programm Erasmus+ tal-Unjoni Ewropea mill-2011. Mill-ewwel programm li beda tletin sena ilu ‘l hawn, aktar minn disa’ miljun Ewropew kienu kapaċi jibbenefikaw mill-opportunità li jistudjaw, jitħarrġu, jgħallmu jew jidħlu voluntiera, f’pajjiż ieħor u permezz ta’ dan saru aktar konxji mill-valuri komuni li għandhom. |
|
6. |
L-inizjattiva reċenti tal-UE li tippromwovi s-solidarjetà fost iż-żgħażagħ Ewropej, il-kooperazzjoni u s-sħubija fil-qasam taż-żgħażagħ permezz ta’ attivitajiet differenti ta’ solidarjetà inkluż l-isport. |
|
7. |
L-isfond politiku kif jinsab fl-anness. |
FILWAQT LI JQISU LI:
|
8. |
Il-valuri jinsabu fil-qalba tal-Unjoni Ewropea. Dawn il-Konklużjonijiet għandhom l-għan li jsaħħu l-fehim reċiproku tal-kunċett ta’ valuri komuni bejn l-Istati Membri, li jiżviluppaw is-sens ta’ appartenenza għall-Unjoni Ewropea kif ukoll li jippromwovu, fejn ikun adatt, dawk il-valuri barra mill-UE, filwaqt li joħolqu bażi solida għal djalogu bejn il-persuni li jaqsam il-fruntieri Ewropej. |
|
9. |
L-Unjoni Ewropea u l-Istati Membri tagħha bħalissa qed jiffaċċaw sfidi ekonomiċi, politiċi u soċjali sinifikanti li jvarjaw minn Stat Membru għal Stat Membru. L-isport jista’ jikkontribwixxi biex jiġi żgurat l-iżvilupp sostenibbli u biex jiġu ttrattati b’mod adegwat l-isfidi globali soċjoekonomiċi u b’rabta mas-sigurtà li qed tiffaċċa l-UE. |
|
10. |
Il-White Paper dwar il-ġejjieni tal-Ewropa tenfasizza li l-valuri Ewropej li għandna għal qalbna jibqgħu l-istess. Irridu soċjetà li fiha l-paċi, il-libertà, it-tolleranza u s-solidarjetà jiġu l-ewwel u qabel kollox. Dawn il-valuri jgħaqqdu lill-Ewropej u huma ta’ min jissielet għalihom (1). |
|
11. |
Il-White Paper dwar l-Isport (2007) tal-Kummissjoni Ewropea tenfasizza l-kontribut importanti tal-isport għall-koeżjoni ekonomika u soċjali u soċjetajiet aktar integrati bl-użu tal-potenzjali tal-isport għall-inklużjoni soċjali, l-integrazzjoni u l-opportunitajiet indaqs; u tenfasizza wkoll fost l-oħrajn li r-razziżmu u l-ksenofobija u l-isfruttament tal-plejers żgħażagħ mhumiex kompatibbli mal-valuri komuni tal-UE. |
|
12. |
Is-Sena Ewropea tal-Wirt Kulturali 2018 għandha l-għan li tqajjem kuxjenza dwar l-istorja u l-valuri komuni u li tħeġġeġ lin-nies jesploraw il-wirt kulturali Ewropew għani u divers, li l-isports u l-logħob tradizzjonali huma parti minnu. |
|
13. |
L-isport organizzat u dak mhux organizzat, bħall-edukazzjoni, il-ħidma fil-qasam taż-żgħażagħ u l-kultura, jista’ jaqdi r-rwol li jippromwovi l-valuri komuni tal-UE. |
|
14. |
L-organizzazzjonijiet internazzjonali ewlenin kollha li jittrattaw l-isport, bħall-Unesco, il-Kunsill tal-Ewropa, il-Kumitat Olimpiku Internazzjonali, il-Kumitat Paralimpiku Internazzjonali u l-Aġenzija Dinjija tal-Antidoping, jirrikonoxxu li l-isport jista’ jgħallem valuri bħall-korrettezza, it-trawwim tat-timijiet, id-demokrazija, it-tolleranza, l-ugwaljanza, id-dixxiplina, l-inklużjoni, il-perseveranza u -rispett li jistgħu jgħinu fil-promozzjoni u d-disseminazzjoni tal-valuri komuni tal-UE. |
FILWAQT LI JIRRIKONOXXU LI:
|
15. |
In-nies kollha għandhom ikunu liberi li jipprattikaw l-isport u jħossuhom parti mis-soċjetà, u s-setturi differenti relatati mal-isport jistgħu jagħmlu kulma jistgħu biex irawmu l-integrazzjoni kif ukoll jipprovdu opportunitajiet indaqs għall-involviment fl-isport u jevitaw id-diskriminazzjoni u l-esklużjoni soċjali. |
|
16. |
L-isport jista’ jikkontribwixxi għall-bini u l-iżvilupp tas-soċjetà ċivili u s-sostenibbiltà soċjali. Hemm bżonn li jitrawwem sens komuni ta’ appartenenza fost l-Ewropej — politiku kif ukoll kulturali. Peress li l-isport huwa lingwa universali li jifhimha kulħadd, il-komunikazzjoni u l-enfasi tal-valuri komuni permezz tal-isport, bl-użu ta’ metodi innovattivi ta’ apprendiment mhux formali u informali, jistgħu jikkontribwixxu għall-prevenzjoni tal-intolleranza, l-esklużjoni soċjali, inkluż l-istereotip tas-sessi u l-misoġinija, ir-razziżmu, il-ksenofobija u l-marġinalizzazzjoni. |
|
17. |
L-isport jista’ jsaħħaħ il-valuri b’mod naturali u f’atmosfera pożittiva. Valuri bħar-rispett reċiproku, il-kompetizzjoni ġusta (fair play), il-ħbiberija, is-solidarjetà, it-tolleranza u l-ugwaljanza għandhom jiġu naturali għal dawk kollha involuti fl-isport fil-klabbs, fl-iskejjel, fl-isport rikreattiv u fl-isport professjonali. |
|
18. |
Il-kontribut tal-isport għall-koeżjoni soċjali u l-bini ta’ komunitajiet inklużivi u b’saħħithom, jekk iħaddan fih il-valuri tal-ugwaljanza, jista’ jikkontribwixxi wkoll għall-iżvilupp ta’ soċjetà effiċjenti, demokratika u ġusta. L-istrutturi u l-kowċis tal-isport jistgħu jaqdu rwol fit-tisħiħ tal-valuri komuni tal-UE permezz tal-isport. |
|
19. |
Diġà hemm inizjattivi eżistenti pożittivi fil-livell tal-UE li jikkontribwixxu biex wieħed jifhem aħjar il-valuri komuni tal-UE bħala proġetti sportivi żviluppati u appoġġati mill-Fond Strutturali Ewropew u l-Programm Erasmus+ |
JISTIEDNU LILL-ISTATI MEMBRI:
|
20. |
Fejn ikun adatt, jesploraw u jappoġġaw inizjattivi u azzjonijiet għall-promozzjoni tal-isport bħala mod li bih jinbnew il-kompetenzi soċjali, ċiviċi u interkulturali għan-nies ta’ kull età, sess u sfond. Dan jista’ jsir permezz tal-appoġġ u l-inkoraġġiment tal-awtoritajiet lokali u reġjonali f’kooperazzjoni mal-klabbs tal-isport, l-iskejjel u l-organizzazzjonijiet taż-żgħażagħ, inkluż l-organizzazzjonijiet mhux governattivi. |
|
21. |
Fejn ikun adatt, jippromwovu l-valuri komuni tal-UE b’konnessjoni mal-avvenimenti ewlenin tal-isport organizzati mill-moviment tal-isport, ta’ spiss f’kooperazzjoni mal-awtoritajiet pubbliċi. L-avvenimenti ewlenin tal-isport jistgħu joffru opportunità kbira għal sensibilizzazzjoni fost l-atleti, il-voluntiera, kif ukoll is-sapporters. |
|
22. |
Meta jkun rilevanti, jippromwovu l-valuri komuni tal-UE għall-moviment tal-isports fil-livell nazzjonali bħala parti mid-djalogu strutturat. |
|
23. |
Jieħdu l-opportunità tal-kooperazzjoni internazzjonali biex jippromwovu u jikkomunikaw fil-livell internazzjonali, fejn ikun adatt, il-bżonn li jiġu rrispettati l-valuri komuni tal-UE. |
|
24. |
Jinkoraġġixxu u fejn ikun possibbli jappoġġaw l-organizzazzjonijiet tal-isport fit-tisħiħ tal-governanza tajba, fl-organizzazzjonijiet tagħhom u fejn ikun adatt jindirizzaw dawn il-valuri fil-linji gwida dwar l-etika jew id-dokumenti ekwivalenti tagħhom. |
|
25. |
Jinkoraġġixxu lill-istituzzjonijiet edukattivi biex jippromwovu attivitajiet b’rabta mal-valuri komuni fl-isport. |
|
26. |
Fejn ikun rilevanti, jippromwovu l-ġlieda kontra r-razziżmu u l-ksenofobija, l-istereotip tas-sessi u l-misoġinija, l-isfruttament tal-atleti żgħażagħ, il-forom kollha ta’ diskriminazzjoni u l-vjolenza fl-istadiums u l-ksur tal-integrità fl-isport. Jappoġġaw lill-organizzazzjonijiet tal-isport fil-ġlieda kontra dan il-ksur pereżempju billi jiżviluppaw u jippromwovu inizjattivi li jinvolvu lis-sapporters. Dan jista’ jinvolvi programmi edukattivi jew kampanji ta’ sensibilizzazzjoni f’kooperazzjoni mal-organizzazzjonijiet tal-isport li jgħallmu r-rispett għad-dinjità tal-bniedem, il-paċi u n-nondiskriminazzjoni. |
JISTIEDNU LILL-KUMMISSJONI EWROPEA
|
27. |
Tiżviluppa u tesplora l-inizjattivi li diġà jeżistu, bħall-Ġimgħa Ewropea tal-Isport (EWoS) għall-promozzjoni tal-valuri komuni tal-UE. |
|
28. |
Tinkludi l-isport bħala parti mir-relazzjonijiet esterni, fejn ikun adatt għall-promozzjoni tal-valuri komuni tal-UE, pereżempju billi tinkludi l-mobilità u t-tisħiħ tal-kapaċitajiet jew tappoġġa l-integrità fl-isport, kif ukoll billi tintegrah fid-diskussjonijiet u d-Djalogi ta’ Livell Għoli mal-pajjiżi terzi. |
|
29. |
Tiddissemina proġetti u inizjattivi li jirnexxu bejn l-Istati Membri kif ukoll barra mill-UE bħala għodda għall-promozzjonii tal-valuri komuni tal-UE |
|
30. |
Tuża l-opportunitajiet mogħtija mill-Fond Soċjali Ewropew attwali u futur, il-Programm Erasmus+ u l-programmi futuri tal-UE biex tkun enfasizzata u promossa l-importanza tal-valuri komuni tal-UE. |
|
31. |
Tippromwovi r-rwol li l-organizzazzjonijiet tal-isport jistgħu jaqdu fl-inizjattivi ta’ solidarjetà, mobilità u ta’ tisħiħ tal-kapaċitajiet appoġġati mill-Kummissjoni Ewropea u ġġib lill-organizzazzjonijiet tal-isport konxji minn dawn l-opportunitajiet. |
|
32. |
Tinkoraġġixxi lill-organizzazzjonijiet tal-isport biex jippromwovu l-involviment ta’ pajjiżi terzi, inkluż il-pajjiżi kandidati, f’avvenimenti u inizjattivi tal-isport mingħajr skop ta’ qligħ. |
JISTIEDNU LILL-MOVIMENT TAL-ISPORTS:
|
33. |
Jieħu l-opportunità li jospita avvenimenti sportivi internazzjonali ewlenin u inizjattivi eżistenti mill-organizzazzjonijiet tal-isports biex jiġu promossi l-valuri komuni tal-UE. |
|
34. |
Jipparteċipa b’mod attiv f’inizjattivi ta’ djalogu strutturat sabiex jikkomunikaw aħjar il-politiki tagħhom lill-gvernijiet u l-istituzzjonijiet tal-UE. |
|
35. |
Iqis l-inklużjoni ta’ moduli dwar l-importanza u l-fehim aħjar tal-valuri komuni tal-UE permezz tal-isport fil-programmi edukattivi u l-metodoloġija tat-taħriġ għall-kowċis, il-persunal ta’ appoġġ, il-voluntiera u atturi oħra rilevanti. |
|
36. |
Jinkoraġġixxi l-kampanji ta’ informazzjoni u inizjattivi għall-ispettaturi u s-sapporters tal-isport – sabiex jippromwovu u jtennu l-valuri komuni tal-UE sabiex tiġi ttrattata l-vjolenza fl-istadiums. L-involviment tal-organizzazzjonijiet fil-livell taċ-ċittadin huwa essenzjali għal dan il-għan. |
|
37. |
Fejn ikun adatt l-użu ta’ metodi innovattivi ta’ apprendiment mhux formali u informali biex jiġu ttrasferiti l-valuri komuni tal-UE permezz tal-isport. |
|
38. |
Ikompli jiżviluppa r-relazzjonijiet li jarrikkixxu b’mod reċiproku u l-iskambji bejn l-organizzazzjonijiet tal-isport tal-massa minn pajjiżi tal-UE u minn pajjiżi terzi, jikkondividi l-valuri u l-prinċipji, u juri l-valur diplomatiku ta’ tali relazzjonijiet bejn il-persuni. |
(1) ST 6952/17
ANNESS
Sfond politiku
1.
Riżoluzzjoni tal-Kunsill u tar-Rappreżentanti tal-Gvernijiet tal-Istati Membri, imlaqqgħin fil-Kunsill, dwar il-Pjan ta’ Ħidma tal-Unjoni Ewropea għall-Isport (1 ta’ Lulju 2017 - 31 ta’ Diċembru 2020) (ĠU C 189, 15.6.2017, p. 5)
2.
Konklużjonijiet tal-Kunsill dwar ir-rwol tal-ħidma fost iż-żgħażagħ għall-appoġġ liż-żgħażagħ fl-iżvilupp ta’ ħiliet essenzjali għall-ħajja li jiffaċilitaw it-transizzjoni b’suċċess tagħhom għall-ħajja adulta, iċ-ċittadinanza attiva u l-ħajja tax-xogħol (ĠU C 189, 15.6.2017, p. 30)
3.
Konklużjonijiet tal-Kunsill u tar-Rappreżentanti tal-Gvernijiet tal-Istati Membri, imlaqqgħin fil-Kunsill, dwar il-prevenzjoni tar-radikalizzazzjoni li twassal għal estremiżmu vjolenti (ĠU C 467, 15.12.2016, p. 3)
4.
Konklużjonijiet tal-Kunsill u tar-Rappreżentanti tal-Gvernijiet tal-Istati Membri, imlaqqgħin fi ħdan il-Kunsill, dwar ir-rwol tas-settur taż-żgħażagħ f’approċċ integrat u transsettorjali biex tiġi evitata u miġġielda r-radikalizzazzjoni vjolenti taż-żgħażagħ (ĠU C 213, 14.6.2016, p. 1)
5.
Konklużjonijiet tal-Kunsill u tar-rappreżentanti tal-Gvernijiet tal-Istati Membri, li ltaqgħu fil-Kunsill, dwar ir-rwol tal-kowċis fis-soċjetà (ĠU C 423, 9.12.2017, p. 6)
6.
White Paper tal-Kummissjoni dwar l-Isport tal-11 ta’ Lulju 2007 (COM(2007) 391 finali).
7.
White Paper tal-Kummissjoni dwar il-ġejjieni tal-Ewropa (2017) (ST6952/17).
8.
Rakkomandazzjoni tal-Kunsill dwar il-promozzjoni tal-valuri komuni, l-edukazzjoni inklużiva u d-dimensjoni Ewropea tat-tagħlim (ST5462/18).
9.
Dikjarazzjoni ta’ Pariġi dwar il-promozzjoni taċ-ċittadinanza u l-valuri komuni tal-libertà, it-tolleranza u n-nondiskriminazzjoni permezz tal-edukazzjoni.
10.
Kumitat Cult tal-PE — Studju dwar l-Identità Ewropea (2017).
11.
Kumitat Cult tal-PE — Tagħlim tal-Valuri Komuni fl-Ewropa (2017).
12.
Inizjattiva tal-Unesco “Edukazzjoni dwar il-Valuri permezz tal-Isport” (2017).
13.
Karta Internazzjonali tal-Edukazzjoni Fiżika, l-Attività Fiżika u l-Isport, riveduta (Unesco), 2015.
14.
Rakkomandazzjoni Nru R (92) 13 Rev riveduta tal-Kumitat tal-Ministri għall-Istati Membri dwar Karta Ewropea Riveduta tal-Isport (2001).
15.
Kunsill tal-Ewropa, “Karta tal-Etika fl-Isports” (Riveduta, 2010).