EUR-Lex Access to European Union law
This document is an excerpt from the EUR-Lex website
Document 62017TN0071
Case T-71/17: Action brought on 26 January 2017 — France.com v EUIPO — France (FRANCE.com)
Kawża T-71/17: Rikors ippreżentat fis-26 ta’ Jannar 2017 – France.com vs EUIPO – France (FRANCE.com)
Kawża T-71/17: Rikors ippreżentat fis-26 ta’ Jannar 2017 – France.com vs EUIPO – France (FRANCE.com)
OJ C 112, 10.4.2017, p. 40–41
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
10.4.2017 |
MT |
Il-Ġurnal Uffiċjali tal-Unjoni Ewropea |
C 112/40 |
Rikors ippreżentat fis-26 ta’ Jannar 2017 – France.com vs EUIPO – France (FRANCE.com)
(Kawża T-71/17)
(2017/C 112/56)
Lingwa tar-rikors: l-Ingliż
Partijiet
Rikorrenti: France.com, Inc. (Coral gables, Florida, l-Istati Uniti) (rappreżentant: A. Bertrand, avukat)
Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)
Parti oħra quddiem il-Bord tal-Appell: Ir-Repubblika Franċiża
Informazzjoni dwar il-proċedimenti quddiem l-EUIPO
Applikant għat-trade mark kontenzjuża: ir-rikorrenti
Trade mark kontenzjuża kkonċernata: trade mark figurattiva tal-Unjoni Ewropea li tinkludi l-element verbali “FRANCE.com” – Applikazzjoni għal reġistrazzjoni Nru 13 158 597
Proċedimenti quddiem l-EUIPO: proċedimenti ta’ oppożizzjoni
Deċiżjoni kkontestata: deċiżjoni tal-Ewwel Bord tal-Appell tal-EUIPO tal-20 ta’ Ottubru 2016 fil-Każ R 2452/2015-1
Talbiet
— |
tippreżenta d-domandi preliminari segwenti lill-Qorti tal-Ġustizzja: (i) Fid-dawl tal-Artikoli 8(2) u 41(1) dwar it-trade mark Komunitarja u tar-Regoli 15(2)(b) u 17 tar-Regolament li jimplementa r-Regolament dwar it-trade mark tal-Komunità, fi proċedimenti ta’ oppożizzjoni, ir-rikorrenti, bħall-konvenut f’oppożizzjoni, għandha d-dritt li tinvoka drittijiet preċedenti, li jistgħu jikkostitwixxu drittijiet preċedenti għat-trade mark preċedenti użata bħala dritt preċedenti fl-oppożizzjoni? (ii) L-Istat Franċiż għandu xi tip ta’ dritt ta’ proprjetà intellettwali preċedenti fuq il-kelma “France” li ma hijiex l-isem uffiċjali tal-Istat Franċiż u li hija biss entità ġeografika? (iii) Jekk ir-risposta għad-domanda (ii) hija “Le”, l-isem “France” għandu jitqies bħala kelma li tinsab fid-dominju pubbliku u li fuqha ħadd ma jista’ jinvoka dritt ta’ proprjetà intellettwali? (iv) Jekk ir-risposta għad-domanda (ii) hija “Iva”, il-fatt li sa llum l-Istat Franċiż qatt ma invoka xi drittijiet fuq il-kelma “France” ħlief kontra France.com, għandu jitqies bħala diskriminazzjoni kontra r-rikorrenti? |
— |
tannulla d-deċiżjoni kkontestata; |
— |
tiċħad l-oppożizzjoni mressqa mill-Istat Franċiż kontra r-reġistrazzjoni tat-trade mark semifigurattiva tal-Unjoni Ewropea “France.com” li saret applikazzjoni għaliha minn France.com Inc.; |
— |
tiċħad ir-rikors fir-rigward tal-kumplament; |
— |
tordna lill-EUIPO jbati l-ispejjeż tiegħu stess u li jħallas dawk sostnuti minn France.com Inc. fir-rigward tal-proċeduri quddiem il-Qorti tal-Ġustizzja; |
— |
tordna lill-EUIPO u lill-Istat Franċiż ibatu kull wieħed nofs l-ispejjeż ta’ France.com Inc. fir-rigward tal-proċedimenti quddiem il-Bord tal-Appell u l-EUIPO. |
Motivi invokati
— |
Ksur tal-Artikoli 8(1), 8(2) u 41(1) tar-Regolament Nru 207/2009; |
— |
Ksur tar-Regoli 15(2)(b) u 17 tar-Regolament Nru 2868/95. |