Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62017TN0014

Kawża T-14/17: Rikors ippreżentat fit-12 ta’ Jannar 2017 – Landesbank Baden-Württemberg vs SRB

OJ C 63, 27.2.2017, p. 41–42 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

27.2.2017   

MT

Il-Ġurnal Uffiċjali tal-Unjoni Ewropea

C 63/41

Rikors ippreżentat fit-12 ta’ Jannar 2017 – Landesbank Baden-Württemberg vs SRB

(Kawża T-14/17)

(2017/C 063/54)

Lingwa tal-kawża: il-Ġermaniż

Partijiet

Rikorrent: Landesbank Baden Württemberg (Stuttgart, il-Ġermanja) (rappreżentanti: H. Berger u K. Rübsamen, avukati)

Konvenut: Bord Uniku ta’ Riżoluzzjoni (SRB)

Talbiet

—

tannulla, sa fejn jirrigwardaw lir-rikorrent, id-deċiżjoni tal-Bord Uniku ta’ Riżoluzzjoni tal-15 ta’ April 2016, li tiffissa l-kontribuzzjonijiet ex ante għall-Fond Uniku ta’ Riżoluzzjoni għall-2016 (SRB/ES/SRF/2016/06) u d-deċiżjoni tal-Bord Uniku ta’ Riżoluzzjoni, tal-20 ta’ Mejju 2016, li tiffissa l-aġġustament tal-kontribuzzjonijiet ex ante għall-Fond Uniku ta’ Riżoluzzjoni għall-2016 u li tikkompleta d-deċiżjoni tal-Bord Uniku ta’ Riżoluzzjoni, tal-15 ta’ April 2016, li tiffissa l-kontribuzzjonijiet ex ante għall-Fond Uniku ta’ Riżoluzzjoni għall-2016 (SRB/ES/SRF/2016/13);

—

tikkundanna lill-konvenut għall-ispejjeż.

Motivi u argumenti prinċipali

Insostenn tar-rikors tiegħu, ir-rikorrent jinvoka erba’ motivi.

1.

L-ewwel motiv, ibbażat fuq ksur tal-Artikolu 296(2) TFUE u tal-Artikolu 41(1) u (2)(ċ) tal-Karta tad-Drittijiet Fundamentali tal-Unjoni Ewropea (iktar ’il quddiem, il-“Karta”):

—

motivazzjoni insuffiċjenti tad-deċiżjonijiet ikkontestati.

2.

It-tieni motiv, ibbażat fuq ksur tad-dritt għal smigħ taħt l-Artikolu 41(1) u (2)(a) tal-Karta:

—

Ir-rikorrent ma nstemax qabel l-adozzjoni tad-deċiżjonijiet ikkontestati.

3.

It-tielet motiv, ibbażat fuq ksur tal-Artikolu 103(7)(h) tad-Direttiva 2014/59/UE (1), tal-Artikolu 113(7) tar-Regolament (UE) Nru 575/2013 (2), tal-ewwel sentenza tal-Artikolu 6(5) tar-Regolament ta’ Delega (UE) Nru 2015/63 (3), tal-Artikoli 16 u 20 tal-Karta u fuq ksur tal-prinċipju ta’ proporzjonalità minħabba l-applikazzjoni tal-fattur ta’ multiplikazzjoni 0.556 għall-indiċi SPI (institutional protection scheme):

—

F’dan it-tielet motiv, ir-rikorrent jilmenta li l-konvenut ma applikax integralment fir-rigward tiegħu l-indiċi SPI. Il-protezzjoni li toffri skema ta’ protezzjoni istituzzjonali tgħodd globalment u b’mod uniformi għall-istabbilimenti kollha li jagħmlu parti minnha. Kull differenza bejn l-istabbilimenti fl-indiċi SPI tmur kontra l-iskema u hija arbitrarja. Il-klassifikazzjoni tar-rikorrent fil-kategorija tal-istabbilimenti bil-profil tal-ogħla riskju hija manifestament mhux ġustifikata u arbitrarja.

4.

Ir-raba’ motiv, ibbażat fuq ksur tal-Artikolu 16 tal-Karta u fuq ksur tal-prinċipju ta’ proporzjonalità minħabba l-applikazzjoni tal-multiplikatur ta’ aġġustament skont il-profil ta’ riskju:

—

Ir-rikorrent isostni, barra minn hekk, li l-Bord Uniku ta’ Riżoluzzjoni kiser il-libertà ta’ intrapriża tiegħu u l-prinċipju ta’ proporzjonalità meta kkalkola multiplikaturi skont il-profil ta’ riskju li ma humiex konformi mal-profil ta’ riskju tar-rikorrent li huwa aħjar mill-medja meta mqabbel ma’ dak ta’ stabbilimenti oħra suġġetti għall-obbligu ta’ kontribuzzjoni.

(1)  Direttiva 2014/59/UE tal-Parlament Ewropew u tal-Kunsill, tal-15 ta’ Mejju 2014, li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/KE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, p. 190).

(2)  Regolament (UE) 575/2013 tal-Parlament Ewropew u tal-Kunsill, tas-26 ta’ Ġunju 2013, dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, p. 1).

(3)  Regolament ta’ Delega tal-Kummissjoni (UE) 2015/63, tal-21 ta’ Ottubru 2014. li jissupplimenta d-Direttiva 2014/59/UE tal-Parlament Ewropew u l-Kunsill fir-rigward tal-kontribuzzjonijiet ex ante għall-arranġamenti ta’ finanzjament ta’ riżoluzzjoni (ĠU L 11, p. 44).

Top