Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62016TN0679

Kawża T-679/16: Rikors ippreżentat fis-26 ta’ Settembru 2016 – Athletic Club vs Il-Kummissjoni

OJ C 419, 14.11.2016, p. 56–57 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

14.11.2016   

MT

Il-Ġurnal Uffiċjali tal-Unjoni Ewropea

C 419/56

Rikors ippreżentat fis-26 ta’ Settembru 2016 – Athletic Club vs Il-Kummissjoni

(Kawża T-679/16)

(2016/C 419/73)

Lingwa tal-kawża: l-Ispanjol

Partijiet

Rikorrent: Athletic Club (Bilbao, Spanja) (rappreżentanti: E. Lucas Murillo de la Cueva u J. Luís Carrasco, avukati)

Konvenuta: Il-Kummissjoni Ewropea

Talbiet

—

tannulla l-Artikolu 1 tad-Deċiżjoni tal-Kummissjoni C (2016) 4046 finali, tal-4 ta’ Lulju 2016, dwar l-għajnuna mill-Istat SA.29769 (2013/C) (ex 2013/NN), mogħtija minn Spanja favur ċerti klabbs tal-futbol, sa fejn tikkonċerna l-Athletic Club;

—

tannulla l-Artikoli 4 u 5 tad-Deċiżjoni tal-Kummissjoni C (2016) 4046 finali, tal-4 ta’ Lulju 2016, dwar l-għajnua mill-Istat SA.29769 (2013/C) (ex 2013/NN), mogħtija minn Spanja favur ċerti klabbs tal-futbol, sa fejn tordna l-irkupru tal-għajnuna allegatament mogħtija lill-Athletic Club, kif ukoll it-tneħħija tas-sistema ta’ taxxa fuq il-kumpaniji għall-persuni ġuridiċi mingħajr skop ta’ lukru, kif din ġiet imposta fuq Athletic Club;

—

tikkundanna lill-konvenuta għall-ispejjeż.

Motivi u argumenti prinċipali

Dan ir-rikors huwa dirett kontra d-Deċiżjoni tal-Kummissjoni C (2016) 4046 finali, tal-4 ta’ Lulju 2016, dwar l-għajnuna mill-Istat SA.29769 (2013/C) (ex 2013/NN), mogħtija minn Spanja lil ċerti klabbs tal-futbol. Fir-rigward tar-rikorrent, din l-għajnuna tikkonsisti mill-benefiċċju fiskali li hija tkun kisbet, matul il-perijodu inkwistjoni, minħabba li kienet imposta bħala assoċjazzjoni mingħajr skop ta’ lukru u mhux skont is-sistema ġenerali ta’ taxxa fuq il-kumpanniji.

Insostenn tar-rikors tagħha, ir-rikorrent tinvoka ħames motivi.

1.

L-ewwel motiv, ibbażat fuq il-ksur tal-Artikolu 107(1) TFUE

—

F’dan ir-rigward, hija ssostni li, fil-kuntest ġeografiku ta’ riferiment (Vizcaya), il-miżura eżaminata fid-deċiżjoni ma tistax titqies selettiva, minħabba li l-klabbs tal-futbol huma persuni ġuridiċi suġġetti għall-istess sistema u tip ta’ taxxa fuq il-kumpanniji.

2.

It-tieni motiv, ibbażat fuq il-ksur tal-Artikolu 107(1) TFUE

—

F’dan ir-rigward, hija tafferma d-differenza fit-taxxa bejn il-persuni ġuridiċi mingħajr skop ta’ lukru u l-kumpanniji pubbliċi ta’ responsabbiltà limitata hija ġġustifikata mid-differenzi essenzjali bejn dawn iż-żewġ tipi ta’ persuni ġuridiċi.

3.

It-tielet motiv, ibbażat fuq il-ksur tal-Artikolu 107(1) TFUE

—

F’dan ir-rigward, hija tafferma li l-miżura eżaminata fid-deċiżjoni ma toħloqx distorsjoni tal-kompetizzjoni u lanqas ma taffettwa l-kummerċ bejn l-Istati Membri.

4.

Ir-raba’ motiv, ibbażat fuq il-ksur tal-Artikolu 108 TFUE u l-Artikoli 1(b)(i), 17, 18 u 19 tar-Regolament (KE) Nru 659/1999, tat 22 ta’ Marzu 1999, li jistabbilixxi regoli dettaljati għall-applikazzjoni tal-Artikolu 93 tat-Trattat tal-KE u 93 tat-Trattat tal-KE (ĠU Edizzjoni Speċjali bil-Malti, Kapitolu 8, Vol. 1, p. 339).

—

F’dan ir-rigward, hija ssostni li, għalkemm il-miżura eżaminata fid-deċiżjoni kellha titqies bħala għajnuna mill-Istat, għandha, fi kwalunkwe każ, titqies bħala għajnuna eżistenti.

5.

Il-ħames motiv, ibbażat fuq il-ksur tal-Artikolu 296 TFUE u l-Artikolu 41(1)(ċ) tal-Karta tad-Drittijiet Fundamentali tal-Unjoni Ewropea.

—

F’dan ir-rigward, hija ssostni li d-deċiżjoni kkontestata hija vvizzjata minn nuqqas ta’ motivazzjoni, minħabba li ma eżaminatx l-elementi essenzjali tad-definizzjoni ta’ għajnuna mill-Istat u ma weġbitx għall-allegazzjonijiet motivati tal-partijiet, u b’hekk injorat ir-rekwiżiti essenzjali tal-oneru tal-prova.
Top