Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62016TN0627

Kawża T-627/16: Rikors ippreżentat fil-31 ta’ Awwissu 2016 – Ir-Repubblika Ċeka vs Il-Kummissjoni

OJ C 392, 24.10.2016, p. 47–47 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

24.10.2016   

MT

Il-Ġurnal Uffiċjali tal-Unjoni Ewropea

C 392/47

Rikors ippreżentat fil-31 ta’ Awwissu 2016 – Ir-Repubblika Ċeka vs Il-Kummissjoni

(Kawża T-627/16)

(2016/C 392/61)

Lingwa tal-kawża: iċ-Ċek

Partijiet

Rikorrenti: Ir-Repubblika Ċeka (rappreżentata minn: M. Smolek, J. Pavliš u J. Vláčil, li jaġixxu bħala aġenti)

Konvenuta: Il-Kummissjoni Ewropea

Talbiet

—

tannulla d-Deċiżjoni ta’ Implimentazzjoni tal-Kummissjoni (UE) tal-20 ta’ Ġunju 2016 li teskludi mill-finanzjament tal-Unjoni Ewropea ċertu nfiq imġarrab mill-Istati Membri fi ħdan il-Fond Argikolu Ewropew ta’ Garanzija (FAEG) u fi ħdan il-Fond Agrikolu Ewropew għall-Iżvilupp Rurali (FAEŻR) (notifika bid-dokument C(2016) 3753) (id-“deċiżjoni kkontestata”) sa fejn din teskludi l-infiq imġarrab mir-Repubblika Ċeka fir-rigward tal-iskema ta’ pagament uniku (SPUE) f’ammont totali ta’ EUR 84 272,83 sa fejn din teskludi l-infiq imġarrab mir-Repubblika Ċeka fir-rigward ta’ investiment fis-settur tal-inbid f’ammont totali ta’ EUR 636 516,20 u sa fejn din teskludi l-infiq imġarrab mir-Repubblika Ċeka fir-rigward tar-rekwiżiti ta’ kundizzjonalità f’ammont totali ta’ EUR 29 485 612,55;

—

tordna lill-Kummissjoni tbati l-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka fir-rigward tal-iskema ta’ pagament uniku (SPUE) motiv uniku, ibbażat fuq ksur tal-Artikolu 52(1) tar-Regolament (UE) Nru 1306/2013 tal-Parlament Ewropew u tal-Kunsill tas-17 ta’ Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni. Il-Kummissjoni ddeċidiet li teskludi l-infiq mill-finanzjament tal-UE, għalkemm ma kien hemm l-ebda ksur tad-dritt tal-UE jew tad-dritt nazzjonali.

Fir-rigward tal-investiment fis-settur tal-inbid, ir-rikorrenti tinvoka motiv uniku, ibbażat fuq ksur tal-Artikolu 52(1) tar-Regolament Nru 1306/2013. Il-Kummissjoni ddeċidiet li teskludi l-infiq mill-finanzjament tal-UE, għalkemm ma kien hemm l-ebda ksur tad-dritt tal-UE jew tad-dritt nazzjonali.

Fir-rigward tar-rekwiżiti ta’ kundizzjonalità, ir-rikorrenti tinvoka żewġ motivi:

1.

L-ewwel motiv ibbażat fuq ksur tal-Artikolu 52(1) tar-Regolament Nru 1306/2013. Il-Kummissjoni ddeċidiet li teskludi l-infiq mill-finanzjament tal-UE, għalkemm ma kien hemm l-ebda ksur tad-dritt tal-UE jew tad-dritt nazzjonali.

2.

Sussidjarjament, ir-rikorrenti tinvoka t-tieni motiv ibbażat fuq ksur tal-Artikolu 52(2) tar-Regolament Nru 1306/2013. Anki jekk l-ilmenti kkontestati fl-ewwel motiv kienu jikkostitwixxu ksur tad-dritt tal-UE (quod non), il-Kummissjoni evalwat b’mod żbaljat il-gravità ta’ dan il-ksur u d-dannu finanzjarju għall-UE.
Top