Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2016/270/02

Żvolġiment tal-attività tal-Qorti Ġenerali bejn l-1 u d-19 ta’ Settembru 2016

OJ C 270, 25.7.2016, p. 2–2 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

25.7.2016   

MT

Il-Ġurnal Uffiċjali tal-Unjoni Ewropea

C 270/2

Żvolġiment tal-attività tal-Qorti Ġenerali bejn l-1 u d-19 ta’ Settembru 2016

(2016/C 270/02)

Il-Qorti Ġenerali, fil-Konferenza Plenarja tagħha tal-15 ta’ Ġunju 2016, ħadet nota tal-fatt li t-teħid tal-ġurament tal-ħatra quddiem il-Qorti tal-Ġustizzja mill-Membri l-ġodda tal-Qorti Ġenerali ser iseħħ fid-19 ta’ Settembru 2016 u li, għaldaqstant, skont it-tielet paragrafu tal-Artikolu 5 tal-Protokoll dwar l-Istatut tal-Qorti tal-Ġustizzja tal-Unjoni Ewropea, sakemm jieħdu l-kariga tagħhom il-Membri l-ġodda tal-Qorti Ġenerali:

—

il-Presidenza tal-Qorti Ġenerali ser tiġi żgurata mill-President M. Jaeger;

—

il-Viċi Presidenza tal-Qorti Ġenerali ser tiġi żgurata mill-Viċi President J. Kanninen;

—

il-Presidenzi tal-Awli b’ħames u bi tliet imħallfin ser jiġu żgurati mill-Viċi President J. Kanninen, u mill-Presidenti ta’ Awla M.E .Martins Ribeiro, S. Papasavvas, M. Prek, A. Dittrich, S. Frimodt Nielsen, M. van der Woude, D. Gratsias u G. Berardis;

—

id-deċiżjoni tal-assenjazzjoni tal-Imħallfin lill-awli tat-23 ta’ Ottubru 2013 (ĠU 2013, C 344, p. 2), kif emendata l-aħħar bid-deċiżjoni tad-9 ta’ Ġunju 2016 (ĠU 2016, C 243, p. 2), id-deċiżjonijiet tat-13 ta’ Mejju 2015 dwar il-kompożizzjoni tal-Awla Manja u dwar il-metodu ta’ nomina tal-Imħallef li jissostitwixxi Mħallef suġġett għal impediment (ĠU 2015, C 213, p. 2) u d-deċiżjonijiet tat-23 ta’ Settembru 2013 dwar il-kriterji ta’ assenzjazzjoni tal-kawżi lill-awli u dwar il-kompożizzjoni tal-Awla tal-Appell (ĠU 2013, C 313, p. 4 u 5) ser jibqgħu japplikaw.
Top