EUR-Lex Access to European Union law
This document is an excerpt from the EUR-Lex website
Document 62013CA0335
Case C-335/13: Judgment of the Court (First Chamber) of 6 November 2014 (request for a preliminary ruling from the Scottish Land Court — United Kingdom) — Robin John Feakins v The Scottish Ministers (Reference for a preliminary ruling — Common agricultural policy — Single payment scheme — Commission Regulation (EC) No 795/2004 — Article 18(2) — National reserve — Exceptional circumstances — Principle of equal treatment)
Kawża C-335/13: Sentenza tal-Qorti tal-Ġustizzja (L-Ewwel Awla) tas- 6 ta’ Novembru 2014 (talba għal deċiżjoni preliminari tal-Iscottish Land Court – ir-Renju Unit) – Robin John Feakins vs The Scottish Ministers “Rinviju għal deċiżjoni preliminari — Politika Agrikola Komuni — Skema ta’ pagament uniku — Regolament tal-Kummissjoni (KE) Nru 795/2004 — Artikolu 18(2) — Riżerva nazzjonali — Ċirkustanzi eċċezzjonali — Prinċipju ta’ ugwaljanza fit-trattament”
Kawża C-335/13: Sentenza tal-Qorti tal-Ġustizzja (L-Ewwel Awla) tas- 6 ta’ Novembru 2014 (talba għal deċiżjoni preliminari tal-Iscottish Land Court – ir-Renju Unit) – Robin John Feakins vs The Scottish Ministers “Rinviju għal deċiżjoni preliminari — Politika Agrikola Komuni — Skema ta’ pagament uniku — Regolament tal-Kummissjoni (KE) Nru 795/2004 — Artikolu 18(2) — Riżerva nazzjonali — Ċirkustanzi eċċezzjonali — Prinċipju ta’ ugwaljanza fit-trattament”
OJ C 7, 12.1.2015, p. 8–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
12.1.2015 |
MT |
Il-Ġurnal Uffiċjali tal-Unjoni Ewropea |
C 7/8 |
Sentenza tal-Qorti tal-Ġustizzja (L-Ewwel Awla) tas-6 ta’ Novembru 2014 (talba għal deċiżjoni preliminari tal-Iscottish Land Court – ir-Renju Unit) – Robin John Feakins vs The Scottish Ministers
(Kawża C-335/13) (1)
(“Rinviju għal deċiżjoni preliminari - Politika Agrikola Komuni - Skema ta’ pagament uniku - Regolament tal-Kummissjoni (KE) Nru 795/2004 - Artikolu 18(2) - Riżerva nazzjonali - Ċirkustanzi eċċezzjonali - Prinċipju ta’ ugwaljanza fit-trattament”)
(2015/C 007/10)
Lingwa tal-kawża: l-Ingliż
Qorti tar-rinviju
Scottish Land Court
Partijiet fil-kawża prinċipali
Rikorrent: Robin John Feakins
Konvenuti: The Scottish Ministers
Dispożittiv
1) |
L-Artikolu 18(2) tar-Regolament tal-Kummissjoni (KE) Nru 795/2004, tal-21 ta’ April 2004, li jippreskrivi regoli dettaljati għall-implimentazzjoni tal-iskema ta’ ħlas waħdieni li hemm provvediment dwaru fir-Regolament tal-Kunsill (KE) Nru 1782/2003 li jistabbilixxi regoli komuni għal sistemi ta’ sostenn dirett taħt il-politika agrikola komuni u li jistabbilixxi ċerti skemi ta’ sostenn għall-bdiewa, kif emendat permezz tar-Regolament tal-Kummissjoni (KE) Nru 1974/2004, tad-29 ta’ Ottubru 2004, għandu jiġi interpretat fis-sens li japplika, minn naħa, meta bidwi jissodisfa l-kundizzjonijiet għall-applikazzjoni ta’ tnejn jew iktar mill-Artikoli 19 sa 23a tal-imsemmi regolament, kif emendat bir-Regolament Nru 1974/2004, u, min-naħa l-oħra, meta bidwi li jissodisfa l-kundizzjonijiet għall-applikazzjoni ta’ mill-inqas wieħed mill-Artikoli 19 sa 23a tal-istess regolament, kif emendat bir-Regolament Nru 1974/2004, jissodisfa wkoll il-kundizzjonijiet għall-applikazzjoni ta’ mill-inqas wieħed mill-Artikoli 37(2), 40, 42(3) u 42(5) tar-Regolament tal-Kunsill (KE) Nru 1782/2003, tad-29 ta’ Settembru 2003, li jistabbilixxi regoli komuni għal skemi diretti ta’ appoġġ fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa u li jemenda r-Regolamenti (KEE) Nru 2019/93, (KE) Nru 1452/2001, (KE) Nru 1453/2001, (KE) Nru 1454/2001, (KE) Nru 1868/94, (KE) Nru 1251/1999, (KE) Nru 1254/1999, (KE) Nru 1673/2000, (KE) Nru 2358/71 u (KE) Nru 2529/2001. |
2) |
L-Artikolu 18(2) tar-Regolament Nru 795/2004, kif emendat bir-Regolament Nru 1974/2004 huwa invalidu sa fejn huwa jipprekludi bidwi li jkun esperjenza ċirkustanzi eċċezzjonali fis-sens tal-Artikolu 40 tar-Regolament Nru 1782/2003 milli jibbenefika fl-istess waqt minn aġġustament tal-ammont ta’ referenza tiegħu taħt din id-dispożizzjoni u minn ammont ta’ referenza supplimentari mir-riżerva nazzjonali taħt wieħed mill-Artikoli 19 sa 23a tar-Regolament Nru 795/2004, kif emendat bir-Regolament Nru 1974/2004, filwaqt li bidwi li ma jkunx ikkonfronta tali ċirkustanzi u li jkun ġie attribwit ammont ta’ referenza kkalkolat skont l-Artikolu 37(1) tar-Regolament Nru 1782/2003 jista’ jakkumula dan l-ammont u ammont ta’ referenza mir-riżerva nazzjonali taħt wieħed mill-Artikoli 19 sa 23a tar-Regolament Nru 795/2004, kif emendat bir-Regolament Nru 1974/2004. |