Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62013TN0678

Kawża T-678/13: Rikors ippreżentat fit- 13 ta’ Diċembru 2013 — AEMN vs Il-Parlament

OJ C 85, 22.3.2014, p. 20–21 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

22.3.2014   

MT

Il-Ġurnal Uffiċjali tal-Unjoni Ewropea

C 85/20

Rikors ippreżentat fit-13 ta’ Diċembru 2013 — AEMN vs Il-Parlament

(Kawża T-678/13)

2014/C 85/35

Lingwa tal-kawża: il-Franċiż

Partijiet

Rikorrenti: Alliance Européenne des Mouvements Nationaux (AEMN) (Matzenheim, Franza) (rappreżentant: J. P. Le Moigne, avukat)

Konvenut: Il-Parlament Ewropew

Talbiet tal-partijiet

—

tannulla d-Deċiżjoni Nru 110655, tal-14 ta’ Ottubru 2013, li stabbiliet l-allokazzjoni definittiva, mogħtija mill-Parlament Ewropew lill-Alliance Européenne des Mouvements Nationaux għas-sena 2012, għas-somma ta’ EUR 186 292,12 u konsegwentement iddeċiediet li l-Alliance Européenne des Mouvements Nationaux għandha tirrimborsa s-somma ta’ EUR 45 476,00 peress li somma ta’ EUR 231 412,80 diġà ngħatat lill-assoċjazzjoni rikorrenti;

—

tikkundanna lill-Parlament Ewropew li jħallas l-ispejjeż kollha u li jħallas għal dan il-għan somma ta’ EUR 20 000,000 lill-Alliance Européenne des Mouvements Nationaux.

Motivi u argumenti prinċipali

Insostenn tar-rikors tagħha, ir-rikorrenti tinvoka erba’ motivi.

(1)

L-ewwel motiv ibbażat fuq l-inkompetenza tal-awtur tal-att, peress li l-firmatarju tiegħu ma kellu ebda delega sabiex jieħu, jiffirma u jinnotifika d-deċiżjoni kkontestata.

(2)

It-tieni motiv ibbażat fuq ksur ta’ rekwiżiti proċedurali, peress li l-Parlament ma tax lir-rikorrenti l-opportunità li jikkummentaw dwar l-irregolaritajiet ikkonstatati.

(3)

It-tielet motiv ibbażat fuq ksur tal-istat tad-dritt, sa fejn:

—

il-kontribuzzjonijiet in natura huma metodu regolari ta’ finanzjament;

—

ir-rikorrenti sofra trattament diskriminatorju tal-baġit tagħha meta mqabbla mal-partiti politiċi Ewropej l-oħra;

—

id-dritt għal smigħ qabel l-adozzjoni ta’ miżura individwali sfavorevoli ma ġiex irrispettat.

(4)

Ir-raba’ motiv ibbażat fuq użu ħażin ta’ poter, peress li l-Parlament uża restrizzjonijiet finanzjarji sabiex jillimita l-mezzi ta’ azzjoni ta’ partit politiku li uħud mill-membri tiegħu ma jaqblux mal-ideali tiegħu.
Top