EUR-Lex Access to European Union law
This document is an excerpt from the EUR-Lex website
Document 52013XC1019(02)
Summary of Commission Decision of 5 December 2012 relating to a proceeding under Article 101 of the Treaty on the Functioning of the European Union and Article 53 of the EEA Agreement (Case COMP/39.437 — TV and computer monitor tubes) (notified under document C(2012) 8839) Text with EEA relevance
Sommarju tad-Deċiżjonijiet tal-Kummissjoni tal- 5 ta’ Diċembru 2012 dwar proċediment taħt l-Artikolu 101 tat-Trattat dwar il-funzjonament tal-Unjoni Ewropea u l-artikolu 53 tal-Ftehim ŻEE (Każ COMP/39.437 – Tubi tat-televixin u tal-moniters tal-kompjuter) (notifikata bid-dokument C(2012) 8839) Test b’relevanza għaż-ŻEE
Sommarju tad-Deċiżjonijiet tal-Kummissjoni tal- 5 ta’ Diċembru 2012 dwar proċediment taħt l-Artikolu 101 tat-Trattat dwar il-funzjonament tal-Unjoni Ewropea u l-artikolu 53 tal-Ftehim ŻEE (Każ COMP/39.437 – Tubi tat-televixin u tal-moniters tal-kompjuter) (notifikata bid-dokument C(2012) 8839) Test b’relevanza għaż-ŻEE
OJ C 303, 19.10.2013, p. 13–16
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
OJ C 303, 19.10.2013, p. 8–8
(HR)
19.10.2013 |
MT |
Il-Ġurnal Uffiċjali tal-Unjoni Ewropea |
C 303/13 |
Sommarju tad-Deċiżjonijiet tal-Kummissjoni
tal-5 ta’ Diċembru 2012
dwar proċediment taħt l-Artikolu 101 tat-Trattat dwar il-funzjonament tal-Unjoni Ewropea u l-artikolu 53 tal-Ftehim ŻEE
(Każ COMP/39.437 – Tubi tat-televixin u tal-moniters tal-kompjuter)
(notifikata bid-dokument C(2012) 8839)
(It-test bl-Ingliż biss huwa awtentiku)
(Test b’relevanza għaż-ŻEE)
2013/C 303/07
Fil-5 ta’ Diċembru 2012, il-Kummissjoni adottat deċiżjoni li tirrigwarda proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE. Skont id-dispożizzjonijiet tal-Artikolu 30 tar-Regolament tal-Kunsill (KE) Nru 1/2003 (1), il-Kummissjoni qiegħda hawn tippubblika l-ismijiet tal-partijiet u tal-kontenut prinċipali tad-deċiżjoni, inkluż kull piena imposta, wara li kkunsidrat l-interess leġittimu tal-impriżi fil-ħarsien tas-sigrieti kummerċjali tagħhom.
1. INTRODUZZJONI
(1) |
Fil-5 ta’ Diċembru 2012, il-Kummissjoni Ewropea adottat Deċiżjoni li tirrigwarda żewġ infrazzjonijiet separati tal-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE fis-settur tat-tubi ta' raġġi katodiċi (“CRT”). B'dawn l-infrazzjonijiet id-destinatarji tad-Deċiżjoni ftiehmu fuq il-prezzijiet, l-ishma tas-suq, il-klijenti u l-produzzjoni kif ukoll skambjaw informazzjoni kunfidenzjali u ssorveljaw l-implimentazzjoni ta’ arranġamenti kollużivi. |
(2) |
Id-Deċiżjoni ġiet indirizzata lill-entitajiet ġuridiċi li ġejjin: Chunghwa Picture Tubes Co., Ltd., Chunghwa Picture Tubes (il-Malasja) Sdn. Bhd., CPTF Optronics Co., Ltd. (“Chunghwa”); Samsung SDI Co., Ltd., Samsung SDI (il-Malasja) Berhad, Samsung SDI il-Ġermanja GmbH (“Samsung SDI”); Koninklijke Philips Electronics NV (“Philips”); LG Electronics, Inc (“LGE”); Panasonic Corporation (“Panasonic”); Toshiba Corporation (“Toshiba”); MT Picture Display Co., Ltd. (“MTPD”); Technicolor SA (“Technicolor”). |
2. DESKRIZZJONI TAL-KAŻ
2.1. Il-prodott ikkonċernat
(3) |
Il-prodott ikkonċernat, CRT, huwa envelop tal-ħġieġ evakwat li fih electron gun u skrin fluworexxenti. Hemm żewġ tipi differenti ta’ CRTs li kienu koperti rispettivament fiż-żewġ infrazzjonijiet separati: (i) Tubi għall-Istampa bil-Kulur (CDTs) użati f'moniters tal-kompjuter u (ii) Tubi għall-Istampi bil-Kulur (CPTs) li jintużaw f'televixins bil-kulur. |
(4) |
Mill-bidu tal-2000 it-teknoloġija CRT ġiet sostitwita gradwalment minn tekniki alternattivi bħal skrins LCD u plasma. |
2.2. Proċedura
(5) |
Wara l-applikazzjoni għall-immunità ta’ Chunghwa skont it-termini tal-avviż ta’ Klemenza tal-2006, il-Kummissjoni wettqet spezzjonijiet f’Novembru 2007. Sussegwentement il-Kummissjoni rċeviet applikazzjonijiet ta’ klemenza minn Samsung SDI, Panasonic (flimkien ma’ MTPD), Philips u Technicolor. Barra minn hekk, diversi talbiet għall-informazzjoni kienu indirizzati lill-partijiet. |
(6) |
Fit-23 ta' Novembru 2009, il-Kummissjoni adottat Dikjarazzjoni tal-Oġġezzjonijiet. Sessjoni ta' smigħ orali saret bejn is-26 u s-27 ta' Mejju 2010. Fit-2 ta’ Diċembru 2010, il-Kummissjoni ħarġet Ittra tal-Fatti lil Panasonic, MTPD u Toshiba rigward l-influwenza deċiżiva tal-kumpaniji prinċipali fuq MTPD. |
(7) |
Fl-1 ta’ Ġunju 2012 il-Kummissjoni adottat Dikjarazzjonijiet Supplimentari ta’ Oġġezzjonijiet indirizzati lil Philips u lil LGE dwar ir-responsabiltà. Fis-6 ta' Settembru 2012 sar smigħ orali ta' dawn il-partijiet. Fil-5 ta’ Lulju 2012 il-Kummissjoni ħarġet Ittra tal-Fatti għad-destinatarji kollha tad-Dikjarazzjoni ta' Oġġezzjonijiet tat-23 ta’ Novembru 2009 rigward il-parteċipanti fil-kuntatti tal-kartell mill-grupp Philips, mill-grupp LGE u mill-grupp ta' impriża konġunta Philips/LGE. |
(8) |
Il-Kumitat Konsultattiv dwar Prattiċi Restrittivi u Pożizzjonijiet Dominanti ħareġ opinjoni favorevoli fid-19 ta’ Novembru 2012 u t-3 ta' Diċembru 2012. |
2.3. Sommarju tal-ksur
(9) |
B’mod ġenerali, il-kartell tas-CDT dam minn Ottubru 1996 sa Marzu 2006 u l-kartell tas-CPT minn Diċembru 1997 sa Novembru 2006. |
(10) |
Id-destinatarji tad-Deċiżjoni tal-prezzijiet fissi tal-kartell CDT allokaw ishma tas-suq u klijenti u produzzjoni ristretta. Id-destinatarji tad-Deċiżjoni tal-prezzijiet fissi tal-kartell CPT allokaw ishma tas-suq u produzzjoni ristretta. L-iffissar tal-prezz, it-tqassim tas-suq u restrizzjonijiet fuq il-produzzjoni kienu wkoll suġġetti għal monitoraġġ regolari fiż-żewġ kartelli u, fil-każ ta’ kartell CDT, fi żminijiet ir-restrizzjonijiet ta' kapaċità kienu wkoll ivverifikati permezz ta’ żjarat fl-impjanti. Id-destinatarji kienu involuti wkoll fi skambji ta’ informazzjoni kummerċjalment sensittiva fiż-żewġ kartelli. Fil-kartell CPT id-destinatarji ppruvaw ukoll iżommu d-diskrepanza fil-prezzijiet bejn prodotti identiċi mqegħdin fis-suq fl-Ewropa u fl-Asja. |
(11) |
Iż-żewġ kartelli kienu organizzati ħafna. Kien hemm laqgħat multilaterali regolari li jinvolvu livelli korporattivi differenti tad-destinatarji sal-livell eżekuttiv. Il-laqgħat multilaterali ġew ikkumplimentati minn laqgħat bilaterali u skambji oħra. Oriġinarjament CDTs u CPTs ġew diskussi bl-istess kuntatti ta’ kartell, iżda malajr feġġet diviżjoni bejn kuntatti tal-kartell CDT u CPT L-iffukar tal-kuntatti tal-kartell evolva maż-żmien wara l-iżvilupp fis-settur pereżempju minħabba li l-enfasi fid-domanda kienet miexja għal CRTs ta' daqs akbar. |
(12) |
Fil-kartell CDT il-kuntatti tal-kartell seħħew l-aktar fl-Asja filwaqt li fil-kartell CPT kien hemm kuntatti ta’ kartell kemm fl-Asja u kemm fl-Ewropa. Mill-1999 il-kuntatti ta’ kartell CPT bdew jiġu organizzati aktar ta’ spiss anke fl-Ewropa biex jikkumplimentaw laqgħat tal-kartell li kienu bdew fl-Asja. Fil-kartell CPT l-arranġamenti milħuqa f’kuntatti ta’ kartell tal-Asja u tal-Ewropa kienu interkonnessi. Il-laqgħat Ewropej iffukaw b’mod aktar speċifiku fuq l-Ewropa u l-kuntatti ta’ kartell tal-Asja koprew b’mod aktar ċar il-livell dinji. Madankollu, il-kuntatti ta’ kartell dwar l-Ewropa saru b’mod ċar kemm fl-Asja kif ukoll fl-Ewropa. |
2.4. Destinatarji
(13) |
L-impriżi li ġejjin kisru l-Artikolu 101 tat-Trattat u l-Artikolu 53 tal-Ftehim ŻEE billi pparteċipaw, matul il-perjodi indikati, f’kumpless wieħed u kontinwu ta’ ftehimiet u prattiki miftiehma fis-settur ta’ tubi għall-istampa bil-kulur użati fi skrins tal-kompjuter
|
(14) |
L-impriżi li ġejjin kisru l-Artikolu 101 tat-Trattat u l-Artikolu 53 tal-Ftehim ŻEE billi pparteċipaw, matul il-perjodi indikati, f’kumpless wieħed u kontinwu ta’ ftehimiet u prattiki miftiehma fis-settur ta’ tubi bi stampa tal-kulur użati għal televixins tal-kulur:
|
2.5. Rimedji
(15) |
Id-Deċiżjoni tapplika għal-Linji Gwida tal-2006 dwar il-multi (2). |
2.5.1. L-ammont bażiku tal-multa
(16) |
L-ammont bażiku tal-multa li għandha tiġi imposta fuq l-impriżi kkonċernati għandu jiġu stabbiliti b’referenza għall-valur relevanti tal-bejgħ ta’ oġġetti jew servizzi mill-impriżi li l-ksur jirrelatata miegħu fiż-żona ġeografika relevanti taż-ŻEE. |
(17) |
Għall-fini tal-istabbiliment tal-valur tal-bejgħ f’dan il-każ, il-fatturat taż-ŻEE rilevanti jikkonsisti minn dak il-bejgħ fejn l-ewwel bejgħ “reali” ta’ CDT jew CPT – bħala tali jew integrata fi prodott finali ta’ kompjuter jew ta' televixin tal-kulur – li jkun sar fiż-ŻEE matul il-perjodu tal-ksur. Dan jinkludi kemm bejgħ dirett fiż-ŻEE (jiġifieri CDTs jew CPTs mibjugħa direttament lil klijenti fiż-ŻEE) u bejgħ dirett fiż-ŻEE permezz ta’ prodotti trasformati (jiġifieri CDTs jew CPTs inkorporati fost l-imprizi ta' grupp f''moniter tal-kompjuter jew tat-televixin tal-kulur finali u sussegwentement mibjugħ lil konsumaturi fiż-ŻEE) minn wieħed mid-destinatarji tad-Deċiżjoni jew l-impriża konġunta tagħhom. Bejgħ ta’ CDTs u CPTs lill-klijenti kienu parti minn diskussjonijiet ta’ kartell f’dan il-każ u għalhekk huma inklużi fil-valur tal-bejgħ. Għall-kalkolu ta’ valuri rispettivi ta’ bejgħ, il-valur tas-CDTs u s-CPTs huwa inkluż sakemm prodotti trasformati jinbiegħu mill-kartellist fiż-ŻEE lil klijenti mhux relatati. |
(18) |
Sabiex tidentifika l-valur rilevanti tal-bejgħ, il-Kummissjoni tieħu kunsiderazzjoni tal-bejgħ ta’ prodotti li kienu kkonsenjati fiż-ŻEE. Permezz ta’ dan, tiġi stabbilita rabta sħiħa maż-ŻEE, u b’hekk tiġi riflessa l-importanza ekonomika tal-ksur fiż-ŻEE. |
(19) |
F’dan il-każ huwa xieraq li jittieħed il-valur annwali medju tal-bejgħ (ibbażat fuq il-bejgħ reali matul iż-żmien kollu tal-ksur) bħala l-bażi tal-kalkolu tal-‘valur tal-bejgħ’ il-kalkolu, wara li kkunsidra li jkun hemm tnaqqis sinifikanti tal-bejgħ għall-impriżi kollha bejn il-bidu u t-tmiem tal-ksur kif ukoll il-varjazzjoni konsiderevoli tal-valur tal-bejgħ minn sena għall-oħra. |
(20) |
Meta titqies in-natura tal-ksur, l-ambitu ġeografiku u l-implimentazzjoni tagħhom il-perċentwal tal-ammont varjabbli tal-multa u l-ammont addizzjonali (“il-ħlas tad-dħul”) hu stabbilit għal 19 % tal-valur tal-bejgħ tal-kartell tas-CDT u 18% tal-valur tal-bejgħ għall-kartell tas-CPT għall-impriżi kollha indirizzati. |
(21) |
LGE pparteċipat direttament u permezz ta’ sussidjarji u Philips permezz ta’ sussidjarji fil-kartelli tas-CPT u CDT sal-aħħar ta’ Ġunju 2001, u minn hemm ’il quddiem it-tnejn li huma komplew jipparteċipaw permezz tal-impriża konġunta Philips/LGE. Panasonic ipparteċipat direttament u permezz ta’ sussidjarji u Toshiba direttament fil-kartell tas-CPT sal-aħħar ta’ Marzu 2003, u minn hemm ’il quddiem it-tnejn li huma komplew jipparteċipaw permezz tal-impriża konġunta MTPD. Konsegwentement, ammonti separati addizzjonali huma imposti biss fuq il-kumpaniji prinċipali tal-proġett konġunt relattiv, Philips, LGE, Panasonic u Toshiba. |
(22) |
F’dan il-każ, il-Kummissjoni tqis it-tul attwali ta’ parteċipazzjoni fil-ksur tal-impriżi involuti f’dan il-każ fuq tnaqqis kull xahar u bażi pro rata biex tqis b’mod sħiħ it-tul tal-parteċipazzjoni għal kull impriża, li twassal għall-multiplikaturi li ġejjin għal tul ta’ żmien ta’ parteċipazzjoni: |
A.
(a) |
Chunghwa Picture Tubes Co., Ltd., Chunghwa Picture Tubes (il-Malasja) Sdn. Bhd. u CPTF Optronics Co., Ltd. flimkien u separatament – 9.33; |
(b) |
Samsung SDI Co., Ltd, u Samsung SDI (il-Malasja) Berhad, flimkien u separatament – 9.25; |
(c) |
Koninklijke Philips Electronics NV, għall-perjodu qabel l-impriża konġunta Philips/LGE – 4.41; |
(d) |
LG Electronics Inc., għall-perjodu qabel l-impriża konġunta Philips/LGE – 4,66; |
(e) |
Koninklijke Philips Electronics NV u LG Electronics, Inc, għall-perjodu tal-impriża konġunta Philips/LGE – 4,5. |
B.
(a) |
Chunghwa Picture Tubes Co., Ltd., Chunghwa Picture Tubes (il-Malasja) Sdn. Bhd. u CPTF Optronics Co., Ltd. in solidum – 8; |
(b) |
Samsung SDI Co., Ltd, u Samsung SDI (il-Malasja) Berhad, in solidum – 8,91; |
(c) |
Koninklijke Philips Electronics NV, għall-perjodu qabel l-impriża konġunta Philips/LGE – 1,75; |
(d) |
LG Electronics Inc., għall-perjodu qabel l-impriża konġunta Philips/LGE – 3,5; |
(e) |
Koninklijke Philips Electronics NV u LG Electronics, Inc, għall-perjodu tal-impriża konġunta Philips/LGE – 4,5; |
(f) |
Technicolor SA – 6,41; |
(g) |
Panasonic Corporation, għall-perjodu qabel l-impriża konġunta MTPD – 3,66; |
(h) |
Toshiba Corporation, għall-perjodu qabel l-impriża konġunta MTPD – 2,83; |
(i) |
Panasonic Corporation, Toshiba Corporation u MT Picture Display Co., Ltd, għall-perjodu tal-impriża konġunta MTPD – 3,16. |
2.5.2. Aġġustamenti għall-ammont bażiku
(23) |
Ma hemm l-ebda ċirkustanza aggravanti jew mitiganti f'dan il-każ. |
2.5.3. Żieda speċifika bħala deterrent
(24) |
F’dan il-każ, multiplikatur ta’ deterrent tal-multi li għandhom jiġu imposti ta’ 1.1, huwa applikat għal Toshiba, u wieħed ta’ 1.2 huwa applikat għal Panasonic u MTPD. |
2.5.4. L-applikazzjoni tal-limitu tal-fatturat ta’ 10 %
(25) |
L-ammonti finali individwali tal-multi huma taħt l-10 % tal-fatturat dinji tal-impriżi indirizzati. |
2.5.5. Applikazzjoni tal-Avviż ta' Klemenza tal-2006
(26) |
Chunghwa kienet l-ewwel impriża li ppreżentat informazzjoni u evidenza li ssodisfat il-kundizzjonijiet tal-punt 8(a) tal-Avviż ta' Klemenza tal-2006. Il-multa imposta ġiet imnaqqsa b’100 % kemm għall-kartell tas-CDT u kemm għal tas-CPT. |
(27) |
Jingħata tnaqqis ta’ 40 % lil Samsung SDI tal-multi li kieku kienu jiġu imposti fuqha kemm rigward il-kartell tas-CDT kif ukoll tas-CPT. |
(28) |
Jingħata tnaqqis ta’ 30 % lil Philips tal-multi li kieku kienu jiġu imposti fuqha kemm rigward il-kartell tas-CDT kif ukoll tas-CPT. |
(29) |
Jingħata tnaqqis ta’ 10 % lil Technicolor tal-multi li kieku kienu jiġu imposti fuqha rigward il-kartell tas-CPT. |
(30) |
Il-Kummissjoni kkonkludiet li Panasonic u MTPD ma kkwalifikawx għal tnaqqis tal-multi. |
2.5.6. Inkapaċità li jsir il-pagament
(31) |
Impriża waħda invokat l-inkapaċità tagħha li tħallas taħt il-punt 35 tal-Linji Gwida dwar il-Multi tal-2006. Il-Kummissjoni qieset dawk id-dikjarazzjonijiet u analizzat bir-reqqa s-sitwazzjoni finanzjarja tal-impriża kif ukoll il-kuntest soċjali u ekonomiku speċifiku. Bħala riżultat tal-analiżi, il-Kummissjoni talbet tnaqqis tal-multa. |
3. MULTI IMPOSTI MID-DEĊIŻJONI
(32) |
Għall-ksur wieħed u kontinwu fir-rigward tas-settur ta’ tubi għall-istampa bil-kulur użati fi skrins tal-kompjuter ġew imposti l-multi li ġejjin:
|
(33) |
Għall-ksur wieħed u kontinwu fir-rigward tas-settur ta’ tubi għall-istampa bil-kulur użati f'televixins bil-kulur ġew imposti l-multi li ġejjin:
|