EUR-Lex Access to European Union law
This document is an excerpt from the EUR-Lex website
Document 62013TN0148
Case T-148/13: Action brought on 14 March 2013 — Kingdom of Spain v Commission
Kawża T-148/13: Rikors ippreżentat fl- 14 ta’ Marzu 2013 — Spanja vs Il-Kummissjoni
Kawża T-148/13: Rikors ippreżentat fl- 14 ta’ Marzu 2013 — Spanja vs Il-Kummissjoni
OJ C 123, 27.4.2013, p. 26–26
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
27.4.2013 |
MT |
Il-Ġurnal Uffiċjali tal-Unjoni Ewropea |
C 123/26 |
Rikors ippreżentat fl-14 ta’ Marzu 2013 — Spanja vs Il-Kummissjoni
(Kawża T-148/13)
2013/C 123/45
Lingwa tal-kawża: l-Ispanjol
Partijiet
Rikorrent: Ir-Renju ta’ Spanja (rappreżentant: S. Centeno Huerta)
Konvenuta: Il-Kummissjoni Ewropea
Talbiet
— |
tannulla l-avviż ta’ kompetizzjoni ġenerali EPSO/AST/125/12 — Assistenti (AST 3), u |
— |
tikkundanna lill-Kummissjoni għall-ispejjeż. |
Motivi u argumenti prinċipali
Spanja tikkontesta, skont l-Artikolu 263 TFUE, l-avviż ta’ kompetizzjoni msemmi hawn fuq minħabba ksur tal-Artikolu 22 tal-Karta tad-Drittijiet Fundamentali tal-Unjoni Ewropea, tal-Artikolu 342 TFUE, tal-Artikoli 1 u 6 tar-Regolament Nru 1 li jistabbilixxi l-lingwi li għandhom jintużaw mill-Komunità Ekonomika Ewropea (ĠU Edizzjoni Speċjali bil-Malti, Kapitolu 1, Vol. 1, p. 3), tal-Artikoli 1d u 27 tar-Regolamenti tal-Persunal u minħabba ksur tal-ġurisprudenza stabbilita fis-sentenza mogħtija fil-Kawża C-566/10 P L-Italja vs Il-Kummissjoni.
Insostenn tar-rikors tiegħu, l-Istat rikorrent jallega li l-avviż ta’ kompetizzjoni ikkontestat
— |
jittratta b’mod diskriminatorju lill-kandidati li l-ewwel lingwa tagħhom ma hijiex l-Ingliż, il-Franċiż jew il-Ġermaniż. |
— |
ma jiġġustifikax oġġettivament u b’mod konkret il-limitazzjoni tan-numru ta’ lingwi fid-dawl tal-pożizzjonijiet ta’ xogħol relatati. F’dan ir-rigward ma huwiex biżżejjed riferiment ġenerali għall-interessi tas-servizz. |
— |
ma jiggarantixxix li jintlaħaq l-għan li jintgħażlu l-kandidati li għandhom l-ogħla kwalitajiet ta’ kompetenza, ta’ effiċjenza u ta’ integrità. |
— |
jikser il-prinċipju ta’ proporzjonalità, billi ma jiggarantixxix bilanċ bejn l-effiċjenza tas-servizz u l-osservanza tal-prinċipju ta’ multilingwiżmu tal-Unjoni. |