Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62012TN0065

Kawża T-65/12 P: Appell ippreżentat fis- 16 ta’ Frar 2012 minn Guido Strack kontra d-digriet tat-Tribunal għas-Servizz Pubbliku tas- 7 ta’ Diċembru 2011 fil-Kawża F-44/05 RENV — Strack vs Il-Kummissjoni

OJ C 118, 21.4.2012, p. 27–28 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

21.4.2012   

MT

Il-Ġurnal Uffiċjali tal-Unjoni Ewropea

C 118/27

Appell ippreżentat fis-16 ta’ Frar 2012 minn Guido Strack kontra d-digriet tat-Tribunal għas-Servizz Pubbliku tas-7 ta’ Diċembru 2011 fil-Kawża F-44/05 RENV — Strack vs Il-Kummissjoni

(Kawża T-65/12 P)

2012/C 118/46

Lingwa tal-kawża: il-Ġermaniż

Partijiet

Appellant: Guido Strack (Köln, il-Ġermanja) (rappreżentant: H. Tettenborn, avukat)

Parti oħra fil-proċedura: Il-Kummissjoni Ewropea

Talbiet

—

tannulla, fl-intier tiegħu, id-digriet tat-Tribunal għas-Servizz Pubbliku (It-Tieni Awla) tas-7 ta’ Diċembru 2011 fil-Kawża F-44/05 RENV;

—

tikkundanna lill-konvenuta, skont it-talba tar-rikorrent fil-punt 1, A.4 tar-rikors ippreżentat minnu fil-21 ta’ Frar 2011, fil-kuntest tal-Kawża F-44/05 RENV, liema talba hija mmotivata fil-punti 78-85 tal-imsemmi rikors, tikkumpensa d-danni mġarrba minħabba tul eċċessiv ta’ proċeduri, fis-sens tal-Artikolu 6 KEDB, għal ammont ta’ EUR 2 500;

—

tikkundanna lill-Kummissjoni għall-ispejjeż kollha tal-proċeduri.

Aggravji u argumenti prinċipali

Insostenn tal-appell tiegħu, l-appellant jinvoka erba’ aggravji.

(1)

L-ewwel aggravju huwa bbażat fuq ksur tal-prinċipju ta’ qorti stabbilita mil-liġi, tal-Artikolu 6(1) tal-Konvenzjoni Ewropea tad-Drittijiet tal-Bniedem (KEDB), tat-tieni paragrafu tal-l-Artikolu 47 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”) u tal-Artikolu 4(4) tal-Anness I tal-Istatut tal-Qorti tal-Ġustizzja tal-Unjoni Ewropea.

—

Fil-kuntest ta’ tali aggravju, l-appellant jilmenta li l-proċeduri ġew inizjalment assenjati lil awla oħra tat-Tribunal għas-Servizz Pubbliku (TSP) u li, għall-assenjazzjoni suċċessiva, ma hemmx il-bażi legali neċessarja.

(2)

It-tieni aggravju huwa bbażat fuq ksur tal-Artikolu 8(2) tal-Anness I tal-Istatut tal-Qorti tal-Ġustizzja, kif ukoll tal-Artikolu 73 tar-Regoli tal-Proċedura tat-TSP

—

Fil-kuntest ta’ tali motiv, l-appellant isostni li, fir-rigward tat-talba tiegħu li huwa ressaq mhux fir-rikors promotur iżda f’dikjarazzjoni sussegwenti, ma jistax jingħata digriet ta’ rinviju separat, minħabba n-nuqqas tal-awtonomija u tan-natura separabbli tal-imsemmija talba.

(3)

It-tielet aggravju huwa bbażat fuq ksur tal-Artikolu 8(2) tal-Anness I tal-Istatut tal-Qorti tal-Ġustizzja u tal-Artikolu 73 tar-Regoli tal-Proċedura tat-TSP

—

L-appellant isostni li l-kwistjoni toriġina mir-relazzjoni ta’ xogħol tiegħu, u għalhekk, skont l-Artikolu 1 tal-Anness I tal-Istatut tal-Qorti tal-Ġustizzja, huwa kompetenti t-Tribunal għas-Servizz Pubbliku.

(4)

Ir-raba’ aggravju huwa bbażat fuq ksur tal-Artikolu 6(1) KEDB u tal-Artikolu 47 tal-Karta

—

Fl-aħħar nett, l-appellant isostni li, permezz tal-proċeduri tiegħu, it-Tribunal għas-Servizz Pubbliku kiser il-prinċipji tad-dritt għal smigħ u tal-kontradittorju u ttrattah b’mod inġust.
Top