Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2010/107/09

Notifika minn qabel ta' konċentrazzjoni (Każ COMP/M.5786 – Française des Jeux/Groupe Lucien Barrière/JV) – Każ li jista' jiġi kkunsidrat għal proċedura simplifikata Test b’relevanza għaż-ŻEE

OJ C 107, 27.4.2010, p. 16–16 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

27.4.2010   

MT

Il-Ġurnal Uffiċjali tal-Unjoni Ewropea

C 107/16

Notifika minn qabel ta' konċentrazzjoni

(Każ COMP/M.5786 – Française des Jeux/Groupe Lucien Barrière/JV)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2010/C 107/09

1.

Fl-19 ta’ April 2010, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) (“ir-Regolament”), li permezz tagħha l-impriżi la Française des Jeux (“FDJ”, Franza) u Groupe Lucien Barrière (“GLB”, Franza) jakkwistaw skont it-tifsira tal-Artikolu 3(1)(b) tar-Regolament, kontroll konġunt tal-impriża Newco (“Newco”, Franza), permezz tal-akkwist ta’ ishma f’kumpanija ġdida li tikkostitwixxi impriża konġunta.

2.

L-attivitajiet kummerċjali tal-impriżi kkonċernati huma:

—

FDJ: operatur li ilu stabbilit li joffri servizzi tal-logħob tal-ażżard u l-imħatri fi Franza,

—

GLB: GLB, ikkontrollata b'mod konġunt minn Accor u l-familja Barrière-Desseigne, hija grupp attiv fis-setturi tal-amministrazzjoni tal-każinos, lukandi u talassoterapija, il-kejtering, l-amministrazzjoni ta' golf courses u l-organizzazzjoni ta' okkażjonijiet, l-iktar fi Franza. GLB tipprovdi wkoll offerta ta' onlajn poker f'Malta u fir-Renju Unit,

—

Newco: impriża konġunta nkarigata bil-ħolqien u l-isfruttar ta' sit tal-internet ta' onlajn poker fi Franza wara l-ftuħ għall-kompetizzjoni tas-suq Franċiż għall-logħob tal-flus u tal-ażżard fuq l-internet. Newco se tikkumerċjalizza wkoll logħob ta' onlajn poker u softwer għall-multimidja mmirati għall-ħolqien ta' pjattaformi li minnhom il-logħob ikun aċċessibbli għall-utenti tal-internet.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5786 – Française des Jeux/Groupe Lucien Barrière/JV, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).

Top