EUR-Lex Access to European Union law
This document is an excerpt from the EUR-Lex website
Document 32020R1199
Commission Implementing Regulation (EU) 2020/1199 of 13 August 2020 amending Annex VI to Implementing Regulation (EU) 2019/2072 to temporarily prohibit the introduction into the Union of certain fruits originating in Argentina to prevent the introduction into and the spread within the Union of Phyllosticta citricarpa (McAlpine) Van der Aa
Regolament ta’ Implimentazzjoni tal-Kummissjoni (UE) 2020/1199 tat-13 ta’ Awwissu 2020 li jemenda l-Anness VI tar-Regolament ta’ Implimentazzjoni (UE) 2019/2072 ħalli ssir projbizzjoni temporanja fuq l-introduzzjoni fl-Unjoni ta’ ċertu frott li joriġina mill-Arġentina ħalli jkunu evitati l-introduzzjoni u t-tixrid fl-Unjoni tal-Phyllosticta citricarpa (McAlpine) Van der Aa
Regolament ta’ Implimentazzjoni tal-Kummissjoni (UE) 2020/1199 tat-13 ta’ Awwissu 2020 li jemenda l-Anness VI tar-Regolament ta’ Implimentazzjoni (UE) 2019/2072 ħalli ssir projbizzjoni temporanja fuq l-introduzzjoni fl-Unjoni ta’ ċertu frott li joriġina mill-Arġentina ħalli jkunu evitati l-introduzzjoni u t-tixrid fl-Unjoni tal-Phyllosticta citricarpa (McAlpine) Van der Aa
OJ L 267, 14.8.2020, p. 3–4
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
14.8.2020 |
MT |
Il-Ġurnal Uffiċjali tal-Unjoni Ewropea |
L 267/3 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1199
tat-13 ta’ Awwissu 2020
li jemenda l-Anness VI tar-Regolament ta’ Implimentazzjoni (UE) 2019/2072 ħalli ssir projbizzjoni temporanja fuq l-introduzzjoni fl-Unjoni ta’ ċertu frott li joriġina mill-Arġentina ħalli jkunu evitati l-introduzzjoni u t-tixrid fl-Unjoni tal-Phyllosticta citricarpa (McAlpine) Van der Aa
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE. (1), u b’mod partikolari l-Artikolu 40(3) tiegħu,
Billi:
(1) |
L-Artikolu 7 tar-Regolament ta’ Implimentazzjoni tal-Kummissjoni (UE) 2019/2072 (2), flimkien mal-Anness VI ta’ dak ir-Regolament, jistabbilixxi lista ta’ pjanti, prodotti mill-pjanti u oġġetti oħra li l-introduzzjoni tagħhom fit-territorju tal-Unjoni hi pprojbita, flimkien mal-pajjiżi terzi, gruppi ta’ pajjiżi terzi jew żoni speċifiċi ta’ pajjiżi terzi li għalihom tapplika l-projbizzjoni, kif previst fl-Artikolu 40(2) tar-Regolament (UE) 2016/2031. |
(2) |
Id-Deċiżjoni ta’ Implimentazzjoni tal-Kummissjoni (UE) 2016/715 (3) tistabbilixxi miżuri fir-rigward tal-frott ta’ Citrus L., Fortunella Swingle, Poncirus Raf., u l-ibridi tagħhom, għajr il-frott ta’ Citrus aurantium L. u Citrus latifolia Tanaka, li joriġinaw mill-Arġentina, mill-Brażil, mill-Afrika t’Isfel jew mill-Urugwaj, biex tipprevjeni l-introduzzjoni u t-tixrid fl-Unjoni ta’ Phyllosticta citricarpa (McAlpine) Van der Aa (“il-pest speċifikat”). |
(3) |
F’Mejju, f’Ġunju, f’Lulju u fl-ewwel ġimgħa ta’ Awwissu 2020, l-Istati Membri nnotifikaw b’mod rikorrenti lill-Kummissjoni b’interċezzjonijiet tal-pest speċifikat fuq il-frott ta’ Citrus limon (L.) N. Burm.f. u Citrus sinensis (L.) Osbeck li joriġina mill-Arġentina (“il-frott speċifikat”), misjuba waqt l-ispezzjonijiet tagħhom tal-importazzjonijiet. |
(4) |
Dawk l-interċettazzjonijiet rikorrenti juru li s-salvagwardji fitosanitarji fis-seħħ bħalissa fl-Arġentina mhumiex biżżejjed biex jipprevjenu l-introduzzjoni tal-pest speċifikat fl-Unjoni. Għaldaqstant, hemm riskju fitosanitarju inaċċettabbli minħabba l-preżenza tal-pest speċifikat fil-frott speċifikat, u dak ir-riskju ma jistax jitnaqqas għal livell aċċettabbli b’xi waħda mill-miżuri stabbiliti fil-punti 2 u 3 tat-Taqsima 1 tal-Anness II tar-Regolament (UE) 2016/2031. |
(5) |
Minħabba f’hekk, l-introduzzjoni fl-Unjoni tal-frott speċifikat jenħtieġ tiġi pprojbita temporanjament, irrispettivament minn jekk ikunx destinat esklussivament għall-ipproċessar industrijali tal-meraq jew le. |
(6) |
Dik il-projbizzjoni temporanja jenħtieġ tapplika sat-30 ta’ April 2021 biex tindirizza r-riskju kontinwu tal-introduzzjoni u t-tixrid fl-Unjoni tal-pest speċifikat, biex l-Arġentina tkun tista’ taġġorna s-sistema taċ-ċertifikazzjoni tagħha u tiġi awditjata mill-Kummissjoni. Dik id-data jenħtieġ tiġi riveduta skont il-bżonn, abbażi tas-sejbiet tal-awditu. |
(7) |
Għalhekk l-Anness VI tar-Regolament ta’ Implimentazzjoni 2019/2072 jenħtieġ jiġi emendat skont dan, filwaqt li d-Deċiżjoni ta’ Implimentazzjoni (UE) 2016/715 jenħtieġ tibqa’ tapplika għall-frott u l-pajjiżi terzi kollha kkonċernati. |
(8) |
Minħabba l-ħtieġa urġenti li jiġi indirizzat ir-riskju fitosanitarju kkawżat mill-pest speċifikat u l-frott speċifikat, dan ir-Regolament jenħtieġ jidħol fis-seħħ fit-tieni jum wara dak tal-pubblikazzjoni tiegħu. |
(9) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda għall-Anness VI tar-Regolament ta’ Implimentazzjoni (UE) 2019/2072
Fl-Anness VI tad-Deċiżjoni ta’ Implimentazzjoni (UE) 2019/2072, tiżdied ir-ringiela li ġejja:
“21. |
Citrus limon (L.) N. Burm.f. u Citrus sinensis (L.) Osbeck (sat-30 ta’ April 2021) |
ex 0805 50 10 0805 10 22 0805 10 24 0805 10 28 ex 0805 10 80 |
L-Arġentina”. |
Artikolu 2
Dħul fis-seħħ
Dan ir-Regolament għandu jidħol fis-seħħ fit-tieni jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta’ Awwissu 2020.
Għall-Kummissjoni
Il-President
Ursula VON DER LEYEN
(1) ĠU L 317, 23.11.2016, p. 4.
(2) Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1).
(3) Id-Deċiżjoni ta’ Implimentazzjoni tal-Kummissjoni (UE) 2016/715 tal-11 ta’ Mejju 2016 li tistabbilixxi miżuri fir-rigward ta’ ċertu frott f’xi pajjiżi terzi biex jipprevjenu l-introduzzjoni fl-Unjoni u t-tixrid tal-organiżmu ta’ ħsara Phyllosticta citricarpa (McAlpine) Van der Aa (ĠU L 125, 13.5.2016, p. 16).