Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32014R0275

Regolament ta’ Delega tal-Kummissjoni (UE) Nru 275/2014 tas- 7 ta’ Jannar 2014 li jemenda l-Anness I tar-Regolament (UE) Nru 1316/2013 tal-Parlament Ewropew u tal-Kunsill li jistabbilixxi l-Faċilità Nikkollegaw l-Ewropa Test b’relevanza għaż-ŻEE

OJ L 80, 19.3.2014, p. 1–4 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2014/275/oj

19.3.2014   

MT

Il-Ġurnal Uffiċjali tal-Unjoni Ewropea

L 80/1

REGOLAMENT TA’ DELEGA TAL-KUMMISSJONI (UE) Nru 275/2014

tas-7 ta’ Jannar 2014

li jemenda l-Anness I tar-Regolament (UE) Nru 1316/2013 tal-Parlament Ewropew u tal-Kunsill li jistabbilixxi l-Faċilità Nikkollegaw l-Ewropa

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1316/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi l-Faċilità Nikkollegaw l-Ewropa, li jemenda r-Regolament (UE) Nru 913/2010 u li jħassar ir-Regolamenti (KE) Nru 680/2007 u (KE) Nru 67/2010 (1), u b’mod partikulari l-Artikolu 21 tiegħu,

Billi:

(1)

Skont l-Artikolu 21(3) tar-Regolament (UE) Nru 1316/2013, fi żmien l-ewwel sena wara d-dħul fis-seħħ ta’ dan ir-Regolament, il-Kummissjoni għandha s-setgħa tadotta atti delegati li jagħtu d-dettalji dwar il-prijoritajiet tal-finanzjament tat-trasport biex ikunu riflessi fil-programmi ta’ ħidma għat-tul kollu tas-CEF għal azzjonijiet eliġibbli skont l-Artikolu 7(2). Għalhekk hemm bżonn li l-att delegat li jiddettalja l-prijoritajiet tal-finanzjament tat-trasport jiġi adottat qabel l-adozzjoni tal-programmi ta’ ħidma.

(2)

Skont l-Artikolu 21(3), il-prijoritajiet tal-finanzjament tat-trasport għandhom iqisu l-azzjonijiet eliġibbli li jikkontribwixxu għall-proġetti ta’ interess komuni skont ir-Regolament (UE) Nru 1315/2013 tal-Parlament Ewropew u tal-Kunsill (2), elenkati skont l-Artikolu 7(2) tar-Regolament (UE) Nru 1316/2013

(3)

L-azzjonijiet eliġibbli elenkati fl-Artikolu 7(2) tar-Regolament (UE) Nru 1316/2013 huma deskritti iktar fid-dettall fl-Artikoli 10 u 11 ta’ dak ir-Regolament li jipprovdu rati ta’ finanzjament massimu applikabbli għal dawk l-azzjonijiet. Għalhekk huwa xieraq li jkun hemm referenza għall-azzjonijiet kif elenkati f’dawk l-Artikoli sabiex jingħataw id-dettalji tal-prijoritajiet tal-finanzjament tat-trasport.

(4)

Il-proġetti ta’ interess komuni kif elenkati fil-Parti I tal-Anness I tar-Regolament (UE) Nru 1316/2013 huma eliġibbli għall-programmi ta’ ħidma multiannwali msemmija fl-Artikolu 17(3) ta’ dak ir-Regolament. Il-proġetti mhux elenkati fil-Parti I tal-Anness I iżda eliġibbli skont l-Artikolu 7(2) ta’ dak ir-Regolament huma eliġibbli li jaqgħu taht il-programmi ta’ ħidma annwali.

(5)

Waqt li jiġi kkunsidrat li l-Artikolu 21(3) tar-Regolament (UE) Nru 1316/2013 jirreferi għall-għanijiet speċifiċi tat-trasport tal-Artikolu 4(2) ta’ dak ir-Regolament, huwa xieraq li wieħed jirreferi għal dawk l-għanijiet għall-fini ta’ dan ir-Regolament.

(6)

Waqt li jiġi kkunsidrat li l-istrumenti finanzjarji għandhom jirċievu kontribuzzjoni tal-UE taħt programmi ta’ ħidma annwali, huwa xieraq li hawn tiġi inkluża prijorità korrispondenti.

(7)

L-azzjonijiet jappoġġaw il-programmi elenkati fl-Artikolu 5(2)(b) tar-Regolament (UE) Nru 1316/2013, li jikkonsistu fl-ispejjeż ta’ assistenza teknika u amministrattiva mġarrba mill-Kummissjoni għall-ġestjoni tal-Faċilità Nikkollegaw l-Ewropa u limitata għal 1 % tal-pakkett finanzjarju, ma jkunux koperti mill-programmi ta’ ħidma. Madankollu l-azzjonijiet li jappoġġaw il-programmi u li jikkontribwixxu għall-proġetti ta’ interess komuni kif previst fl-Artikolu 7(2) u msemmija fl-Artikolu 5(2)(a) tar-Regolament (UE) Nru 1316/2013 se jkunu koperti mill-programmi ta’ ħidma u huma inklużi hawnhekk flimkien ma’ prijorità korrispondenti.

(8)

Ir-riżorsi kollha msemmija fl-Artikolu 5(1)(a) tar-Regolament (UE) Nru 1316/2013, inklużi r-riżorsi trasferiti mill-Fond ta’ Koeżjoni se jkunu koperti taħt l-istess programmi ta’ ħidma. Skont l-Artikolu 11 ta’ dak ir-Regolament, ir-riżorsi trasferiti mill-Fond ta’ Koeżjoni ser ikunu suġġetti għal sejħiet speċifiċi għall-proposti.

(9)

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea biex jippermetti l-adozzjoni f’waqtha tal-atti ta’ implimentazzjoni stipulati fl-Artikolu 17(3) tar-Regolament (UE) Nru 1316/2013.

ADOTTAT DAN IR-REGOLAMENT:

Artikolu 1

It-test stipulat fl-Anness ta’ dan ir-Regolament jiżdied bħala Parti VI fl-Anness I tar-Regolament (UE) Nru 1316/2013.

Artikolu 2

Dan ir-Regolament għandu jidħol fis-seħħ fl-ewwel jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-7 ta’ Jannar 2014.

Għall-Kummissjoni

Il-President

José Manuel BARROSO

(1)  ĠU L 348, 20.12.2013, p. 129.

(2)  Ir-Regolament (UE) Nru 1315/2013 tal-Parlament Ewropew u tal-Kunsill tal-11 ta’ Diċembru 2013 l-linji gwida għall-iżvilupp ta’ netwerk ta’ trasport trans-Ewropew li jħassar id-Deċiżjoni Nru 661/2010/UE (ĠU L 348, 20.12.2013, p. 1).

ANNESS

Fl-Anness I tar-Regolament (UE) Nru 1316/2013 il-Parti VI li ġejja għandha tiżdied:

“PARTI VI

IL-PRIJORITAJIET TAL-FINANZJAMENT TAT-TRASPORT GĦALL-FINI TAL-PROGRAMMI TA’ ĦDIMA MULTIANNWALI U ANNWALI

1.   Il-prijoritajiet tal-finanzjament għall-programmi ta’ ħdima multiannwali u annwali

1.1.

Il-prijoritajiet ta’ finanzjament bl-iskop li jinħolqu konnessjonijiet nieqsa u jitneħħew il-punti ta’ konġestjoni, li tittejjeb l-interoperabbiltà ferrovjarja, u, b’mod partikolari, li jittejbu t-taqsimiet transkonfinali:

(i)

Proġetti identifikati bil-quddiem fuq il-Kurituri tan-Netwerk Ewlieni (il-ferroviji, il-passaġġi fuq l-ilma interni, it-toroq, u l-portijiet marittimi u interni).

(ii)

Proġetti identifikati bil-quddiem dwar sezzjonijiet oħra tan-Netwerk Ewlieni (il-ferroviji, il-passaġġi fuq l-ilma interni, it-toroq, il-portijiet marittimi u interni).

(iii)

L-interoperabilità ferrovjarja.

(iv)

Tnedija tal-ERTMS.

1.2.

Il-prijoritajiet ta’ finanzjament bl-iskop biex jiġu żgurati sistemi ta’ trasport sostenibbli u effiċjenti fuq medda twila ta’ żmien, bil-ħsieb li jkun hemm tħejjija għall-flussi futuri tat-trasport mistennija, kif ukoll li jippermettu li l-modi kollha tat-trasport jiġu dekarbonizzati permezz ta’ tranżizzjoni lejn teknoloġiji innovattivi tat-trasport b’livell baxx ta’ karbonju u effiċjenti fl-użu tal-enerġija, filwaqt li tiġi ottimizzata s-sikurezza:

(i)

It-tnedija ta’ teknoloġiji ġodda u tal-innovazzjoni fil-modi kollha tat-trasport, b’enfasi fuq id-dekarbonizzazzjoni, is-sikurezza u t-teknoloġiji innovattivi għall-promozzjoni tas-sostenibbiltà, l-operazzjoni, il-ġestjoni, l-aċċessibbiltà, il-multimodalità u l-effiċjenza tan-netwerk.

(ii)

Infrastruttura b’sigurtà u sikurezza, inklużi parkings b’sigurtà u sikurezza fuq in-Network Ewlieni tat-toroq.

1.3.

Il-prijoritajiet ta’ finanzjament bl-iskop li tittejjeb kemm jista’ jkun l-integrazzjoni u l-interkonnessjonijiet bejn il-mezzi ta’ trasport, u tittejjeb l-interoperabbiltà tas-servizzi ta’ trasport, filwaqt li tiġi żgurata l-aċċessibbiltà tal-infrastrutturi tat-trasport:

(i)

Ajru Uniku Ewropew – SESAR.

(ii)

Servizzi ta’ Informazzjoni dwar ix-Xmajjar.

(iii)

Sistemi tat-Trasport Intelliġenti għat-toroq.

(iv)

Sistemi ta’ Monitoraġġ tat-Traffiku tal-Bastimenti u ta’ Informazzjoni.

(v)

Awtostradi tal-baħar.

(vi)

Azzjonijiet li jimplimentaw l-infrastruttura tat-trasport f’nodi tan-Netwerk Ewlieni, inkluż in-nodi urbani.

(vii)

Konnessjonijiet mal-pjataformi loġistiċi multimodali u l-iżvilupp tal-pjattaformi.

1.4.

Azzjonijiet ta’ appoġġ għall-programmi.

2.   Il-prijoritajiet tal-finanzjament għall-programmi ta’ ħdima annwali

2.1.

Il-prijoritajiet ta’ finanzjament bl-iskop li jitneħħew l-ostakli, li tittejjeb l-interoperabbiltà ferrovjarja, li jinħolqu l-konnessjonijiet nieqsa u, b’mod partikolari, li jittejbu t-taqsimiet transkonfinali:

(i)

Il-ferroviji, il-passaġġi fuq l-ilma interni u l-proġetti ta’ toroq fuq in-Netwerk Ewlieni inklużi l-konnessjonijiet mal-portijiet interni u marittimi u mal-ajruporti, kif ukoll l-iżvilupp tal-portijiet.

(ii)

Proġetti identifikati fuq in-Netwerk Komprensiv (il-ferroviji, il-passaġġi fuq l-ilma interni, it-toroq, il-portijiet marittimi u interni).

(iii)

Proġetti li jgħaqqdu n-netwerk ta’ trasport trans-Ewropew ma’ netwerks tal-infrastruttura ta’ pajjiżi ġirien, b’mod partikolari relatati ma’ taqsimiet transkonfinali (il-ferroviji, il-passaġġ tal-ilma interni, it-toroq, il-portijiet marittimi u interni).

2.2.

Il-prijoritajiet ta’ finanzjament bl-iskop biex jiġu żgurati sistemi ta’ trasport sostenibbli u effiċjenti fuq medda twila ta’ żmien, bil-ħsieb li jkun hemm tħejjija għall-flussi futuri tat-trasport mistennija, kif ukoll li jippermettu li l-modi kollha tat-trasport jiġu dekarbonizzati permezz ta’ tranżizzjoni lejn teknoloġiji innovattivi tat-trasport b’livell baxx ta’ karbonju u effiċjenti fl-użu tal-enerġija, filwaqt li tiġi ottimizzata s-sikurezza:

(i)

It-tnedija ta’ teknoloġiji ġodda u tal-innovazzjoni, minbarra dawk koperti mill-Programm ta’ Ħidma multiannwali.

(ii)

Servizzi tat-Trasport tal-Merkanzija.

(iii)

Azzjonijiet sabiex jitnaqqas l-istorjbu li joħroġ mill-ferroviji li jġorru l-merkanzija inkluż it-twaħħil ta’ tagħmir apposta mal-vetturi kollha li joperaw fuq il-linji tal-ferroviji.

2.3.

Il-prijoritajiet ta’ finanzjament bl-iskop li tittejjeb kemm jista’ jkun l-integrazzjoni u l-interkonnessjonijiet bejn il-mezzi ta’ trasport, u tittejjeb l-interoperabbiltà tas-servizzi ta’ trasport, filwaqt li tiġi żgurata l-aċċessibbiltà tal-infrastrutturi tat-trasport:

(i)

Sistemi ta’ applikazzjonijiet telematiċi barra dawk koperti mill-Programm ta’ Ħidma multiannwali.

(ii)

Azzjonijiet għal aċċessibilità aħjar għall-infrastruttura tat-trasport għall-persuni b’diżabilità.

(iii)

Azzjonijiet li jimplimentaw l-infrastruttura tat-trasport f’nodi tan-Netwerk Ewlieni, inkluż in-nodi urbani.

(iv)

Konnessjonijiet mal-pjataformi loġistiċi multimodali u l-iżvilupp tal-pjattaformi.

2.4.

Strumenti finanzjarji tas-CEF

(i)

Kontribuzzjoni lill-istrumenti finanzjarji, kif definit fl-Artikolu 14 u l-Parti III tal-anness tas-CEF.

(ii)

Azzjonijiet li jappoġġaw il-programm għall-istrumenti finanzjarji innovattivi.”
Top